ಯಮಹಾ RX100 ಬೈಕ್ ಆ ಮಟ್ಟಿಗೆ ಫೇಮಸ್ ಆಗಲು ಏನು ಕಾರಣ ಗೊತ್ತೇ? 98 ಸಿಸಿ ಬೈಕ್‌ನ ಹಿಂದಿದೆ ಕುತೂಹಲಕಾರಿ ಮಾಹಿತಿ

ಯಮಹಾ RX100 ಭಾರತದಲ್ಲಿನ ಅತ್ಯಂತ ಜನಪ್ರಿಯ ಮೋಟಾರ್‌ಸೈಕಲ್‌ಗಳಲ್ಲಿ ಒಂದಾಗಿದೆ. ಯಮಹಾ ಈ 100 ಸಿಸಿ ಬೈಕ್ ಮಾರಾಟ ನಿಲ್ಲಿಸಿ ವರ್ಷಗಳೇ ಕಳೆದಿವೆ. ಆದರೆ, ಇಂದಿನವರೆಗೆ ಜನರಲ್ಲಿ ಅದರ ಕ್ರೇಜ್ ಕಡಿಮೆಯಾಗಿಲ್ಲ. ಮಕ್ಕಳು, ಯುವಕರು ಅಥವಾ ಹಿರಿಯರು, ಎಲ್ಲಾ ವಯಸ್ಸಿನ ಜನರಲ್ಲಿ ಸಮಾನವಾಗಿ ಯಮಹಾ RX100 ಇಂದುಕೂಡ ಜನಪ್ರಿಯವಾಗಿದೆ ಮತ್ತು ಈಗಲೂ ಸಹ ಈ ಮೋಟಾರ್‌ಸೈಕಲ್‌ ಅನ್ನು ಹೊಂದಿರುವವರು ಇದ್ದಾರೆ. 80-90ರ ದಶಕದಲ್ಲಿ ಆರ್‌ಎಕ್ಸ್ 100ಗೆ ಪೈಪೋಟಿ ನೀಡಲು ಯಾರೊಬ್ಬರೂ ಮುಂದೆಬರದಷ್ಟು ಬೇಡಿಕೆ ಇತ್ತು. ಇಂದು ನಾವು ಯಮಹಾ RX100 ಜನಪ್ರಿಯತೆಯ ಹಿಂದಿನ 5 ಪ್ರಮುಖ ಕಾರಣಗಳ ಬಗ್ಗೆ ಹೇಳುತ್ತೇವೆ.

ಹೃದಯ ಕದಿಯುವ ವಿನ್ಯಾಸ

RX100 ವಿನ್ಯಾಸವು ತುಂಬಾ ಆಕರ್ಷಕವಾಗಿತ್ತು. ಇದರ ಸ್ಲಿಮ್ ಬಾಡಿ, ಸಣ್ಣ ಟ್ಯಾಂಕ್ ಮತ್ತು ಉದ್ದನೆಯ ಸೀಟು ಇತರ ಮೋಟಾರ್ ಸೈಕಲ್ ಗಳಿಗಿಂತ ಭಿನ್ನವಾಗಿದೆ. ಈ ಬೈಕು ತುಂಬಾ ಸೊಗಸಾದ ಮತ್ತು ಸ್ಪೋರ್ಟಿಯಾಗಿ ಕಾಣುತ್ತದೆ. ಇದು ಸವಾರಿ ಮಾಡಲು ತುಂಬಾ ಸುಲಭವಾಗಿದೆ.

ಇದನ್ನೂ ಓದಿ: ಮೇಡ್ ಇನ್ ಇಂಡಿಯಾ ಕಾರುಗಳಿಗೆ ವಿದೇಶದಲ್ಲಿ ಭರ್ಜರಿ ಬೇಡಿಕೆ: ಅತಿ ಹೆಚ್ಚು ರಪ್ತಾಗಿದ್ದು ಇದೇ ಕಾರು

ಶಕ್ತಿಯುತ ಎಂಜಿನ್

RX100 ಬೈಕ್ 98 cc 2-ಸ್ಟ್ರೋಕ್ ಎಂಜಿನ್ ಹೊಂದಿತ್ತು. ಈ ಎಂಜಿನ್ ಅತ್ಯಂತ ಶಕ್ತಿಶಾಲಿಯಾಗಿತ್ತು ಮತ್ತು ಈ ಬೈಕ್ ರಾಕೆಟ್ ನಂತೆ ಓಡುತ್ತಿತ್ತು. ಇದರ ವೇಗವರ್ಧನೆಯು ಎಷ್ಟು ದೊಡ್ಡದಾಗಿದೆ ಎಂದರೆ ಯುವಕರು ಇನ್ನೂ ಈ ಬೈಕ್ ಅನ್ನು ಇತರೆ ಯಾವುದೇ ಬೈಕ್​ಗಿಂತ ಹೆಚ್ಚು ಇಷ್ಟಪಡುತ್ತಾರೆ.

ಅದ್ಭುತ ಮೈಲೇಜ್

RX100 ಬಹಳ ಮಿತವ್ಯಯದ ಬೈಕ್ ಆಗಿತ್ತು. ಈ ಬೈಕ್ ಪ್ರತಿ ಲೀಟರ್ ಗೆ 45-50 ಕಿಲೋಮೀಟರ್ ಮೈಲೇಜ್ ನೀಡುತ್ತದೆ. ಪೆಟ್ರೋಲ್ ಬೆಲೆ ತುಂಬಾ ಕಡಿಮೆ ಇದ್ದ ಸಮಯದಲ್ಲಿ, ಈ ಬೈಕ್ ಕೈಗೆಟುಕುವ ಆಯ್ಕೆಯಾಗಿತ್ತು.

ಇದನ್ನೂ ಓದಿ: SUV Guide: ಹೊಸ ಕಾರು ಖರೀದಿಸುವ ಪ್ಲಾನ್ ಇದೆಯೇ? 8 ಲಕ್ಷದೊಳಗಿನ ಸ್ಟೈಲಿಶ್ ಕಾರುಗಳ ಪಟ್ಟಿ ಇಲ್ಲಿದೆ ನೋಡಿ

ನಿರ್ವಹಣೆಯೂ ಕಡಿಮೆ

ಯಮಹಾ RX100 ನ ನಿರ್ವಹಣೆಯೂ ಕಡಿಮೆ. ಇದರ ಬಿಡಿ ಭಾಗಗಳು ಸುಲಭವಾಗಿ ಲಭ್ಯವಿದ್ದವು ಮತ್ತು ಅದರ ಸೇವಾ ವೆಚ್ಚವೂ ಕಡಿಮೆಯಾಗಿತ್ತು.

ಬೆಲೆ ಎಷ್ಟಿತ್ತು?

ಯಮಹಾ RX100 ಯಾವುದೇ ರೀತಿಯಲ್ಲಿ ಅಗ್ಗದ ಬೈಕ್ ಆಗಿರಲಿಲ್ಲ. ಅದರ ಮೊದಲ ಬ್ಯಾಚ್‌ನ ಬೆಲೆ 19,764 ರೂ. ಇಂದಿನ ಬೆಲೆಯ ಪ್ರಕಾರ ನಾವು ಮಾತನಾಡಿದರೆ ಅದು ಸುಮಾರು ಒಂದು ಲಕ್ಷ ರೂಪಾಯಿಗಳಿಗೆ ಸಮಾನವಾಗಿರುತ್ತದೆ. ಬಾಲಿವುಡ್‌ನ ಬಹುತೇಕ ಎಲ್ಲಾ ಚಿತ್ರಗಳಲ್ಲಿ ಈ ಬೈಕ್ ಬಳಸಲಾಗುತ್ತಿತ್ತು. ಅಜಯ್ ದೇವಗನ್‌ನಿಂದ ಶಾರುಖ್ ಖಾನ್‌ವರೆಗೆ ಮತ್ತು ರಜನಿಕಾಂತ್‌ನಿಂದ ರಣದೀಪ್ ಹೂಡಾವರೆಗೆ ಪ್ರತಿಯೊಬ್ಬರೂ ಈ ಬೈಕ್‌ ಓಡಿಸಿದ್ದರು.

RX100 ಕೇವಲ ಬೈಕ್ ಅಷ್ಟೇ ಅಲ್ಲ, ಜನರ ಪಾಲಿಗೆ ಸ್ಟೇಟಸ್ ಸಿಂಬಲ್ ಕೂಡ ಆಯಿತು. ಈ ಬೈಕ್ ಕಂಡರೆ ಅದರ ಹಿಂದೆ ಹುಚ್ಚರಂತೆ ಹಿಂಬಾಲಿಸುತ್ತಿದ್ದ ಕಾಲವೊಂದಿತ್ತು. ಆದಾಗ್ಯೂ, ಕೆಲ ವರ್ಷಗಳ ಹಿಂದೆ ಭಾರತದಲ್ಲಿ ಮಾಲಿನ್ಯ ನಿಯಮಗಳು ಕಠಿಣವಾದವು ಮತ್ತು RX100 ನ 2-ಸ್ಟ್ರೋಕ್ ಎಂಜಿನ್ ಈ ಮಾನದಂಡಗಳನ್ನು ಪೂರೈಸಲು ಸಾಧ್ಯವಾಗಲಿಲ್ಲ. ಹೀಗಾಗಿ ಯಮಹಾ ಭಾರತದಲ್ಲಿ ತನ್ನ ಹೊಸ ಮಾದರಿಗಳ ಬೈಕ್ ಮೇಲೆ ಕೇಂದ್ರೀಕರಿಸಲು ನಿರ್ಧರಿಸಿದ ಪರಿಣಾಮ RX100 ಉತ್ಪಾದನೆಯನ್ನು ನಿಲ್ಲಿಸಿತು.