Rohit Sharma: ವೆಸ್ಟ್​ ಇಂಡೀಸ್​ ಸರಣಿಗೆ ನಾಯಕ ರೋಹಿತ್​ ಶರ್ಮಾಗೆ ವಿಶ್ರಾಂತಿ ಸಾಧ್ಯತೆ; ಕೋಟಿ ಕೋಟಿ ಪಡೆಯೋದು ಇದಕ್ಕೇನಾ ಎಂದ ನೆಟಿಜನ್ಸ್

ಐಸಿಸಿ ವಿಶ್ವ ಟೆಸ್ಟ್‌ ಚಾಂಪಿ​ಯ​ನ್‌​ಶಿಪ್‌ ಫೈನ​ಲ್‌ (WTC Final 2023)​ ಸೋತ ಬೆನ್ನಲ್ಲೇ ಪತ್ನಿ ಜೊತೆಗೆ ಮಾಲ್ಡೀವ್ಸ್​ಗೆ ಹಾರಿರುವ ಟೀಮ್​ ಇಂಡಿಯಾ ಕ್ಯಾಪ್ಟನ್​ ರೋಹಿತ್​ ಶರ್ಮಾ (Rohit Sharma) ಅವರಿಗೆ, ಮುಂದಿನ ತಿಂಗಳು ನಡೆಯಲಿರುವ ವೆಸ್ಟ್‌ ​ಇಂಡೀಸ್‌ ವಿರುದ್ಧ (India vs West Indies) ಪ್ರವಾಸಕ್ಕೆ ವಿಶ್ರಾಂತಿ ಸಿಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ. ಆದರೆ ಇದೇ ವಿಚಾರವಾಗಿ ಹಿಟ್​ಮ್ಯಾನ್​ ಟ್ರೋಲ್​ ಆಗುತ್ತಿದ್ದಾರೆ. ರೋಹಿತ್​ ಜೊತೆಗೆ ಪ್ರಮುಖ ಆಟಗಾರರಿಗೂ ವಿಂಡೀಸ್​ ಪ್ರವಾಸಕ್ಕೆ ವಿರಾಮ ನೀಡುವ ಸಾಧ್ಯತೆ ಇದೆ.

ರೋಹಿತ್​ ಶರ್ಮಾ ಐಪಿಎಲ್ (IPL)​ ಸೇರಿದಂತೆ ಕೆಲವು ತಿಂಗಳಿಂದ ತೀವ್ರ ವೈಫಲ್ಯ ಅನುಭವಿಸುತ್ತಿದ್ದಾರೆ. ಐಪಿಎಲ್​ನಲ್ಲಿ ಆಡಿದ 16 ಪಂದ್ಯಗಳಲ್ಲಿ 20.75ರ ಸರಾಸರಿಯಲ್ಲಿ 332 ರನ್ ಗಳಿಸಿದ್ದರು. ಡಬ್ಲ್ಯುಟಿಸಿ ಫೈನಲ್​​​ನಲ್ಲೂ 15 ಮತ್ತು 43 ರನ್​ ಸಿಡಿಸಿ ಔಟಾಗಿದ್ದರು. ಬ್ಯಾಟಿಂಗ್​ನಲ್ಲಿ ತೀವ್ರ ಕಳಪೆ ಪ್ರದರ್ಶನ ನೀಡುತ್ತಿರುವ ಹಿನ್ನೆಲೆ ವಿಂಡೀಸ್‌ ಪ್ರವಾ​ಸಕ್ಕೆ ಬ್ರೇಕ್​ ನೀಡಲಾಗುತ್ತಿದೆ.

ಆದರೆ, ಪೂರ್ಣ ಪ್ರವಾಸಕ್ಕೋ, ಟೆಸ್ಟ್​ ಅಥವಾ ಏಕದಿನ ಸರಣಿಗೋ ಎಂಬುದು ಮಾಹಿತಿ ಇಲ್ಲ. ಸದ್ಯ ಮಾಲ್ಡೀವ್ಸ್​​ನಲ್ಲಿ ವೆಕೇಷನ್​ ಎಂಜಾಯ್​ ಮಾಡುತ್ತಿರುವ ರೋಹಿತ್​, ಭಾರತಕ್ಕೆ ಬಂದ ಬಳಿಕ ಚರ್ಚಿಸಿ ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ. ರೋಹಿತ್​ ಶರ್ಮಾ ಒಪ್ಪಿ ಟೆಸ್ಟ್​ ಸರಣಿಗೆ ಅಲಭ್ಯರಾದರೆ, ಅಜಿಂಕ್ಯ ರಹಾನೆ ತಂಡವನ್ನು ಮುನ್ನ​ಡೆ​ಸಲಿದ್ದಾರೆ.

ವಿರಾಟ್​ ಕೊಹ್ಲಿಗೂ ರೆಸ್ಟ್​

ಸ್ಟಾರ್​ ಬ್ಯಾಟ್ಸ್​ಮನ್​ ವಿರಾ​ಟ್‌ ಕೊಹ್ಲಿ (Virat Kohli) ಅವರಿಗೂ ವೆಸ್ಟ್ ಇಂಡೀಸ್​ ಸರಣಿಗೂ ರೆಸ್ಟ್​ ನೀಡಲು ಬಿಸಿ​ಸಿಐ ಚಿಂತಿಸಿದೆ. ಅನುಭವಿ ಆಟಗಾರ ಚೇತೇ​ಶ್ವರ್‌ ಪೂಜಾರಗೂ ವಿಶ್ರಾಂತಿ ಸಿಗುವ ಸಾಧ್ಯತೆ ಇದೆ. ಒಂದ್ವೇಳೆ ರೋಹಿತ್‌, ಕೊಹ್ಲಿ ಇಬ್ಬ​ರಿಗೂ ರೆಸ್ಟ್​ ನೀಡಿ​ದರೆ, ಪೂಜಾರ ತಂಡಕ್ಕೆ ಸೆಲೆಕ್ಟ್​​​ ಆಗುವ ಸಾಧ್ಯತೆ ಇದೆ. ಕೆಲಸದ ಹೊರೆ ಇಳಿದಲು ಮೊಹ​ಮ್ಮದ್‌ ಶಮಿ, ಮೊಹ​ಮ್ಮದ್‌ ಸಿರಾಜ್‌ಗೂ ವಿಶ್ರಾಂತಿ ನೀಡ​ಬಹುದು.

ರೋಹಿತ್​ಗೆ ಮತ್ಯಾಕೆ ರೆಸ್ಟ್​?

ವೆಸ್ಟ್​ ಇಂಡೀಸ್​ ಸರಣಿಗೆ ಇನ್ನು ಒಂದು ತಿಂಗಳು ಕಾಲಾವಕಾಶ ಇದೆ. ಈ ಒಂದು ತಿಂಗಳು ವಿಶ್ರಾಂತಿ ಸಿಗಲಿದೆ. ಹೀಗಿದ್ದರೂ, ಮತ್ಯಾಕೆ ರೆಸ್ಟ್​ ಎಂದು ನೆಟಿಜನ್ಸ್​ ಟ್ರೋಲ್​ ಮಾಡುತ್ತಿದ್ದಾರೆ. ಪಡೆಯುತ್ತಿರುವುದು ಕೋಟಿ ಕೋಟಿ. ಆದರೆ ವರ್ಷಕ್ಕೆ ನಾಲ್ಕೈದು ತಿಂಗಳು ರೆಸ್ಟ್​ ಪಡೆಯುತ್ತಾರೆ. ಪದೇ ಪದೇ ರೆಸ್ಟ್​ ನೀಡೋದು ಯಾಕೆ? ಎಂದು ನೆಟ್ಟಿಗರು ಪ್ರಶ್ನಿಸಿದ್ದಾರೆ.

ತಂಡದ ಆಯ್ಕೆ ಯಾವಾಗ?

ಇಂಡೋ-ವಿಂಡೀಸ್​ ಸಿರೀಸ್​ ಜುಲೈ 12ರಿಂದ ಪ್ರಾರಂಭವಾಗಲಿದೆ. ಈ ಪ್ರವಾಸಕ್ಕೆ ಈ​ ತಿಂಗಳ 27ರಂದು​ ಬಿಸಿ​ಸಿಐ ತಂಡ ಪ್ರಕ​ಟಿಸುವ ಸಾಧ್ಯತೆ ಇದೆ. ಈ ಸರಣಿಗೆ ಯುವ ಆಟಗಾರರಿಗೆ ಅವಕಾಶ ನೀಡಲು ಬಿಸಿಸಿಐ ಮತ್ತು ಸೆಲೆಕ್ಟರ್​​ಗಳು ನಿರ್ಧರಿಸಿದ್ದಾರೆ. ಐಪಿ​ಎ​ಲ್‌​ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಋತು​ರಾಜ್‌ ಗಾಯ​ಕ್ವಾಡ್‌, ಯಶ​ಸ್ವಿ ಜೈಸ್ವಾಲ್‌, ರಿಂಕು ಸಿಂಗ್‌, ಸಾಯಿ ಸುದ​ರ್ಶನ್‌, ತಿಲಕ್‌ ವರ್ಮಾ ಸೇರಿ​ ಯುವ ಆಟಗಾರರಿಗೆ ಮಣೆ ಹಾಕುವ ನಿರೀ​ಕ್ಷೆ​ಯಿದೆ.

ವೇಳಾಪಟ್ಟಿ ಹೀಗಿದೆ

3ನೇ ಆವೃತ್ತಿಯ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಭಾಗವಾಗಿರುವ 2 ಪಂದ್ಯಗಳ ಟೆಸ್ಟ್‌ ಸರ​ಣಿಯು ಜುಲೈ 12ರಿಂದ ಡೊಮಿ​ನಿ​ಕಾ​ದಲ್ಲಿ ಪ್ರಾರಂಭವಾಗಲಿದೆ. ಟ್ರಿನಿ​ಡಾ​ಡ್‌​ನ​ಲ್ಲಿ ಜುಲೈ 20ರಿಂದ ಎರಡನೇ ಟೆಸ್ಟ್‌ ಪಂದ್ಯ ನಡೆ​ಯ​ಲಿದೆ. ಬಳಿಕ ಜುಲೈ 27, 29, ಆಗಸ್ಟ್ 1ರಂದು ಏಕ​ದಿನ ಸರಣಿ, ಆಗಸ್ಟ್‌ 3ರಿಂದ ಐದು ಪಂದ್ಯಗಳ ಚುಟುಕು ಸರಣಿ ಶುರುವಾಗಲಿದೆ.