Lakshmi Baramma: ಕಾವೇರಿ ವಿರುದ್ಧ ಸಾಕ್ಷಿ ಹುಡುಕಿದ ಲಕ್ಷ್ಮೀ; ಈ ಬಾರಿಯಾದ್ರೂ ಅಂತ್ಯವಾಗುತ್ತಾ ನಾಟಕ?
ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಲಕ್ಷ್ಮೀ ಈಗ ಕಾವೇರಿ ವಿರುದ್ದ ಸಾಕ್ಷಿ ಕಂಡುಕೊಂಡಿದ್ದಾಳೆ. ಎಲ್ಲರ ಎದುರು ಸತ್ಯ ಹೇಳುವಂತೆ ಲೇಡಿ ಡಾಕ್ಟರ್‌ಗೆ ಹೇಳಿದ್ದಾಳೆ. ಸತ್ಯ ಹೇಳದೆ ಇದ್ದರೆ ಜೈಲೇ ಗತಿ ಎಂದು ಹೆದರಿಸಿದ್ದಾಳೆ.
ಕಾವೇರಿ ಇಷ್ಟೂ ದಿನ ಲಕ್ಷ್ಮೀಯನ್ನು ತುಂಬಾ ಕೆಟ್ಟದಾಗಿ ನಡೆಸಿಕೊಂಡಿದ್ದಾಳೆ. ಇನ್ನು ಮುಂದಿನ ದಿನಗಳಲ್ಲಿ ಇದ್ಯಾವುದನ್ನೂ ನಾನು ಸಹಿಸಿಕೊಂಡು ಇರಲು ಸಾಧ್ಯವಿಲ್ಲ ಎಂದು ಈಗ ಲಕ್ಷ್ಮೀ ಕೂಡ ನಿರ್ಧಾರ ಮಾಡಿದ್ದಾಳೆ. ಮನೆಯಲ್ಲೂ ಈಗ ಕಾವೇರಿ ಗುಣ ಏನು ಎನ್ನುವುದು ಸ್ವಲ್ಪ ಮಟ್ಟಿಗೆ ಅನುಮಾನ ಹುಟ್ಟು ಹಾಕಿದೆ. ಆದರೂ ಸಾಕ್ಷಿ ಇಲ್ಲದೆ ವೈಷ್ಣವ್ ಮಾತ್ರ ಯಾವುದನ್ನೂ ನಂಬೋದಿಲ್ಲ. ಯಾಕೆಂದರೆ ಅವನ ತಾಯಿ ಬಗ್ಗೆ ಅವನಿಗೆ ಅಷ್ಟೊಂದು ಪ್ರೀತಿ, ಗೌರವ ಇದೆ. ಆದರೆ ಈಗ ಲಕ್ಷ್ಮೀ ವೈಷ್ಣವ್ ಕೂಡ ಒಪ್ಪಿಕೊಳ್ಳಲೇಬೇಕು ಅಂತಹ ಸಾಕ್ಷಿ ಹಿಡಿದಿದ್ದಾಳೆ.
ಆಸ್ಪತ್ರೆಯ ಸಿಬ್ಬಂದಿಗೆ ಹಣ ಕೊಟ್ಟು ಅವಳಿಗೆ ಬೇಕಾದ ಹಾಗೆ ನಡೆಸಿಕೊಳ್ಳುತ್ತಿರುವ ಬಗ್ಗೆ ಅನುಮಾನ ಮೂಡಿದ ಲಕ್ಷ್ಮೀ ಈಗ ಕಾವೇರಿನೇ ಇದನ್ನೆಲ್ಲ ಮಾಡಿಸಿದ್ದು ಎಂಬ ಸತ್ಯ ಹೊರಹಾಕಿಸಿದ್ದಾಳೆ. ಬೇಕು ಎಂದು ಲಂಚ ತೆಗೆದುಕೊಂಡು ಲಕ್ಷ್ಮೀ ವಿರುದ್ಧ ಕೆಲಸ ಮಾಡುತ್ತಿರುವ ಆಸ್ಪತ್ರೆಯ ಲೇಡಿ ಡಾಕ್ಟರ್ ಕೈ ಹಿಡಿದು ಒತ್ತಾಯ ಮಾಡಿ ಕೇಳಿದಾಗ ಸತ್ಯ ಹೊರಬಿದ್ದಿದೆ. ಆದರೆ ಆ ಲೇಡಿ ಡಾಕ್ಟರ್ ಇದೆಲ್ಲವನ್ನು ಎಲ್ಲರ ಎದುರು ಹೇಳಲು ಒಪ್ಪಿಕೊಳ್ಳುತ್ತಾಳಾ ಅಥವಾ ಇಲ್ಲವಾ? ಎಂಬ ಅನುಮಾನ ಇದೆ.
ಕಾವೇರಿ ಈ ಹಿಂದೆ ಕಾಲ್ ಮಾಡಿದ್ದು. ಲಕ್ಷ್ಮೀಗೆ ಕರೆಂಟ್ ಶಾಕ್ ಕೊಡಲು ಹೇಳಿದ್ದು. ಮತ್ತೆ ಅವಳು ಮನೆಗೆ ಬರದಂತೆ ಮಾಡಿ ಎಂದು ಹೇಳಿದ್ದು. ಎಲ್ಲ ಸತ್ಯವನ್ನೂ ಈಗ ಲೇಡಿ ಡಾಕ್ಟರ್ ಬಾಯ್ಬಿಟ್ಟಿದ್ದಾಳೆ. ಕಾವೇರಿ ತಾನು ಲಂಚ ಕೊಟ್ಟು ತನಗೆ ಬೇಕಾದ ಎಲ್ಲ ಕೆಲಸಗಳನ್ನು ಮಾಡಿಸಿಕೊಳ್ಳುತ್ತಾ ಇದ್ದಾಳೆ. ಹಣ ಇದೆ ಎಂದು ದರ್ಪ ತೋರಿ ತನ್ನ ಸ್ವಂತ ಸೊಸೆಯನ್ನೇ ಕೆಟ್ಟವಳನ್ನಾಗಿ ಮಾಡಲು ಹೊರಟಿದ್ದಾಳೆ. ತಾನು ಮಾಡಿದ ಮೋಸ ಮಾತ್ರ ತನ್ನ ಮಗನಿಗೆ ತಿಳಿಯಬಾರದು ಎಂದು ಅಂದುಕೊಂಡು ಇದುವರೆಗೆ ಇಷ್ಟೆಲ್ಲ ಮಾಡಿದ್ದಾಳೆ.
ಲಕ್ಷ್ಮೀ ಬಾರಮ್ಮ ಧಾರಾವಾಹಿ
ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆ ಪಡೆದುಕೊಂಡಿತ್ತು. ಪ್ರತಿದಿನ ರಾತ್ರಿ 7:30ಕ್ಕೆ ಈ ಧಾರಾವಾಹಿ ಪ್ರಸಾರವಾಗುತ್ತದೆ. ಮೊದಲು ಒಂದಾಗಿದ್ದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ ಈಗ ಎರಡು ಬೇರೆ ಬೇರೆ ಧಾರಾವಾಹಿಗಳಾಗಿ ಯಶಸ್ವಿಯಾಗಿದೆ. ಟಿಆರ್‌ಪಿ ರೇಟಿಂಗ್ಸ್‌ನಲ್ಲೂ ಈ ಧಾರಾವಾಹಿ ಮುಂದಿದೆ.
ಲಕ್ಷ್ಮೀ ಬಾರಮ್ಮ ಪಾತ್ರವರ್ಗ
ವೈಷ್ಣವ್ ಪಾತ್ರದಲ್ಲಿ ಶಮಂತ್‌ ಗೌಡ (ಬ್ರೋ ಗೌಡ)
ಕೀರ್ತಿ ಪಾತ್ರದಲ್ಲಿ ತನ್ವಿ ರಾವ್‌
ಲಕ್ಷ್ಮೀ ಪಾತ್ರದಲ್ಲಿ ಭೂಮಿಕಾ ರಮೇಶ್‌
ಕಾವೇರಿ ಪಾತ್ರದಲ್ಲಿ ಸುಷ್ಮಾ ನಾಣಯ್ಯ
ಸುಪ್ರಿತಾ ಪಾತ್ರದಲ್ಲಿ ರಜನಿ ಪ್ರವೀಣ್ ಅಭಿನಯಿಸುತ್ತಿದ್ದಾರೆ. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಎಲ್ಲಾ ಎಪಿಸೋಡ್‌ಗಳ ಕಥೆಯನ್ನು ಇಲ್ಲಿ ಓದಬಹುದು.
