Song Jae-rim passes away: ದಕ್ಷಿಣ ಕೊರಿಯಾದ ಜನಪ್ರಿಯ ಯುವ ನಟ ಸಾಂಗ್ ಜೇ-ರಿಮ್ ನಿಧನ, ಕೊರಿಯನ್‌ ಸಿನಿ ಪ್ರೇಮಿಗಳಿಗೆ ಆಘಾತ
ದಕ್ಷಿಣ ಕೊರಿಯಾದ ಯುವ ನಟ ಸಾಂಗ್ ಜೇ ರಿಮ್ ಮಂಗಳವಾರ (ನವೆಂಬರ್ 12) ನಿಧನರಾಗಿದ್ದಾರೆ. ಅವರಿಗೆ 39 ವರ್ಷ ವಯಸ್ಸಾಗಿತ್ತು. ಕೊರಿಯನ್‌ ಸಿನಿಮಾಗಳಿಗೆ ಜಾಗತಿಕ ಮಟ್ಟದಲ್ಲಿ ಬಹುದೊಡ್ಡ ಪ್ರೇಕ್ಷಕರಿದ್ದು, ಯುವ ನಟನ ನಿಧನಕ್ಕೆ ವಿಶ್ವದ ವಿವಿಧೆಡೆಯ ಅಭಿಮಾನಿಗಳು ಆಘಾತ ವ್ಯಕ್ತಪಡಿಸಿದ್ದಾರೆ.
ಬೆಂಗಳೂರು: ದಕ್ಷಿಣ ಕೊರಿಯಾದ ಜನಪ್ರಿಯ ನಟ ಸಾಂಗ್ ಜೇ-ರಿಮ್ ಮಂಗಳವಾರ (ನವೆಂಬರ್ 12) ನಿಧನರಾದರು. ಅವರಿಗೆ 39 ವರ್ಷ ವಯಸ್ಸಾಗಿತ್ತು. ಸಿಯೋಲ್‌ನಲ್ಲಿರುವ ಇವರ ಅಪಾರ್ಟ್‌ಮೆಂಟ್‌ನಲ್ಲಿ ಶವ ಪತ್ತೆಯಾಗಿದೆ. ಸಾವಿಗೆ ನಿಖರ ಕಾರಣ ಇನ್ನೂ ತಿಳಿದುಬಂದಿಲ್ಲ.
ಸಾಂಗ್ ಜೇ-ರಿಮ್ ಸಿಯೋಲ್‌ನ ಸಿಯೋಂಗ್‌ಡಾಂಗ್ ಜಿಲ್ಲೆಯ ಅಪಾರ್ಟ್‌ಮೆಂಟ್‌ನಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಘಟನಾ ಸ್ಥಳದಲ್ಲಿ 'ಎರಡು ಪುಟಗಳ ಪತ್ರ' ಪತ್ತೆಯಾಗಿದೆ ಎನ್ನಲಾಗಿದೆ. , ನಟನ ಅಂತ್ಯಕ್ರಿಯೆ ನವೆಂಬರ್ 14 ರಂದು ನಡೆಯಲಿದೆ ಎಂದು ವರದಿಯಾಗಿದೆ. ಯೌಯಿಡೋ ಸೇಂಟ್ ಮೇರಿಸ್ ಆಸ್ಪತ್ರೆಯ ಫ್ಯೂನರಲ್ ಹಾಲ್‌ನಲ್ಲಿ ಸ್ಮಾರಕ ಸ್ಥಳವನ್ನು ಏರ್ಪಡಿಸಲಾಗಿದೆ ಎಂದು ಎಕ್ಸ್‌ಪೋರ್ಟ್ಸ್‌ನ್ಯೂಸ್ ವರದಿ ಮಾಡಿದೆ.
ಅಭಿಮಾನಿಗಳ ಆಘಾತ: ಸಾಂಗ್ ಜೇ-ರಿಮ್ ನಿಧನ ಸುದ್ದಿಗೆ ಅಪಾರ ಅಭಿಮಾನಿಗಳು ಶೋಕ ವ್ಯಕ್ತಪಡಿಸಿದ್ದಾರೆ. "ಸಾಂಗ್ ಜೇ-ರಿಮ್ ತನ್ನ ಜೀವನವನ್ನು ಹೀಗೆ ಕೊನೆಗೊಳಿಸಲು ಏನು ಕಾರಣ, ನನ್ನ ಪ್ರೀತಿಯ ನಟನೀತ, ಇದು ತುಂಬಾ ದುಃಖಕರ" ಎಂದು ಒಬ್ಬರು ಟ್ವೀಟ್‌ ಮಾಡಿದ್ದಾರೆ. "ಇದು ನಿಜಕ್ಕೂ ಆಘಾತಕಾರಿ. ನಾನು ಕೊರಿಯಾ ಸಿನಿಮಾ, ವೆಬ್‌ ಸರಣಿ ತುಂಬಾ ಇಷ್ಟಪಡುವೆ. ಇವರ ನಟನೆ ನನಗೆ ಇಷ್ಟ" ಎಂದು ಇನ್ನೊಬ್ಬರು ಬರೆದಿದ್ದಾರೆ.
ಸಾಂಗ್ ಜೇ-ರಿಮ್ ಬಗ್ಗೆ
ಸಾಂಗ್ ಜೆ ರಿಮ್ 2009ರ "ಆಕ್ಟ್ರೇಸ್‌" ಚಿತ್ರದ ಮೂಲಕ ಸಿನಿರಂಗಕ್ಕೆ ಕಾಲಿಟ್ಟರು. ದಿ ಮೂನ್ ಎಂಬ್ರೇಸಿಂಗ್ ದಿ ಸನ್ ಚಿತ್ರದಲ್ಲಿ ನಟಿಸಿದ ಬಳಿಕ ಅವರು ಮನೆಮಾತಾಗಿದ್ದರು. ಲಾರ್ಡ್ ಕಿಮ್ ಜೇ-ವೂನ್ ಎಂಬ ನಿಷ್ಠಾವಂತ ಅಂಗರಕ್ಷಕನ ಪಾತ್ರವನ್ನು ನಿರ್ವಹಿಸಿದ್ದರು.
ಟು ವೀಕ್ಸ್ (2013) ಎಂಬ ಸಿನಿಮಾದಲ್ಲೂ ನಟಿಸಿದ್ದಾರೆ. ಇದರಲ್ಲಿ ಕೊಲೆಗಡುಕನ ಪಾತ್ರವನ್ನು ನಿರ್ವಹಿಸಿದ್ದಾರೆ. ಅನ್‌ಕೈಂಡ್ ಲೇಡೀಸ್ (2015), ಸೀಕ್ರೆಟ್ ಮದರ್ (2018), ಐ ವಾನ್ನಾ ಹಿಯರ್ ಯುವರ್ ಸಾಂಗ್ (2019), ಕೆಫೆ ಮಿನಾಮ್‌ಡಾಂಗ್ (2022) ಮತ್ತು ಇತ್ತೀಚೆಗೆ ಮೈ ಮಿಲಿಟರಿ ವ್ಯಾಲೆಂಟೈನ್ (2024)ನಂತಹ ಶೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 2024ರಲ್ಲಿ ಇವರು ಕ್ವೀನ್ ವೂನಲ್ಲಿ ಕಾಣಿಸಿಕೊಂಡರು. ಐ ವಿಲ್ ಬಿಕಮ್ ರಿಚ್ ಮತ್ತು ಡೆತ್ ಬಿಸಿನೆಸ್ ಮುಂತಾದ ಸಿನಿಮಾಗಳು ಬಿಡುಗಡೆಯಾಗುವ ಮುನ್ನವೇ ಇಹಲೋಕ ತ್ಯಜಿಸಿದ್ದು ಅಪಾರ ಅಭಿಮಾನಿಗಳಿಗೆ ಆಘಾತ ತಂದಿದೆ.
