ಹಬ್ಬದ ಆಫರ್: ಯಮಹಾ ಬೈಕ್‌, ಸ್ಕೂಟರ್‌ಗಳಿಗೆ ದಸರಾ ಕೊಡುಗೆ; ದ್ವಿಚಕ್ರವಾಹನ ಖರೀದಿದಾರರಿಗೆ ಲಾಭವೋ ಲಾಭ
ದಸರಾ ಹಬ್ಬದ ಸಮಯದಲ್ಲಿ ಯಮಹಾ ತನ್ನ ಬೈಕ್‌ ಮತ್ತು ಸ್ಕೂಟರ್‌ ಖರೀದಿದಾರರಿಗೆ ಭರ್ಜರಿ ಆಫರ್ ನೀಡುತ್ತಿದೆ. ಯಮಹಾದ 150 ಸಿಸಿ ಎಫ್‌ಝಡ್‌ ಮಾಡೆಲ್ ಶ್ರೇಣಿ ಮತ್ತು 125 ಸಿಸಿ ಎಫ್ಐ ಹೈಬ್ರಿಡ್ ಸ್ಕೂಟರ್‌ ಗಳ ಮೇಲೆ ವಿಶೇಷ ಕ್ಯಾಶ್‌ ಬ್ಯಾಕ್ ಆಫರ್ ಘೋಷಿಸಿದೆ. ಇದೇ ಸಮಯದಲ್ಲಿ ಹೈಬ್ರಿಡ್ ಸ್ಕೂಟರ್‌ ಖರೀದಿಗೆ ಕಡಿಮೆ ಡೌನ್‌ಪೇಮೆಂಟ್‌ ನಿಗದಿಪಡಿಸಿದೆ.
ಭಾರತವು ಹಬ್ಬಗಳ ಋತುವನ್ನು ಸಂಭ್ರಮದಿಂದ ಆಚರಿಸಲು ಸಜ್ಜಾಗುತ್ತಿದೆ. ಈ ಸಂದರ್ಭದಲ್ಲಿ ಇಂಡಿಯಾ ಯಮಹಾ ಮೋಟಾರ್ ಕಂಪನಿಯು ತನ್ನ ಕರ್ನಾಟಕದ ಗ್ರಾಹಕರಿಗೆ ವಿಶೇಷ ಆಫರ್ ಗಳನ್ನು ಘೋಷಿಸಿದೆ. ಯಮಹಾದ ಜನಪ್ರಿಯ 150 ಸಿಸಿ ಎಫ್‌ಝಡ್‌ ಮಾಡೆಲ್ ಶ್ರೇಣಿ ಮತ್ತು 125 ಸಿಸಿ ಎಫ್ಐ ಹೈಬ್ರಿಡ್ ಸ್ಕೂಟರ್‌ ಗಳ ಮೇಲೆ ಅತ್ಯುತ್ತಮ ಆಫರ್ ಗಳನ್ನು ಒದಗಿಸುತ್ತಿದೆ. ಗ್ರಾಹಕರಿಗೆ ತಮ್ಮ ಕನಸಿನ ಯಮಹಾ ದ್ವಿಚಕ್ರ ವಾಹನವನ್ನು ಮನೆಗೆ ತರಲು ಇದು ಸೂಕ್ತ ಸಮಯವಾಗಿದೆ ಎಂದು ಯಮಹಾ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಆಫರ್‌ಗಳ ವಿವರ
ಎಫ್‌ಝಡ್‌-ಎಸ್ ಎಫ್ಐ ವರ್ಷನ್ 4.0, ಎಫ್‌ಝಡ್‌-ಎಸ್ ಎಫ್ಐ ವರ್ಷನ್ 3.0, ಎಫ್‌ಝಡ್‌ ಎಫ್ಐ ಖರೀದಿದಾರರಿಗೆ 7,000 ರೂವರೆಗೆ ಕ್ಯಾಶ್‌ಬ್ಯಾಕ್ ಘೋಷಿಸಿದೆ. ಇದೇ ಸಮಯದಲ್ಲಿ 7,999 ರೂಪಾಯಿಯಷ್ಟು ಕಡಿಮೆ-ಡೌನ್ ಪೇಮೆಂಟ್ ಅವಕಾಶವನ್ನೂ ನೀಡಿದೆ. ಫ್ಯಾಸಿನೋ 125 ಎಫ್ಐ ಹೈಬ್ರಿಡ್ ಮತ್ತು ರೇಝಡ್ಆರ್ 125 ಎಫ್ಐ ಹೈಬ್ರಿಡ್ ಮೇಲೆ 4,000 ರೂವರೆಗೆ ಕ್ಯಾಶ್‌ಬ್ಯಾಕ್ ಮತ್ತು 2,999 ರಷ್ಟು ಕಡಿಮೆ ಡೌನ್ ಪೇಮೆಂಟ್ ಘೋಷಿಸಿದೆ.
ಯಮಹಾ ಸ್ಕೂಟರ್‌, ಬೈಕ್‌ಗಳು
ಯಮಹಾದ ವೈವಿಧ್ಯಮಯ ಉತ್ಪನ್ನಗಳಿಗೆ ಈ ಆಫರ್‌ಗಳನ್ನು ನೀಡುತ್ತಿದೆ. ಯಮಹಾ ವೈಝಡ್‌ಎಫ್-ಆರ್3 (321 ಸಿಸಿ), ಎಂಟಿ-03 (321 ಸಿಸಿ), ವೈಝಡ್‌ಎಫ್-ಆರ್15ಎಂ (155ಸಿಸಿ), ವೈಝಡ್‌ಎಫ್-ಆರ್15 ವಿ4 (155ಸಿಸಿ), ವೈಝಡ್‌ಎಫ್-ಆರ್15ಎಸ್ ವಿ3 (155ಸಿಸಿ), ಎಂಟಿ-15 ವಿ2 (155 ಸಿಸಿ) ಮತ್ತು ಎಫ್‌ಝಡ್‌-ಎಸ್ ಎಫ್ಐ ವರ್ಷನ್ 4.0 (149 ಸಿಸಿ), ಎಫ್‌ಝಡ್‌-ಎಸ್ ಎಫ್ಐ ವರ್ಷನ್ 3.0 (149 ಸಿಸಿ), ಎಫ್‌ಝಡ್‌ ಎಫ್ಐ (149 ಸಿಸಿ), ಮತ್ತು ಎಫ್‌ಝಡ್‌-ಎಕ್ಸ್ (149cc) ನಂತಹ ಪ್ರೀಮಿಯಂ ಮೋಟಾರ್ ಸೈಕಲ್‌ಗಳನ್ನು ಒಳಗೊಂಡಿದೆ.
ಜೊತೆಗೆ ಯಮಹಾ ಏರಾಕ್ಸ್ 155 ವರ್ಷನ್ ಎಸ್ (155 ಸಿಸಿ), ಏರಾಕ್ಸ್ 155 (155 ಸಿಸಿ), ಫ್ಯಾಸಿನೋ ಎಸ್ 125 ಎಫ್ಐ ಹೈಬ್ರಿಡ್ (125 ಸಿಸಿ), ಫ್ಯಾಸಿನೋ 125 ಎಫ್ಐ ಹೈಬ್ರಿಡ್ (125 ಸಿಸಿ), ರೇಝಡ್ಆರ್ (125 ಎಫ್ಐ ಹೈಬ್ರಿಡ್), ಮತ್ತು (125 ಎಫ್ಐ ಹೈಬ್ರಿಡ್), ಸ್ಟ್ರೀಟ್ ರಾಲಿ 125 ಎಫ್ಐ ಹೈಬ್ರಿಡ್ (125ಸಿಸಿ) ಸೇರಿದಂತೆ ಹಲವು ಬೈಕ್‌, ಸ್ಕೂಟರ್‌ಗಳನ್ನು ಕಂಪನಿ ಹೊಂದಿದೆ.
