Entertainment News in Kannada Live November 15, 2024: ನಿರ್ದೇಶಕ, ನಿರ್ಮಾಪಕ, ನಾಯಕನಾದ ಡಯಾಬಿಟಿಕ್‌ ಸ್ಪೆಷಲಿಸ್ಟ್‌ ಡಾಕ್ಟರ್‌ ಲೀಲಾ ಮೋಹನ್; ಚಿತ್ರಕ್ಕೆ ನಾಯಿ ಇದೆ ಎಚ್ಚರಿಕೆ ಶೀರ್ಷಿಕೆ
Nov 15, 2024 09:18 PM IST
ಇದು 'ಎಚ್‌ಟಿ ಕನ್ನಡ' ಜಾಲತಾಣದ ಸ್ವಯಂಚಾಲಿತ ಲೈವ್‌ಬ್ಲಾಗ್‌. ಕನ್ನಡ ಟಿವಿ ಧಾರಾವಾಹಿಗಳು, ಒಟಿಟಿ ಸರಣಿಗಳು, ಸ್ಯಾಂಡಲ್‌ವುಡ್, ಕಾಲಿವುಡ್, ಟಾಲಿವುಡ್, ಬಾಲಿವುಡ್‌, ಕನ್ನಡ ಕಿರುತೆರೆ, ಕನ್ನಡ ಸಿನಿಮಾ ಜಗತ್ತು, ಒಟಿಟಿ ತಾಣಗಳಿಗೆ ಸಂಬಂಧಿಸಿದ ಸಮಗ್ರ ಮಾಹಿತಿ ಮತ್ತು ತಾಜಾ ಸುದ್ದಿ ಇಲ್ಲಿ ಲಭ್ಯ. ವಿವಿಧ ಜನಪ್ರಿಯ ಸಿನಿಮಾಗಳ ವಿಮರ್ಶೆ ಇಲ್ಲಿದೆ.
- Dr Leela Mohan: ಖ್ಯಾತ ವೈದ್ಯ ಡಾ. ಲೀಲಾ ಮೋಹನ್ ದೊಡ್ಡ ಹೀರೋ ಆಗಬೇಕು ಎನ್ನುವ ಕನಸು ಹೊತ್ತು ಬಣ್ಣದ ಲೋಕದ ಕಡೆ ಹೆಜ್ಜೆ ಇಟ್ಟಿದ್ದಾರೆ. ಈಗಾಗಲೇ ಕೆಲವು ಸಿನಿಮಾಗಳಲ್ಲಿ ನಟಿಸಿರುವ ಲೀಲಾ ಮೋಹನ್, ಇದೀಗ ನಟನೆ ಜೊತೆಗೆ ನಿರ್ಮಾಣದಲ್ಲೂ ಬಿಜಿಯಾಗಿದ್ದಾರೆ.
Kanguva Box office collection Day 1: ಶಿವ ನಿರ್ದೇಶನದಲ್ಲಿ ಸೂರ್ಯ ದ್ವಿಪಾತ್ರದಲ್ಲಿ ನಟಿಸಿರುವ ಕಂಗುವಾ ಸಿನಿಮಾ ಮೊದಲ ದಿನ ನಿರೀಕ್ಷಿಸಿದಷ್ಟು ಕಲೆಕ್ಷನ್‌ ಮಾಡಿಲ್ಲ. ವೇಟ್ಟೈಯನ್‌ಗೂ ಮೀರಿ ಸಿನಿಮಾ ಗಳಿಕೆ ಮಾಡಬಹುದು ಎಂಬ ನಿರೀಕ್ಷೆ ಸುಳ್ಳಾಗಿದೆ. ಸಿನಿಮಾ ಮೊದಲ ದಿನ ವಿಶ್ವಾದ್ಯಂತ 40 ಕೋಟಿ ರೂ. ಸಂಗ್ರಹಿಸಿದೆ.
- Ananth Kumar Biopic: ಮಾಜಿ ಕೇಂದ್ರ ಸಚಿವ ಮತ್ತು ಬಿಜೆಪಿ ಮುಖಂಡ ಅನಂತ್ ಕುಮಾರ್ ಕುರಿತು ಒಂದು ಚಿತ್ರ ಮಾಡುವ ಚರ್ಚೆ ಶುರುವಾಗಿದೆ. ಆದಷ್ಟು ಬೇಗ ಅನಂತ್ ಕುಮಾರ್ ಅವರ ಜೀವನವನ್ನು ತೆರೆಯ ಮೇಲೆ ತರುವ ಪ್ರಯತ್ನ ಮಾಡುತ್ತೇನೆ ಎಂದು ಅನಂತ್ ಕುಮಾರ್ ಅವರ ಮಾಧ್ಯಮ ಕಾರ್ಯದರ್ಶಿ ಆಗಿದ್ದ ತ್ರಿವಿಕ್ರಮ ಜೋಷಿ ತಿಳಿಸಿದ್ದಾರೆ.
- Krishnam Pranaya Sakhi OTT: ಗೋಲ್ಡನ್‌ ಸ್ಟಾರ್‌ ಗಣೇಶ್‌ ನಟನೆಯ ಕೃಷ್ಣಂ ಪ್ರಣಯ ಸಖಿ ಸಿನಿಮಾ, ಚಿತ್ರಮಂದಿರದಲ್ಲಿ ಬಿಡುಗಡೆಯಾಗಿ ನೂರು ದಿನ ಸಮೀಸುತ್ತಿದೆ. ಆದರೆ, ಈ ವರೆಗೂ ಈ ಸಿನಿಮಾದ ಒಟಿಟಿ ಅಪ್‌ಡೇಟ್‌ ಹೊರಬಿದ್ದಿಲ್ಲ. ಹೀಗಿರುವಾಗಲೇ ಇದೇ ಚಿತ್ರದ ಕುರಿತು ಬೇಸರದ ಸುದ್ದಿಯೊಂದು ಸದ್ದು ಮಾಡುತ್ತಿದೆ.
- Bigg Boss Kannada 11 TRP: ಕನ್ನಡ ಕಿರುತೆರೆಯಲ್ಲೀ ಧಾರಾವಾಹಿಗಳು ಹೊಸ ಹೊಸ ದಾಖಲೆ ಬರೆಯುತ್ತಿವೆ. ಅತ್ಯಧಿಕ ನಂಬರ್‌ ಪಡೆದುಕೊಂಡು, ಹೆಚ್ಚಿನ ವೀಕ್ಷಕರನ್ನು ಸಂಪಾದಿಸಿಕೊಳ್ಳುತ್ತಿವೆ. ಅದರಂತೆ, ಈ ಹಿಂದಿನ ವಾರದ ಸೀರಿಯಲ್‌ ಟಿಆರ್‌ಪಿ ಹೇಗಿತ್ತು? ಬಿಗ್‌ಬಾಸ್‌ ಕನ್ನಡ 11ಕ್ಕೆ ಸಿಕ್ಕ ನಂಬರ್‌ ಎಷ್ಟು? ಇಲ್ಲಿದೆ ಮಾಹಿತಿ.
ಹಂಸ ಪ್ರತಾಪ್ ನಮಗೆ ತಿಳಿಸದೆ ಧಾರಾವಾಹಿಯಿಂದ ಹೊರ ಹೋಗಿದ್ದಾರೆ. ಕಲಾವಿರಿಗೆ ಜವಾಬ್ದಾರಿ ಇರಬೇಕು. ಅವರು ಬಿಗ್‌ಬಾಸ್‌ಗೆ ಹೋಗಿದ್ದಾರೆ ಎಂದು ನಮಗೆ ಪ್ರೋಮೋ ನೋಡಿದಾಗಲೇ ತಿಳಿದದ್ದು. ಈಗ ಹಂಸ ಬದಲಿಗೆ ಮತ್ತೊಬ್ಬ ನಟಿಯನ್ನು ಕರೆ ತರುತ್ತಿದ್ದೇವೆ ಎಂದು ನಿರ್ದೇಶಕ ಆರೂರು ಜಗದೀಶ್‌ ಹಂಸ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ.
- Bhairathi Ranagal Movie Review: ಸಲೀಸಾಗಿ ಊಹಿಸಿಬಿಡಬಲ್ಲ ಗುಣ ಭೈರತಿ ರಣಗಲ್ ಚಿತ್ರಕ್ಕಿದೆ. ಒಂದು ಚಿತ್ರದ ನಾಯಕನ ಇಂಟ್ರೋ ಹೇಗಿರಬೇಕೋ, ಅಷ್ಟನ್ನೇ 2 ಗಂಟೆ 14 ನಿಮಿಷದ ಅವಧಿಯಲ್ಲಿ ಕಟ್ಟಿಕೊಟ್ಟಿದ್ದಾರೆ ಎಂಬಂತೆ ಕಾಣಿಸುತ್ತದೆ ಈ ಸಿನಿಮಾ. ಇಲ್ಲಿ ಯಾವುದೂ ಹೊಸದು ಎನಿಸುವುದಿಲ್ಲ. ನೋಡುಗನನ್ನು ಕೆಣಕುವುದಿಲ್ಲ.
- ಚಂದನವನದ ಹಿರಿಯ ನಟ ಶಿವರಾಜ್ ಕುಮಾರ್ ಸಿನಿಮಾ ಮಾಡಲು ವಿಪರೀತ ಸಮಯವನ್ನು ತೆಗೆದುಕೊಳ್ಳುವ ನಟರಲ್ಲ. ಹಾಗಿದ್ದರೆ ಶಿವಣ್ಣ ಅವರ ಶೂಟಿಂಗ್ ಸಮಯದ ಪಟ್ಟಿ ಹೇಗಿರುತ್ತೆ? ಕಲಾವಿದರ ಬಗ್ಗೆ ಅವರಿಗೆ ಇರುವ ಕಾಳಜಿ ಎಂತಹದು ಎಂಬುದನ್ನು ಅವರೇ ವಿವರಿಸಿದ್ದಾರೆ.
Bigg Boss Kannada 11: ಈ ವಾರ ರಾಮಾಚಾರಿ ಧಾರಾವಾಹಿ ಜೋಡಿಗಳಾದ ರಾಮಾಚಾರಿ ಹಾಗೂ ಚಾರು ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ. ಮನೆಗೆ ಬಂದ ಅತಿಥಿಗಳಿಗೆ ಸ್ಪರ್ಧಿಗಳು ಜೋಡಿಯಾಗಿ ಡ್ಯಾನ್ಸ್‌ ಮಾಡಿ ಒಳ್ಳೆ ಮನರಂಜನೆ ನೀಡಿದ್ದಾರೆ.
- ತಾನು ಕಂಡ ವಿಭಿನ್ನವಾದ ಕನಸನ್ನು ನನಸು ಮಾಡಿಕೊಳ್ಳಲು ಗೃಹಿಣಿಯೊಬ್ಬಳು ಕುಟುಂಬದ ಜವಾಬ್ದಾರಿಯ ಜೊತೆ ಜೊತೆಗೆ ಎದುರಾಗುವ ಸವಾಲುಗಳನ್ನು ಮೆಟ್ಟಿ ನಿಲ್ಲುವ ಪಯಣವೇ ದಿ ಮ್ಯಾಜಿಕ್ ಆಫ್ ಶಿರಿ. ವಿವಾದಗಳ ನಡುವೆಯೂ ಒಟಿಟಿಗೆ ಬಂದಿರುವ ಈ ವೆಬ್ ಸೀರೀಸ್ ನ ವಿಮರ್ಶೆ ಇಲ್ಲಿದೆ.
- ರಿಡ್ಲಿ ಸ್ಕಾಟ್ ನಿರ್ದೇಶನದ 'ಗ್ಲಾಡಿಯೇಟರ್' ಸಿನಿಮಾ 2000ರಲ್ಲಿ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಭಾರಿ ಮೆಚ್ಚುಗೆ ಗಳಿಸಿತ್ತು. ಇದೀಗ 24 ವರ್ಷಗಳ ಬಳಿಕ ಗ್ಲಾಡಿಯೇಟರ್ ಭಾಗ 2 ಬಿಡುಗಡೆಯಾಗಿದೆ. ಆದರೆ ಈ ಸಿನಿಮಾ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಸೋತಿದೆ. ಆದರೆ ಸಿನಿಮಾ ನೋಡಿದವರು ಮನರಂಜನೆಗೆ ಕೊರತೆಯಿಲ್ಲ, ಒಮ್ಮೆ ನೋಡಬಹುದು ಎಂಬ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.
ಇತ್ತೀಚೆಗೆ ರಿಲೀಸ್‌ ಆದ ಮರ್ಯಾದೆ ಪ್ರಶ್ನೆ ಸಿನಿಮಾ ಟ್ರೇಲರ್‌ ರಿಲೀಸ್‌ ಕಾರ್ಯಕ್ರಮದಲ್ಲಿ ಸ್ಯಾಂಡಲ್‌ವುಡ್‌ನ ಪ್ರತಿಭಾವಂತ ನಿರ್ದೇಶಕರು ಆಗಮಿಸಿದ್ದರು. ಅವರಲ್ಲಿ ಮರ್ಫಿ, ಡೇರ್‌ ಡೆವಿಲ್‌ ಮುಸ್ತಾಫಾ, 777 ಚಾರ್ಲಿ ಸೇರಿದಂತೆ ಮೊದಲ ಸಿನಿಮಾಗಳಲ್ಲಿ ಪ್ರಯತ್ನ ಸೆಳೆದು ಮರೆಯಾದ ನಿರ್ದೇಶಕರು ಮರ್ಯಾದೆ ಪ್ರಶ್ನೆ ಟ್ರೈಲರ್‌ ರಿಲೀಸ್‌ ಮಾಡಿದ್ದಾರೆ.
- ಫ್ರೀಡಂ ಅಟ್ ಮಿಡ್ ನೈಟ್ ವಿಮರ್ಶೆ: ನಿಖಿಲ್ ಅಡ್ವಾಣಿ ಅವರು ನಿರ್ದೇಶಿಸಿರುವ ಫ್ರೀಡಂ ಅಟ್ ಮಿಡ್ ನೈಟ್ ವೆಬ್ ಸರಣಿಯಲ್ಲಿ ಭಾರತದ ಸ್ವಾತಂತ್ರ್ಯ ಮತ್ತು ವಿಭಜನೆಯ ಹಾದಿಯನ್ನು ಕಣ್ಣಿಗೆ ಕಟ್ಟುವಂತೆ ಬಿಡಿಸಿಟ್ಟಿದ್ದಾರೆ. ಸೋನಿ ಲೈವ್ ಒಟಿಟಿಗೆ ಬಂದಿರುವ ವೆಬ್ ಸಿರೀಶ್ ವಿಮರ್ಶೆ ಇಲ್ಲಿದೆ.
ಭಾಗ್ಯಲಕ್ಷ್ಮೀ ಧಾರಾವಾಹಿ ನವೆಂಬರ್‌ 14ರ ಎಪಿಸೋಡ್‌ನಲ್ಲಿ ಶ್ರೇಷ್ಠಾಳನ್ನು ಇಂಪ್ರೆಸ್‌ ಮಾಡಲು ಇಷ್ಟೆಲ್ಲಾ ಅರೇಂಜ್‌ಮೆಂಟ್‌ ಮಾಡಿರುವರಿಗೆ ತಾಂಡವ್‌ ಥ್ಯಾಂಕ್ಸ್‌ ಹೇಳುತ್ತಾನೆ. ಕುಡಿದ ಮತ್ತಿನಲ್ಲಿ ಶ್ರೇಷ್ಠಾ, ಈಗಲೇ ನನಗೆ ತಾಳಿ ಕಟ್ಟುವಂತೆ ತಾಂಡವ್‌ ಬಳಿ ಡಿಮ್ಯಾಂಡ್‌ ಮಾಡುತ್ತಾಳೆ.
ಗೀತಾ ಶಿವರಾಜ್‌ಕುಮಾರ್‌ ನಿರ್ಮಿಸಿ, ನರ್ತನ್‌ ನಿರ್ದೇಶನ ಮಾಡಿರುವ ಭೈರತಿ ರಣಗಲ್ ಸಿನಿಮಾ ನವೆಂಬರ್‌ 15 ರಂದು ರಿಲೀಸ್‌ ಆಗಿದೆ. ಚಿತ್ರಪ್ರೇಮಿಗಳು ಸಿನಿಮಾ ನೋಡಿ ಇಷ್ಟಪಟ್ಟಿದ್ದಾರೆ. ಮೊದಲ ಹಾಫ್‌ನಲ್ಲೇ ಪೈಸಾ ವಸೂಲ್‌ ಆಗುತ್ತೆ, ಸಿನಿಮಾ ಬ್ಲಾಕ್‌ ಬಸ್ಟರ್‌ ಎಂದು ರಿವ್ಯೂ ಹೇಳಿದ್ದಾರೆ.
- ಭೈರತಿ ರಣಗಲ್ ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ಅವರು ಧರಿಸಿರುವಂತಹ ಕಪ್ಪು ಪಂಚೆ, ಕಪ್ಪು ಶರ್ಟ್‌ ತೊಟ್ಟು ಶಿವಣ್ಣನ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. ಅಂದಹಾಗೆ, ಭೈರತಿ ರಣಗಲ್ ಸಿನಿಮಾದಲ್ಲಿ ಶಿವರಾಜ್ ಕುಮಾರ್‌ಗೆ ಸ್ಯಾಂಡಲ್‌ವುಡ್‌ನ ಜನಪ್ರಿಯ ಕಾಸ್ಟ್ಯೂಮ್‌ ಡಿಸೈನರ್‌ ಭರತ್‌ ಸಾಗರ್‌ ವಸ್ತ್ರ ವಿನ್ಯಾಸ ಮಾಡಿದ್ದಾರೆ.
Bhairathi Ranagal: ಗ್ಯಾಂಗ್ ಸ್ಟರ್ ಶೈಲಿಯ ಮಫ್ತಿ ಚಿತ್ರದ ಪ್ರಿಕ್ವೇಲ್ ಭೈರತಿ ರಣಗಲ್ ಅವತಾರದಲ್ಲಿ ಆಗಮಿಸಿದ್ದಾರೆ ಶಿವಣ್ಣ. ಲಾಂಗ್ ಮಾತ್ರವಲ್ಲದೆ, ಕೋಟ್ ಹಾಕಿಕೊಂಡು ಲಾಯರ್ ಲುಕ್ ನಲ್ಲಿ ಎದುರಾಗಿದ್ದಾರೆ. ಬಹು ನಿರೀಕ್ಷೆ ಮೂಡಿಸಿರುವ ಈ ಸಿನಿಮಾದ ಮೊದಲಾರ್ಧ ಹೇಗಿದೆ? ಇಲ್ಲಿದೆ ವಿವರ.
ಬಹುನಿರೀಕ್ಷಿತ ಭೈರತಿ ರಣಗಲ್ ಸಿನಿಮಾ ರಿಲೀಸ್‌ ಆಗಿದೆ. ಅಭಿಮಾನಿಗಳೊಂದಿಗೆ ಶಿವರಾಜ್‌ಕುಮಾರ್‌ ಪತ್ನಿ ಗೀತಾ ಹಾಗೂ ಪುತ್ರಿ ನಿವೇದಿತಾ ಸಿನಿಮಾ ನೋಡಿದ್ದಾರೆ. ಶಿವಣ್ಣ ಫ್ಯಾನ್ಸ್‌ ಚಿತ್ರಮಂದಿರದಲ್ಲಿ ಸ್ಕ್ರೀನ್‌ ಮುಂದೆ ಪಟಾಕಿ ಹಚ್ಚಿ ಸಂಭ್ರಮಿಸಿದ್ದಾರೆ.
ನರ್ತನ್‌ ನಿರ್ದೇಶನದಲ್ಲಿ ಶಿವರಾಜ್‌ಕುಮಾರ್‌ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಭೈರತಿ ರಣಗಲ್ ಸಿನಿಮಾ ಇಂದು ರಿಲೀಸ್‌ ಆಗಿದೆ. ಡಾಲಿ ಧನಂಜಯ್‌ ಪ್ರಿ ರಿಲೀಸ್‌ ಇವೆಂಟ್‌ನಲ್ಲಿ ಹೇಳಿದಂತೆ ಸಿನಿಮಾವನ್ನು ಭೈರತಿ ರಣಗಲ್ ಗೆಟಪ್‌ನಲ್ಲಿ ಫಸ್ಟ್‌ ಡೇ ಫಸ್ಟ್‌ ಶೋ ನೋಡಿದ್ದಾರೆ.
1978 ರಲ್ಲಿ ತೆರೆ ಕಂಡಿದ್ದ ಪರಸಂಗದ ಗೆಂಡೆತಿಮ್ಮ ಸಿನಿಮಾದಲ್ಲಿ ಲೋಕೇಶ್‌ ಜೊತೆ ನಟಿಸಿದ್ದ ರೀಟಾ ಅಂಚನ್ ರಾಧಾಕೃಷ್ಣ ನವೆಂಬರ್‌ ಬುಧವಾರ ನಿಧನರಾಗಿದ್ದಾರೆ. ರೀಟಾ, ಕೆಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದು ಒಬ್ಬ ಮಗ, ಪುತ್ರಿಯನ್ನು ಅಗಲಿಸಿದ್ದಾರೆ. ರೀಟಾ ನಿಧನಕ್ಕೆ ಕನ್ನಡ ಚಿತ್ರರಂಗ ಸಂತಾಪ ಸೂಚಿಸಿದೆ.