Dance Karnataka Dance: ಡಿಕೆಡಿ ಶೋ ಮುಗೀತಾ ಬಂತು, ಸರಿಗಮಪ ಹೊಸ ಸೀಸನ್‌ ಪ್ರೋಮೋನೂ ರಿಲೀಸ್‌ ಆಯ್ತು
Sa Re Ga Ma Pa: ಸರಿಗಪಮ ಹೊಸ ಸೀಸನ್‌ ಶುರುವಾಗಲಿದೆ. ಅದಕ್ಕಾಗಿಯೇ ಹೊಸ ಪ್ರೋಮೋ ಸಹ ಬಿಡುಗಡೆ ಆಗಿದೆ. ರಾಜೇಶ್‌ ಕೃಷ್ಣನ್‌ ಮರಳಿ ಬಂದಿದ್ದಾರೆ. ಇನ್ನೊಂದೆಡೆ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಶೋ ಫಿನಾಲೆ ಹಂತಕ್ಕೆ ಬಂದಿದ್ದು, ಡಿಕೆಡಿ ಮುಗೀತಿದ್ದಂತೆ, ಸಂಗೀತದ ಹಬ್ಬ ಶುರುವಾಗಲಿದೆ.
Dance Karnataka Dance: ಜೀ ಕನ್ನಡ ಇತ್ತೀಚೆಗಷ್ಟೇ ಜೀ ಎಂಟರ್ಟ್ರೈನರ್ಸ್‌ ಶೋ ಮೂಲಕ ವಾರಾಂತ್ಯಕ್ಕೆ ದೊಡ್ಡ ರಿಯಾಲಿಟಿ ಶೋ ಜತೆಗೆ ಆಗಮಿಸಿತ್ತು. 10 ಸೀರಿಯಲ್‌ ತಂಡಗಳು ಒಟ್ಟಾಗಿ, ಐದು ವಿವಿಧ ವಿಭಾಗಗಳಲ್ಲಿ ಸೆಣೆಸಬೇಕಿತ್ತು. ಅದರಂತೆ, ಆ ಹೊಸ ಶೋಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಕಿರುತೆರೆಯ ಸೀರಿಯಲ್‌ಗಳಲ್ಲಿ ನಟನೆ ಮೂಲಕ ಮೋಡಿ ಮಾಡುತ್ತಿದ್ದವರು, ರಿಯಾಲಿಟಿ ಶೋಗೆ ಆಗಮಿಸಿ ಅಲ್ಲಿಯೂ ಕಮಾಲ್‌ ಮಾಡುತ್ತಿದ್ದಾರೆ. ಇದರ ಜತೆಗೆ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಶೋ ಸಹ ಇದೀಗ ಸೆಮಿಫೈನಲ್‌ ಹಂತದಲ್ಲಿದೆ. ಈ ಡಿಕೆಡಿ ಮುಗಿಯುತ್ತಿದ್ದಂತೆ, ಸರಿಗಮಪ ಹೊಸ ಸೀಸನ್‌ ಶುರುವಾಗಲಿದೆ.
ಸರಿಗಪಮ ಹೊಸ ಸೀಸನ್‌ ಶುರು
ಸರಿಗಪಮ ಹೊಸ ಸೀಸನ್‌ ಶುರುವಾಗಲಿದೆ. ಅದಕ್ಕಾಗಿಯೇ ಹೊಸ ಪ್ರೋಮೋ ಸಹ ಬಿಡುಗಡೆ ಆಗಿದೆ. ಅಚ್ಚರಿಯ ವಿಚಾರ ಏನೆಂದರೆ, ಇತ್ತೀಚಿನ ಕೆಲಸ ಸೀಸನ್‌ಗಳಲ್ಲಿ ಹಂಸಲೇಖ, ಅರ್ಜುನ್‌ ಜನ್ಯ ಮತ್ತು ವಿಜಯ್‌ ಪ್ರಕಾಶ್‌ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಈ ಶೋಗೆ ಈಗ ಖ್ಯಾತ ಗಾಯಕನ ಆಗಮನವಾಗಿದೆ. ಕೆಲ ಸೀಸನ್‌ಗಳಿಂದ ದೂರವೇ ಉಳಿದಿದ್ದ ರಾಜೇಶ್‌ ಕೃಷ್ಣನ್‌ ಇದೀಗ ಮತ್ತೆ ಅರ್ಜುನ್‌ ಜನ್ಯ ಮತ್ತು ವಿಜಯ್‌ ಪ್ರಕಾಶ್‌ ಅವರ ಜತೆ ಸೇರಿದ್ದಾರೆ. ಈ ಮೂಲಕ ಹೊಸ ಥ್ರಿಲ್‌ ಕೊಡಲು ತ್ರಿಮೂರ್ತಿಗಳು ಸಜ್ಜಾಗಿದ್ದಾರೆ.
ಡಿಕೆಡಿ ಮುಗೀತ್ತಿದ್ದಂತೆ ಸಂಗೀತ ರಸದೌತಣ
ಹಾಗಾದರೆ ಸರಿಗಮಪ ಸಿಂಗಿಂಗ್‌ ಶೋ ಯಾವಾಗಿನಿಂದ ಶುರು, ಸದ್ಯಕ್ಕೆ ಹೊಸ ಪ್ರೋಮೋದಲ್ಲಿ ದಿನಾಂಕದ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ, ಇನ್ನೇನು ಶೀಘ್ರದಲ್ಲಿ ಎಂದಷ್ಟೇ ಹೇಳಿಕೊಂಡಿದೆ ಜೀ ಕನ್ನಡ ವಾಹಿನಿ. ಇತ್ತ ಈಗಾಗಲೇ ಡಾನ್ಸ್‌ ಕರ್ನಾಟಕ ಡಾನ್ಸ್‌ ಶೋ ಕೊನೇ ಹಂತಕ್ಕೆ ಬಂದು ನಿಂತಿದೆ. ನ. 23 ಮತ್ತು 24ರಂದು ಸೆಮಿಫೈನಲ್‌ ನಡೆದಿದ್ದು, ಮುಂದಿನ ವಾರವೇ ಫಿನಾಲೆ ನಡೆಯಲಿದೆ. ಈ ಫಿನಾಲೆ ಮುಗಿದ ಬಳಿಕ ಅಂದರೆ, ಡಿಸೆಂಬರ್‌ 7 ಮತ್ತು 8ರಿಂದ ಸರಿಗಮಪ ಶುರುವಾಗುವ ಸಾಧ್ಯತೆಗಳಿವೆ.
ಡಿಕೆಡಿ ಫಿನಾಲೆ ಸುತ್ತಿನಲ್ಲಿ ಏಳು ಜೋಡಿ
ಶಿವಣ್ಣ, ಚಿನ್ನಿ ಮಾಸ್ಟರ್‌, ವಿಜಯ ರಾಘವೇಂದ್ರ ಮತ್ತು ರಕ್ಷಿತಾ ಪ್ರೇಮ್‌ ತೀರ್ಪುಗಾರರಾಗಿ ನಡೆಸಿಕೊಡುವ ಡಿಕೆಡಿ ಶೋವನ್ನು ಆಂಕರ್‌ ಅನುಶ್ರೀ ನಿರೂಪಿಸುತ್ತಿದ್ದಾರೆ. ಈಗಾಗಲೇ ಹತ್ತಾರು ವಾರಗಳ ಕಾಲ ಎಲ್ಲರನ್ನು ರಂಜಿಸಿದ ಈ ಶೋ ಈಗ ಕೊನೇ ಹಂತಕ್ಕೆ ಬಂದು ನಿಂತಿದೆ. ಆ ಪೈಕಿ ಈ ಸಲದ ಡಿಕೆಡಿಯ ಫಿನಾಲೆ ಸುತ್ತಿಗೆ ಒಟ್ಟು ಏಳು ಜೋಡಿಗಳು ಆಯ್ಕೆಯಾಗಿವೆ. ಆ ಜೋಡಿಗಳ್ಯಾವವು ಎಂಬ ಮಾಹಿತಿ ಇಲ್ಲಿದೆ.
ಗಿಲ್ಲಿ ನಟ - ಹನೀಷಾ
ಜಾಹ್ನವಿ- ಕಂಠಿ
ಶಶಾಂಕ್‌- ಪ್ರಿಯಾ
ಶಶಾಂಕ್‌- ಕಾವ್ಯಾ
ಗಗನಾ - ಉಜ್ವಲ್
ನಿತಿನ್- ಶ್ರೀವಲ್ಲಿ
ಯಶಸ್ವಿನಿ- ಚೆರ್ರಿ
