Bigg Boss Kannada: ಧನರಾಜ್, ಗೌತಮಿ ನಡುವೆ ಮುನಿಸು; ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚಾಯ್ತು ನಾಮಿನೇಷನ್ ಬಿಸಿ
Bigg Boss Kannada Season 11: ಬಿಗ್ ಬಾಸ್ ಮನೆಯಲ್ಲಿ ನಾಮಿನೇಷನ್ ಆರಂಭವಾದರೆ ಸಾಕು ಕಾವೇರುತ್ತದೆ. ಒಬ್ಬರ ಅಭಿಪ್ರಾಯವನ್ನು ಇನ್ನೊಬ್ಬರು ತೆಗೆದುಕೊಳ್ಳಲು ಇಷ್ಟವಿಲ್ಲದೆ ಕೂಗಾಡಿಕೊಳ್ಳುವುದು ಸಾಮಾನ್ಯವಾಗಿಬಿಟ್ಟಿದೆ. ಈ ಬಾರಿ ಧನರಾಜ್ ಹಾಗೂ ಗೌತಮಿ ನಡುವೆ ಜಗಳವಾಗಿದೆ.
ಮೋಕ್ಷಿತಾ, ತ್ರಿವಿಕ್ರಂ, ಭವ್ಯಾ ಹಾಗೂ ಗೌತಮಿ ಎಲ್ಲರೂ ನಾಮಿನೇಟ್ ಆಗಿದ್ದಾರೆ. ಪ್ರೊಮೋದಲ್ಲಿ ಯಾರ್ಯಾರು ನಾಮಿನೇಟ್ ಆಗಿದ್ದಾರೆ ಎಂಬ ಹೆಸರುಗಳು ಕೇಳಿ ಬಂದಿದೆ. ಗೌತಮಿ ಹಾಗೂ ಧನರಾಜ್ ಆಚಾರ್ ನಡುವೆ ಜಗಳವಾಗಿದೆ. ಧನರಾಜ್ ಆಚಾರ್ ಮಾಡಿದ ಕಾಮಿಡಿಯನ್ನು ಗೌತಮಿ ಅವರು ಧನಾತ್ಮಕವಾಗಿ ತೆಗೆದುಕೊಂಡಿಲ್ಲ ಎಂದು ಹೇಳಿ ಧನರಾಜ್ ಅವರು ಗೌತಮಿಯನ್ನು ನಾಮಿನೇಟ್ ಮಾಡಿದ್ದಾರೆ. ಇನ್ನು ತ್ರಿವಿಕ್ರಂ ಮತ್ತು ಮೋಕ್ಷಿತಾ ನಡುವೆ ಯಾವಾಲೂ ಭಿನ್ನಾಭಿಪ್ರಾಯ ಇದ್ದೇ ಇದೆ.
ಇನ್ನು ಐಶ್ವರ್ಯ ಅವರು ಭವ್ಯಾ ಅವರನ್ನು ನಾಮಿನೇಟ್ ಮಾಡಿದ್ದಾರೆ. ನನಗೆ ಇನ್ನೂ ಅವರ ವ್ಯಕ್ತಿತ್ವವನ್ನು ತಿಳಿದುಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದ್ದಾರೆ. ಅದಕ್ಕೆ ಪ್ರತ್ಯುತ್ತರವಾಗಿ ಭವ್ಯಾ ಗೌಡ ಅವರು ಈ ಮನೆಯಲ್ಲಿ ನಿಮ್ಮ ವ್ಯಕ್ತಿತ್ವ ಏನು ಅನ್ನೋದನ್ನು ಅರ್ಥ ಮಾಡಿಕೊಳ್ಳಿ ಎಂದು ಹೇಳಿದ್ದಾರೆ. ಈ ರೀತಿಯಾಗಿ ಮನೆಯಲ್ಲಿ ಎಲಿಮಿನೇಷನ್ ಬಿಸಿ ಏರಿದೆ. ಯಾವಾಗಲೂ ವಾರದ ಆರಂಭದಲ್ಲಿ ಹಾಗೂ ವಾರಾಂತ್ಯದಲ್ಲಿ ಈ ರೀತಿ ಮನಸ್ತಾಪವಾಗುತ್ತದೆ.
ಇನ್ನು ಧನರಾಜ್ ಆಚಾರ್ ಒಂದು ಬೆಳಗಿನ ಪ್ರಸಂಗವನ್ನು ವಿವರಿಸುತ್ತಾರೆ. ಎಲ್ಲರಿಗೂ ತಮಾಷೆಯಾಗಿ ದಿಂಬಿನಲ್ಲಿ ನಾನು ಹೊಡೆಯುತ್ತಾ ಬಂದೆ. ಅದೇ ರೀತಿ ಗೌತಮಿ ಅವರಿಗೂ ಮಾಡಿದೆ. ಆದರೆ ಅವರು ಅದನ್ನು ಬೇರೆ ರೀತಿಯಲ್ಲಿ ಸ್ವೀಕಾರ ಮಾಡಿದರು. ನನಗೆ ಬೈದ್ರು, ಅಲ್ಲಿ ನಾನು ಎಲ್ಲವನ್ನೂ ಪಾಸಿಟಿವ್ ಆಗಿ ತಗೋತಿನಿ ಎಂದು ಹೇಳುವ ಇವರು ನನ್ನ ಕಾಮಿಡಿಯನ್ನು ಮಾತ್ರ ಧನಾತ್ಮಕವಾಗಿ ತೆಗೆದುಕೊಳ್ಳಲಿಲ್ಲ ಎಂದು ಹೇಳುತ್ತಾರೆ. ಆಗ ಹೌದಾ ನಾನು ಬೆಳಿಗ್ಗೆ ನೀವು ಬಂದ ತಕ್ಷಣ ಹೀಗೆ ಎದ್ದು ಕೂತು ನಗಾಡ್ತಾ ನೀವು ಬಂದು ಹೊಡ್ದಿದ್ದು ನಂಗೆ ಕೋಪ ಬಂತು ಅಂತ ಹೇಳ್ಬೇಕಿತ್ತಾ? ಎಂದು ಪ್ರಶ್ನೆ ಮಾಡುತ್ತಾರೆ ಮತ್ತು ನಾನು ಪಾಸಿಟಿವಿಟಿನೇ ಮರ್ತಿದಿನಿ ಎಂದು ಹೇಳುತ್ತಾರೆ. ಇದನ್ನೆಲ್ಲ ಕೇಳಿ ಧನರಾಜ್ ಆಚಾರ್ ಇನ್ನಷ್ಟು ಕೋಪ ಮಾಡಿಕೊಂಡಂತಿದೆ.
ಇನ್ನು ಮೋಕ್ಷಿತಾ ಹಾಗೂ ಗೌತಮಿಗೆ ಬೆಂಬಲ ನೀಡುವ ವೀಕ್ಷಕರ ಸಂಖ್ಯೆ ದಿನೇ ದಿನೇ ಕಡಿಮೆಯಾಗುತ್ತಾ ಇದೆ. ಗೌತಮಿ ಮತ್ತೆ ಮೋಕ್ಷೀತನ ಆಚೆ ಹಾಕಿ. ಕೆಲವೊಂದು ಸಾರಿ ಬಿಗ್ ಬಾಸ್ ನೋಡಬೇಕು ಅಂದ್ರು ಅವರನ್ನು ನೋಡಿದ ತಕ್ಷಣ ಟಿವಿ ನ ಆಪ್ ಮಾಡಬೇಕು ಅನ್ಸುತ್ತೆ ಎಂದು ಮಧು ಗೌಡ ಕಾಮೆಂಟ್ ಮಾಡಿದ್ದಾರೆ.
ಗೌತಮಿ ಪಾಸಿಟಿವಿಟಿ ಇಲ್ಲ. ಇದೆಲ್ಲ ಡ್ರಾಮಾ ಮುಖವಾಡ ಅಷ್ಟೇ ಎಂದು ರಂಜು ಎನ್ನುವವರು ಕಾಮೆಂಟ್ ಮಾಡಿದ್ದಾರೆ. ಈ ರೀತಿಯಾಗಿ ಸಾಮಾನ್ಯವಾಗಿ ಎಲ್ಲರ ಅಭಿಪ್ರಾಯಗಳು ಕೂಡ ಗೌತಮಿ ಹಾಗೂ ಮೋಕ್ಷಿತಾ ವಿರುದ್ಧವಾಗೇ ಇದೆ. ಇನ್ನು ಕೆಲವರು ತ್ರಿವಿಕ್ರಂ ಪರ ಕಾಮೆಂಟ್ ಮಾಡುತ್ತಿದ್ದರೆ, ಹನುಮಂತ ಮತ್ತು ಧನರಾಜ್ ಒಳ್ಳೆ ಜೋಡಿ ಎನಿಸಿಕೊಂಡಿದ್ದಾರೆ.
