2025ರಲ್ಲಿ ದರ್ಶನ್‌ ತೂಗುದೀಪ್‌ ಸಿನಿಮಾಗಳಲ್ಲಿ ಅಭಿನಯಿಸುತ್ತಾರೆ; ಮೈಸೂರು ಅವಧೂತ ಅರ್ಜುನ್‌ ಗುರೂಜಿ ಭವಿಷ್ಯ

ನಟ ದರ್ಶನ್‌ ತೂಗುದೀಪ್‌ಗೆ ಕರ್ನಾಟಕ ಹೈಕೋರ್ಟ್‌ 6 ವಾರಗಳ ಕಾಲ ಮಧ್ಯಂತರ ಜಾಮೀನು ನೀಡಿದ್ದು ದರ್ಶನ್‌ ಬಳ್ಳಾರಿ ಜೈಲಿನಿಂದ ರಿಲೀಸ್‌ ಆಗಿ ಬೆಂಗಳೂರಿಗೆ ಬಂದಿದ್ದಾರೆ. ಪತ್ನಿ ವಿಜಯಲಕ್ಷ್ಮೀ ದೇವಸ್ಥಾನಗಳಿಗೆ ತೆರಳಿ ಹರಕೆ ಸಲ್ಲಿಸುತ್ತಿದ್ದಾರೆ. ಈ ನಡುವೆ ಮೈಸೂರು ಅವಧೂತ ಅರ್ಜುನ್‌ ಗುರೂಜಿ ದರ್ಶನ್‌ ಭವಿಷ್ಯ ನುಡಿದಿದ್ದಾರೆ. 2025ರ ನಂತರ ದರ್ಶನ್‌ಗೆ ಒಳ್ಳೆ ದಿನಗಳು ಬರಲಿವೆ, ಸಿನಿಮಾಗಳಲ್ಲಿ ನಟಿಸುತ್ತಾರೆ. ಅವರಿಗೆ ಸ್ತ್ರೀ ದೋಷ ಇದೆ ಎನ್ನುವುದು ಸುಳ್ಳು. ದರ್ಶನ್‌ ಜೈಲಿಗೆ ಹೋದಾಗಿನಿಂದ ವಿಜಯಲಕ್ಷ್ಮೀ ಸೇರಿದಂತೆ ಅವರ ಮನೆಯವರು ದೇವಸ್ಥಾನಗಳಿಗೆ ಹೋಗಿ ಪೂಜೆ ಸಲ್ಲಿಸಿ ಬಂದಿದ್ದಾರೆ. ಅವರು ಬಿಡುಗಡೆ ಆಗಿರುವುದು ಅಭಿಮಾನಿಗಳಿಗೆ ಸಂದ ಜಯ. ಅಭಿಮಾನಿಗಳು, ದರ್ಶನ್‌ ಮನೆಯವರ ಪ್ರಾರ್ಥನೆ ದೇವರಿಗೆ ಮುಟ್ಟಿದೆ ಎಂದು ಅವಧೂತ ಅರ್ಜುನ್‌ ಗುರೂಜಿ ಹೇಳಿದ್ದಾರೆ.