ನವರಾತ್ರಿ ಪೂಜೆಯಲ್ಲಿ ಕಲಶದ ಮೇಲೆ ತೆಂಗಿನಕಾಯಿ ಯಾಕೆ ಇಡ್ತಾರೆ? ಧಾರ್ಮಿಕ ವಿಧಿ ವಿಧಾನ ಹೀಗಿರುತ್ತೆ

ನವರಾತ್ರಿಯ ಮೊದಲ ದಿನವನ್ನು ಶೈಲಪುತ್ರಿ ದೇವಿಗೆ ಅರ್ಪಿಸಲಾಗಿದೆ. ಇಂದು ( ಅಕ್ಟೋಬರ್ 03, ಗುರುವಾರ) ಶಾರದಾ ನವರಾತ್ರಿ ಪ್ರಾರಂಭವಾಗಿದೆ. ಮೊದಲ ದಿನ, ದುರ್ಗಾ ಮಾತೆಯ ಮೊದಲ ರೂಪವಾದ ತಾಯಿ ಶೈಲಪುತ್ರಿಯನ್ನು ಪೂಜಿಸುವುದರಿಂದ ಸಂತೋಷ ಮತ್ತು ಸಮೃದ್ಧಿ ಹೆಚ್ಚಾಗುತ್ತದೆ. ಹಿಮಾಲಯದ ಮಗಳಾಗಿರುವುದರಿಂದ ಅವಳನ್ನು ಶೈಲಪುತ್ರಿ ಎಂದು ಕರೆಯಲಾಗುತ್ತದೆ. ನಂಬಿಕೆಗಳ ಪ್ರಕಾರ, ತಾಯಿ ಶೈಲಪುತ್ರಿಯನ್ನು ಪೂಜಿಸುವುದರಿಂದ ಚಂದ್ರ ಗ್ರಹಕ್ಕೆ ಸಂಬಂಧಿಸಿದ ಎಲ್ಲಾ ನಕಾರಾತ್ಮಕ ಪರಿಣಾಮಗಳನ್ನು ತೆಗೆದುಹಾಕುತ್ತದೆ. ನವರಾತ್ರಿಯ ಮೊದಲ ದಿನದಂದು ಪೂಜೆ ಕಲಶ ಸ್ಥಾಪನೆಗೆ ಶುಭ ಸಮಯ, ಕಲಶದಲ್ಲಿ ತೆಂಗಿನಕಾಯಿ ಯಾಕೆ ಇಡಬೇಕು, ಮಾತಾ ಶೈಲಪುತ್ರಿಯನ್ನು ಹೇಗೆ ಪೂಜಿಸುವುದು ಎಂದು ತಿಳಿಯೋಣ.

ಪಂಚಾಂಗದ ಪ್ರಕಾರ, ಅಕ್ಟೋಬರ್ 3ರ ಗುರುವಾರ ಅಭಿಜಿತ್ ಮುಹೂರ್ತವು ಬೆಳಿಗ್ಗೆ 11:46 ರಿಂದ ಮಧ್ಯಾಹ್ನ 12:33 ರವರೆಗೆ, ವಿಜಯ್ ಮುಹೂರ್ತವು ಮಧ್ಯಾಹ್ನ 02:08 ರಿಂದ 02:55 ರವರೆಗೆ, ಗೋಧೂಳಿ ಮುಹೂರ್ತವು ಸಂಜೆ 06:04 ರಿಂದ 06:29 ರವರೆಗೆ ಮತ್ತು ಅಮೃತ್ ಕಾಲವು ಬೆಳಿಗ್ಗೆ 08:45 ರಿಂದ 10:33 ರವರೆಗೆ ಇರುತ್ತದೆ.

ಕಲಶ ಸ್ಥಾಪನೆ ಮತ್ತು ಘಾಟ್ ಸ್ಥಾಪನೆಯನ್ನು ಯಾವಾಗ ಮಾಡಬೇಕು?: ಪಂಡಿತರು ಹೇಳುವ ಪ್ರಕಾರ, ಕಲಶ ಸ್ಥಾಪನೆಗೆ ಶುಭ ಸಮಯ ಬೆಳಿಗ್ಗೆ 6:08 ರಿಂದ ಸಂಜೆ 5:30 ರವರೆಗೆ. ಅಭಿಜಿತ್ ಮುಹೂರ್ತವು ಬೆಳಿಗ್ಗೆ 11:52 ರಿಂದ 12:40 ರವರೆಗೆ ಇರುತ್ತದೆ. ಅದೇ ಸಮಯದಲ್ಲಿ, ಪ್ರತಿಪಾದ ತಿಥಿ ಗುರುವಾರ ರಾತ್ರಿ 01:20 ರವರೆಗೆ ಇರುತ್ತದೆ.

ದುರ್ಗೆಯ ಭಕ್ತರು ಕಲಶವನ್ನು ಸ್ಥಾಪಿಸುವುದರಿಂದ ಹಿಡಿದು ದೇವಿಯನ್ನು ಮೆಚ್ಚಿಸಲು ಮಾತೆಯ ನೆಚ್ಚಿನ ನೈವೇದ್ಯವನ್ನು ಸಿದ್ಧಪಡಿಸುವವರೆಗೆ ಎಲ್ಲಾ ಸಿದ್ಧತೆಗಳನ್ನು ಮಾಡಿಕೊಂಡಿದ್ದಾರೆ. ಹಲವು ಬಾರಿ ನವರಾತ್ರಿ ಪೂಜೆಯ ನಿಮಯಗಳನ್ನು ಸರಿಯಾಗಿ ತಿಳಿಯದ ಕಾರಣ ಪೂಜೆಯ ಪೂರ್ಣ ಫಲವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. ಕಲಶವನ್ನು ಸ್ಥಾಪಿಸುವಾಗ ಕೆಲವು ನಿಮಯಗಳನ್ನು ಪಾಲಿಸಬೇಕಾಗುತ್ತದೆ. ಅನೇಕ ಜನರು ಇನ್ನೂ ತಪ್ಪಾಗಿ ಪೂಜೆ ಮಾಡುತ್ತಾರೆ. ಅದರಲ್ಲೂ ಕಲಶದಲ್ಲಿ ತೆಂಗಿನ ಕಾಯಿಯನ್ನು ಯಾಕೆ ಇಡಬೇಕು, ಯಾವ ರೀತಿಯ ಇಡಬೇಕು ಎಂಬುದನ್ನು ತಿಳಿಯೋಣ.

ಕೆಲವರು ಕಲಶದ ಮೇಲೆ ಅದರ ಮುಖವನ್ನು ನೇರವಾಗಿ ಇಡಬೇಕೇ ಅಥವಾ ಮಲಗಿದಂತೆ ಇಡಬೇಕೇ ಎಂಬುದರ ಬಗ್ಗೆ ಗೊಂದಲದಲ್ಲಿ ಇರುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಪೂಜೆಯ ಸಂಪೂರ್ಣ ಫಲಿತಾಂಶವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. ಕಲಶದ ಮೇಲೆ ತೆಂಗಿನಕಾಯಿಯನ್ನು ಹೇಗೆ ಇಡಲಾಗುತ್ತದೆ ಮತ್ತು ಅದಕ್ಕೆ ಸಂಬಂಧಿಸಿದ ನಿಯಮಗಳೇನು ಎಂಬುದನ್ನು ತಿಳಿದುಕೊಳ್ಳಬಹುದು ಮುಖ್ಯವಾಗುತ್ತದೆ.

ಕಲಶದ ಮೇಲೆ ತೆಂಗಿನಕಾಯಿಯನ್ನು ಏಕೆ ಇಡುತ್ತಾರೆ?

ನವರಾತ್ರಿಯ ಪೂಜೆಯ ಸಮಯದಲ್ಲಿ ದೇವಾಲಯದಲ್ಲಿ ತೆಂಗಿನಕಾಯಿ ಇರುವ ಕಲಶವನ್ನು ಸ್ಥಾಪಿಸುತ್ತಾರೆ. ಇದನ್ನು ಗಣೇಶ ಮತ್ತು ದುರ್ಗಾದೇವಿಯ ಆವಾಹನೆಯ ಸಂಕೇತವೆಂದು ಪರಿಗಣಿಸಲಾಗಿದೆ. ಇದು ಪ್ರತಿ ಕಾರ್ಯದಲ್ಲೂ ಪೂಜೆ ಮಾಡುವವನಿಗೆ ಯಶಸ್ಸು ಮತ್ತು ಶಾಂತಿಯನ್ನು ನೀಡುತ್ತದೆ. ತೆಂಗಿನಕಾಯಿಯಲ್ಲಿ ಬ್ರಹ್ಮ, ವಿಷ್ಣು ಮತ್ತು ಶಿವ ನೆಲೆಸಿದ್ದಾರೆ ಎಂದು ನಂಬಲಾಗಿದೆ. ಕಲಶದ ಮೇಲೆ ತೆಂಗಿನಕಾಯಿಯನ್ನು ಇಡುವುದರ ಮುಖ್ಯ ಉದ್ದೇಶವೆಂದರೆ ದೇವರನ್ನು ಆವಾಹನೆ ಮಾಡುವುದು, ಇದರಿಂದ ನವರಾತ್ರಿ ಪೂಜೆಯು ಸುಗಮವಾಗಿ ಮುಗಿಯುತ್ತದೆ. ತೆಂಗಿನ ಕಾಯಿಯನ್ನು ಕೆಂಪು ಬಟ್ಟೆಯಲ್ಲಿ ಸುತ್ತಿ, ಕಳವೆಯಿಂದ ಕಟ್ಟಿ ಕಲಶದ ಮೇಲೆ ಇಡಲಾಗುತ್ತದೆ.

ಇದನ್ನೂ ಓದಿ: ಭಾರತದಲ್ಲಷ್ಟೇ ಅಲ್ಲ ಈ 5 ದೇಶಗಳಲ್ಲೂ ನವರಾತ್ರಿ ಉತ್ಸವವನ್ನು ಅದ್ದೂರಿಯಾಗಿ ಆಚರಿಸ್ತಾರೆ, ದುರ್ಗಾ ಪೂಜೆ ಮಾಡ್ತಾರೆ ಜನ

ತೆಂಗಿನಕಾಯಿಯನ್ನು ಕಲಶದ ಮೇಲೆ ಹೇಗೆ ಇಡಬೇಕು?

ತೆಂಗಿನಕಾಯಿ ಜೋಡಿಸಿದ ರೀತಿಯಲ್ಲಿ ಕಲಶದ ಮೇಲೆ ಇಡುವುದು ಮುಖವೆಂದು ಪರಿಗಣಿಸಲಾಗುತ್ತದೆ. ಆದರೆ ಪೂಜೆ ಮಾಡುವಾಗ ಅನೇಕರು ತೆಂಗಿನಕಾಯಿಯ ಮೊನಚಾದ ಭಾಗವನ್ನು ಮೇಲಕ್ಕೆ ತಿರುಗಿಸುತ್ತಾರೆ. ಅದು ತಪ್ಪು. ನಿಯಮಗಳ ಪ್ರಕಾರ, ನಿಂತಿರುವಂತೆ ತೆಂಗಿನಕಾಯಿಯನ್ನು ಕಲಶದಲ್ಲಿ ಇಡುವುದು ಎಂದಿಗೂ ಮಂಗಳಕರವೆಂದು ಪರಿಗಣಿಸಲಾಗುವುದಿಲ್ಲ. ಇದರ ಹಿಂದಿರುವ ತರ್ಕವೆಂದರೆ ತೆಂಗಿನಕಾಯಿಯು ಕೆಳಮುಖವಾಗಿ ಇಟ್ಟರೆ ಶತ್ರುಗಳ ಸಂಖ್ಯೆಯನ್ನು ಹೆಚ್ಚಿಸುತ್ತದೆ, ರೋಗಗಳು ಹೆಚ್ಚಾಗುತ್ತವೆ. ಪೂರ್ವಕ್ಕೆ ಮುಖ ಮಾಡಿ ಇಟ್ಟರೆ ಸಂಪತ್ತು ನಾಶವಾಗುತ್ತದೆ. ಆದ್ದರಿಂದ ತೆಂಗಿನ ಕಾಯಿ ಯಾವಾಗಲೂ ನಿಮ್ಮ ಕಡೆಗೆ ಮುಖ ಮಾಡಬೇಕು ಮತ್ತು ಕಲಶವನ್ನು ದೇವಿಯ ಬಲಭಾಗದಲ್ಲಿ ಇಡಬೇಕು.

ಇದನ್ನೂ ಓದಿ: ನವರಾತ್ರಿಯ ಮೊದಲ ದಿನ ಯಾವಾಗ? ದಿನಾಂಕ, ಕಳಶ ಸ್ಥಾಪನೆಗೆ ಶುಭ ಮುಹೂರ್ತ, ಪೂಜೆ ವಿಧಾನ ತಿಳಿಯಿರಿ

ಕಲಶದ ಮೇಲೆ ತೆಂಗಿನಕಾಯಿಗೆ ಸಂಬಂಧಿಸಿದ ನಿಯಮಗಳು

• ಕಲಶದಲ್ಲಿರುವ ತೆಂಗಿನಕಾಯಿ ಹಾಳಾಗಿರಬಾರುದು ಅಥವಾ ಒಡೆದಿರಬಾರದು
• ಕೆಂಪು ಬಣ್ಣವನ್ನು ದುರ್ಗಾ ದೇವಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ತೆಂಗಿನಕಾಯಿಯನ್ನು ಕೆಂಪು ಬಣ್ಣದ ಬಟ್ಟೆಯಲ್ಲಿ ಸುತ್ತಿಡಬೇಕು
• ಕಲಶ ಸ್ಥಾಪನೆಯನ್ನು ಶುಭ ಮುಹೂರ್ತದಲ್ಲಿ ಮತ್ತು ವಿಧಾನ ಪ್ರಕಾರ ಮಾಡಬೇಕು
• ತೆಂಗಿನಕಾಯಿಯನ್ನು ಯಾವಾಗಲೂ ನಿಮ್ಮ ಕಡೆಗೆ ನೋಡುವಂತೆ ಇಡಬೇಕು
• ಮಾತಾ ರಾಣಿಯ ಬಲಭಾಗದಲ್ಲಿ ಕಲಶವನ್ನು ಸ್ಥಾಪಿಸಬೇಕು

ಇದನ್ನೂ ಓದಿ: ನವರಾತ್ರಿಯ ದಿನ ನಿಮ್ಮ ಪ್ರೀತಿ ಪಾತ್ರರಿಗೆ ಶುಭಾಶಯ ತಿಳಿಸಬೇಕಾ; ಸಂತೋಷ, ಸಮೃದ್ಧಿ, ಯಶಸ್ಸಿಗಾಗಿ ಹೀಗೆ ಹಾರೈಸಿ

ಕಲಸ ಪೂಜಾ ವಿಧಾನ

• ಬೆಳಿಗ್ಗೆ ಎದ್ದು, ಸ್ನಾನ ಮಾಡಿ ದೇವಾಲಯವನ್ನು ಸ್ವಚ್ಛಗೊಳಿಸಬೇಕು
• ಪಾತ್ರೆ ಮತ್ತು ಘಾಟ್ ಅನ್ನು ಸ್ಥಾಪಿಸಿ.
• ತಾಯಿಗೆ ಗಂಗಾ ನೀರಿನಿಂದ ಅಭಿಷೇಕ ಮಾಡಿ
• ಅಕ್ಷತೆ, ಕೆಂಪು ಶ್ರೀಗಂಧ, ಚುನಾರಿ, ಬಿಳಿ ಹೂವುಗಳನ್ನು ಅರ್ಪಿಸಿ
• ಎಲ್ಲಾ ದೇವತೆಗಳಿಗೆ ಹಣ್ಣುಗಳು, ಹೂವುಗಳು, ತಿಲಕವನ್ನು ಹಚ್ಚಿ
• ಹಣ್ಣುಗಳು ಮತ್ತು ಸಿಹಿತಿಂಡಿಗಳನ್ನು ಭೋಗವಾಗಿ ಅರ್ಪಿಸಿ
• ಮನೆಯ ದೇವಾಲಯದಲ್ಲಿ ಧೂಪದ್ರವ್ಯ, ತುಪ್ಪದ ದೀಪಗಳನ್ನು ಬೆಳಗಿಸಿ
• ದುರ್ಗಾ ಸಪ್ತಶತಿ ಮತ್ತು ದುರ್ಗಾ ಚಾಲೀಸಾವನ್ನು ಪಠಿಸಿ
• ವೀಳ್ಯದೆಲೆಯ ಮೇಲೆ ಕರ್ಪೂರ, ಲವಂಗವನ್ನು ಇರಿಸುವ ಮೂಲಕ ಮಾತಾ ಆರತಿಯನ್ನು ಮಾಡಿ.
• ಅಂತಿಮವಾಗಿ ತಿಳಿದೋ ತಿಳಿಯೋ ಏನಾದರು ತಪ್ಪುಗಳಾಗಿದ್ದರೆ ದಯವಿಟ್ಟು ಕ್ಷಮೆಯಾಚಿಸಿ ಎಂದು ದೇವಿಯ ಬಳಿ ಪ್ರಾರ್ಥಿಸಿ.