ಕನ್ನಡ ಸುದ್ದಿ  /  Cricket  /  Kkr Puts On Its Highest Ever Ipl Score Falls Five Runs Short Of Srh Best Ever Mark And Break The Rcb Record At Vizag Prs

ತೂಫಾನ್ ಬ್ಯಾಟಿಂಗ್ ನಡೆಸಿ ಐಪಿಎಲ್​ನಲ್ಲಿ 2ನೇ ಬೃಹತ್ ಮೊತ್ತ ದಾಖಲಿಸಿದ ಕೆಕೆಆರ್​; 3ನೇ ಸ್ಥಾನಕ್ಕೆ ಕುಸಿದ ಆರ್​​ಸಿಬಿ, SRH ರೆಕಾರ್ಡ್ ಸೇಫ್

KKR New Record: ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕೋಲ್ಕತ್ತಾ ನೈಟ್​ ರೈಡರ್ಸ್ 272 ರನ್​ ಕಲೆ ಹಾಕುವುದರ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಬೃಹತ್ ಮೊತ್ತ ಗಳಿಸಿದ ಎರಡನೇ ತಂಡವಾಗಿದೆ.

ತೂಫಾನ್ ಬ್ಯಾಟಿಂಗ್ ನಡೆಸಿ ಐಪಿಎಲ್​ನಲ್ಲಿ 2ನೇ ಬೃಹತ್ ಮೊತ್ತ ದಾಖಲಿಸಿದ ಕೆಕೆಆರ್
ತೂಫಾನ್ ಬ್ಯಾಟಿಂಗ್ ನಡೆಸಿ ಐಪಿಎಲ್​ನಲ್ಲಿ 2ನೇ ಬೃಹತ್ ಮೊತ್ತ ದಾಖಲಿಸಿದ ಕೆಕೆಆರ್

ಐಪಿಎಲ್​ ಇತಿಹಾಸದಲ್ಲಿ ಮತ್ತೊಂದು ಬೃಹತ್ ಮೊತ್ತ ದಾಖಲಾಗಿದೆ. ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದ ಕೋಲ್ಕತ್ತಾ ನೈಟ್​ ರೈಡರ್ಸ್ (Delhi Capitals vs Kolkata Knight Riders) ತಂಡ ಶ್ರೀಮಂತ ಲೀಗ್​ನಲ್ಲಿ ಎರಡನೇ ಗರಿಷ್ಠ ಮೊತ್ತವನ್ನು ಸಿಡಿಸಿದೆ. ವಿಶಾಖಪಟ್ಟಣದಲ್ಲಿ ನಡೆದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕೆಕೆಆರ್​​ 272 ರನ್ ಗಳಿಸಿದೆ. ಇದರೊಂದಿಗೆ ಇಂಡಿಯನ್ ಪ್ರೀಮಿಯರ್ ಲೀಗ್​​ನಲ್ಲಿ ಅಧಿಕ ರನ್​ ಗಳಿಸಿದ 2ನೇ ತಂಡ ಎಂಬ ದಾಖಲೆ ಬರೆದಿದೆ.

ಇತ್ತೀಚೆಗಷ್ಟೇ ಎರಡನೇ ಸ್ಥಾನಕ್ಕೆ ಕುಸಿದಿದ್ದ ಆರ್​​ಸಿಬಿ, ಈಗ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಕಳೆದ ವಾರ ಮುಂಬೈ ಇಂಡಿಯನ್ಸ್ ವಿರುದ್ಧ ಸನ್​ರೈಸರ್ಸ್​ ಹೈದರಾಬಾದ್ 277 ರನ್​ ಬಾರಿಸಿ ಐಪಿಎಲ್​ನಲ್ಲಿ ಗರಿಷ್ಠ ಮೊತ್ತ ಗಳಿಸಿದ ರೆಕಾರ್ಡ್ ಸೃಷ್ಟಿಸಿತ್ತು. ಇದೀಗ ಒಂದೇ ವಾರದ ಅಂತರದಲ್ಲಿ ಮತ್ತೊಂದು ದ್ವಿತೀಯ ಗರಿಷ್ಠ ಮೊತ್ತ ದಾಖಲಾಗಿದೆ. 6 ವಿಕೆಟ್ ನಷ್ಟಕ್ಕೆ 246 ರನ್​ ಗಳಿಸಿದ್ದು, ಕೆಕೆಆರ್​ ಇದುವರೆಗಿನ ಗರಿಷ್ಠ ಐಪಿಎಲ್​ ಮೊತ್ತವಾಗಿದೆ. ರಾಜಸ್ಥಾನ್​ ರಾಯಲ್ಸ್​ ವಿರುದ್ಧ ಈ ದೊಡ್ಡ ಮೊತ್ತವನ್ನು ಗಳಿಸಿತ್ತು.

ವೈಜಾಗ್​​ನಲ್ಲಿ ಜರುಗಿದ ಈ ಪಂದ್ಯದಲ್ಲಿ ಟಾಸ್​ ಜಯಿಸಿ ಬ್ಯಾಟಿಂಗ್ ನಡೆಸಿದ ಕೆಕೆಆರ್, ನಾಯಕನ ನಿರ್ಧಾರವನ್ನು ಸಮರ್ಥಿಸುವಂತೆ ಬ್ಯಾಟಿಂಗ್ ನಡೆಸಿದ್ದಾರೆ. ಆರಂಭದಿಂದಲೇ ಬಿರುಸಿನ ಬ್ಯಾಟಿಂಗ್​ ನಡೆಸಿದ ಕೆಕೆಆರ್ ಬ್ಯಾಟರ್ಸ್​​​, ಜಿದ್ದಿಗೆ ಜಿದ್ದವರಂತೆ ರನ್ ಬಾರಿಸಿದರು. ಸುನಿಲ್​ ನರೈನ್ (85)​ ಮತ್ತು ಆಂಗ್ಕ್ರಿಶ್ ರಘುವಂಶಿ (54) ಅವರ ಅರ್ಧಶತಕ ಸಿಡಿಸಿದರೆ, ಆ್ಯಂಡ್ರೆ ರಸೆಲ್ (41)​, ರಿಂಕು ಸಿಂಗ್​ (26) ಕಡಿಮೆ ಬಾಲ್​​ಗಳಲ್ಲಿ ಬೃಹತ್ ಮೊತ್ತ ಪೇರಿಸಲು ನೆರವಾದರು.

ನಿಗದಿತ 20 ಓವರ್​​ಗಳಲ್ಲಿ​​ ನಡೆಸಿದ ಕೆಕೆಆರ್​ 7 ವಿಕೆಟ್ ನಷ್ಟಕ್ಕೆ 272 ರನ್​ ಬಾರಿಸಿತು. ಇನ್ನೊಂದು 6 ರನ್​ ಬಾರಿಸಿದ್ದರೆ ಸನ್​ರೈಸರ್ಸ್​ ಹೈದರಾಬಾದ್​ ತಂಡದ ದಾಖಲೆ ಪತನಗೊಳ್ಳುತ್ತಿತ್ತು. ಆದರೆ ದೊಡ್ಡ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ಕ್ಯಾಪಿಟಲ್ಸ್ 17.2 ಓವರ್​ಗಳಲ್ಲಿ 166 ರನ್ ಗಳಿಸಿ ಸರ್ವಪತನಗೊಂಡಿತು. ಇದರೊಂದಿಗೆ ಕೆಕೆಆರ್ 106 ರನ್​ಗಳ ಬೃಹತ್ ಮೊತ್ತದೊಂದಿಗೆ ಭರ್ಜರಿ ಗೆಲುವು ಸಾಧಿಸಿತು. ಮತ್ತೊಂದೆಡೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಆದರೆ ಸೋತ ಡೆಲ್ಲಿ ಕ್ಯಾಪಿಟಲ್ಸ್ 7 ರಿಂದ 9ನೇ ಸ್ಥಾನಕ್ಕೆ ಕುಸಿತ ಕಂಡಿದೆ.

ಐಪಿಎಲ್​ನಲ್ಲಿ ಗರಿಷ್ಠ ಮೊತ್ತಗಳು

2024 ರಲ್ಲಿ ಸನ್​ರೈಸರ್ಸ್ ಹೈದರಾಬಾದ್ 277/3 vs ಮುಂಬೈ ಇಂಡಿಯನ್ಸ್

2024 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ 272/7 vs ಡೆಲ್ಲಿ ಕ್ಯಾಪಿಟಲ್ಸ್*

2013 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 263/5 vs ಪುಣೆ ವಾರಿಯರ್ಸ್

2023 ರಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ 256/5 vs ಪಂಜಾಬ್ ಕಿಂಗ್ಸ್

2016 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 248/3 vs ಗುಜರಾತ್ ಲಯನ್ಸ್

2010 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 246/5 ​​vs ರಾಜಸ್ಥಾನ್ ರಾಯಲ್ಸ್

2024 ರಲ್ಲಿ ಮುಂಬೈ ಇಂಡಿಯನ್ಸ್ 246/5 ​​vs ಸನ್​ರೈಸರ್ಸ್ ಹೈದರಾಬಾದ್*

2018 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ 245/6 vs ಪಂಜಾಬ್ ಕಿಂಗ್ಸ್

2008 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 240/5 vs ಪಂಜಾಬ್ ಕಿಂಗ್ಸ್

2023 ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ 235/4 vs ಕೋಲ್ಕತ್ತಾ ನೈಟ್​ ರೈಡರ್ಸ್

IPL_Entry_Point