ನವರಾತ್ರಿಯ 3ನೇ ದಿನ ಚಂದ್ರಘಂಟಾ ದೇವಿಗೆ ಪೂಜೆ; ನೆಚ್ಚಿನ ಬಣ್ಣ, ಪೂಜಾ ವಿಧಾನ, ಪಠಿಸಬೇಕಾದ ಮಂತ್ರಗಳಿವು

ನವರಾತ್ರಿ ಮೂರನೇ ದಿನ: ಶರನ್ನವರಾತ್ರಿ ಮೂರನೇ ದಿನವನ್ನು ಚಂದ್ರಘಂಟಾ ದೇವಿಗೆ ಅರ್ಪಿಸಲಾಗಿದೆ. ಇಂದು (ಅಕ್ಟೋಬರ್ 5, ಶನಿವಾರ) ನವರಾತ್ರಿಯ ಮೂರನೇ ದಿನ. ಈ ದಿನ ದುರ್ಗಾ ದೇವಿಯ ರೂಪವನ್ನು ಸರಿಯಾಗಿ ಪೂಜಿಸಿದರೆ ಜೀವನದ ಎಲ್ಲಾ ದುಃಖಗಳನ್ನು ತೊಡೆದುಹಾಕುತ್ತಾಳೆ. ಭಕ್ತನ ಪ್ರತಿಯೊಂದು ಆಸೆಯೂ ಈಡೇರುತ್ತದೆ ಎಂದು ನಂಬಲಾಗಿದೆ. ದೇವಿ ಚಂದ್ರಘಂಟಾ ರೂಪವು ಚಿನ್ನದಂತೆ ಪ್ರಕಾಶಮಾನವಾಗಿದೆ. ದೇವಿಯ ರೂಪವನ್ನು ವಿವರಿಸುವುದಾದರೆ ತಾಯಿಗೆ ಮೂರು ಕಣ್ಣುಗಳು ಮತ್ತು 10 ಕೈಗಳಿವೆ. ಸಿಂಹದ ಮೇಲೆ ಸವಾರಿ ಮಾಡುವ ದೇವಿಯು ಗದೆ, ಬಾಣ, ಬಿಲ್ಲು, ತ್ರಿಶೂಲ, ಖಡ್ಗ, ಕಮಲ, ಚಕ್ರ ಇತ್ಯಾದಿಗಳನ್ನು ತನ್ನ ಕೈಯಲ್ಲಿ ಹಿಡಿದಿದ್ದಾಳೆ. ಚಂದ್ರಘಂಟಾ ದೇವಿ ಯುದ್ಧದ ಭಂಗಿಯಲ್ಲಿ ಇರುತ್ತಾಳೆ. ರತ್ನಗಳಿಂದ ಕೂಡಿದ ಕಿರೀಟವು ತಾಯಿಯ ತಲೆಯ ಮೇಲಿದೆ. ದೇವಿಗೆ ಸರಳ ಪೂಜಾ ವಿಧಾನ, ಮಂತ್ರ, ನೆಚ್ಚಿನ ಬಣ್ಣ, ಭೋಗ ಮತ್ತು ಪ್ರಾಮುಖ್ಯತೆಯನ್ನು ತಿಳಿದುಕೊಳ್ಳೋಣ.

ಚಂದ್ರಘಂಟಾ ಪೂಜಾ ವಿಧಿ

• ನವರಾತ್ರಿಯ ಮೂರನೇ ದಿನ ಸೂರ್ಯೋದಯಕ್ಕೆ ಮುಂಚಿತವಾಗಿ ಎದ್ದೇಳಿ
• ಸ್ನಾನದ ನಂತರ, ಸ್ವಚ್ಛವಾದ ಬಟ್ಟೆಗಳನ್ನು ಧರಿಸಿ ಮತ್ತು ಉಪವಾಸದ ಪ್ರತಿಜ್ಞೆಯನ್ನು ತೆಗೆದುಕೊಳ್ಳಿ
• ಮನೆಯ ದೇವರ ಕೋಣೆಯನ್ನು ಸ್ವಚ್ಛಗೊಳಿಸಿ ಮತ್ತು ಹಳೆಯ ಹೂವುಗಳನ್ನು ತೆಗೆದುಹಾಕ
• ಚಂದ್ರಘಂಟಾ ಮಾತೆಯ ಪ್ರತಿಮೆಯ ಮುಂದೆ ದೀಪವನ್ನು ಬೆಳಗಿಸಿ.
• ದೇವಿಗೆ ಹಣ್ಣುಗಳು, ಹೂವುಗಳು, ಧೂಪದ್ರವ್ಯ, ದೀಪ, ಅಕ್ಷತೆ ಕಾಳು ಹಾಗೂ ಕುಂಕುಮವನ್ನು ಅರ್ಪಿಸಿ
• ಇದರ ನಂತರ, ದೇವಿಯ ಮಂತ್ರಗಳನ್ನು ಪಠಿಸಿ
• ದುರ್ಗಾ ಸಪ್ತಿ ಮತ್ತು ದುರ್ಗಾ ಚಾಲೀಸಾವನ್ನು ಪಠಿಸಿ
• ಇದರ ನಂತರ, ದೇವಿ ಚಂದ್ರಘಂಟಾಗೆ ಆರತಿಯನ್ನು ಮಾಡಿ ಮತ್ತು ಭೋಗದಿಂದ ಪೂಜೆಯನ್ನು ಪೂರ್ಣಗೊಳಿಸಿ.

ಚಂದ್ರಘಂಟಾ ಅವರ ಮಂತ್ರ: ಚಂದ್ರಘಂಟಾ ದೇವಿಯ ಮಂತ್ರವು 'ಯೇ ಶ್ರೀಂ ಶಕ್ತಿ ಯೈ ನಮಃ' ಆಗಿದೆ.

ಇದನ್ನೂ ಓದಿ: ಭಾರತದಲ್ಲಷ್ಟೇ ಅಲ್ಲ ಈ 5 ದೇಶಗಳಲ್ಲೂ ನವರಾತ್ರಿ ಉತ್ಸವವನ್ನು ಅದ್ದೂರಿಯಾಗಿ ಆಚರಿಸ್ತಾರೆ, ದುರ್ಗಾ ಪೂಜೆ ಮಾಡ್ತಾರೆ ಜನ

ದೇವಿ ಚಂದ್ರಘಂಟಾ ಅವರ ನೆಚ್ಚಿನ ಭೋಗ: ಶರನ್ನವರಾತ್ರಿಯ ಮೂರನೇ ದಿನದಂದು, ತಾಯಿ ಚಂದ್ರಘಂಟಾಗೆ ಹಾಲು, ಪಾಯಸ ಅಥವಾ ಬಿಳಿ ಸಿಹಿತಿಂಡಿಗಳಂತಹ ಬಿಳಿ ವಸ್ತುಗಳನ್ನು ಅರ್ಪಿಸಿ. ಇದಲ್ಲದೆ, ದೇವಿಗೆ ಜೇನುತುಪ್ಪವನ್ನು ಸಹ ಅರ್ಪಿಸಬಹುದು.

ಇದನ್ನೂ ಓದಿ: ನವರಾತ್ರಿಯ ಎರಡನೇ ದಿನ: ದೇವಿ ಬ್ರಹ್ಮಚಾರಿಣಿ ಪೂಜಿಸುವ ಸರಳ ವಿಧಾನ, ಜ್ಞಾನಕ್ಕಾಗಿ ಪಠಿಸಬೇಕಾದ ಮಂತ್ರಗಳಿವು

ಚಂದ್ರಘಂಟಾ ಅವರ ನೆಚ್ಚಿನ ಬಣ್ಣ: ದೇವಿ ಚಂದ್ರಘಂಟಾ ಕಂದು ಬಣ್ಣವನ್ನು ತುಂಬಾ ಇಷ್ಟಪಡುತ್ತಾರೆ. ಈ ದಿನ, ದೇವಿಯನ್ನು ಮೆಚ್ಚಿಸಲು ಕಂದು ಅಥವಾ ಚಿನ್ನದ ಬಣ್ಣದ ಬಟ್ಟೆಗಳನ್ನು ಧರಿಸುವುದು ಶುಭವೆಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: ನವರಾತ್ರಿಯ ದಿನ ನಿಮ್ಮ ಪ್ರೀತಿ ಪಾತ್ರರಿಗೆ ಶುಭಾಶಯ ತಿಳಿಸಬೇಕಾ; ಸಂತೋಷ, ಸಮೃದ್ಧಿ, ಯಶಸ್ಸಿಗಾಗಿ ಹೀಗೆ ಹಾರೈಸಿ

ಚಂದ್ರಘಂಟಾ ದೇವಿಯು ಪಾರ್ವತಿ ದೇವಿಯ ವಿವಾಹಿತ ರೂಪವಾಗಿದೆ. ಶಿವನನ್ನು ಮದುವೆಯಾದ ನಂತರ ದೇವಿ ತನ್ನ ಹಣೆಯ ಮೇಲೆ ಅರ್ಧಚಂದ್ರನನ್ನು ಧರಿಸುತ್ತಾಳೆ. ಆದ್ದರಿಂದ ಅವಳನ್ನು ಚಂದ್ರಘಂಟಾ ಎಂದು ಕರೆಯಲಾಗುತ್ತದೆ. ದೇವಿ ಚಂದ್ರಘಂಟಾ ಜಗತ್ತಿನಲ್ಲಿ ನ್ಯಾಯ ಮತ್ತು ಶಿಸ್ತನ್ನು ಸ್ಥಾಪಿಸುತ್ತಾಳೆ. ತ್ರಿನೇತ್ರಿ ಮತ್ತು ಹತ್ತು ತೋಳುಗಳು ಮತ್ತು ಸಿಂಹದ ಮೇಲೆ ಸವಾರಿ ಮಾಡುವ ಚಂದ್ರಘಂಟಾ ದೇವಿಯ ದೈವಿಕ ರೂಪವು ಸಾಕಷ್ಟು ಆಕರ್ಷಕವಾಗಿದೆ. ತಾಯಿ ಚಂದ್ರಘಂಟಾವನ್ನು ಭಕ್ತಿಯಿಂದ ಪೂಜಿಸುವ ಮೂಲಕ, ಆಕೆಯನ್ನು ಸಂತೋಷಪಡಿಸಲಾಗುತ್ತೆ. ಸಂತೋಷ, ಶಾಂತಿ ಮತ್ತು ಸಮೃದ್ಧಿಯನ್ನು ದೇವಿ ನೀಡುತ್ತಾಳೆ ಎಂಬುದು ಭಕ್ತರ ನಂಬಿಕೆಯಾಗಿದೆ.

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.