ಬಿಗ್‌ ಬಾಸ್ ಮನೆಯಲ್ಲಿ ಹಂಸಾಗೆ ಮುಂ* ಪದ ಪ್ರಯೋಗಿಸಿದ ಜಗದೀಶ್! ಸದ್ದು ಮಾಡಿದ ‘ರೋಲ್‌ಕಾಲ್‌ ಲಾಯರ್‌’, ‘5 ಕೋಟಿ ಡೀಲರ್’
Bigg Boss Kannada 11 Oct 17th Episode: ಬಿಗ್‌ ಬಾಸ್ ಮನೆ ಅಕ್ಷರಶಃ ರಣರಂಗವಾಗಿದೆ. ಮಹಿಳಾ ಸ್ಪರ್ಧಿಗಳಿಗೆ ಕೆಟ್ಟ ಪದ ಬಳಕೆ ಮಾಡಿದ ಬೆನ್ನಲ್ಲೇ, ಜಗದೀಶ್ ವಿರುದ್ಧ ಇಡೀ ಮನೆ ತಿರುಗಿ ಬಿದ್ದಿದೆ. ಮಾತಿನ ಭರದಲ್ಲಿ ವೈಯಕ್ತಿಕ ವಿಚಾರಗಳೂ ಸ್ಪರ್ಧಿಗಳ ಬಾಯಲ್ಲಿ ಬಂದಿವೆ. ಹಾಗಾದರೆ, ನಿನ್ನೆ ಬಿಗ್‌ ಬಾಸ್ ಮನೆಯಲ್ಲಿ ನಡೆದಿದ್ದು ಏನು?
Bigg Boss Kannada 11: ಗುರುವಾರ ಬಿಗ್‌ ಬಾಸ್ ಮನೆ ಅಕ್ಷರಶಃ ನರಕವಾಗಿತ್ತು. ಇಷ್ಟು ದಿನ ಜಗದೀಶ್ ಅವರ ಮಾತುಗಳನ್ನು ಸಹಿಸಿಕೊಂಡು ಬಂದಿದ್ದ ಸ್ಪರ್ಧಿಗಳ ಸಹನೆಯ ಕಟ್ಟೆಯೊಡೆದಿದೆ. ಜಗದೀಶ್ ವಿರುದ್ಧ ಇಡೀ ಮನೆ ಮಂದಿ ತಿರುಗಿ ಬಿದ್ದಿದ್ದು, ಈ ಕೂಡಲೇ ಈ ವ್ಯಕ್ತಿಯನ್ನು ಮನೆಗೆ ಕಳಿಸಿ ಎಂಬ ಮಾತುಗಳೂ ಕೇಳಿ ಬಂದಿವೆ. ಶೋನಲ್ಲಿ ಮಹಿಳೆಯರ ಬಗ್ಗೆ ಕೆಟ್ಟ ಪದ ಬಳಕೆ ಮಾಡಿ, ಇಡೀ ಮನೆಯನ್ನು ರಣರಂಗ ಮಾಡಿದ್ದಾರೆ. ಅದರಲ್ಲೂ ಮಹಿಳಾ ಸ್ಪರ್ಧಿಗಳು ರೊಚ್ಚಿಗೆದ್ದು ಜಗದೀಶ್ ಅವರ ನೀರಿಳಿಸಿದ್ದಾರೆ.
ಟಾಸ್ಕ್‌ ಮುಗಿದ ಬಳಿಕ ಗಾರ್ಡನ್‌ ಏರಿಯಾದಲ್ಲಿ ಜಗದೀಶ್ ಮತ್ತು ಗೋಲ್ಡ್‌ ಸುರೇಶ್‌ ಮಾತನಾಡುತ್ತ ಕೂತಿದ್ದರು. ಈ ವೇಳೆ ಮಾತಿ ಭರದಲ್ಲಿ ಜಗದೀಶ್ ಮನೆಯ ಸ್ಪರ್ಧಿಗಳ ಬಗ್ಗೆ ಇಲ್ಲ ಸಲ್ಲದ ಪದ ಬಳಕೆ ಮಾಡಿ ಮಾತನಾಡಲು ಶುರುಮಾಡಿದರು. ಜಗದೀಶ್ ಅವರ ಮಾತುಗಳು ಸುರೇಶ್‌ಗೆ ಅಸಹನೀಯ ಎನಿಸತೊಡಗಿದವು. ಕೂಡಲೇ ಇಂಥ ಪದಗಳ ಪ್ರಯೋಗ ನನ್ನ ಮುಂದೆ ಮಾಡಬೇಡ ಎಂದು ಬೇಡಿಕೊಂಡರು. ಮುಂದುವರಿದು, ಆ ಹಂಸಾ ಮುಂ* ಎಂಬ ಪದ ಪ್ರಯೋಗಿಸಿದರು ಜಗದೀಶ್.
ಸುರೇಶ್‌ ಮುಂದೆ ಹಂಸಾಗೆ ಕೆಟ್ಟ ಪದ ಬಳಕೆ
"ನನ್ನ ಮುಂದೆ ಅವರ ಬಗ್ಗೆ ಆ ರೀತಿಯ ಪದಗಳನ್ನು ಯೂಸ್ ಮಾಡಬೇಡ. ನಾನು ಎದ್ದು ಹೋಗುತ್ತೇನೆ" ಎಂದು ಸುರೇಶ್‌ ಎದ್ದು ನಡೆದರು. ಹೆಣ್ಮಕ್ಕಳ ಬಗ್ಗೆ ಕೆಟ್ಟದಾಗಿ ಮಾತನಾಡಬೇಡ ಎಂದು ಸುರೇಶ್‌ ಪದೇ ಪದೆ ಹೇಳಿದರೂ ಕೇಳದ ಜಗದೀಶ್, ಯಾಕೆ ಗಂಡು ಮಕ್ಕಳು ಬಿಟ್ಟಿ ಬಿದ್ದಿದ್ದೇವಾ? ಎಂದು ಸುರೇಶ್‌ಗೆ ಏಕವಚನದಲ್ಲಿ ಬೈಯುತ್ತ ಮರು ಪ್ರಶ್ನೆ ಮಾಡಿದರು. ಇವರಿಬ್ಬರ ಈ ಜಗಳ ಮನೆಯೊಳಗೆ ಇದ್ದವರಿಗೂ ಕೇಳಿಸಿ, ಎಲ್ಲರೂ ಆಚೆ ಬಂದರು.
ಜಗದೀಶ್ ವಿರುದ್ಧ ತಿರುಗಿ ಬಿದ್ದ ಚೈತ್ರಾ
ಗಾರ್ಡನ್‌ ಏರಿಯಾದಲ್ಲಿ ನಡೆದ ಎಲ್ಲ ವಿಚಾರವನ್ನು ಮನೆಯ ಇತರ ಸದಸ್ಯರ ಮುಂದೆ ಸುರೇಶ್‌ ಹೇಳುತ್ತಿದ್ದಂತೆ, ಮಹಿಳಾ ಸ್ಪರ್ಧಿಗಳು ಜಗದೀಶ್ ವಿರುದ್ಧ ಕೆಂಡ ಕಾರಿದರು. ಚೈತ್ರಾ ಕುಂದಾಪುರ ಜಗದೀಶ್ ಮೇಲೆರಗಿ, ಆ ಪದ ಬಳಕೆ ಮಾಡಿದ್ದೇ ನಿಜವಾದರೆ ಒಪ್ಪಿಕೊಳ್ಳಿ ಎಂದು ಜಗದೀಶ್‌ಗೆ ಆವಾಜ್‌ ಹಾಕಿದರು. ನನಗೆ ಮೋಸ ಮಾಡಿದವರಿಗೆ ನಾನು ಹಾಗೆ ಹೇಳಿದ್ದೇನೆ. ಏನು ಮಾಡಿಕೊಳ್ತಿಯಾ ಮಾಡ್ಕೋ ಎಂದು ಸುರೇಶ್‌ಗೆ ಹೇಳಿದ್ದಾರೆ ಜಗದೀಶ್.
ರೋಲ್‌ ಕಾಲ್‌ ಲಾಯರ್‌, 5 ಕೋಟಿ ಡೀಲರ್
ಹೀಗೆ ಮುಂದುವರಿದು ಚೈತ್ರಾ ಕುಂದಾಪುರ ಬಗ್ಗೆ ನಾಲಿಗೆ ಹರಿಬಿಟ್ಟ ಜಗದೀಶ್ 5 ಕೋಟಿ ಇಸ್ಕೊಂಡು ಇಲ್ಲಿಗೆ ಬಂದಿಲ್ಲ. 5 ಕೋಟಿ ಚಾರ್ಜ್‌ ಶೀಟ್‌ನಲ್ಲಿದೆ. ನಿನಗೆ ಪ್ರಾಮಾಣಿಕತೆ ಇದ್ಯಾ? ನೀನೊಬ್ಬಳು 5 ಕೋಟಿ ಡೀಲರ್ ಎಂದಿದ್ದಾರೆ. ಇದಕ್ಕೆ ಪ್ರತ್ಯುತ್ತರವಾಗಿ, ನಿನ್ನಂಗೆ ರೋಲ್‌ಕಾಲ್‌ ಮಾಡಿಲ್ಲ. ಧಮ್‌ ಇದ್ದರೆ ಅಪ್ಪಂಗೆ ಹುಟ್ಟಿದ್ದರೆ ಇನ್ನೊಂದು ಸಲ ಆ ಪದ ಯೂಸ್ ಮಾಡು ನೋಡೋಣ. ರೋಲ್‌ಕಾಲ್‌ ಲಾಯರ್‌ ನೀನು. ನಿನ್ನ ಲೈಸೆನ್ಸ್ ಕ್ಯಾನ್ಸಲ್ ಆಗಿದೆ ಕಣೋ.. ನೀನು ಲಾಯರ್‌ಗಿರಿ ಮಾಡುವ ಹಾಗಿಲ್ಲ. ಒಬ್ಬ ಅಪ್ಪಂಗೆ ಹುಟ್ಟಿದ್ರೆ ಬಾರೋ ಲೇ ಎಂದೆಲ್ಲ ಜಗದೀಶ್‌ಗೆ ಚೈತ್ರಾ ಆವಾಜ್‌ ಹಾಕಿದ್ದಾರೆ.
ನಡೆಯುತ್ತಾ ಡಬಲ್‌ ಎಲಿಮಿನೇಷನ್‌?
ಇತ್ತ ನೀನೊಬ್ಬ ಗಂಡ್ಸಾ? ಹೋಗಿ ಸೀರೆ ಉಟ್ಕೋ ಎಂದು ಮಾನಸಾ ಜಗದೀಶ್ ವಿರುದ್ಧ ರೊಚ್ಚಿಗೆದ್ದಿದ್ದಾರೆ. ಅಷ್ಟಕ್ಕೆ ಸುಮ್ಮನಾಗದ ಹಂಸಾ ಸಹ ಮಧ್ಯ ಪ್ರವೇಶಿಸಿ ಸೀರೆ ಯಾಕೆ? ಹೆಂಗಸಾಗೋಕೂ ಲಾಯಕ್ಕಿಲ್ಲ ಇವನು ಎಂದಿದ್ದಾರೆ ಹಂಸ. ಇದೇ ವೇಳೆ ಜಗದೀಶ್ ಅವರನ್ನು ರಂಜಿತ್‌ ತಳ್ಳಿದರು. ಇದೆಲ್ಲವನ್ನು ತಿಳಿದ ಬಿಗ್‌ಬಾಸ್‌ ಜೋರಾಗಿಯೇ ಕೂಗಿ ನಾಯಕ ಶಿಶಿರ್‌ ಮತ್ತು ಸುರೇಶ್‌ ಕಡೆಯಿಂದ ಮಾಹಿತಿ ಪಡೆದಿದ್ದಾರೆ. ಬಳಿಕ ಮಹಿಳೆಯರ ಮೇಲಿನ ನಿಂದನೆ ಆರೋಪದ ಮೇಲೆ ಜಗದೀಶ್ ಮತ್ತು ದೈಹಿಕ ಹಲ್ಲೆಗೆ ಯತ್ನಿಸಿದ ರಂಜಿತ್‌ ಅವರನ್ನು ಮುಖ್ಯದ್ವಾರದ ಮೂಲಕ ಹೊರಗೆ ಕರೆಸಿದ್ದಾರೆ.
ವಿಭಾಗ