Rameshwaram Cafe: ಸ್ಫೋಟಕ್ಕೆ ತತ್ತರಿಸಿದ ಬೆಂಗಳೂರಿನ ರಾಮೇಶ್ವರಂ ಕೆಫೆ ಆಹಾರ ಪ್ರಿಯರ ಮೆಚ್ಚಿನ ಕೇಂದ್ರ; ಕಾರ್ತಿಕ್ ಆರ್ಯನ್ ಕೂಡ ಬಂದಿದ್ರು

ಬೆಂಗಳೂರು: ಕರ್ನಾಟಕದ ರಾಜಧಾನಿ ಬೆಂಗಳೂರಿನ ವೈಟ್‌ಫೀಲ್ಡ್ ಭಾಗದ ಬ್ರೂಕ್‌ಫೀಲ್ಡ್‌ನಲ್ಲಿರುವ ರಾಮೇಶ್ವರಂ ಕೆಫೆಯಲ್ಲಿ ಶುಕ್ರವಾರ ನಿಗೂಢ ಸ್ಫೋಟ ಸಂಭವಿಸಿದೆ. ಈ ಕೆಫೆ ದೇಶದ ಆಹಾರ ಪ್ರಿಯರ ಅತ್ಯಂತ ಆಕರ್ಷಣೆ ಮತ್ತು ಅಚ್ಚುಮೆಚ್ಚಿನ ಆಹಾರ ಕೇಂದ್ರವಾಗಿದೆ. ಬೆಂಗಳೂರಿನ ಈ ಕೆಫೆ ಎಷ್ಟು ಜನಪ್ರಿಯವಾಗಿದೆ ಎಂದರೆ ಆಹಾರ ಪ್ರಿಯರು ಇಲ್ಲಿ ಆಹಾರ ತಿನ್ನುವ ಫೋಟೋ, ವಿಡಿಯೋ, ರೀಲ್ಸ್, ಶಾರ್ಟ್ಸ್ ಅನ್ನು ಇನ್‌ಸ್ಟಾಗ್ರಾಂ, ಯೂಟ್ಯೂಬ್‌ಗಳಲ್ಲಿ ಶೇರ್ ಮಾಡದೇ ಇರಲಾರರು.

ಹೀಗಾಗಿ ದಿ ರಾಮೇಶ್ವರಂ ಕೆಫೆಯಲ್ಲಿ ನಡೆದ ಸ್ಫೋಟ, ಸೋಷಿಯಲ್ ಮೀಡಿಯಾದಲ್ಲಿ ಬಹಳ ಚರ್ಚೆಗೆ ಒಳಗಾಗಿದೆ. ಅನೇಕರು ಹಲವು ವಿಡಿಯೋಗಳನ್ನು ಶೇರ್ ಮಾಡುತ್ತಿದ್ದಾರೆ. ಈ ಕೆಫೆಯಲ್ಲಿ ಶುಕ್ರವಾರ ಮಧ್ಯಾಹ್ನ ಸ್ಪೋಟ ಸಂಭವಿಸಿದ ಕಾರಣ ಕನಿಷ್ಠ 5 ಜನ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಗಾಯಗೊಂಡವರ ನಿಖರ ಸಂಖ್ಯೆಯ ಬಗ್ಗೆ ತಕ್ಷಣದ ಮಾಹಿತಿ ಇಲ್ಲವಾದರೂ, ಕನಿಷ್ಠ ಐದು ಜನರನ್ನು ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಕುಂದನಹಳ್ಳಿಯ ರಾಮೇಶ್ವರಂ ಕೆಫೆಯಲ್ಲಿ ಸ್ಫೋಟ ಸಂಭವಿಸಿದ್ದು, ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿ ನಂದಿಸುವುದಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಪ್ರಯತ್ನಿಸಿದ್ದು, ಆ ಕಾರ್ಯದಲ್ಲಿ ಯಶಸ್ವಿಯಾಗಿದ್ದಾರೆ.

ಇದನ್ನೂ ಓದಿ| ಬೆಂಗಳೂರಿನ ಜನಪ್ರಿಯ ರಾಮೇಶ್ವರಂ ಕೆಫೆಯಲ್ಲಿ ನಿಗೂಢ ಸ್ಫೋಟ; ಘಟನಾ ಸ್ಥಳದ ಕೆಲವು ಫೋಟೋಸ್

ಬೆಂಗಳೂರಿನ ರಾಮೇಶ್ವರಂ ಕೆಫೆ ಆಹಾರ ಪ್ರಿಯರ ಅಚ್ಚುಮೆಚ್ಚಿನ ಕೇಂದ್ರ

ಬಾಲಿವುಡ್ ನಟ ಕಾರ್ತಿಕ್ ಆರ್ಯನ್ ಅವರು ಸೌತ್ ಇಂಡಿಯನ್ ಫುಡ್‌ ಪ್ಲೇಟ್ ಹಿಡಿದು ರಾಮೇಶ್ವರಂ ಕೆಫೆ ಎದುರು ಪೋಸ್ ಕೊಟ್ಟ ಫೋಟೋಗಳನ್ನು ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದರು.

"ಬೆಂಗಳೂರಿನ ಈ ರುಚಿಕರವಾದ ಮತ್ತು ಅಪ್ರತಿಮ ತಿನಿಸುಗಳಿಗೆ ಭೇಟಿ ನೀಡಿದ ನಂತರ, ಅಂತಹ ರಹಾ ಹುನ್ ಫುಡ್ ಬ್ಲಾಗರ್ ಬ್ಯಾನ್ ಜಾನ್" ಎಂದು ಬರೆದಿದ್ದಾರೆ. ಅವರ ಪೋಸ್ಟ್ ಕಳೆದ ವಾರ ವೈರಲ್ ಆಗಿತ್ತು.

ರಾಮೇಶ್ವರಂ ಕೆಫೆಯ ಇನ್ಸ್ಟಾಗ್ರಾಮ್ ಪುಟದಲ್ಲಿ "ಪ್ರೀಮಿಯಂ ವೆಜ್ ಸೌತ್ ಇಂಡಿಯನ್‌ ಕೆಫೆ" ಎಂಬ ಉಲ್ಲೇಖವಿದೆ. ಬೆಂಗಳೂರಿನ ಇಂದಿರಾನಗರ, ಜೆಪಿ ನಗರ, ಬ್ರೂಕ್‌ಫೀಲ್ಡ್‌ ಮತ್ತು ರಾಜಾಜಿನಗರ ಮತ್ತು ಹೈದರಾಬಾದ್‌ನ ಮಾಧಾಪುರಗಳಲ್ಲಿದೆ. ರಾಮೇಶ್ವರಂ ಕೆಫೆಯು ರಾಘವೇಂದ್ರ ರಾವ್ ಮತ್ತು ಸಿಎ ದಿವ್ಯಾ ಎಸ್ ಅವರ ಒಡೆತನದಲ್ಲಿದೆ ಎಂದು ಕೆಫೆಯ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್ ತಿಳಿಸಿದೆ.

ಇದನ್ನೂ ಓದಿ| ಬೆಂಗಳೂರಿನ ಕುಂದಲಹಳ್ಳಿ ರಾಮೇಶ್ವರಂ ಕೆಫೆಯಲ್ಲಿ ನಿಗೂಢ ಸ್ಫೋಟ; ಹಲವರಿಗೆ ಗಾಯ

ಹಲವಾರು ಆಹಾರ ಬ್ಲಾಗಿಗರು ಈ ಕೆಫೆಯನ್ನು ಪರಿಶೀಲಿಸಿದ್ದಾರೆ. ಅವರಲ್ಲಿ ಒಬ್ಬರು "ಅತ್ಯುತ್ತಮ ಪೋಡಿ ಇಸ್ಲಿಯನ್ನು ಹಸ್ತಾಂತರಿಸಿ!! ನೀವು ಬೆಂಗಳೂರಿಗೆ ಬಂದರೆ, ರಾಮೇಶ್ವರಮ್ಮ ಕೆಫೆಯಲ್ಲಿ ಆಹಾರ ಸೇವಿಸುವುದನ್ನು ತಪ್ಪಿಸಿಕೊಳ್ಳಬೇಡಿ ಎಂದು ಹೇಳಿದರು.

"ಬೆಂಗಳೂರಿನಲ್ಲಿದ್ದಾಗ @RameshwaramCafe ಭೇಟಿ ನೀಡುವುದು ಅತ್ಯಗತ್ಯ! ನಾನು ಹೊಂದಿದ್ದ ಅತ್ಯುತ್ತಮ ದಕ್ಷಿಣ ಭಾರತದ ಆಹಾರ. ಈ ಸ್ಥಳವು ಸ್ವಲ್ಪ ಜನದಟ್ಟಣೆ ಮತ್ತು ಕಡಿಮೆ ವಿಶಾಲವಾಗಿದೆ ಆದರೆ ರುಚಿ ನಿಂತು ತಿನ್ನಲು ಯೋಗ್ಯವಾಗಿದೆ " ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

(This copy first appeared in Hindustan Times Kannada website. To read more like this please logon to kannada.hindustantimes.com)