ಒಟಿಟಿಯಲ್ಲಿ ಸ್ಟ್ರೀಮ್ ಆಗ್ತಿದೆ ಪ್ರಭುತ್ವ ಜೂನಿಯರ್ ಕಲಾಶಾಲಾ; ಮೊಬೈಲ್‌ ಇಲ್ಲದ ಸಮಯದಲ್ಲಿ ಲವ್ ಸ್ಟೋರಿಗಳು ಹೇಗಿತ್ತು? ಈ ಸಿನಿಮಾ ನೋಡಿ
ತೆಲುಗು ಯೂತ್ಫುಲ್ ರೊಮ್ಯಾಂಟಿಕ್ ಲವ್ ಸ್ಟೋರಿ ಹೊಂದಿರುವ ಪ್ರಭುತ್ವ ಜೂನಿಯರ್ ಕಲಾಶಾಲಾ ಒಟಿಟಿಯಲ್ಲಿ ರಿಲೀಸ್ ಆಗಿದೆ. ಇದುವರೆಗೂ ಆಹಾ ಒಟಿಟಿಯಲ್ಲಿ ಸ್ಟ್ರೀಮಿಂಗ್‌ ಆಗುತ್ತಿರುವ ಈ ಸಿನಿಮಾ ಗುರುವಾರ ಅಮೆಜಾನ್ ಪ್ರೈಮ್‌ನಲ್ಲಿ ಸ್ಟ್ರೀಮ್ ಆಗುತ್ತಿದೆ. ಚಿತ್ರದಲ್ಲಿ ಪ್ರಣವ್, ಶಗ್ನಶ್ರೀ ನಾಯಕ-ನಾಯಕಿಯಾಗಿ ನಟಿಸಿದ್ದಾರೆ.
ತೆಲುಗಿನ ಪ್ರಭುತ್ವ ಜೂನಿಯರ್ ಕಲಾಶಾಲಾ, ಯೂತ್ಫುಲ್ ರೊಮ್ಯಾಂಟಿಕ್ ಲವ್ ಡ್ರಾಮಾ, ಗುರುವಾರ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸ್ಟ್ರೀಮಿಂಗ್‌ ಆರಂಭಿಸಿದೆ. ಈಗಾಗಲೇ ಈ ಸಿನಿಮಾ ಆಹಾ ಒಟಿಟಿ ವೇದಿಕೆಯಲ್ಲಿ ಸ್ಟ್ರೀಮ್ ಆಗುತ್ತಿದೆ. ಥಿಯೇಟರ್‌ರಲ್ಲಿ ತೆರೆ ಕಂಡ ಒಂದು ತಿಂಗಳ ಆಹಾ ಒಟಿಟಿಗೆ ಬಂದ ಈ ಸಿನಿಮಾ 3 ತಿಂಗಳ ನಂತರ ಅಮೆಜಾನ್ ಪ್ರೈಮ್‌ಗೆ ಬಂದಿದೆ.
1990ರ ಹಿನ್ನೆಲೆ ಇರುವ ಸಿನಿಮಾ
ಈ ರೊಮ್ಯಾಂಟಿಕ್ ಲವ್ ಸ್ಟೋರಿಯಲ್ಲಿ ಪ್ರಣವ್ ಮತ್ತು ಶಗ್ನಶ್ರೀ ನಾಯಕ-ನಾಯಕಿಯರಾಗಿ ನಟಿಸಿದ್ದಾರೆ. ಈ ಚಿತ್ರದ ಮೂಲಕ ಇಬ್ಬರೂ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ. ಶ್ರೀನಾಥ್, ಈ ಚಿತ್ರಕ್ಕೆ ಆಕ್ಷನ್‌ ಕಟ್‌ ಹೇಳಿದ್ದಾರೆ. ಈ ಚಿತ್ರವನ್ನು 1990 ರ ಹಿನ್ನೆಲೆಯಲ್ಲಿ ಚಿತ್ರೀಕರಿಸಲಾಗಿದೆ. ಮೊಬೈಲ್‌, ಇಂಟರ್‌ನೆಟ್‌ ಇಲ್ಲದಿರುವ ಸಮಯದಲ್ಲಿ ಪ್ರೇಮಕಥೆಗಳು ಹೇಗೆ ಇರುತ್ತಿದ್ದವು ಎಂಬುದನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿದೆ. ಈ ಸಿನಿಮಾವನ್ನು ನೈಜವಾಗಿ ಚಿತ್ರೀಕರಿಸಲಾಗಿದೆ.
ಚಿತ್ರಮಂದಿರದಲ್ಲಿ ಪ್ರಭುತ್ವ ಜೂನಿಯರ್ ಕಲಾಶಾಲಾ ಬಿಡುಗಡೆ ಆಗುವ ಸಮಯದಲ್ಲಿ ಪ್ರಭಾಸ್‌ ಅಭಿನಯದ ಕಲ್ಕಿ ಸಿನಿಮಾ ಬಿಡುಗಡೆ ಆಗಿದ್ದರಿಂದ ಈ ಸಿನಿಮಾ ಅದರ ಮುಂದೆ ನಿರೀಕ್ಷಿಸಿದಷ್ಟು ಪ್ರ ಟೈಮಲ್ಲಿ ರಿಲೀಸ್ ಆಗೋದು ಪ್ರಭುತ್ವ ಜೂನಿಯರ್ ಕಲಾಶಾಲೆ ಸಿನಿಮಾಕ್ಕೂ ಮೈನಸ್ ಆಯಿತು.
ಇಬ್ಬರು ಸಂಗೀತ ನಿರ್ದೇಶಕರು
ವಾಸು ಮತ್ತು ಕುಮಾರಿ ಪುಂಗನೂರು ಸರ್ಕಾರಿ ಜೂನಿಯರ್ ಕಾಲೇಜಿನಲ್ಲಿ ಇಂಟರ್ ಮೀಡಿಯೇಟ್ ಓದುತ್ತಿದ್ದಾರೆ. ಅವರ ಆಕಸ್ಮಿಕ ಪರಿಚಯ ಪ್ರೀತಿಗೆ ತಿರುಗುತ್ತದೆ. ಕುಮಾರಿ ಕೆಲವು ವಿಷಯಗಳನ್ನು ವಾಸುವಿನಿಂದ ಮುಚ್ಚಿಡುತ್ತಾಳೆ. ಅದರಿಂದಾಗಿ ಇಬ್ಬರ ನಡುವೆ ಜಗಳ ಶುರುವಾಗುತ್ತದೆ. ಕುಮಾರಿಯ ಪ್ರೀತಿಗಾಗಿ ವಾಸು ಸಾಯಲು ಸಿದ್ಧ. ಕುಮಾರಿ ವಾಸುವನ್ನು ಹೇಗೆ ಕಾಪಾಡುತ್ತಾಳೆ? ಅವರ ಪ್ರೇಮಕಥೆ ಗೆಲ್ಲುತ್ತದೆಯೇ? ಅಥವಾ ಇಲ್ಲವೇ? ಎಂಬುದು ಈ ಸಿನಿಮಾದ ಕಥೆ.
ಕಾರ್ತಿಕ್ ಮತ್ತು ಕಮ್ರಾನ್ ಪ್ರಭುತ್ವ ಜೂನಿಯರ್ ಕಲಾಶಾಲಾ ಚಿತ್ರಕ್ಕೆ ಸಂಗೀತ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಒಬ್ಬರು ಹಾಡುಗಳನ್ನು ಸಂಯೋಜಿಸಿದರೆ ಮತ್ತೊಬ್ಬರು ಹಿನ್ನೆಲೆ ಸಂಗೀತ ನೀಡಿದ್ದಾರೆ. ನಿರ್ದೇಶಕ ಶ್ರೀನಾಥ್ ಅವರಿಗೆ ಇದು ಎರಡನೇ ಸಿನಿಮಾ. ಈ ಹಿಂದೆ ಕೃಷ್ಣರಾವ್ ಸೂಪರ್ ಮಾರ್ಕೆಟ್ ಎಂಬ ಥ್ರಿಲ್ಲರ್ ಸಿನಿಮಾ ಬಿಡುಗಡೆ ಮಾಡಿದ್ದರು. ಹೀರೋ ಪ್ರಣವ್ ಯೂಟ್ಯೂಬ್ ವೀಡಿಯೋಗಳ ಮೂಲಕ ಜನಪ್ರಿಯರಾದರು.
ಗುರುವಾರ ಸರ್ಕಾರಿ ಜೂನಿಯರ್ ಕಾಲೇಜು, ನಾನಿ ಅಭಿನಯದ ಸರಿಪೋದಾ ಶನಿವಾರಂ ಮತ್ತು ಆರ್‌ಟಿಐ ಜೊತೆಗೆ ತೆಲುಗಿನಲ್ಲಿ ಡಬ್ಬಿಂಗ್ ಚಿತ್ರ ಚಪ್ರಾ ಮರ್ಡರ್ ಕೇಸ್ ಒಟಿಟಿ ಪ್ರೇಕ್ಷಕರ ಮುಂದೆ ಬಂದಿದೆ. ಶನಿವಾರ ನೆಟ್‌ಫ್ಲಿಕ್ಸ್‌ನಲ್ಲಿ ಸರಿಪೋದಾ ಶನಿವಾರಂ ಸ್ಟ್ರೀಮ್ ಆಗುತ್ತಿದೆ. ಆರ್‌ಟಿಐ ಸಿನಿಮಾ ಈಟಿವಿ ವಿನ್‌ನಲ್ಲಿ ರಿಲೀಸ್ ಆಗಿದೆ.
