ಕನ್ನಡ ಸುದ್ದಿ  /  Cricket  /  Rcb Brutally Trolled As Memes Pour In After Loss To Lsg In Ipl 2024 Du Plessis Maxwell Ab De Villiers Boycott Rcb Prs

ಟಿಕೆಟ್ ಪ್ರೈಸ್​ಗೂ ನೀವು ಆಡೋ ಆಟಕ್ಕೂ ಸ್ವಲ್ಪನೂ ನ್ಯಾಯ ಇಲ್ವಲ್ರೋ; ಬಾಯ್ಕಾಟ್ ಆರ್​​ಸಿಬಿ ಎಂದು ಅಭಿಮಾನಿಗಳು ಬೇಸರ, ಮೀಮ್ಸ್ ಇಲ್ಲಿವೆ

Royal Challengers Bengaluru: ಲಕ್ನೋ ಸೂಪರ್​ ಜೈಂಟ್ಸ್ ವಿರುದ್ಧ ಸೋತ ಬಳಿಕ ಅಭಿಮಾನಿಗಳು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಟ್ರೋಲ್ ಮಾಡುತ್ತಿದ್ದಾರೆ.

ಬಾಯ್ಕಾಟ್ ಆರ್​​ಸಿಬಿ ಎಂದು ಅಭಿಮಾನಿಗಳು ಬೇಸರ
ಬಾಯ್ಕಾಟ್ ಆರ್​​ಸಿಬಿ ಎಂದು ಅಭಿಮಾನಿಗಳು ಬೇಸರ

17ನೇ ಆವೃತ್ತಿಯ ಐಪಿಎಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bengaluru), ಮತ್ತೊಂದು ಸೋಲು ಕಂಡಿದೆ. ತವರಿನ ಮೈದಾನ ಚಿನ್ನಸ್ವಾಮಿಯಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ 28 ರನ್​ಗಳಿಂದ ಶರಣಾಗಿದೆ. 4 ಪಂದ್ಯಗಳಲ್ಲಿ 3ರಲ್ಲಿ ಸೋಲನುಭವಿಸಿದ್ದು, ಅಂಕಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದೆ. ಆದರೀಗ ಕಳಪೆ ಬ್ಯಾಟಿಂಗ್-ಬೌಲಿಂಗ್ ಪ್ರದರ್ಶನದ ಮೂಲಕ ನಿರಾಸೆ ಮೂಡಿಸುತ್ತಿರುವ ಆರ್​ಸಿಬಿ ವಿರುದ್ಧ ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಆರ್​ಸಿಬಿ ವಿರುದ್ಧ ಅಭಿಮಾನಿಗಳು ತೀವ್ರ ಆಕ್ರೋಶಗೊಂಡಿದ್ದಾರೆ. ಅಭಿಮಾನಿಗಳ ಭಾವನೆಗಳನ್ನೇ ಬಂಡವಾಳ ಮಾಡಿಕೊಳ್ಳುತ್ತಿರುವ ಆರ್​​ಸಿಬಿ ತಂಡವನ್ನು 'ಬಾಯ್ಕಾಟ್' ಮಾಡುವುದೇ ಉತ್ತಮ ಎಂದು ಅಭಿಯಾನ ಆರಂಭಿಸಿದ್ದಾರೆ. ಪಂದ್ಯದಿಂದ ಪಂದ್ಯಕ್ಕೆ ತೀವ್ರ ಕಳಪೆ ಪ್ರದರ್ಶನ ನೀಡುತ್ತಿದ್ದು, ಅಭಿಮಾನಿಗಳ ಮನ ನೋಯಿಸುತ್ತಿದ್ದಾರೆ. ಆರ್​ಸಿಬಿ ಪಂದ್ಯಗಳನ್ನು ಯಾರೂ ನೋಡಬೇಡಿ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಮನವಿ ಮಾಡುತ್ತಿದ್ದಾರೆ. ಸಿಕ್ಕಾಪಟ್ಟೆ ಟ್ರೋಲ್ ಕೂಡ ಮಾಡಲಾಗುತ್ತಿದೆ.

ಏಪ್ರಿಲ್ 2ರಂದು ಎಂ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಲಕ್ನೋ ಸೂಪರ್ ಜೈಂಟ್ಸ್​ ವಿರುದ್ಧದ ಪಂದ್ಯದಲ್ಲಿ ಆರ್​ಸಿಬಿ 28 ರನ್​ಗಳಿಂದ ಮುಗ್ಗರಿಸಿತು. ಮೊದಲು ಬ್ಯಾಟಿಂಗ್ ನಡೆಸಿದ ಎಲ್​ಎಸ್​ಜಿ, 20 ಓವರ್​​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 181 ರನ್ ಗಳಿಸಿತು. ಆದರೆ ಗುರಿ ಬೆನ್ನಟ್ಟಿದ 19.4 ಓವರ್​ಗಳಲ್ಲಿ 153 ರನ್ ಗಳಿಸಿ ಆಲೌಟ್​ ಆಯಿತು. ಫಾಫ್ ಡು ಪ್ಲೆಸಿಸ್, ಗ್ಲೆನ್ ಮ್ಯಾಕ್ಸ್​ವೆಲ್, ರಜತ್ ಪಾಟೀದಾರ್, ಕ್ಯಾಮರೂನ್ ಗ್ರೀನ್, ಅನುಜ್ ರಾವತ್ ಪ್ರತಿಪಂದ್ಯದಲ್ಲೂ ವೈಫಲ್ಯ ಅನುಭವಿಸುತ್ತಿದ್ದಾರೆ.

ಬಾಯ್ಕಾಟ್​ ಆರ್​​ಸಿಬಿ ಮ್ಯಾಚಸ್ ಎಂದ ಫ್ಯಾನ್ಸ್

ಆರ್​ಸಿಬಿ ಆಟಗಾರರ ಆಟದ ವಿರುದ್ಧ ಕೋಪಗೊಂಡಿರುವ ಫ್ಯಾನ್ಸ್​, ಮುಂದಿನ ಪಂದ್ಯಕ್ಕೆ ಯಾರೂ ಟಿಕೆಟ್ ಖರೀದಿ ಮಾಡಬೇಡಿ. ಖಾಲಿ ಸ್ಟೇಡಿಯಂನಲ್ಲಿ ಪಂದ್ಯಗಳು ನಡೆಯಬೇಕು. ಸ್ಟೇಡಿಯಂ ಒಂದು ಮ್ಯಾಚ್​ಗೆ ಸ್ಟೇಡಿಯಂ ಖಾಲಿ ಖಾಲಿ ಹೊಡಿಬೇಕು. ಇವರು ಫ್ಯಾನ್ಸ್ ಎಮೋಷನ್​ ಜೊತೆ ಆಡವಾಡ್ತಿದ್ದಾರೆ. ಅಭಿಮಾನಿಗಳ ಭಾವನೆಗಳನ್ನೇ ಬಂಡವಾಳ ಮಾಡಿಕೊಳ್ಳುತ್ತಿದ್ದಾರೆ. 'ಬಾಯ್ಕಾಟ್​ ಆರ್​​ಸಿಬಿ ಮ್ಯಾಚಸ್' ಎಂಬ ಅಭಿಯಾನ ಆರಂಭಿಸಿದ್ದಾರೆ.

'ಟಿಕೆಟ್​ ದುಡ್ಡಿಗೂ ಆಟಕ್ಕೂ ಸಂಬಂಧ ಇಲ್ಲ'

ಟಿಕೆಟ್ ಬೆಲೆಗೂ ನೀವು ಆಡುವ ಆಟಕ್ಕೂ ಸ್ವಲ್ಪ ನ್ಯಾಯ ಇಲ್ವಲ್ರೋ ಎಂದು ಅಭಿಮಾನಿಗಳು ಬೇಸರಗೊಂಡಿದ್ದಾರೆ. ಬೆಳಿಗ್ಗೆಯಿಂದ ಆರ್​​ಸಿಬಿ ಮ್ಯಾಚ್​​ ಇರೋ ಖುಷಿಲಿ ಕಾಯ್ತಾ ಇರ್ತೀವಿ. ಆದರೆ, ಎಷ್ಟು ಅಂತ ನೋವು ಕೊಡುತ್ತಿರೋ? ಈ ಟೀಮ್ ಅಲ್ಲಿ ಟ್ರೋಫಿ ಕನಸು ಮಾತ್ರ ಎಂದು ನಮಸ್ಕಾರ ಎಮೋಜಿ ಹಾಕುವ ಮೂಲಕ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಆರ್​ಸಿಬಿ ಟಿಕೆಟ್​ ಬೆಲೆ 4200 ರಿಂದ ಆರಂಭವಾಗಿ 50 ಸಾವಿರದವರೆಗೂ ಇದೆ. ಬೇರೆ ತಂಡಗಳ ಟಿಕೆಟ್ ಪ್ರೈಸ್ 500ರಿಂದ ಆರಂಭವಾಗಲಿದೆ.

ಎಬಿ ಡಿವಿಲಿಯರ್ಸ್​ ನೆನೆದ ಫ್ಯಾನ್ಸ್

ಸತತ ಪಂದ್ಯಗಳನ್ನು ಆರ್​ಸಿಬಿ ಸೋಲು ಕಂಡ ಬೆನ್ನಲ್ಲೇ ಎಬಿ ಡಿವಿಲಿಯರ್ಸ್ ಅವರನ್ನು ಅಭಿಮಾನಿಗಳನ್ನು ನೆನೆದಿದ್ದಾರೆ. ನಮ್ಮ ಎಬಿಡಿ ಇದ್ದಿದ್ದರೆ, ಯಾವ ಪಂದ್ಯಗಳನ್ನೂ ಆರ್​ಸಿಬಿ ಸೋಲುತ್ತಿರಲಿಲ್ಲ ಎಂದು ಹೇಳುತ್ತಿದ್ದಾರೆ. ಪಂದ್ಯ ಸೋತ ಬೆನ್ನಲ್ಲೇ ಇವಾಗ ಯಾರ್ ತಪ್ಪು ಅಂತ ಅಂದುಕೊಳ್ಳೋಣ.? ಆರ್​ಸಿಬಿ ಮ್ಯಾನೇಜ್​ಮೆಂಟ್​ದಾ? ಆರ್​​ಸಿಬಿ ಪ್ಲೇಯರ್ಸ್​​ದಾ? ಇಲ್ಲಾ ನಮ್ಮ ಹಣೆಬರಹನೆ ಸರಿ ಇಲ್ಲಾ ಅಂತಾ ಸುಮನ್ನಾಗೋದಾ ಎಂದು ಫ್ಯಾನ್ಸ್​​ ಬೇಸರ ವ್ಯಕ್ತಪಡಿಸಿದ್ದಾರೆ.

ಐಪಿಎಲ್​ನ ಮೊದಲ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಸೋತ ಆರ್​ಸಿಬಿ, ತನ್ನ ಎರಡನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದಿತು. ಆದರೆ ಮೂರು ಮತ್ತು ನಾಲ್ಕನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಸೋಲನುಭವಿಸಿತು. ಇದೀಗ ತನ್ನ ಐದನೇ ಪಂದ್ಯಕ್ಕೆ ಆರ್​​ಸಿಬಿ ಸಜ್ಜಾಗುತ್ತಿದೆ.

IPL_Entry_Point