Sreeleela Birthday: ಇಂದು ಶ್ರೀಲೀಲಾ ಬರ್ತ್‌ಡೇ; ಜೂನಿಯರ್‌, ಗುಂಟೂರು ಕಾರಂ ಸೇರಿ ಕಿಸ್‌ ಚೆಲುವೆ ಬತ್ತಳಿಕೆಯಲ್ಲಿವೆ ಬರೋಬ್ಬರಿ 9 ಚಿತ್ರಗಳು
ಡಾಕ್ಟರ್‌ ಓದುತ್ತಾ ಆಕ್ಟರ್‌ ಆಗಿರುವ ಕಿಸ್‌ ಬ್ಯೂಟಿ ಶ್ರೀಲೀಲಾ ಇಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಕನ್ನಡದಲ್ಲಿ ಸಿನಿ ಕೆರಿಯರ್‌ ಆರಂಭಿಸಿದ ಶ್ರೀಲೀಲಾಗೆ ಈಗ ತೆಲುಗಿನಲ್ಲಿ ಕೂಡಾ ಭಾರೀ ಬೇಡಿಕೆ ಇದೆ.
(1 / 10)
ಶ್ರೀಲೀಲಾ ಕರಿಯರ್‌ ಆರಂಭಿಸಿದ್ದು ಕನ್ನಡದ 'ಕಿಸ್‌' ಸಿನಿಮಾ ಮೂಲಕ. ಎರಡನೇ ಸಿನಿಮಾ 'ಭರಾಟೆ' ನಂತರ ಶ್ರೀಲೀಲಾ 'ಪೆಳ್ಳಿ ಸಂದಡಿ' ಚಿತ್ರದ ಮೂಲಕ ತೆಲುಗಿಗೆ ಬಂದರು. (PC: Sreeleela)
(2 / 10)
ಈ ಕ್ಯೂಟ್‌ ಹುಡುಗಿ ಈಗ ಕನ್ನಡಕ್ಕಿಂತ ತೆಲುಗಿನಲ್ಲೇ ಹೆಚ್ಚು ಬ್ಯುಸಿ ಆಗಿದ್ದಾರೆ. ಶ್ರೀಲೀಲಾ ಹುಟ್ಟುಹಬ್ಬದ ವಿಶೇಷವಾಗಿ ಇಂದು ಅವರು ಅಭಿನಯಿಸುತ್ತಿರುವ ಕೆಲವೊಂದು ಸಿನಿಮಾಗಳ ಫಸ್ಟ್‌ ಲುಕ್‌ ಬಿಡುಗಡೆ ಆಗಿವೆ.
(3 / 10)
ಬೋಯಪಾಟಿ ಶ್ರೀನು ನಿರ್ದೇಶನದಲ್ಲಿ ರಾಮ್‌ ಪೋತಿನೇನಿ ನಾಯಕನಾಗಿ ನಟಿಸುತ್ತಿರುವ ಚಿತ್ರದಲ್ಲಿ ಶ್ರೀಲೀಲಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಕನ್ನಡ, ತೆಲುಗು, ಹಿಂದಿ, ತಮಿಳು, ಮಲಯಾಳಂ ಸೇರಿ 5 ಭಾಷೆಗಳಲ್ಲಿ ತಯಾರಾಗುತ್ತಿದೆ.
(4 / 10)
ಶ್ರೀಲೀಲಾ ಹುಟ್ಟುಹಬ್ಬದ ವಿಶೇಷವಾಗಿ ಬುಧವಾರ 'ಗುಂಟೂರು ಕಾರಂ' ಸಿನಿಮಾದ ಫಸ್ಟ್‌ ಲುಕ್‌ ರಿಲೀಸ್‌ ಮಾಡಲಾಗಿದೆ. ಈ ಚಿತ್ರದಲ್ಲಿ ಶ್ರೀಲೀಲಾ ಸಂಪ್ರದಾಯಸ್ಥ ಮನೆ ಹೆಣ್ಣು ಮಗಳ ಪಾತ್ರದಲ್ಲಿ ನಟಿಸುತ್ತಿದ್ದು ಮಹೇಶ್‌ ಬಾಬು ಜೊತೆ ರೊಮ್ಯಾನ್ಸ್‌ ಮಾಡಲಿದ್ದಾರೆ.
(5 / 10)
ಮಹೇಶ್‌ ಬಾಬುನಂಥ ಸ್ಟಾರ್‌ ನಟ ಮಾತ್ರವಲ್ಲದೆ ಅಲ್ಲು ಅರ್ಜುನ್‌ ಜೊತೆ ಸೇರಿ ಆಹಾ ಒಟಿಟಿಗಾಗಿ ಶ್ರೀಲೀಲಾ ಒಂದು ತೆಲುಗು ಪ್ರಾಜೆಕ್ಟ್‌ನಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದ ಪೋಸ್ಟರ್‌ ಕೂಡಾ ವೈರಲ್‌ ಆಗುತ್ತಿದೆ.
(6 / 10)
ಇದರ ಜೊತೆಗೆ ವಕ್ಕಂತಂ ವಂಶಿ ಹಾಗೂ ನಿತಿನ್‌ ಕಾಂಬಿನೇಶನ್‌ನಲ್ಲಿ ತಯಾರಾಗುತ್ತಿರುವ ಸಿನಿಮಾ ತಂಡ ಕೂಡಾ ಬುಧವಾರ ಶ್ರೀಲೀಲಾ ಸ್ಟೈಲಿಷ್‌ ಲುಕ್‌ ಪೋಸ್ಟರ್‌ ರಿಲೀಸ್‌ ಮಾಡಿದೆ.
(7 / 10)
ಬಾಲಕೃಷ್ಣ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿರುವ 'ಭಗವಂತ ಕೇಸರಿ' ಸಿನಿಮಾದಲ್ಲಿ ಶ್ರೀಲೀಲಾ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಈ ವರ್ಷ ದಸರಾಗೆ ತೆರೆ ಕಾಣಲಿದೆ.
(8 / 10)
ಹರೀಶ್‌ ಶಂಕರ್‌ ನಿರ್ದೇಶನದಲ್ಲಿ ಪವನ್‌ ಕಲ್ಯಾಣ್‌ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ 'ಉಸ್ತಾದ್‌ ಭಗತ್‌ ಸಿಂಗ್‌' ಸಿನಿಮಾದಲ್ಲಿ ಕೂಡಾ ಶ್ರೀಲೀಲಾ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರ ಪಾತ್ರ ಏನು ಎಂಬುದರ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲ.
(9 / 10)
ಕನ್ನಡದಲ್ಲಿ ಶ್ರೀಲೀಲಾ ಗಾಲಿ ಜನಾರ್ದನ ರೆಡ್ಡಿ ಪುತ್ರಿ ಕಿರೀಟಿ ರೆಡ್ಡಿ ನಟಿಸುತ್ತಿರುವ 'ಜೂನಿಯರ್‌' ಸಿನಿಮಾದಲ್ಲಿ ಕೂಡಾ ನಾಯಕಿಯಾಗಿದ್ದಾರೆ. ಒಟ್ಟಿನಲ್ಲಿ ಎರಡೂ ಭಾಷೆಗಳು ಸೇರಿ ಶ್ರೀಲೀಲಾ ಕೈಯ್ಯಲ್ಲಿ ಒಟ್ಟು 9 ಸಿನಿಮಾಗಳಿವೆ.
(10 / 10)
ಬರ್ತ್‌ಡೇ ಸಂಭ್ರಮದಲ್ಲಿರುವ ಚೆಲುವೆಗೆ ಟಾಲಿವುಡ್‌, ಸ್ಯಾಂಡಲ್‌ವುಡ್‌ ಮಂದಿ, ಅಭಿಮಾನಿಗಳು ಶುಭ ಹಾರೈಸುತ್ತಿದ್ದಾರೆ. ಶ್ರೀಲೀಲಾ ಸದ್ಯಕ್ಕೆ ಎಂಬಿಬಿಎಸ್‌ ಮೂರನೇ ವರ್ಷ ವ್ಯಾಸಂಗ ಮಾಡುತ್ತಿದ್ದಾರೆ. ಒಂದು ಕಡೆ ಓದು ಮತ್ತೊಂದು ಕಡೆ ನಟನೆ ಎರಡನ್ನೂ ಸಮಾನವಾಗಿ ಬ್ಯಾಲೆನ್ಸ್‌ ಮಾಡುತ್ತಿದ್ದಾರೆ.
ಇತರ ಗ್ಯಾಲರಿಗಳು