ನಾಳೆಯೇ ಡಬ್ಲ್ಯುಪಿಎಲ್​ ಹರಾಜು; ಪರ್ಸ್ ಮೊತ್ತ, ಸ್ಲಾಟ್​ಗಳು, ತಂಡಗಳು, ಸಮಯ; ಇಲ್ಲಿದೆ ಮಾಹಿತಿ

2024ರ ಮಹಿಳಾ ಪ್ರೀಮಿಯರ್ ಲೀಗ್​ನ (Womens Premier League) ಮಿನಿ ಹರಾಜಿಗೆ ದಿನವಷ್ಟೇ ಬಾಕಿ ಇದೆ. ಡಿಸೆಂಬರ್ 9ರಂದು ಮಧ್ಯಾಹ್ನ 3 ಗಂಟೆಗೆ ಮುಂಬೈನಲ್ಲಿ ಈ ಹರಾಜು ನಡೆಯಲಿದೆ. ಡಬ್ಲ್ಯುಪಿಎಲ್​ ಇತಿಹಾಸದಲ್ಲಿ 2ನೇ ಬಾರಿ ಆಕ್ಷನ್ ನಡೆಯುತ್ತಿದ್ದು, ಆಟಗಾರ್ತಿಯರು ಲಕ್ಷ ಲಕ್ಷ ಹಣವನ್ನು ತಮ್ಮ ಜೇಬಿಗಿಳಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಈಗಾಗಲೇ 5 ತಂಡಗಳು 60 ಆಟಗಾರ್ತಿಯರನ್ನು (21 ಸಾಗರೋತ್ತರ) ಉಳಿಸಿಕೊಂಡಿದ್ದು, 29 ಮಂದಿಯನ್ನು ಬಿಡುಗಡೆ ಮಾಡಿವೆ.

ಹಾಗಾದರೆ ಯಾವ ತಂಡದ ಬಳಿ ಎಷ್ಟು ಪರ್ಸ್ ಮೊತ್ತ ಇದೆ? ಎಷ್ಟು ಸ್ಲಾಟ್​ಗಳು ಖಾಲಿ ಇವೆ, ರಿಟೈನ್ ಮತ್ತು ರಿಲೀಸ್ ಆಟಗಾರ್ತಿಯರ ಪಟ್ಟಿ ಹೇಗಿದೆ? ಯಾವ ತಂಡದ ಬಳಿಕ ಹೆಚ್ಚಿನ ಪರ್ಸ್ ಇದೆ? ನೇರ ಪ್ರಸಾರ ವೀಕ್ಷಿಸುವುದೆಲ್ಲಿ? ಎಂಬುದರ ವಿವರ ಇಲ್ಲಿದೆ.

ದೆಹಲಿ ಕ್ಯಾಪಿಟಲ್ಸ್ (DC)

ಉಳಿಸಿಕೊಂಡಿರುವ ಆಟಗಾರ್ತಿಯರು: ಆಲಿಸ್ ಕ್ಯಾಪ್ಸೆ*, ಅರುಂಧತಿ ರೆಡ್ಡಿ, ಜೆಮಿಮಾ ರೋಡ್ರಿಗಸ್, ಜೆಸ್ ಜೊನಾಸೆನ್*, ಲಾರಾ ಹ್ಯಾರಿಸ್*, ಮರಿಜಾನ್ನೆ ಕಪ್*, ಮೆಗ್ ಲ್ಯಾನಿಂಗ್*, ಮಿನ್ನು ಮಣಿ, ಪೂನಂ ಯಾದವ್, ರಾಧಾ ಯಾದವ್, ಶಫಾಲಿ ವರ್ಮಾ, ಶಿಖಾ ಪಾಂಡೆ, ಸ್ನೇಹಾ ದೀಪ್ತಿ, ತಾನಿಯಾ, ಟಿಟಾಸ್ ಸಾಧು.

ಬಿಡುಗಡೆಯಾದ ಆಟಗಾರ್ತಿಯರು: ಅಪರ್ಣಾ ಮೊಂಡಲ್, ಜಸಿಯಾ ಅಖ್ತರ್, ತಾರಾ ನಾರ್ರಿಸ್*

ಗುಜರಾತ್ ಜೈಂಟ್ಸ್ (GG)

ಉಳಿಸಿಕೊಂಡಿರುವ ಆಟಗಾರ್ತಿಯರು: ಆ್ಯಶ್ಲೆ ಗಾರ್ಡ್ನರ್*, ಬೆತ್ ಮೂನಿ*, ದಯಾಲನ್ ಹೇಮಲತಾ, ಹರ್ಲೀನ್ ಡಿಯೋಲ್, ಲಾರಾ ವೊಲ್ವಾರ್ಡ್*, ಶಬ್ನಮ್ ಶಕಿಲ್, ಸ್ನೇಹ ರಾಣಾ, ತನುಜಾ ಕನ್ವರ್

ಬಿಡುಗಡೆಯಾದ ಆಟಗಾರ್ತಿಯರು: ಅನ್ನಾಬೆಲ್ ಸದರ್ಲ್ಯಾಂಡ್*, ಅಶ್ವನಿ ಕುಮಾರಿ, ಜಾರ್ಜಿಯಾ ವೇರ್ಹ್ಯಾಮ್*, ಹರ್ಲಿ ಗಾಲಾ, ಕಿಮ್ ಗಾರ್ತ್*, ಮಾನ್ಸಿ ಜೋಶಿ, ಮೋನಿಕಾ ಪಟೇಲ್, ಪರುಣಿಕಾ ಸಿಸೋಡಿಯಾ, ಸಬ್ಬಿನೇನಿ ಮೇಘನಾ, ಸೋಫಿಯಾ ಡಂಕ್ಲೆ*, ಸುಷ್ಮಾ ವರ್ಮಾ.

ಮುಂಬೈ ಇಂಡಿಯನ್ಸ್ (MI)

ಉಳಿಸಿಕೊಂಡಿರುವ ಆಟಗಾರ್ತಿಯರು: ಅಮನ್‌ಜೋತ್ ಕೌರ್, ಅಮೆಲಿಯಾ ಕೆರ್*, ಕ್ಲೋಯ್ ಟ್ರಯಾನ್*, ಹರ್ಮನ್‌ಪ್ರೀತ್ ಕೌರ್, ಹೇಲಿ ಮ್ಯಾಥ್ಯೂಸ್*, ಹುಮೈರಾ ಕಾಜಿ, ಇಸಾಬೆಲ್ಲೆ ವಾಂಗ್*, ಜಿಂಟಿಮಣಿ ಕಲಿತಾ, ನಟಾಲಿ ಸ್ಕೈವರ್*, ಪೂಜಾ ವಸ್ತ್ರಾಕರ್, ಪ್ರಿಯಾಂಕಾ ಬಾಲಾ, ಸೈಕಾ ಇಶಾಕ್, ಯಾಸ್ತಿಕಾ ಭಾಟಿಯಾ

ಬಿಡುಗಡೆಯಾದ ಆಟಗಾರ್ತಿಯರು: ಧಾರಾ ಗುಜ್ಜರ್, ಹೀದರ್ ಗ್ರಹಾಂ*, ನೀಲಂ ಬಿಷ್ಟ್, ಸೋನಮ್ ಯಾದವ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB)

ಉಳಿಸಿಕೊಂಡಿರುವ ಆಟಗಾರ್ತಿಯರು: ಆಶಾ ಶೋಬನಾ, ದಿಶಾ ಕಸತ್, ಎಲ್ಲಿಸ್ ಪೆರ್ರಿ*, ಹೀದರ್ ನೈಟ್*, ಇಂದ್ರಾಣಿ ರಾಯ್, ಕನಿಕಾ ಅಹುಜಾ, ರೇಣುಕಾ ಸಿಂಗ್, ರಿಚಾ ಘೋಷ್, ಶ್ರೇಯಾಂಕಾ ಪಾಟೀಲ್, ಸ್ಮೃತಿ ಮಂಧಾನ, ಸೋಫಿ ಡಿವೈನ್*

ಬಿಡುಗಡೆಯಾದ ಆಟಗಾರ್ತಿಯರು: ಡೇನೆ ವ್ಯಾನ್ ನೀಕರ್ಕ್*, ಎರಿನ್ ಬರ್ನ್ಸ್*, ಕೋಮಲ್ ಝಂಜಾದ್, ಮೇಗನ್ ಶುಟ್*, ಪೂನಮ್ ಖೇಮ್ನಾರ್, ಪ್ರೀತಿ ಬೋಸ್, ಸಹನಾ ಪವಾರ್

ಯುಪಿ ವಾರಿಯರ್ಸ್ (UPW)

ಉಳಿಸಿಕೊಂಡಿರುವ ಆಟಗಾರ್ತಿಯರು: ಅಲಿಸ್ಸಾ ಹೀಲಿ*, ಅಂಜಲಿ ಸರ್ವಾಣಿ, ದೀಪ್ತಿ ಶರ್ಮಾ, ಗ್ರೇಸ್ ಹ್ಯಾರಿಸ್*, ಕಿರಣ್ ನವಗಿರೆ, ಲಾರೆನ್ ಬೆಲ್*, ಲಕ್ಷ್ಮಿ ಯಾದವ್, ಪಾರ್ಶವಿ ಚೋಪ್ರಾ, ರಾಜೇಶ್ವರಿ ಗಾಯಕ್ವಾಡ್, ಎಸ್ ಯಶಸ್ರಿ, ಶ್ವೇತಾ ಸೆಹ್ರಾವತ್, ಸೋಫಿ ಎಕ್ಲೆಸ್ಟೋನ್*, ತಹ್ಲಿಯಾ*

ಬಿಡುಗಡೆಯಾದ ಆಟಗಾರ್ತಿಯರು: ದೇವಿಕಾ ವೈದ್ಯ, ಶಬ್ನಿಮ್ ಇಸ್ಮಾಯಿಲ್*, ಶಿವಾಲಿ ಶಿಂಧೆ, ಸಿಮ್ರಾನ್ ಶೇಖ್.

ಪರ್ಸ್ ಗಾತ್ರ, ಸ್ಲಾಟ್​ಗಳು

ಮುಂಬೈ ಇಂಡಿಯನ್ಸ್: ಹರ್ಮನ್ ನೇತೃತ್ವದ ತಂಡದಲ್ಲಿ 2.1 ಕೋಟಿ ಮಾತ್ರ ಉಳಿದಿದೆ. 1 ಒಂದು ವಿದೇಶಿ ಸೇರಿ ಒಟ್ಟು 5 ಸ್ಲಾಟ್​ಗಳನ್ನು ತುಂಬಬೇಕಿದೆ.

ಡೆಲ್ಲಿ ಕ್ಯಾಪಿಟಲ್ಸ್: ಮೆಗ್ ಲ್ಯಾನಿಂಗ್​ ನಾಯಕತ್ವದ ಡೆಲ್ಲಿ ತಂಡದಲ್ಲಿ 2.25 ಕೋಟಿ ಪರ್ಸ್ ಮೊತ್ತ ಇದೆ. 1 ವಿದೇಶಿ ಸೇರಿ ಮೂವರ ಮೇಲೆ ಬಂಡವಾಳ ಹೂಡಬೇಕು.

ಯುಪಿ ವಾರಿಯರ್ಸ್: ಅಲಿಸಾ ಹೀಲಿ ಸಾರಥ್ಯದ ಯುಪಿ ತಂಡದಲ್ಲಿ 4 ಕೋಟಿ ಪರ್ಸ್ ಮೊತ್ತ ಇದೆ. ಒಂದು 1 ವಿದೇಶಿ ಸೇರಿ 5 ಆಟಗಾರ್ತಿಯರನ್ನು ತಂಡಕ್ಕೆ ಖರೀದಿಸಬೇಕಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಸ್ಮೃತಿ ಮಂಧಾನ ಕ್ಯಾಪ್ಟನ್ಸಿಯ ಆರ್​ಸಿಬಿಯಲ್ಲಿ 3.35 ಕೋಟಿ ಬಜೆಟ್ ಉಳಿದಿದೆ. 3 ವಿದೇಶಿ ಸೇರಿ ಒಟ್ಟು 7 ಭಾರತದ ಆಟಗಾರ್ತಿಯರನ್ನು ಖರೀದಿಸಬೇಕು.

ಗುಜರಾತ್ ಜೈಂಟ್ಸ್: ಅತಿ ಹೆಚ್ಚು ಬಜೆಟ್ ಹೊಂದಿರುವ ತಂಡ ಎನಿಸಿರುವ ಗುಜರಾತ್ ಪರ್ಸ್​​ನಲ್ಲಿ 5.95 ಕೋಟಿ ಇದೆ. 3 ವಿದೇಶಿ ಸೇರಿ 10 ಆಟಗಾರ್ತಿಯರನ್ನು ಖರೀದಿಸಬೇಕು.

ಹರಾಜಿನಲ್ಲಿ ಎಷ್ಟಿದ್ದಾರೆ?

2024ರ ಮಹಿಳಾ ಪ್ರೀಮಿಯರ್ ಲೀಗ್ ಹರಾಜಿನಲ್ಲಿ ಒಟ್ಟು 165 (56 ಕ್ಯಾಪ್ಡ್, 109 ಅನ್‌ಕ್ಯಾಪ್ಡ್) ಆಟಗಾರ್ತಿಯರಿದ್ದಾರೆ. ಈ ಪೈಕಿ 104 ಭಾರತೀಯರ ಜೊತೆಗೆ 61 ವಿದೇಶಿ ಆಟಗಾರ್ತಿಯರಿದ್ದಾರೆ ಎಂಬುದು ವಿಶೇಷ. ದೇವಿಕಾ ವೈದ್ಯ (ಮೂಲ ಬೆಲೆ: ರೂ 30 ಲಕ್ಷ), ದೆಯಾಂಡ್ರಾ ದೊಟ್ಟಿನ್ (ಮೂಲ ಬೆಲೆ: ರೂ. 50 ಲಕ್ಷ, ಚಾಮರಿ ಅಟ್ಟಪಟ್ಟು (ಮೂಲ ಬೆಲೆ: ರೂ. 30 ಲಕ್ಷ, ಶಬ್ನಿಮ್ ಇಸ್ಮಾಯಿಲ್ (ಮೂಲ ಬೆಲೆ: ರೂ. 40 ಲಕ್ಷ) ಸೇರಿದಂತೆ ಹಲವು ದೊಡ್ಡ ಹೆಸರುಗಳಾಗಿವೆ.

ಹರಾಜನ್ನು ಎಲ್ಲಿ ವೀಕ್ಷಿಸಬೇಕು?

2024ರ ಡಬ್ಲ್ಯುಪಿಎಲ್ ಹರಾಜನ್ನು ಸ್ಪೋರ್ಟ್ಸ್ 18ನಲ್ಲಿ ಪ್ರಸಾರ ಮಾಡಲಾಗುತ್ತದೆ. ಜಿಯೋ ಸಿನಿಮಾ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ನಲ್ಲಿ ಲೈವ್‌ಸ್ಟ್ರೀಮ್ ಮಾಡಲಾಗುತ್ತದೆ.

ಗಮನಕ್ಕೆ - ಸ್ಟಾರ್​ * ಎಂದು ಗುರುತು ಹಾಕಿರುವ ಆಟಗಾರ್ತಿಯರು ವಿದೇಶಿಗರು ಎಂದರ್ಥ.