ಧೋನಿ ನಾಯಕ, ರೋಹಿತ್ ಆರಂಭಿಕ; ಐಪಿಎಲ್ ಇತಿಹಾಸದಲ್ಲಿ ಭಾರತೀಯ ಆಟಗಾರರ ಸಾರ್ವಕಾಲಿಕ ಬಲಿಷ್ಠ ಪ್ಲೇಯಿಂಗ್ XI

2024ರ ಐಪಿಎಲ್​​ಗೆ ದಿನಗಣನೆ ಆರಂಭಗೊಂಡಿದೆ. ಮಾರ್ಚ್​ 22ರಿಂದ ಶ್ರೀಮಂತ ಲೀಗ್​ಗೆ ಚಾಲನೆ ಸಿಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳ ನಡುವೆ ನಡೆಯಲಿದೆ. ಈಗಾಗಲೇ 16 ಆವೃತ್ತಿಗಳನ್ನು ಪೂರ್ಣಗೊಳಿಸಿರುವ ಐಪಿಎಲ್​ ತನ್ನ 17ನೇ ಸೀಸನ್​ನ ಮೊದಲ ಪಂದ್ಯಕ್ಕೆ ಚೆನ್ನೈನ ಚಿದಂಬರಂ ಸ್ಟೇಡಿಯಂ ಆತಿಥ್ಯ ವಹಿಸಲಿದೆ.

ವಿಶ್ವದ ಅತಿದೊಡ್ಡ ಲೀಗ್​​ನಲ್ಲಿ ಭಾರತೀಯ ಆಟಗಾರರು ಸಿಡಿದೇಳಲು ಸಜ್ಜಾಗಿದ್ದಾರೆ. 2008ರಿಂದ 2023ರವರೆಗೂ ಅನೇಕ ಭಾರತೀಯ ಆಟಗಾರರು ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ. ಹಾಗಾದರೆ 16 ವರ್ಷಗಳ ಐಪಿಎಲ್ ಇತಿಹಾಸದಲ್ಲಿ ಭಾರತೀಯ ಆಟಗಾರರ ಸಾರ್ವಕಾಲಿಕ ಬಲಿಷ್ಠ ಪ್ಲೇಯಿಂಗ್ ಇಲೆವೆನ್ ಇಲೆವೆನ್ ಹೇಗಿದೆ? ಯಾರೆಲ್ಲಾ ಈ ತಂಡದಲ್ಲಿ ಅವಕಾಶ ಪಡೆದಿದ್ದಾರೆ? ಅವರ ದಾಖಲೆ ಹೇಗಿದೆ? ಮುಂದೆ ನೋಡೋಣ.

ಶಿಖರ್ ಧವನ್: ಐಪಿಎಲ್ ಇತಿಹಾಸದಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿದ್ದಾರೆ. 217 ಪಂದ್ಯಗಳಲ್ಲಿ ಅವರು 6617 ರನ್ ಗಳಿಸಿದ್ದು, ಸಾರ್ವಕಾಲಿಕ ಪ್ಲೇಯಿಂಗ್​ ಇಲೆವೆನ್​ನಲ್ಲಿ ಆರಂಭಿಕರಾಗಿ ಅವಕಾಶ ಪಡೆದಿದ್ದಾರೆ.

ಇದನ್ನೂ ಓದಿ: BCCI Salary vs IPL salary: ಬಿಸಿಸಿಐ ವಾರ್ಷಿಕ ಒಪ್ಪಂದ ಪಡೆದ ಆಟಗಾರರಿಗೆ ಐಪಿಎಲ್​ನಲ್ಲಿ ಸಿಗುವ ವೇತನವೆಷ್ಟು?

ರೋಹಿತ್​ ಶರ್ಮಾ: ಮುಂಬೈ ಇಂಡಿಯನ್ಸ್ ಮತ್ತು ಡೆಕ್ಕನ್ ಚಾರ್ಜರ್ಸ್ ಪರ 243 ಐಪಿಎಲ್ ಪಂದ್ಯಗಳಲ್ಲಿ ರೋಹಿತ್ 6211 ರನ್ ಗಳಿಸಿದ್ದಾರೆ. ಅಲ್ಲದೆ, 15 ವಿಕೆಟ್ ಸಹ ಪಡೆದಿದ್ದಾರೆ. ನಾಯಕನಾಗಿ 5 ಸೇರಿ ಆರು ಬಾರಿ ಐಪಿಎಲ್ ಚಾಂಪಿಯನ್ ಆಗಿದ್ದಾರೆ.

ವಿರಾಟ್ ಕೊಹ್ಲಿ: 16 ವರ್ಷಗಳಿಂದ ಆರ್‌ಸಿಬಿ ಪರ ಆಡುತ್ತಿರುವ ವಿರಾಟ್ 237 ಐಪಿಎಲ್ ಪಂದ್ಯಗಳಲ್ಲಿ 7263 ರನ್ ಗಳಿಸಿದ್ದಾರೆ. ಐಪಿಎಲ್​ನಲ್ಲಿ ಅತ್ಯಧಿಕ ರನ್ ಗಳಿಸಿದ ಆಟಗಾರ ಎನಿಸಿದ್ದಾರೆ.

ಸುರೇಶ್ ರೈನಾ: 205 ಐಪಿಎಲ್ ಪಂದ್ಯಗಳಲ್ಲಿ ರೈನಾ 5528 ರನ್ ಗಳಿಸಿದ್ದಾರೆ. ಅಲ್ಲದೆ, 25 ವಿಕೆಟ್ ಸಹ ಪಡೆದಿದ್ದಾರೆ. ಈ ತಂಡದಲ್ಲಿ ನಾಲ್ಕನೇ ತಂಡದಲ್ಲಿ ಕಣಕ್ಕಿಳಿಯಲಿದ್ದಾರೆ.

ಇದನ್ನೂ ಓದಿ: ನ್ಯೂಜಿಲೆಂಡ್ ವಿರುದ್ಧ ಆರ್​ಸಿಬಿ ಹಾಲಿ-ಮಾಜಿ ಆಟಗಾರರ ಪರಾಕ್ರಮ; ಆಸ್ಟ್ರೇಲಿಯಾ​ ಪರ 10ನೇ ವಿಕೆಟ್​ಗೆ ದಾಖಲೆಯ ಜೊತೆಯಾಟ

ಎಂಎಸ್ ಧೋನಿ: 250 ಐಪಿಎಲ್ ಪಂದ್ಯಗಳಲ್ಲಿ ಧೋನಿ ಸಿಎಸ್‌ಕೆ ಮತ್ತು ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ಪರ 5082 ರನ್ ಗಳಿಸಿದ್ದಾರೆ. ಅವರು ಸಾರ್ವಕಾಲಿಕ ತಂಡವನ್ನು ನಾಯಕನಾಗಿ ಮುನ್ನಡೆಸಲಿದ್ದಾರೆ.

ಹಾರ್ದಿಕ್ ಪಾಂಡ್ಯ: ನಾಯಕನಾಗಿ 1 ಸಲ ಸೇರಿ ಐದು ಬಾರಿ ಐಪಿಎಲ್ ವಿಜೇತರಾಗಿರುವ ಹಾರ್ದಿಕ್, 123 ಪಂದ್ಯಗಳಲ್ಲಿ 2309 ರನ್ ಗಳಿಸಿ 53 ವಿಕೆಟ್ ಪಡೆದಿದ್ದಾರೆ. ಆಲ್​ರೌಂಡರ್​ ಆಗಿದ್ದಾರೆ.

ಯೂಸಫ್ ಪಠಾಣ್: 174 ಐಪಿಎಲ್ ಪಂದ್ಯಗಳಲ್ಲಿ ಯೂಸುಫ್ 3204 ರನ್ ಗಳಿಸಿ 42 ವಿಕೆಟ್ ಪಡೆದಿದ್ದಾರೆ. ಅವರು ಮೂರು ಬಾರಿ ಐಪಿಎಲ್ ವಿಜೇತರಾಗಿದ್ದಾರೆ.

ರವೀಂದ್ರ ಜಡೇಜಾ: 226 ಐಪಿಎಲ್ ಪಂದ್ಯಗಳಲ್ಲಿ ಜಡೇಜಾ, 2692 ರನ್ ಗಳಿಸಿದ್ದಾರೆ. ಮತ್ತು 152 ಬ್ಯಾಟರ್‌ಗಳನ್ನು ಔಟ್ ಮಾಡಿದ್ದಾರೆ.

ಇದನ್ನೂ ಓದಿ: ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಗೆ ತಂಡವನ್ನು ಪ್ರಕಟಿಸಲು ದಿನಾಂಕ ನಿಗದಿ; ಈ ದಿನದೊಳಗೆ ಬದಲಾವಣೆಗೆ ಅವಕಾಶ

ಭುವನೇಶ್ವರ್ ಕುಮಾರ್: 160 ಐಪಿಎಲ್ ಪಂದ್ಯಗಳಲ್ಲಿ 170 ವಿಕೆಟ್ ಪಡೆದಿರುವ ಭುವಿ, 283 ರನ್ ಗಳಿಸಿದ್ದಾರೆ. ನಗದು ಸಮೃದ್ಧ ಲೀಗ್‌ನಲ್ಲಿ ಅವರು ಎರಡು ಬಾರಿ ಪರ್ಪಲ್ ಕ್ಯಾಪ್ ವಿಜೇತರಾಗಿದ್ದಾರೆ.

ಜಸ್ಪ್ರೀತ್ ಬುಮ್ರಾ: ಮುಂಬೈ ಇಂಡಿಯನ್ಸ್ ಪರ 120 ಐಪಿಎಲ್ ಪಂದ್ಯಗಳಲ್ಲಿ ಬುಮ್ರಾ, ಈವರೆಗೆ 145 ಬ್ಯಾಟರ್‌ಗಳನ್ನು ಔಟ್ ಮಾಡಿದ್ದಾರೆ.

ಯುಜುವೇಂದ್ರ ಚಹಲ್: ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿದ್ದಾರೆ. 145 ಪಂದ್ಯಗಳಲ್ಲಿ 187 ವಿಕೆಟ್ ಪಡೆದಿದ್ದಾರೆ.