IPL 2024 Prize Money: ಐಪಿಎಲ್ ಚಾಂಪಿಯನ್ ಕೆಕೆಆರ್ ಪಡೆದ ಬಹುಮಾನದ ಮೊತ್ತವೆಷ್ಟು? 4ನೇ ಸ್ಥಾನದ ಆರ್ಸಿಬಿಗೆ ಸಿಕ್ಕಿದ್ದೆಷ್ಟು?
IPL 2024 Prize Money: 2024ರ ಐಪಿಎಲ್ನಲ್ಲಿ ಚಾಂಪಿಯನ್ ಪಟ್ಟ ಅಲಂಕರಿಸಿದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಪಡೆದ ಬಹುಮಾನದ ಮೊತ್ತವೆಷ್ಟು, ರನ್ನರ್ಅಪ್ ಸನ್ರೈಸರ್ಸ್ ಹೈದರಾಬಾದ್ ಸಿಕ್ಕ ಹಣವೆಷ್ಟು? ಇಲ್ಲಿದೆ ವಿವರ.
IPL 2024 Prize Money: ಮಾರ್ಚ್ 22ರಿಂದ ನಿರಂತರ ಮನರಂಜನೆಯ ರಸದೌತಣ ಉಣಬಡಿಸಿದ 17ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ಗೆ (Indian Premier League-2024) ಕೊನೆಗೂ ತೆರೆಬಿದ್ದಿದೆ. ವಿಶ್ವ ಪ್ರಸಿದ್ಧ ಲೀಗ್ನಲ್ಲಿ ಈ ಬಾರಿಯೂ 10 ತಂಡಗಳ ನಡುವಿನ ಸೆಣಸಾಟದ ನಂತರ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಚಾಂಪಿಯನ್ ಆಗಿದೆ. ಕಿಕ್ಕಿರಿದು ತುಂಬಿದ ಚೆನ್ನೈನ ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ಜರುಗಿದ ಫೈನಲ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ 8 ವಿಕೆಟ್ಗಳಿಂದ ಭರ್ಜರಿ ಗೆಲುವು ಸಾಧಿಸಿದ ಕೆಕೆಆರ್ ಮೂರನೇ ಬಾರಿಗೆ ಟ್ರೋಫಿಯನ್ನು ಒಲಿಸಿಕೊಂಡಿತು.
46.5 ಕೋಟಿ ಬಹುಮಾನದ ಮೊತ್ತ
ವಿಶ್ವ ನಗದು ಸಮೃದ್ಧ ಲೀಗ್ ಚಾಂಪಿಯನ್ ಆಗಿ ಹೊರ ಹೊಮ್ಮಿದ ತಂಡಕ್ಕೆ ಎಷ್ಟು ಬಹುಮಾನ ಸಿಗಲಿದೆ ಎಂಬ ಪ್ರಶ್ನೆ ಎಲ್ಲರಿಗೂ ಕಾಡುತ್ತಿದೆ. ಅದಕ್ಕೆ ನಾವಿಲ್ಲಿ ಉತ್ತರ ನೀಡುತ್ತೇವೆ. ಒಟ್ಟು ಬಹುಮಾನದ ಮೊತ್ತ 46.5 ಕೋಟಿ ಇರಲಿದೆ. ಮಾರ್ಚ್ 22ರಿಂದ ಆರಂಭವಾಗುವ ಐಪಿಎಲ್ ಮೆಗಾ ಟೂರ್ನಿ, 65 ದಿನಗಳ ಕಾಲ ನಂತರ ಅಂದರೆ ಇಂದು ಮೇ 26ರ ಭಾನುವಾರಕ್ಕೆ ಕೊನೆಗೊಂಡಿದೆ. ಲೀಗ್ ಹಂತದಲ್ಲಿ 70 ಪಂದ್ಯಗಳು ನಡೆದವು.
- ಫೈನಲ್ ಪಂದ್ಯದಲ್ಲಿ ಗೆದ್ದು ಚಾಂಪಿಯನ್ ಆದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ 20 ಕೋಟಿ ಸಿಗಲಿದೆ.
- ಫೈನಲ್ನಲ್ಲಿ ಸೋತು 2ನೇ ಸ್ಥಾನ ಪಡೆದ ಸನ್ರೈಸರ್ಸ್ ಹೈದರಾಬಾದ್ ತಂಡ (ರನ್ನರ್ಅಪ್) 12.50 ಕೋಟಿ ಪಡೆಯಲಿದೆ.
- 3ನೇ ಸ್ಥಾನ ಪಡೆದ ರಾಜಸ್ಥಾನ್ ರಾಯಲ್ಸ್ ತಂಡ 7 ಕೋಟಿ ಬಹುಮಾನವಾಗಿ ಸ್ವೀಕರಿಸಲಿದೆ
- 4ನೇ ಸ್ಥಾನ ಪಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 6.50 ಕೋಟಿಗೆ ತೃಪ್ತಿಪಟ್ಟುಕೊಂಡಿದೆ.
ಯಾವೆಲ್ಲಾ ತಂಡಗಳು ಐಪಿಎಲ್ ಪ್ರಶಸ್ತಿ ಗೆದ್ದಿವೆ?
- ಮುಂಬೈ ಇಂಡಿಯನ್ಸ್ ಐದು ಬಾರಿ (2013, 2015, 2017, 2019, 2020)
- ಚೆನ್ನೈ ಸೂಪರ್ ಕಿಂಗ್ಸ್ ನಾಲ್ಕು ಬಾರಿ (2010, 2011, 2018, 2021)
- ಕೋಲ್ಕತ್ತಾ ನೈಟ್ ರೈಡರ್ಸ್ 2 ಬಾರಿ (2012, 2014, 2024)
- ರಾಜಸ್ಥಾನ ರಾಯಲ್ಸ್ (2008)
- ಡೆಕ್ಕನ್ ಚಾರ್ಜರ್ಸ್ (2009)
- ಸನ್ರೈಸರ್ಸ್ ಹೈದರಾಬಾದ್ (2016)
- ಗುಜರಾತ್ ಟೈಟಾನ್ಸ್ (2022)
ಇದನ್ನೂ ಓದಿ: 10 ವರ್ಷ ಕೆಕೆಆರ್ ಜೊತೆಗಿರುವಂತೆ ಗೌತಮ್‌ ಗಂಭೀರ್‌ಗೆ ಖಾಲಿ ಚೆಕ್ ನೀಡಿದ್ರಾ ಶಾರುಖ್ ಖಾನ್; ವರದಿ ಹೇಳಿದ್ದೇನು?
ಯಾವ ತಂಡಗಳು ಇನ್ನೂ ಪ್ರಶಸ್ತಿ ಗೆದ್ದಿಲ್ಲ?
- ರಾಯಲ್ ಚಾಲೆಂಜರ್ಸ್ ಬೆಂಗಳೂರು (3 ಬಾರಿ ರನ್ನರ್ಅಪ್)
- ಪಂಜಾಬ್ ಕಿಂಗ್ಸ್ (1 ಬಾರಿ ರನ್ನರ್ಅಪ್)
- ಡೆಲ್ಲಿ ಕ್ಯಾಪಿಟಲ್ಸ್ (1 ಬಾರಿ ರನ್ನರ್ಅಪ್)
- ಲಕ್ನೋ ಸೂಪರ್ ಜೈಂಟ್ಸ್ (ಎಲಿಮಿನೇಟರ್ ಹಂತ)
2008-2009ರಲ್ಲಿ ಮೊದಲ ಎರಡು ಸೀಸನ್ನಲ್ಲಿ ವಿಜೇತರಿಗೆ 4.8 ಕೋಟಿ ರೂಪಾಯಿ ನಗದು ಬಹುಮಾನ ಮತ್ತು ರನ್ನರ್ಅಪ್ ತಂಡಕ್ಕೆ 2.4 ಕೋಟಿ ನೀಡಲಾಗಿತ್ತು. ಐಪಿಎಲ್ ಕ್ರೇಜ್ ಜೊತೆಗೆ ಅದರಿಂದ ಬರುವ ಆದಾಯವೂ ದುಪ್ಪಟ್ಟಾಗಿದೆ. ಹಾಗಾಗಿ, ಹಂತ ಹಂತವಾಗಿ ಐಪಿಎಲ್ ಬಹುಮಾನದ ಮೊತ್ತ ಏರಿಕೆಯಾಗುತ್ತಲೇ ಬಂದಿದೆ. ಸದ್ಯ 2019ರಿಂದ ಬಹುಮಾನ ಮೊತ್ತ ಬದಲಾವಣೆ ಕಂಡಿಲ್ಲ. ಕಳೆದ ಬಾರಿ ಗುಜರಾತ್ ಟೈಟಾನ್ಸ್ ತಂಡವು ರನ್ನರ್ಅಪ್ ಆಗಿತ್ತು. ಚೆನ್ನೈ ಸೂಪರ್ ಕಿಂಗ್ಸ್ ಚಾಂಪಿಯನ್ ಆಗಿತ್ತು.
(ಕನ್ನಡದಲ್ಲಿ ಕ್ರಿಕೆಟ್, ಎಚ್‌ಟಿ ಕನ್ನಡ ಬೆಸ್ಟ್‌. ಐಪಿಎಲ್, ಟಿ20 ವರ್ಲ್ಡ್‌ಕಪ್ ಸೇರಿದಂತೆ ಕ್ರಿಕೆಟ್ ಲೋಕದ ಸಮಗ್ರ ಮಾಹಿತಿ, ತಾಜಾ ವಿದ್ಯಮಾನ, ರನ್-ವಿಕೆಟ್, ಪ್ಲೇಆಫ್, ಟೀಮ್ ಸ್ಟಾಟ್ ವಿಶ್ಲೇಷಣೆಗಳಿಗಾಗಿ kannada.hindustantimes.com/cricket ಕ್ಕೆ ಭೇಟಿ ನೀಡಿ.)
