ಬೆಂಗಳೂರು ಬುಲ್ಸ್ಗೆ ಸತತ 4ನೇ ಸೋಲು; ಖಾತೆಯೇ ತೆರೆಯದ ಗೂಳಿಗಳಿಗೆ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನ
Pro Kabaddi League 11: ಪ್ರೊ ಕಬಡ್ಡಿ ಲೀಗ್ನಲ್ಲಿ ಅಕ್ಟೋಬರ್ 25ರ ಶುಕ್ರವಾರ ನಡೆದ ಎರಡು ಪಂದ್ಯಗಳಲ್ಲಿ ಬೆಂಗಳೂರು ಬುಲ್ಸ್, ತಮಿಳ್ ತಲೈವಾಸ್ ವಿರುದ್ಧ ಕ್ರಮವಾಗಿ ಪುಣೇರಿ ಪಲ್ಟನ್, ಪಾಟ್ನಾ ಪೈರೆಟ್ಸ್ ಗೆಲುವು ಸಾಧಿಸಿದೆ.
ಪ್ರೊ ಕಬಡ್ಡಿ ಲೀಗ್ ಸೀಸನ್ 11ರಲ್ಲಿ ತೆಲುಗು ಟೈಟಾನ್ಸ್, ಗುಜರಾತ್ ಜೈಂಟ್ಸ್, ಯುಪಿ ಯೋಧಾಸ್ ವಿರುದ್ಧ ಮುಗ್ಗರಿಸಿದ್ದ ಬೆಂಗಳೂರು ಬುಲ್ಸ್, ಬೆಂಗಳೂರು ಬುಲ್ಸ್ ಇದೀಗ 4ನೇ ಸೋಲು ಕಂಡಿದೆ. ಇಂದು (ಅಕ್ಟೋಬರ್ 25) ನಡೆದ ಪಂದ್ಯದಲ್ಲಿ ಪುಣೇರಿ ಪಲ್ಟನ್ ವಿರುದ್ಧ 22-36 ಅಂಕಗಳ ಅಂತರದಲ್ಲಿ ಹೀನಾಯ ಪರಾಭವಗೊಂಡಿದೆ. ಸತತ ನಾಲ್ಕು ಸೋಲುಗಳೊಂದಿಗೆ ಬುಲ್ಸ್ ತಂಡವು ಅಂಕಪಟ್ಟಿಯಲ್ಲಿ ಅಂತಿಮ ಸ್ಥಾನ ಪಡೆದುಕೊಂಡಿದೆ. ಪ್ರಮುಖ ಆಟಗಾರರ ದಂಡೇ ಇದ್ದರೂ ಬ್ಯಾಕ್ ಟು ಬ್ಯಾಕ್ ಸೋಲು ಕಾಣುತ್ತಿರುವುದು ಅಚ್ಚರಿ ಮೂಡಿಸಿದೆ.
ಮತ್ತೊಂದು ಪಂದ್ಯದಲ್ಲಿ ತಮಿಳ್ ತಲೈವಾಸ್ ವಿರುದ್ಧ ಪಾಟ್ನಾ ಪೈರೆಟ್ಸ್ ತಂಡವು 42-40 ಅಂಕಗಳ ಅಂತರದಲ್ಲಿ ಜಯ ಸಾಧಿಸಿದೆ. ಪಾಟ್ನಾ ಆಡಿರುವ ಎರಡು ಪಂದ್ಯಗಳಲ್ಲಿ 1 ಗೆಲುವು, 1 ಸೋಲು ಕಂಡಿದ್ದು, ಅಂಕಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದೆ. ಆದರೆ ತಮಿಳ್ ತಲೈವಾಸ್ ಸೋತರೂ ಮೂರನೇ ಸ್ಥಾನದಲ್ಲಿದೆ. ಅಂದರೆ ಆಡಿದ 3 ಪಂದ್ಯಗಳಲ್ಲಿ 2ರಲ್ಲಿ ಗೆದ್ದು 11 ಅಂಕ ಪಡೆದಿದೆ. ಬೆಂಗಳೂರು ಬುಲ್ಸ್ ಎದುರು ಅಮೋಘ ಜಯ ಸಾಧಿಸಿದ ಪುಣೇರಿ ಪಲ್ಟನ್ಸ್, 16 ಅಂಕ ಪಡೆದು ಅಗ್ರಸ್ಥಾನದಲ್ಲಿದೆ. ಯುಪಿ ಯೋಧಾಸ್ 11 ಅಂಕ ಪಡೆದು ಎರಡನೇ ಸ್ಥಾನದಲ್ಲಿದೆ.
| ತಂಡಗಳು | ಪಂದ್ಯ | ಗೆಲುವು | ಸೋಲು | ಅಂಕ |
|---|---|---|---|---|
ಪುಣೇರಿ ಪಲ್ಟನ್ | 4 | 3 | 1 | 16 |
| 3 | 2 | 1 | 11 | |
ತಮಿಳು ತಲೈವಾಸ್ | 3 | 2 | 1 | 11 |
ಜೈಪುರ ಪಿಂಕ್ ಪ್ಯಾಂಥರ್ಸ್ | 3 | 2 | 1 | 10 |
ದಬಾಂಗ್ ಡೆಲ್ಲಿ | 2 | 1 | 1 | 6 |
ಬೆಂಗಾಲ್ ವಾರಿಯರ್ಸ್ | 2 | 1 | 1 | 6 |
ಗುಜರಾತ್ ಜೈಂಟ್ಸ್ | 2 | 1 | 1 | 6 |
ಹರಿಯಾಣ ಸ್ಟೀಲರ್ಸ್ | 2 | 1 | 1 | 5 |
ಯು ಮುಂಬಾ | 2 | 1 | 1 | 5 |
ಪಾಟ್ನಾ ಪೈರೇಟ್ಸ್ | 2 | 1 | 1 | 5 |
ತೆಲುಗು ಟೈಟಾನ್ಸ್ | 3 | 1 | 2 | 5 |
ಬೆಂಗಳೂರು ಬುಲ್ಸ್ | 4 | 0 | 4 |
