Bigg Boss Kannada: ಹನುಮಂತನ ಬುದ್ಧಿವಂತಿಕೆ ಪ್ರಶ್ನೆ ಮಾಡಿದ ಯೋಗರಾಜ್‌ ಭಟ್‌; ಮನೆಯವರ ಅಭಿಪ್ರಾಯ ಕೇಳಿ ಮಂಕಾಗಿ ನಿಂತ ಹನುಮಂತ
Bigg Boss Kannada 11: ಬಿಗ್‌ ಬಾಸ್‌ ಮನೆಗೆ ಹನುಮಂತ ಬಂದು ಒಂದು ವಾರಗಳಾಯ್ತು. ಆದರೆ ಮನೆಯ ಒಳಗಡೆ ಹಾಗೂ ಹೊರಗಡೆ ಹನುಮಂತ ಬೇಕು ಎಂದೇ ಮುಗ್ಧನಂತೆ ನಾಟಕ ಮಾಡುತ್ತಾನಾ? ಅಥವಾ ಅವನು ಇರೋದೇ ಹಾಗಾ ಎನ್ನುವ ಪ್ರಶ್ನೆಗಳು ಉದ್ಭವವಾಗಿದೆ.
ಬಿಗ್‌ ಬಾಸ್‌ನಲ್ಲಿ ಈ ವಾರ ವಾರದ ಕಥೆ ಇಚ್ಚನ ಜೊತೆ ಇಲ್ಲ. ಬದಲಾಗಿ ಯೋಗರಾಜ ಭಟ್ಟರ ಜೊತೆ ನಡೆಯುತ್ತಿದೆ. ಸುದೀಪ್ ಅವರು ಮಾತೃವಿಗೋದಲ್ಲಿರುವ ಕಾರಣ ಈ ಬಾರಿ ಶೂಟಿಂಗ್‌ಗೆ ಬರಲು ಸಾಧ್ಯವಾಗುತ್ತಿಲ್ಲ. ಹಾಗಾಗಿ ಈ ವಾರ ಯಾರು ಈ ಪಂಚಾಯ್ತಿಯನ್ನು ನಡೆಸುತ್ತಾರೆ ಎಂಬ ಕುತೂಹಲ ಹಲವರಿಗಿತ್ತು. ಅದಕ್ಕೆ ಉತ್ತರ ಎಂಬಂತೆ ಯೋಗರಾಜ ಭಟ್ಟರು ಬಂದಿದ್ದಾರೆ. ಮನೆಯ ಗಾರ್ಡನ್‌ ಏರಿಯಾದಲ್ಲಿ ಈ ವಾರ ಪಂಚಾಯ್ತಿಯನ್ನು ನಡೆಸಲಾಗುತ್ತಿದೆ.
ಹನುಮಂತ ನಿಜವಾಗಿಯೂ ಮುಗ್ಧನಾ ಅಥವಾ ತುಂಬಾ ಜಾಣನಾ? ಎಂದು ಪ್ರಶ್ನೆ ಕೇಳಲಾಗಿದೆ. ಆಗ ಮನೆಯವರು ಉತ್ತರ ನೀಡಿದ್ದಾರೆ. ಒಬ್ಬೊಬ್ಬರೂ ಒಂದೊಂದು ರೀತಿಯಲ್ಲಿ ಉತ್ತರಿಸಿದ್ದಾರೆ. ಇನ್ನು ಆ ಪ್ರಶ್ನೆ ಕೇಳುವ ಸಂದರ್ಭದಲ್ಲಿ ಹನುಮಂತ ನಿಂತುಕೊಂಡು ಸುಮ್ಮನೆ ಎಲ್ಲವನ್ನೂ ಆಲಿಸುತ್ತಾ ಇದ್ದಾನೆ. ಶಿಶಿರ್ ಮತ್ತು ತ್ರಿವಿಕ್ರಂ ಮಾತನಾಡಿದ್ದಾರೆ. ಶಿಶಿರ್ ಹೇಳುವ ಪ್ರಕಾರ ಹನುಮಂತ ದಡ್ಡನಂತೂ ಅಲ್ಲ. ಇನ್ನು ತ್ರಿವಿಕ್ರಂ ಹೇಳುವ ಪ್ರಕಾರ ಅಷ್ಟು ಜಾಣತನ ಇಲ್ಲದೆ ಇಷ್ಟೊಂದು ಶೋಗಳನ್ನು ಗೆದ್ದುಕೊಂಡು ಇಲ್ಲಿವರೆಗು ಬರೋಕೆ ಆಗ್ತಾ ಇರ್ಲಿಲ್ಲ. ಖಂಡಿತ ಹನುಮಂತ ಒಬ್ಬ ಬುದ್ಧಿವಂತ ಎಂದು ಹೇಳುತ್ತಾರೆ.
“ತಲೆ ಇದ್ದೇ ಅವನು ಬಂದಿದಾನೆ, ತಲೆ ಇದ್ದೇ ಆಟ ಆಡ್ತಿದಾನೆ, ತಲೆ ಇದ್ದೇ ಇದಾನೆ” ಎಂದು ತ್ರಿವಿಕ್ರಂ ಹೇಳುತ್ತಾರೆ. ಆ ನಂತರದಲ್ಲಿ ಅದೇ ಪ್ರಶ್ನೆಯನ್ನು ಹನುಮಂತನಿಗೂ ಕೇಳುತ್ತಾರೆ. ನೀನು ಬಹಳ ಕಂತ್ರಿ ಅಥವಾ ಕಥರ್ನಾಕ್‌ ಇದೀಯಾ ಅಂದ್ರೆ ಹೇಳಬೇಕು ಎಂದು ಯೋಗರಾಜ ಭಟ್‌ ಹೇಳುತ್ತಾರೆ. ಇವಿಷ್ಟನ್ನು ನಾವು ಇಂದು ಬಿಡುಗಡೆಯಾದ ಪ್ರೋಮೊದಲ್ಲಿ ನೋಡಬಹುದು.
ಹನುಮಂತ ಈ ಮನೆಯನ್ನು ಅಥವಾ ಈ ಆಟವನ್ನು ದುರ್ಬಳಕೆ ಮಾಡಿಕೊಳ್ಳುತ್ತಾ ಇದ್ದಾನೆ ಎಂದು ನಿಮಗೆ ಅನಿಸುತ್ತಾ ಎಂದು ಮನೆಮಂದಿಗೆ ಪ್ರಶ್ನೆ ಇಟ್ಟಿದ್ದಾರೆ. ಇನ್ನು ಈ ಪ್ರೋಮೊ ಬಿಡುಗಡೆಯಾಗುತ್ತಿದ್ದಂತೆ ಸಾಕಷ್ಟು ಜನ ಹನುಮಂತನ ಪರ, ವಿರೋಧ ಮಾತುಗಳನ್ನಾಡಿದ್ದಾರೆ.
“ಹನುಮಂತ ದಡ್ಡನಲ್ಲ ನಿಜ ಆದರೆ ಆತನಿಂದ ಯಾರಿಗೂ ಹಾನಿಯಾಗಿಲ್ಲ, ತಮಾಷೆ ಮಾಡ್ತಾ ಎಲ್ಲರ ಬಣ್ಣ ಬಯಲು ಮಾಡುವ ಪ್ರಯತ್ನ ಅಷ್ಟೇ. ಆತನಿಂದ ಬಿಗ್ಬಾಸ್ ವೀಕ್ಷಕರಿಗೆ ಸ್ವಲ್ಪವಾದರೂ ನಗು ಬರ್ತಾ ಇದೆ” ಎಂದು ಸುನಿತಾ ಶೆಟ್ಟಿ ಕಾಮೆಂಟ್ ಮಾಡಿದ್ದಾರೆ.
“ಕಲಾವಿದ ನಮ್ಮ ಹನುಮಂತ ಹಳ್ಳಿ ಜನರನ್ನು ಕರೆಸಿ ಈ ರೀತಿ ಅವರನ್ನು ಆಟ ಆಡಿಸಬೇಡಿ bigg boss” ಎಂದು ನಾಗರತ್ನ ಎಸ್‌ ಪಿ ಕಾಮೆಂಟ್ ಮಾಡಿದ್ದಾರೆ.
