ಕುಪ್ಪಸ, ಕುರ್ತಾ ಧರಿಸುವಾಗ ಪರಿಪೂರ್ಣ ಆಕಾರ ಪಡೆಯಲು ಈ ರೀತಿಯ ಬ್ರಾ ಧರಿಸಿ: ಯಾರ್ಯಾರಿಗೆ ಯಾವ ಸ್ತನಬಂಧ ಸೂಕ್ತ ಎಂಬುದು ಇಲ್ಲಿದೆ
ಹೆಣ್ಮಕ್ಕಳು ಕುಪ್ಪಸ ಅಥವಾ ಕುರ್ತಾದಲ್ಲಿ ಚೆನ್ನಾಗಿ ಕಾಣಲು ಚೆನ್ನಾಗಿ ಹೊಂದಿಕೊಳ್ಳುವ ಬ್ರಾ ಧರಿಸಬೇಕು. ವಾಸ್ತವವಾಗಿ,ಬಹಳಷ್ಟು ಮಂದಿಗೆ ಯಾವ ರೀತಿಯ ಬ್ರಾ ಧರಿಸಬೇಕೆಂದು ತಿಳಿದಿಲ್ಲ. ಬ್ಲೌಸ್ ಅಥವಾ ಕುರ್ತಾದಲ್ಲಿ ಸರಿಯಾದ ಫಿಟ್ ಪಡೆಯಲು,ನೀವು ಸರಿಯಾದ ಬ್ರಾ ಧರಿಸಬೇಕು.
ಹುಡುಗಿಯರು ಪರಿಪೂರ್ಣ ಆಕಾರಕ್ಕಾಗಿ ಬ್ರಾಗಳ ಮೇಲೆ ಹಣವನ್ನು ವ್ಯರ್ಥ ಮಾಡುತ್ತಾರೆ. ಬ್ಲೌಸ್ ಅಥವಾ ಕುರ್ತಾದಲ್ಲಿ ಸರಿಯಾದ ಫಿಟ್ ಪಡೆಯಲು, ನೀವು ಸರಿಯಾದ ಬ್ರಾ ಧರಿಸಬೇಕು. ಸೀರೆಯಂತಹ ಸಾಂಪ್ರದಾಯಿಕ ಉಡುಪನ್ನು ಧರಿಸಿದಾಗ, ಸುಂದರವಾಗಿ ಕಾಣಲು ಅಥವಾ ಅಂದವಾಗಿ ಪರಿಪೂರ್ಣವಾಗಿ ಕಾಣಲು ಸಾಧ್ಯ. ಸರಿಯಾದಿ ಆಕಾರಕ್ಕಾಗಿ ಸರಿಯಾದ ಸ್ತನಬಂಧ (ಬ್ರಾ)ವನ್ನು ಆರಿಸಬೇಕು. ಬ್ರಾ ಸರಿಯಾದ ಆಕಾರದಲ್ಲಿದ್ದರೆ ಯಾರು ಬೇಕಾದರೂ ಚೆನ್ನಾಗಿ ಕಾಣಿಸಬಹುದು. ಚಿಕ್ಕ ಸ್ತನ ಇರುವವರು ಮತ್ತು ದೊಡ್ಡ ಸ್ತನ ಹೊಂದಿರುವವರು ತಮಗೆ ಹೊಂದುವ ಬ್ರಾ ಆಯ್ಕೆ ಮಾಡಿಕೊಳ್ಳಬೇಕು. ಯಾವ ಸ್ತನಬಂಧ (ಬ್ರಾ) ವು ನಿಮಗೆ ಸೂಕ್ತವಾಗಿದೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.
ಮಧ್ಯಮ, ಸಣ್ಣ ಗಾತ್ರದ ಸ್ತನ ಹೊಂದಿದ್ದರೆ ಈ ರೀತಿ ಬ್ರಾ ಧರಿಸಿ
ನೀವು ಮಧ್ಯಮ ಮತ್ತು ಸಣ್ಣ ಗಾತ್ರದ ಸ್ತನಗಳನ್ನು ಹೊಂದಿದ್ದರೆ, ಪುಷ್ಅಪ್ ಬ್ರಾ ಧರಿಸಿ. ಮ್ಯಾಚಿಂಗ್ ಬ್ಲೌಸ್, ಕುರ್ತಾ ಜತೆಗೆ ಪುಷ್ಅಪ್ ಬ್ರಾ ಚೆನ್ನಾಗಿ ಕಾಣಿಸುತ್ತದೆ. ನಿಮ್ಮ ನೋಟವು ಪರಿಪೂರ್ಣವಾಗಿ ಕಾಣುತ್ತದೆ. ವಿಶೇಷವಾಗಿ ಸಣ್ಣ ಗಾತ್ರದ ಸ್ತನಗಳನ್ನು ಹೊಂದಿರುವ ಮಹಿಳೆಯರು ಭಾರವಾದ ಪುಷ್ಅಪ್ ಬ್ರಾಗಳನ್ನು ಧರಿಸಬೇಕು. ಇದು ನಿಮ್ಮ ನೋಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ನೀವು ಮಧ್ಯಮ ಗಾತ್ರದ ಸ್ತನವನ್ನು ಹೊಂದಿದ್ದರೆ ಲಘು ಪುಷ್-ಅಪ್ ಸ್ತನಬಂಧ (ಬ್ರಾ) ವನ್ನು ಆರಿಸಬಹುದು.
ದೊಡ್ಡ ಸ್ತನಗಳನ್ನು ಹೊಂದಿದ್ದರೆ ಈ ರೀತಿಯ ಬ್ರಾ ಧರಿಸಿ
ನಿಮ್ಮ ಸ್ತನಗಳು ದೊಡ್ಡದಾಗಿದ್ದರೆ, ಎಂದಿಗೂ ಪುಷ್ಅಪ್ ಬ್ರಾ ಧರಿಸಬೇಡಿ. ಇವು ನಿಮ್ಮ ಸ್ತನಗಳನ್ನು ಭಾರವಾಗಿ ಕಾಣುವಂತೆ ಮಾಡುತ್ತದೆ. ಬದಲಾಗಿ, ದೊಡ್ಡ ಸ್ತನ ಗಾತ್ರಕ್ಕಾಗಿ ಪೂರ್ಣ ಬೆಂಬಲ ಬ್ರಾ ಅಥವಾ ಸ್ತನ ಮಿನಿಮೈಜರ್ ಬ್ರಾ ಧರಿಸಿ. ಅವು ನಿಮ್ಮ ಸಂಪೂರ್ಣ ಸ್ತನವನ್ನು ಬೆಂಬಲಿಸುತ್ತದೆ. ಗಾತ್ರವು ಸ್ವಲ್ಪ ಚಿಕ್ಕದಾಗಿ ಕಾಣುತ್ತದೆ. ಈ ಬ್ರಾ ಧರಿಸುವುದರಿಂದ ಬ್ಲೌಸ್ ಅಥವಾ ಕುರ್ತಾದಲ್ಲಿ ಪರಿಪೂರ್ಣವಾಗಿ ಕಾಣುತ್ತದೆ.
ಟಿ-ಶರ್ಟ್ ಬ್ರಾಗಳು
ಟಿ-ಶರ್ಟ್‌ಗಳಲ್ಲಿ ಧರಿಸಬಹುದಾದ ಕೆಲವು ರೀತಿಯ ಬ್ರಾಗಳಿವೆ. ಸ್ವಲ್ಪ ದಪ್ಪನೆಯ ಬ್ರಾಗಳನ್ನು ಧರಿಸಿ. ಸಣ್ಣ ಸ್ತನಗಳನ್ನು ಹೊಂದಿರುವವರಿಗೆ ಪ್ಯಾಡೆಡ್ ಬ್ರಾ ಉತ್ತಮವಾಗಿದೆ. ಇವು ಉತ್ತಮ ಬೆಂಬಲವನ್ನು ನೀಡುತ್ತವೆ. ಇದು ಎದೆಗೆ ಉತ್ತಮ ಆಕಾರವನ್ನು ನೀಡುತ್ತದೆ. ವಿ ಆಕಾರದ ನೆಕ್ ಇರುವ ಡ್ರೆಸ್‌ಗಳನ್ನು ಧರಿಸಲು ಪ್ಲಂಜ್ ಬ್ರಾ ಉತ್ತಮವಾಗಿದೆ.
ಸ್ಟ್ರಾಪ್ಲೆಸ್ ಬ್ರಾ
ಬ್ರಾಗಳಲ್ಲಿ ಒಂದು ಸ್ಟ್ರಾಪ್ಲೆಸ್ ಬ್ರಾ. ಅದನ್ನು ಧರಿಸಿದಾಗ ಭುಜದ ಮೇಲೆ ಯಾವುದೇ ಪಟ್ಟಿಗಳು ಗೋಚರಿಸುವುದಿಲ್ಲ. ಹಾಗಾಗಿ ಸ್ಟ್ರಾಪ್ ಲೆಸ್ ಸಿಲೂಯೆಟ್‍ಗಳನ್ನು ಧರಿಸುವವರಿಗೆ ಸ್ಟ್ರಾಪ್ ಲೆಸ್ ಬ್ರಾಗಳು ಬೆಸ್ಟ್.
ಬ್ರಾ ಧರಿಸುವುದರಿಂದ ಹಲವಾರು ಉಪಯೋಗಗಳಿವೆ. ಉತ್ತಮ ಆಕಾರಕ್ಕಾಗಿ ಈ ಬ್ರಾಗಳನ್ನು ಧರಿಸುವುದು ಬಹಳ ಮುಖ್ಯ. ಬ್ರಾಗಳಲ್ಲಿ ಹಲವು ವಿಧಗಳಿವೆ. ಸ್ಪೋರ್ಟ್ಸ್ ಬ್ರಾ, ಸ್ಟ್ರಾಪ್ ಲೆಸ್ ಬ್ರಾ, ಬ್ರಾಲೆಟ್ ಹೀಗೆ ಹಲವು ವಿಧಗಳಿವೆ. ನಿಮಗೆ ಆರಾಮದಾಯಕವಾದ ಬ್ರಾಗಳು ನಿಮ್ಮ ಸ್ತನಗಳನ್ನು ಹೆಚ್ಚು ಬೆಂಬಲಿಸುತ್ತದೆ.
ವಿಭಾಗ