ಮಾಜಿ ತಂಡದ ಸವಾಲಿಗೆ ಹಾರ್ದಿಕ್ ಸಿದ್ಧ; ಮುಂಬೈ-ಗುಜರಾತ್ ಪಂದ್ಯದ ಪಿಚ್ ಮತ್ತು ಹವಾಮಾನ ವರದಿ ವಿವರ ಇಲ್ಲಿದೆ

2024ರ ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್​ ಐಪಿಎಲ್​ನ ಐದನೇ ಪಂದ್ಯದಲ್ಲಿ ಬಲಿಷ್ಠ ಮುಂಬೈ ಇಂಡಿಯನ್ಸ್ - ಗುಜರಾತ್ ಟೈಟಾನ್ಸ್ ತಂಡಗಳು ಮುಖಾಮುಖಿಯಾಗುತ್ತಿವೆ. ವಿಶ್ವದ ಅತಿದೊಡ್ಡ ಮೈದಾನವಾದ ನರೇಂದ್ರ ಮೋದಿ ಕ್ರೀಡಾಂಗಣವು ಈ ಮದಗಜಗಳ ಕಾದಾಟಕ್ಕೆ ಸಾಕ್ಷಿಯಾಗಲಿದೆ. ನೂತನ ನಾಯಕರೊಂದಿಗೆ ಉಭಯ ತಂಡಗಳು ಯಾವ ರೀತಿಯ ಪ್ರದರ್ಶನ ನೀಡಲಿವೆ ಎಂಬುದು ಕುತೂಹಲ ಮೂಡಿಸಿದೆ.

2022ರಲ್ಲಿ ಮುಂಬೈ ತೊರೆದು ಗುಜರಾತ್ ಸೇರಿದ್ದ ಹಾರ್ದಿಕ್​ ಪಾಂಡ್ಯ ಮತ್ತೆ ಅಂಬಾನಿ ಬ್ರಿಗೇಡ್ ಸೇರಿದ್ದಲ್ಲದೆ, ನಾಯಕತ್ವವನ್ನೂ ಪಡೆದಿದ್ದಾರೆ. ಮತ್ತೊಂದು ವಿಶೇಷ ತಮ್ಮ ಮಾಜಿ ತಂಡದ ಎದುರೇ ಐಪಿಎಲ್ ಅಭಿಯಾನ ಆರಂಭಿಸುತ್ತಿರುವುದು ವಿಶೇಷ. 2022 ಮತ್ತು 2023ರಲ್ಲಿ ಗುಜರಾತ್ ಫ್ರಾಂಚೈಸಿಯನ್ನು ಎರಡು ಬಾರಿ ಫೈನಲ್​ಗೇರಿಸಿದ್ದರು ಹಾರ್ದಿಕ್. ಈಗ ಟೈಟಾನ್ಸ್ ನಾಯಕನಾಗಿ ಶುಭ್ಮನ್ ಗಿಲ್ ನೇಮಕವಾಗಿದ್ದು, ತಮ್ಮ ಮಾಜಿ ನಾಯಕನ ವಿರುದ್ಧವೇ ಸೆಣಸಾಟ ನಡೆಸಲು ಸಿದ್ಧರಾಗಿದ್ದಾರೆ.

ಕಳೆದ ವರ್ಷ ಉಭಯ ತಂಡಗಳ ಪ್ರದರ್ಶನ

ಕಳೆದ ಐಪಿಎಲ್​ನಲ್ಲಿ ಗುಜರಾತ್ ಮತ್ತು ಮುಂಬೈ ತಂಡಗಳು ಪ್ಲೇಆಫ್ ಪ್ರವೇಶಿಸಿದ್ದವು. ಎಲಿಮಿನೇಟರ್​ ಜಯಿಸಿ ಎರಡನೇ ಕ್ವಾಲಿಫೈಯರ್ ಪ್ರವೇಶಿಸಿದ್ದ ಮುಂಬೈ, ಗುಜರಾತ್ ಎದುರು ಕಾದಾಟ ನಡೆಸಿತ್ತು. ಆದರೆ ಅಂದು ಎಂಐ ಸೋಲಿಸಿದ ಜಿಟಿ ಫೈನಲ್ ಪ್ರವೇಶಿಸಿತ್ತು. ಆದರೆ ಫೈನಲ್​​ನಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧ ಸೋತು ರನ್ನರ್​ಅಪ್​ಗೆ ತೃಪ್ತಿಪಟ್ಟುಕೊಂಡಿತ್ತು. 2023ರ ಐಪಿಎಲ್​ ಅಂಕಪಟ್ಟಿಯಲ್ಲಿ ಜಿಟಿ ಅಗ್ರಸ್ಥಾನ ಪಡೆದಿದ್ದರೆ, ಮುಂಬೈ 4ನೇ ಸ್ಥಾನ ಪಡೆದಿತ್ತು.

ಇದನ್ನೂ ಓದಿ: Shani Transit: 30 ವರ್ಷಗಳ ನಂತರ ಕುಂಭ ರಾಶಿಯಲ್ಲಿ ಸಾಗಲಿರುವ ಶನಿ; ಈ 4 ರಾಶಿಯವರು ಪ್ರತಿ ಹಂತದಲ್ಲೂ ಜಾಗರೂಕರಾಗಿರಬೇಕು

ಉಭಯ ತಂಡಗಳ ಮುಖಾಮುಖಿ ದಾಖಲೆ

ಒಟ್ಟು ಪಂದ್ಯಗಳು - 04

ಗುಜರಾತ್ ಗೆಲುವು - 02

ಮುಂಬೈ ಗೆಲುವು - 02

ಎರಡು ತಂಡಗಳ ನಡುವೆ ಗರಿಷ್ಠ ಸ್ಕೋರ್​ - 233 (ಜಿಟಿ)

ಎರಡು ತಂಡಗಳ ನಡುವೆ ಕನಿಷ್ಠ ಸ್ಕೋರ್​ - 152 (ಎಂಐ)

ಪಿಚ್ ರಿಪೋರ್ಟ್

ಅಹ್ಮದಾಬಾದ್​​ನ ನರೇಂದ್ರ ಮೋದಿ ಮೈದಾನದ ಪಿಚ್‌ ಬ್ಯಾಟರ್‌ಗಳಿಗೆ ಸ್ವರ್ಗತಾಣ. ಟಾಸ್‌ ಗೆದ್ದ ತಂಡವೇ ಬೌಲಿಂಗ್‌ ಆಯ್ಕೆ ಮಾಡಿಕೊಳ್ಳುವ ಸಾಧ್ಯತೆ ಹೆಚ್ಚು. ಈ ಮೈದಾನದ ಹುಲ್ಲು ಹಾಸಿನಲ್ಲಿ ತೇವಾಂಶ ಹೆಚ್ಚು ಕಾಣಸಿಗುವುದಿಲ್ಲ. ಸ್ಪಿನ್ನರ್‌ಗಳು ಸಹ ಇಲ್ಲಿ ಯಶಸ್ಸು ಕಾಣಲಿದ್ದಾರೆ. ಉಭಯ ತಂಡಗಳಲ್ಲಿ ಪರಿಣತ ಸ್ಪಿನ್ನರ್‌ಗಳಿದ್ದು, ಜಿದ್ದಾಜಿದ್ದಿನ ಪೈಪೋಟಿ ನಿರೀಕ್ಷಿಸಬಹುದಾಗಿದೆ. ಈ ಮೈದಾನದಲ್ಲಿ 28 ಐಪಿಎಲ್ ಪಂದ್ಯಗಳು ನಡೆದಿವೆ. ಈ ಪೈಕಿ ಚೇಸಿಂಗ್​ ತಂಡಗಳು 15 ಬಾರಿ ಗೆದ್ದಿವೆ. ಮೊದಲು ಬ್ಯಾಟಿಂಗ್ ನಡೆಸಿದ ತಂಡಗಳು 13 ಬಾರಿ ಗೆದ್ದಿವೆ.

ಇದನ್ನೂ ಓದಿ: ಡಿಕೆ ಪತ್ನಿಯನ್ನು ವಿವಾಹವಾದ ಮುರಳಿ ವಿಜಯ್​ಗೆ ಎಲ್ಲಿಸ್ ಪೆರ್ರಿ ಜೊತೆ ಡಿನ್ನರ್​ ಡೇಟ್​ಗೆ ಹೋಗುವ ಆಸೆಯಂತೆ; ಪೆರ್ರಿ ಕೊಟ್ರು ಎಪಿಕ್ ರಿಪ್ಲೆ

ಹವಾಮಾನ ವರದಿ

ಭಾನುವಾರದಂದು ತಾಪಮಾನವು 33 ಡಿಗ್ರಿ ತಲುಪುತ್ತದೆ ಎಂದು ಮುನ್ಸೂಚಿಸಲಾಗಿದೆ. ಆರ್ದ್ರತೆಯ ಮಟ್ಟ ಸುಮಾರು 19 ರಷ್ಟಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಆದರೆ ಮಳೆಯ ಆತಂಕ ಇಲ್ಲ. ಈ ಹೈವೋಲ್ಟೇಜ್ ಕದನವನ್ನು ಪ್ರೇಕ್ಷಕರು ಸಂಪೂರ್ಣವಾಗಿ ಕಣ್ತುಂಬಿಕೊಳ್ಳಬಹುದು.

ಗುಜರಾತ್ ಟೈಟಾನ್ಸ್ ಸಂಭಾವ್ಯ ತಂಡ

ಶುಭ್ಮನ್ ಗಿಲ್ (ನಾಯಕ), ಮ್ಯಾಥ್ಯೂ ವೇಡ್ (ವಿಕೆಟ್ ಕೀಪರ್​), ಸಾಯಿ ಸುದರ್ಶನ್, ಕೇನ್ ವಿಲಿಯಮ್ಸನ್, ಡೇವಿಡ್ ಮಿಲ್ಲರ್, ಅಭಿನವ್ ಮನೋಹರ್​, ವಿಜಯ್ ಶಂಕರ್​, ರಶೀದ್ ಖಾನ್, ಕಾರ್ತಿಕ್ ತ್ಯಾಗಿ, ಉಮೇಶ್ ಯಾದವ್, ಸಾಯಿ ಕಿಶೋರ್​.

ಮುಂಬೈ ಇಂಡಿಯನ್ಸ್ ಸಂಭಾವ್ಯ ತಂಡ

ರೋಹಿತ್ ಶರ್ಮಾ, ಇಶಾನ್ ಕಿಶನ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಟಿಮ್ ಡೇವಿಡ್, ಹಾರ್ದಿಕ್ ಪಾಂಡ್ಯ (ನಾಯಕ), ಪಿಯೂಷ್ ಚಾವ್ಲಾ, ಕುಮಾರ್ ಕಾರ್ತಿಕೇಯ, ಜಸ್ಪ್ರೀತ್ ಬುಮ್ರಾ, ಜೆರಾಲ್ಡ್ ಕೊಯೆಟ್ಜಿ, ಲೂಕ್ ವುಡ್.

ಇದನ್ನೂ ಓದಿ: ‘ಎರಡು ಅಬಾರ್ಷನ್‌ ಆದ್ಮೇಲೆ ಸಾಯೋ ನಿರ್ಧಾರ ಮಾಡಿದ್ದೆ, ನನ್ನ ಹೆಣಾನೂ ಸಿಗಬಾರ್ದು ಅಂತ ಮಾತ್ರೆ ನುಂಗಿದ್ದೆ, ಆದ್ರೆ’; ಕಾಮಿಡಿ ಕಿಲಾಡಿ ನಯನಾ