2ನೇ ಎಲಿಮಿನೇಟರ್​ನಲ್ಲಿ ಹರಿಯಾಣ ಸ್ಟೀಲರ್ಸ್​​ಗೆ ಭರ್ಜರಿ ಗೆಲುವು; ಸೆಮಿಫೈನಲ್​ನಲ್ಲಿ ಜೈಪುರ ಪಿಂಕ್ ಪ್ಯಾಂಥರ್ಸ್ ಎದುರಾಳಿ

ಪ್ರೊ ಕಬಡ್ಡಿ ಲೀಗ್​ ಎರಡನೇ ಎಲಿಮಿನೇಟರ್​​ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್ ವಿರುದ್ಧ ಗೆದ್ದು ಬೀಗಿದ ಹರಿಯಾಣ ಸ್ಟೀಲರ್ಸ್ (Haryana Steelers beats Gujarat Giants) ಸೆಮಿಫೈನಲ್​ಗೆ ಕ್ವಾಲಿಫೈ ಆಗಿದೆ. ಹೈದರಾಬಾದ್​​​ನ ಗಚ್ಚಿ ಬೋಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ 25-42 ಅಂಕಗಳಿಂದ ಗೆದ್ದ ಹರಿಯಾಣ, ಎರಡನೇ ಸೆಮಿಫೈನಲ್​​ನಲ್ಲಿ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡವನ್ನು ಎದುರಿಸಲಿದೆ.

ಇದನ್ನೂ ಓದಿ : ಮೊದಲ ಎಲಿಮಿನೇಟರ್​ ಗೆದ್ದು ಸೆಮಿಫೈನಲ್ ಪ್ರವೇಶಿಸಿದ ಪಾಟ್ನಾ; ಆಶು ಮಲ್ಲಿಕ್ ಹೋರಾಟದ ನಡುವೆಯೂ ಡುಮ್ಕಿ ಹೊಡೆದ ಡೆಲ್ಲಿ

ಟಾಸ್ ಸೋತು ಮೊದಲು ರೇಡಿಂಗ್ ನಡೆಸಿದ ಗುಜರಾತ್, ಮೊದಲ ಅಂಕವನ್ನು ಎದುರಾಳಿಗೆ ಬಿಟ್ಟುಕೊಟ್ಟಿತು. ರೇಡಿಂಗ್ ಹೋದ ಹರಿಯಾಣ ಡಿಫೆನ್ಸ್​ ಆಟಗಾರರ ಬಾಯಿಗೆ ಸಿಲುಕಿದರು. ಆರಂಭದಿಂದಲೂ ಮುನ್ನಡೆ ಸಾಧಿಸಿದ ಹರಿಯಾಣ ಮೊದಲಾರ್ಧದ ಅವಧಿಯಲ್ಲಿ 16-21 ಅಂಕ ಪಡೆದಿತ್ತು. ಸ್ಟೀಲರ್ಸ್ ಪರ ವಿನಯ್​ ಬೊಂಬಾಟ್ ಪ್ರದರ್ಶನ ನೀಡಿದರು.

ಇನ್ನು ದ್ವಿತೀಯಾರ್ಧದಲ್ಲಿ ಕಂಬ್ಯಾಕ್ ಮಾಡುವ ನಿರೀಕ್ಷೆಯಲ್ಲಿದ್ದ ಗುಜರಾತ್​ಗೆ ಹರಿಯಾಣ ಮತ್ತೆ ಶಾಕ್ ನೀಡಿತು. ಯಾವ ಹಂತದಲ್ಲೂ ಮುನ್ನಡೆ ಸಾಧಿಸಲು ಅವಕಾಶ ನೀಡದ ಸ್ಟೀಲರ್ಸ್, ಪ್ರತಿ ಅವಕಾಶವನ್ನೂ ಅಂಕವನ್ನಾಗಿ ಪರಿವರ್ತಿಸಿಕೊಂಡಿತು. ವಿನಯ್​​​ಗೆ ಶಿವರಾಮ್ ಪರಾಟೆ 8 ಅಂಕ, ಮೋಹಿತ್​ 7 ಅಂಕ ಪಡೆದರು ಸಾಥ್ ನೀಡಿದರು.

ಇನ್ನು ಗುಜರಾತ್ ಪರ ಪರ್ತೀಕ್ ದಾಹಿಯಾ, ರಾಕೇಶ್, ಸೋನು ಜಗಲನ್ ತಲಾ 5 ಅಂಕ ಪಡೆದರು. ಉಳಿದವರಿಂದ ಕಳಪೆ ಪ್ರದರ್ಶನ ಹೊರ ಬಂದ ಕಾರಣ ಸೆಮಿಫೈನಲ್ ಪ್ರವೇಶಿಸುವ ಅವಕಾಶವನ್ನು ಕಳೆದುಕೊಂಡಿತು. ಟೂರ್ನಿಯುದ್ದಕ್ಕೂ ಅದ್ಭುತ ಪ್ರದರ್ಶನ ನೀಡಿದ ಗುಜರಾತ್, ಎಲಿಮಿನೇಟರ್​​ನಲ್ಲಿ ಸೋಲಿನೊಂದಿಗೆ ಹೊರ ಬಿತ್ತು.

ಮೊದಲ ಎಲಿಮಿನೇಟರ್​​​​ನಲ್ಲಿ ಪಾಟ್ನಾಗೆ ಗೆಲುವು

ಪ್ರೊ ಕಬಡ್ಡಿ ಲೀಗ್​​​ನ ಮೊದಲ ಎಲಿಮಿನೇಟರ್​ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ವಿರುದ್ಧ ಜಯಿಸಿದ ಪಾಟ್ನಾ ಪೈರೇಟ್ಸ್​, ಸೆಮಿಫೈನಲ್​ಗೆ ಅರ್ಹತೆ ಪಡೆದಿದೆ. ಹೈವೋಲ್ಟೇಜ್​​ ಪಂದ್ಯದಲ್ಲಿ ಪಾಟ್ನಾ, 35-37 ಅಂಕಗಳ ಅಂತರದಿಂದ ಗೆದ್ದು ಸೆಮೀಸ್​​ಗೆ ಎಂಟ್ರಿಕೊಟ್ಟಿದೆ. ಸೆಮಿಫೈನಲ್​​ನಲ್ಲಿ ಪುಣೇರಿ ಪಲ್ಟಾನ್ ತಂಡವನ್ನು ಪಾಟ್ನಾ ಎದುರಿಸಲಿದೆ.

ಇದನ್ನೂ ಓದಿ : ಹೆಲ್ಲೋ, ಹೀರೋ ಆಗೋಕೆ ಪ್ರಯತ್ನಿಸಬೇಡ; ಹೆಲ್ಮೆಟ್ ಧರಿಸದೆ ಕ್ಲೋಸ್-ಇನ್ ಫೀಲ್ಡಿಂಗ್​ಗೆ ನಿರ್ಧರಿಸಿದ ಸರ್ಫರಾಜ್​ಗೆ ಬೈದ ರೋಹಿತ್​

2ನೇ ಸೆಮಿಫೈನಲ್​ನಲ್ಲಿ ಜೈಪುರ ಮತ್ತು ಹರಿಯಾಣ

ಎಲಿಮಿನೇಟರ್​​ನಲ್ಲಿ ಜಯದ ನಗೆ ಬೀರಿದ ಹರಿಯಾಣ ತಂಡವು ಟೂರ್ನಿಯ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಜೈಪುರ ಪಿಂಕ್ ಪ್ಯಾಂಥರ್ಸ್ ತಂಡವನ್ನು ಎದುರಿಸಲಿದೆ. ಈ ಪಂದ್ಯವು ಫೆಬ್ರವರಿ 28ರಂದು ಸೆಮಿಫೈನಲ್ ಪಂದ್ಯ ನಡೆಯಲಿದೆ. ಜೈಪುರ ಲೀಗ್​ ಅಂಕಪಟ್ಟಿಯಲ್ಲಿ 2ನೇ ಸ್ಥಾನ ಪಡೆದು ನೇರವಾಗಿ ಸೆಮಿಫೈನಲ್​ಗೆ ಪ್ರವೇಶಿಸಿತ್ತು.

ಮೊದಲ ಸೆಮಿಫೈನಲ್ ಪಂದ್ಯ (ಫೆಬ್ರವರಿ 28)

ಪುಣೇರಿ ಪಲ್ಟನ್ಸ್ vs ಪಾಟ್ನಾ ಪೈರೇಟ್ಸ್​, ಗಚ್ಚಿಬೋಲಿ ಒಳಾಂಗಣ ಕ್ರೀಡಾಂಗಣ

ಎರಡನೇ ಸೆಮಿಫೈನಲ್ ಪಂದ್ಯ (ಫೆಬ್ರವರಿ 28)

ಜೈಪುರ ಪಿಂಕ್ ಪ್ಯಾಂಥರ್ಸ್ vs ಹರಿಯಾಣ ಸ್ಟೀಲರ್ಸ್, ಗಚ್ಚಿಬೋಲಿ ಒಳಾಂಗಣ ಕ್ರೀಡಾಂಗಣ

ಹರಿಯಾಣ ತಂಡದ ಪ್ಲೇಯಿಂಗ್ 7

ವಿನಯ್, ಜೈದೀಪ್ ದಾಹಿಯಾ, ಆಶಿಶ್, ಮೊಹಿತ್, ಶಿವಂ ಪರಾಟೆ, ಮೊಹಿತ್ ನಂದಲ್.

ಗುಜರಾತ್ ಜೈಂಟ್ಸ್ ತಂಡದ ಪ್ಲೇಯಿಂಗ್ 7

ಫಜಲ್ ಅತ್ರಾಚಲಿ, ಮೊಹಮ್ಮದ್ ನಬೀಬಶ್, ಸೋಂಬಿರ್, ಪರ್ತೀಕ್ ದಾಯಿಯಾ, ದೀಪಕ್ ಸಿಂಗ್, ಬಾಲಾಜಿ ಡಿ, ರಾಕೇಶ್.

ಇದನ್ನೂ ಓದಿ : Ranji Trophy: ಆಂಧ್ರ ತಂಡದ ನಾಯಕತ್ವ ತ್ಯಜಿಸಲು ರಾಜಕೀಯ ಒತ್ತಡವೇ ಕಾರಣ; ಸಹ ಆಟಗಾರನ ಮೇಲೆ ಹನುಮ ವಿಹಾರಿ ಆರೋಪ