Viral: ನೀರಲ್ಲಿ ಮುಳುಗುತ್ತಿದ್ದ ವ್ಯಕ್ತಿ ಥಟ್ಟಂತ ಮೇಲೆ ಬರ್ತಾನೆ; ಇದಕ್ಕೆ ಕಾರಣ ನೋಡಿದ್ರೆ ನೀವು ನಗದೇ ಇರಲು ಸಾಧ್ಯವಿಲ್ಲ; ವೈರಲ್‌ ವಿಡಿಯೊ
ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ಈ ವಿಡಿಯೊವನ್ನು ನೋಡಿದ್ರೆ ನೀವು ನಗದೇ ಇರಲು ಸಾಧ್ಯವಿಲ್ಲ. ನಾವು ನೀವು ಬಿಡಿ ಇದನ್ನು ಅಜಯ್‌ ದೇವಗನ್‌, ಅಕ್ಷಯ್‌ ಕುಮಾರ್‌ ನೋಡಿದ್ರೆ ತಲೆ ತಿರುಗೋದು ಖಂಡಿತ. ಹಾಗಾದ್ರೆ ಅದೆಂಥ ವಿಡಿಯೊ ನೋಡಿ.
ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ವಿಡಿಯೊವೊಂದನ್ನು ನೋಡಿದ್ರೆ ನೀವು ಬಿದ್ದು ಬಿದ್ದು ನಗೋದು ಖಂಡಿತ. ಭಾರತದಲ್ಲಿ ಎಂಥೆಂತ ಟ್ಯಾಲೆಂಟ್‌ಗಳಿದ್ದಾರೆ ಎಂದು ನಿಮಗೆ ಅನ್ನಿಸದೇ ಇರದು. ಅಲ್ದೇ ಜಗತ್ತಿನಲ್ಲಿ ಇಂತಹ ಅಸಾಮಾನ್ಯ ಪ್ರತಿಭೆಗಳಿ ಏನಿದ್ರೂ ಇರೋದು ಭಾರತದಲ್ಲಿ ಮಾತ್ರ ಅಂತ ನಿಮಗೆ ಅನ್ನಿಸದೇ ಇರದು. ಅದೆಲ್ಲಾ ಬಿಡಿ ನಾವು, ನೀವು ಬಿಡಿ. ಈ ವಿಡಿಯೊ ಏನಾದ್ರೂ ಅಜಯ್‌ ದೇವಗನ್‌ ಹಾಗೂ ಅಕ್ಷಯ್‌ ಕುಮಾರ್‌ ನೋಡಿದ್ರೆ ಖಂಡಿತ ಶಾಕ್‌ ಆಗ್ತಾರೆ. ಹಾಗಾದ್ರೆ ಈ ವಿಡಿಯೊದಲ್ಲಿ ಅಂತಹದ್ದೇನಿದೆ ಅಂತೀರಾ, ಮುಂದೆ ಓದಿ.
ವಿಡಿಯೊದಲ್ಲಿ ಏನಿದೆ?
ಟ್ವಿಟರ್‌ನಲ್ಲಿ ವೈರಲ್‌ ಆದ ಈ ವಿಡಿಯೊದಲ್ಲಿ ಇಬ್ಬರು ಸ್ನೇಹಿತರು ನದಿಯ ಮಧ್ಯೆ ಇರುವ ಸೇತುವೆಯ ಮೇಲೆ ಕೈಕೈ ಹಿಡಿದುಕೊಂಡು ನಡೆದುಕೊಂಡು ಬರುತ್ತಿರುತ್ತಾರೆ. ಸೇತುವೆಯ ಮೇಲಿಂದ ನೀರು ಇನ್ನೊಂದ ಭಾಗಕ್ಕೆ ಪಾಸ್‌ ಆಗುವ ಕಾರಣ ಸೇತುವೆ ಪಾಚಿ ಕಟ್ಟಿರುತ್ತದೆ. ಆಗ ಇದ್ದಕ್ಕಿದ್ದಂತೆ ಒಬ್ಬ ಸ್ನೇಹಿತ ಜಾರಿ ನೀರಿನೊಳಗೆ ಬೀಳುತ್ತಾನೆ. ನೀರಿನೊಳಗೆ ಬಿದ್ದವನು ಕ್ಷಣ ಕಾಲ ಒದ್ದಾಡಿ ನೀರಿನಾಳಕ್ಕೆ ಮುಳುಗಿ ಹೋಗುತ್ತಾನೆ. ಇದನ್ನು ನೋಡಿ ಡ್ಯಾಮ್‌ ಮೇಲೆ ನಿಂತಿದ್ದ ಇನ್ನೊಬ್ಬ ಸ್ನೇಹಿತ ಏನು ಮಾಡಬೇಕೆಂದು ತಿಳಿಯದೇ ತಲೆ ಮೇಲೆ ಕೈ ಹೊತ್ತು ಕುಳಿತುಕೊಳ್ಳುತ್ತಾನೆ. ಕೂಡಲೇ ಅವನಿಗೆ ಥಟ್ಟಂತ ಅಂತ ಒಂದು ಐಡಿಯಾ ಹೊಳೆಯುತ್ತದೆ. ಈ ಐಡಿಯಾ ಏನು ಅಂತ ನಿಮಗೆ ಗೊತ್ತಾದ್ರೆ ನಿಮ್ಮ ಮಗು ಇನ್ನಷ್ಟು ಹೆಚ್ಚುತ್ತೆ. ಐಡಿಯಾ ಏನಂದ್ರೆ ವಿಮಲ್‌ ಪಾನ್‌ ಮಸಾಲ. ದಡ ಮೇಲಿದ್ದ ಸ್ನೇಹಿತ ಇದ್ದಕ್ಕಿದ್ದ ಹಾಗೆ ಜೇಬಿನಿಂದ ವಿಮಲ್‌ ಪಾನ್‌ ಮಸಾಲ ತೆಗೆದು ನೀರಿನಲ್ಲಿ ಹರಡುತ್ತಾನೆ. ಅದರ ಪರಿಮಳಕ್ಕೆ ನೀರಿನಲ್ಲಿ ಮುಳುಗಿದ್ದ ಸ್ನೇಹಿತ ಇದ್ದಕ್ಕಿದ್ದಂತೆ ಮೇಲೆದ್ದು ಬರುತ್ತಾನೆ. ಅಲ್ಲದೆ ಅವನ ಬಾಯಿಗೆ ಪಾನ್‌ ಮಸಾಲ ಹಾಕಿಕೂಡಲೇ ಚೇತರಿಸಿಕೊಂಡು ಮೇಲೆದ್ದು ಬರುತ್ತಾನೆ. ಈ ವಿಡಿಯೊ ನೋಡಿದ್ರೆ ಖಂಡಿತ ನಿಮ್ಮ ಮುಖದಲ್ಲಿ ನಗು ಅರಳದೇ ಇರಲು ಸಾಧ್ಯವಿಲ್ಲ.
@rvaidya2000 ಎಂಬ ಎಕ್ಸ್‌ ಬಳಕೆದಾರರು ನವೆಂಬರ್‌ 20 ರಂದು ಈ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಅಕ್ಷಯ್‌, ಅಜಯ್‌ ದೇವಗನ್‌ ಕೂಡ ಈ ವಿಡಿಯೊ ನೋಡಿ ಶಾಕ್‌ ಆಗೋದು ಖಂಡಿತ ಎಂದು ಶೀರ್ಷಿಕೆ ಬರೆದುಕೊಳ್ಳುವ ಮೂಲಕ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಕಳೆದ ಆರು ದಿನಗಳಿಂದೀಚೆಗೆ ಸುಮಾರು 4 ಲಕ್ಷದಷ್ಟು ಮಂದಿ ಈ ವಿಡಿಯೊವನ್ನು ವೀಕ್ಷಿಸಿದ್ದಾರೆ. ಸಾವಿರಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದಾರೆ 289 ಮಂದಿ ರೀಪೋಸ್ಟ್‌ ಮಾಡಿದ್ದಾರೆ. ಹಲವರು ಕಾಮೆಂಟ್‌ ಮಾಡುವ ಮೂಲಕ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಈ ಅಪ್ರತಿಮ ವಿಡಿಯೊಗೆ ಬಂದ ಕಾಮೆಂಟ್‌ಗಳು
ಅಕ್ಷಯ್‌, ಅಜಯ್‌ ಅವರನ್ನು ಪಕ್ಕಕ್ಕಿಡಿ. ಈ ಪರಿಕಲ್ಪನೆಯನ್ನು ಹುಟ್ಟು ಹಾಕಿದ ನಿರ್ದೇಶಕ ರಾಜಗಂಧ ಆಡ್‌ ಡೈರಕ್ಟರ್‌ಗಿಂತ ಟ್ಯಾಲೆಂಟೆಡ್‌ ಎಂದು ಎಕ್ಸ್‌ ಬಳಕೆದಾರೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼನೈಸ್‌ ಕ್ರಿಯೇಟಿವಿʼ ಎಂದು ಇನ್ನೊಬ್ಬರು ಕಾಮೆಂಟ್‌ ಮಾಡಿದ್ದಾರೆ. ʼಶಾರುಖ್‌ ಖಾನ್‌ ಅವರನ್ನೂ ಟ್ಯಾಗ್‌ ಮಾಡಿʼ ಎಂದು ಮೂರನೇ ವ್ಯಕ್ತಿ ಕಾಮೆಂಟ್‌ ಮಾಡಿದ್ದಾರೆ. ʼಸೂಪರ್‌ ಕಾನ್ಸೆಪ್ಟ್‌ʼ ಎಂದು ಕಾಮೆಂಟ್‌ ಮಾಡುವ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ. ʼಇದಕ್ಕಿಂತ ಉತ್ತಮ ಜಾಹೀರಾತು ಬೇರಿಲ್ಲʼ ಎನ್ನುವ ಮೂಲಕ ವಿಮಲ್‌ ಕಂಪನಿಯನ್ನು ಟ್ಯಾಗ್‌ ಮಾಡಿದ್ದಾರೆ ಇನ್ನೊಬ್ಬ ಎಕ್ಸ್‌ ಬಳಕೆದಾರ.
ವಿಭಾಗ