Gill and Sara: ಸಾರಾ ಅಲಿ ಖಾನ್ ಜೊತೆ ಶುಭ್ಮನ್ ಗಿಲ್ ಬ್ರೇಕಪ್; ಇನ್ಸ್ಟಾಗ್ರಾಂನಲ್ಲಿ ನಟಿಯನ್ನು ಅನ್ಫಾಲೋ ಮಾಡಿದ ಕ್ರಿಕೆಟಿಗ
ಕ್ರಿಕೆಟ್ ಹೊರತಾಗಿಯೂ ಪ್ರೀತಿ ಪ್ರೇಮ ವಿಷಯದಲ್ಲೂ ಈ ಯಂಗ್ ಸೆನ್ಸೇಷನ್ ಶುಭ್ಮನ್ ಹೆಸರು ಜಾಲತಾಣದಲ್ಲಿ ಆಗಾಗ್ಗೆ ಟ್ರೆಂಡ್ ಆಗುತ್ತಲೇ ಇರುತ್ತದೆ. ಇತ್ತೀಚೆಗೆ ಗಿಲ್ ಅವರು ಸಾರಾ ಅಲಿ ಖಾನ್ (Sara Ali Khan) ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿತ್ತು. ಪ್ರಸ್ತುತ ಗಿಲ್ ಮತ್ತು ಸಾರಾ ನಡುವೆ ಬ್ರೇಕ್ ಆಪ್ ಆಗಿದೆ ಎಂಬ ವದಂತಿ ಎದ್ದಿದೆ.
ಟೀಮ್ ಇಂಡಿಯಾದ ಮತ್ತು ಗುಜರಾತ್ ಟೈಟಾನ್ಸ್ ತಂಡದ ಆರಂಭಿಕ ಆಟಗಾರ ಶುಭ್ಮನ್ ಗಿಲ್ (Shubman Gill), ಪ್ರಸಕ್ತ ಆವೃತ್ತಿ ಐಪಿಎಲ್ನಲ್ಲಿ (IPL 2023) ಬೊಂಬಾಟ್ ಪ್ರದರ್ಶನ ನೀಡುತ್ತಿದ್ದಾರೆ. ಐಪಿಎಲ್ನಲ್ಲಿ ಆರೆಂಜ್ ಕ್ಯಾಪ್ ಕೂಡ ಪಡೆದಿದ್ದಾರೆ. ಕೆಲವೊಮ್ಮೆ ಗಿಲ್ ಹೆಸರು ಮುನ್ನಲೆಗೆ ಬಂದರೆ ಕ್ರಿಕೆಟ್ ಜೊತೆಗೆ ಅವರ ಪ್ರೇಮ ಪ್ರಕರಣಗಳೂ ಕೇಳಿ ಬರುತ್ತವೆ. ತಮ್ಮ ವೈಯಕ್ತಿಕ ಜೀವನದಿಂದಲೂ ಗಿಲ್ ಸದಾ ಸುದ್ದಿಯಲ್ಲಿರುತ್ತಾರೆ ಎಂಬುದು ವಿಶೇಷ.
ಕ್ರಿಕೆಟ್ ಹೊರತಾಗಿಯೂ ಪ್ರೀತಿ ಪ್ರೇಮ ವಿಷಯದಲ್ಲೂ ಈ ಯಂಗ್ ಸೆನ್ಸೇಷನ್ ಶುಭ್ಮನ್ ಹೆಸರು ಜಾಲತಾಣದಲ್ಲಿ ಆಗಾಗ್ಗೆ ಟ್ರೆಂಡ್ ಆಗುತ್ತಲೇ ಇರುತ್ತದೆ. ಇತ್ತೀಚೆಗೆ ಗಿಲ್ ಅವರು ಸಾರಾ ಅಲಿ ಖಾನ್ (Sara Ali Khan) ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿತ್ತು. ಪ್ರಸ್ತುತ ಗಿಲ್ ಮತ್ತು ಸಾರಾ ನಡುವೆ ಬ್ರೇಕ್ ಆಪ್ ಆಗಿದೆ ಎಂಬ ವದಂತಿ ಎದ್ದಿದೆ.
ಸಾರಾ ಅಲಿ ಖಾನ್ ಅವರೊಂದಿಗಿನ ಡೇಟಿಂಗ್ ಬಹಿರಂಗಕ್ಕೂ ಮುನ್ನ ಬ್ಯಾಟಿಂಗ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ (Sara Tendulkar) ಜೊತೆಗೆ ಶುಭ್ಮನ್ ಡೇಟ್ ಮಾಡುತ್ತಿದ್ದಾರೆ ಎಂಬ ಚರ್ಚೆ ಶುರುವಾಗಿತ್ತು. ಕಾರ್ಯಕ್ರಮವೊಂದರಲ್ಲಿ ಸಾರಾ ಅಲಿ ಖಾನ್ ಹೆಸರು ಹೇಳುವ ಮೂಲಕ ಊಹಾಪೋಹ ಸುದ್ದಿಗಳಿಗೆ ಪುಷ್ಠಿ ನೀಡಿದ್ದರು. ಅಂದಿನಿಂದ ಬಾಲಿವುಡ್ ನಟಿ ಜೊತೆ ಯಂಗ್ ಕ್ರಿಕೆಟರ್ ಡೇಟಿಂಗ್ ಮಾಡುತ್ತಿದ್ದಾರೆಂಬ ಗುಸುಗುಸು ಕೇಳಲಾರಂಭಿಸಿತ್ತು.
ಈ ವರ್ಷದ ಆರಂಭದಲ್ಲಿ ದುಬೈನಲ್ಲಿ ರೊಮ್ಯಾಂಟಿಕ್ ಡಿನ್ನರ್ ಮಾಡುವಾಗ ಈ ಜೋಡಿ, ಮಾಧ್ಯಮಗಳ ಕಣ್ಣಿಗೆ ಬಿದ್ದಿತ್ತು. ಅಲ್ಲದೆ, ವಿಮಾನದಲ್ಲಿ ಒಟ್ಟಿಗೆ ಪ್ರಯಾಣಿಸುತ್ತಿದ್ದಾಗ ಡೇಟಿಂಗ್ ನಡೆಸುತ್ತಿದ್ದರು ಎಂಬುದು ಮಾಧ್ಯಮಗಳ ಅನುಮಾನಗಳಿಗೆ ಪುಷ್ಠಿ ನೀಡಿತ್ತು. ಆದರೆ, ಇತ್ತೀಚೆಗೆ ಇಬ್ಬರೂ ಬೇರ್ಪಟ್ಟಿದ್ದಾರೆ ಎಂದು ಸುದ್ದಿಯಾಗಿದೆ. ಇನ್ಸ್ಟಾಗ್ರಾಂನಲ್ಲಿ ಒಬ್ಬರನೊಬ್ಬರು ಅನ್ಫಾಲೋ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.
ಹಲವು ಬಾರಿ ಮಾಧ್ಯಮದವರು ಈ ವಿಚಾರವಾಗಿ ಇಬ್ಬರನ್ನೂ ಪ್ರಶ್ನಿಸಿದಾಗ, ಡೇಟಿಂಗ್ ಮಾಡುತ್ತಿದ್ದೇವೆ ಎಂದು ನೇರವಾಗಿ ಹೇಳುವ ಮೂಲಕ ಸ್ಪಷಪಡಿಸಿದ್ದರು. ಆದರೆ, ಇತ್ತೀಚೆಗೆ ಇಬ್ಬರೂ ಬೇರ್ಪಟ್ಟಿದ್ದಾರೆ. ಸೋಶಿಯಲ್ ಮೀಡಿಯಾವಾದ ಇನ್ಸ್ಟಾಗ್ರಾಂನಲ್ಲಿ ಇಬ್ಬರೂ ಒಬ್ಬರನ್ನೊಬ್ಬರನ್ನು ಅನ್ ಫಾಲೋ ಮಾಡಿರುವುದು ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ. ಈ ಬೆನ್ನಲ್ಲೇ ಬ್ರೇಕ್ ಅಪ್ ಆಗಿದೆ ಎಂಬ ಸುದ್ದಿ ಟ್ರೆಂಡಿಂಗ್ ಆಗುತ್ತಿದೆ.
ಸದ್ಯ ಈ ಬಗ್ಗೆ ಭಾರಿ ಚರ್ಚೆ ನಡೆಯುತ್ತಿದೆ. ಇಬ್ಬರು ಬೇರ್ಪಡಲು ಕಾರಣ ಏನೆಂದು ಅಭಿಮಾನಿಗಳು ಕಾರಣ ಹುಡುಕುತ್ತಿದ್ದಾರೆ. ಈ ಕ್ರಮದಲ್ಲಿ ಗಿಲ್ಗೆ ಸಂಬಂಧಿಸಿದ ಹಳೆಯ ವಿಡಿಯೋವೊಂದು ಸದ್ಯ ವೈರಲ್ ಆಗುತ್ತಿದೆ. ಗಿಲ್ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದರು. ಬಾಲಿವುಡ್ನ ಫಿಟೆಸ್ಟ್ ಮಹಿಳಾ ನಟಿಯನ್ನು ಹೆಸರಿಸಲು ನಿರೂಪಕಿ ಕೇಳಿದರು. ಅದಕ್ಕೆ ಉತ್ತರಿಸಿದ ಗಿಲ್, ಸಾರಾ ಅಲಿ ಖಾನ್ ಎಂದಿದ್ದರು.
ಆಗ ನಿರೂಪಕಿ, ನೀವು ಸಾರಾ ಜೊತೆ ಡೇಟಿಂಗ್ ಮಾಡುತ್ತಿದ್ದೀರಾ ಎಂದು ಕೇಳಿದರು. ಇದಕ್ಕೆ ಮತ್ತೆ ಪ್ರತಿಕ್ರಿಯಿಸಿದ ಗಿಲ್, ‘ಇರಬಹುದು’ ಎಂದು ಉತ್ತರಿಸಿದರು. ಇದೀಗ ಆ ವಿಡಿಯೋ ವೈರಲ್ ಆಗುತ್ತಿದೆ.
ಬರ್ತ್ಡೇ ಪೋಸ್ಟ್ನಲ್ಲೂ ಸಾರಾ ಹೆಸರು
ಕಳೆದ ವರ್ಷ ಶುಭ್ಮನ್ ತಮ್ಮ 23ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಅವರ ಜನ್ಮದಿನದ ಸಂದರ್ಭದಲ್ಲಿ ಆತನ ಆಪ್ತ ಸ್ನೇಹಿತ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಅನ್ನು ಹಂಚಿಕೊಳ್ಳುವ ಮೂಲಕ ಈ ವದಂತಿಗಳಿಗೆ ಮತ್ತಷ್ಟು ಪುಷ್ಠಿ ನೀಡಿದ್ದರು. ಸ್ನೇಹಿತ ಖುಷ್ಪ್ರೀತ್, ಗಿಲ್ ಬ್ಯಾಟ್ಸ್ಮನ್ನೊಂದಿಗೆ ಬೀಚ್ ಸೈಡ್ ಚಿತ್ರ ಹಂಚಿಕೊಂಡಿದ್ದರು.
ಈ ಚಿತ್ರವನ್ನು ಹಂಚಿಕೊಂಡ ಖುಷ್ಪ್ರೀತ್, ‘ಜನ್ಮದಿನದ ಶುಭಾಶಯಗಳು ನನ್ನ ವಿಶೇಷ ವ್ಯಕ್ತಿ. ದಿ OG, ನಿಜ ಹೇಳಬೇಕೆಂದರೆ ನೀನಿಲ್ಲದ ನನ್ನ ಜೀವನವು ಶೂನ್ಯ. ದೇವರು ನಿಮಗೆ ಹೆಚ್ಚಿನ ಸಕ್ಸಸ್ ಕೊಡಲಿ ನೀಡಲಿ ಎಂದು ಬರೆದುಕೊಂಡಿದ್ದರು. ಇದರ ಜೊತೆ ಖುಷ್ಪ್ರೀತ್, ‘ಸಾರಾ‘ ಎಂದು ಬರೆದಿರುವುದು ಸಿಕ್ಕಾಪಟ್ಟೆ ಚರ್ಚೆಗೂ ಕಾರಣವಾಗಿತ್ತು.
ವಿಭಾಗ