Hospet Controversy Update: ಮತ್ತೆ ದರ್ಶನ್‌ ನಿಂದನೆ...ಟ್ವೀಟ್‌ ಮಾಡಿದ ವ್ಯಕ್ತಿ ಮನೆಗೆ ಮುತ್ತಿಗೆ ಹಾಕಿದ ದರ್ಶನ್‌ ಫ್ಯಾನ್ಸ್‌..ವಿಡಿಯೋ
ಮಧುಗಿರಿ ಮೋದಿ ಯೋಗಿ ಭಕ್ತ ಎಂಬ ಹೆಸರಿನ ಖಾತೆಯಲ್ಲಿ ದರ್ಶನ್‌, ಕ್ರಾಂತಿ (Kranti) ಸಿನಿಮಾ ಹಾಗೂ ಹೊಸಪೇಟೆ ಘಟನೆ ಬಗ್ಗೆ ಆ ವ್ಯಕ್ತಿ ಸರಣಿ ಟ್ವೀಟ್‌ ಮಾಡಿದ್ದಾರೆ. ಇದು ದರ್ಶನ್‌ (Darshan) ಅಭಿಮಾನಿಗಳಿಗೆ ಮತ್ತಷ್ಟು ಬೇಸರ ಉಂಟು ಮಾಡಿದೆ. ಈ ಪೋಸ್ಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದ್ದಂತೆ ದರ್ಶನ್‌ ಧ್ವಜ ಹಿಡಿದ ಅಭಿಮಾನಿಗಳು ಪೋಸ್ಟ್‌ ಹಾಕಿದ ವ್ಯಕ್ತಿ ಮನೆಗೆ ಮುತ್ತಿಗೆ ಹಾಕಿದ್ದಾರೆ.
Hospet Controversy Update: ಕಳೆದ 4 ದಿನಗಳಿಂದ ಸ್ಯಾಂಡಲ್‌ವುಡ್‌ನಲ್ಲಿ ದರ್ಶನ್‌ (Darshan) ವಿಚಾರವೇ ಹೆಚ್ಚು ಚರ್ಚೆಯಲ್ಲಿದೆ. ಭಾನುವಾರ ಹೊಸಪೇಟೆಯಲ್ಲಿ ಕ್ರಾಂತಿ (Kranti) ಚಿತ್ರದ ಎರಡನೇ ಹಾಡು ಬಿಡುಗಡೆ 'ಕ್ರಾಂತಿ' ಸಿನಿಮಾ ಎರಡನೇ ಹಾಡಿನ ಬಿಡುಗಡೆ ವೇಳೆ ವೇದಿಕೆ ಮೇಲಿದ್ದ ದರ್ಶನ್‌ ಮೇಲೆ ಕಿಡಿಗೇಡಿಯೊಬ್ಬ ಚಪ್ಪಲಿ ಎಸೆದಿದ್ದ ಘಟನೆ ಎಲ್ಲರಿಗೂ ಬೇಸರ ಉಂಟು ಮಾಡಿದೆ. ಚಿತ್ರರಂಗದ ಗಣ್ಯರು(Sandalwood) ದರ್ಶನ್‌ ಅಭಿಮಾನಿಗಳಂತೂ ಬಹಳ ನೋವಿನಲ್ಲಿದ್ದಾರೆ.
ಈ ಬೇಸರದ ನಡುವೆಯೂ ಪದೇ ಪದೆ ಕೆಲವರು ದರ್ಶನ್‌ ಅವರನ್ನು ನಿಂದಿಸುತ್ತಲೇ ಇದ್ದಾರೆ. ಇದರು ದರ್ಶನ್‌ ಅಭಿಮಾನಿಗಳನ್ನು ಮತ್ತೆ ಕೆರಳಿಸಿದೆ. ಘಟನೆ ನಡೆದಾಗಿನಿಂದ ಶಿವರಾಜ್‌ಕುಮಾರ್‌, ಸುದೀಪ್‌, ಶಿವರಾಜ್‌ ಕೆ.ಆರ್.ಪೇಟೆ, ವಿನೋದ್‌ ಪ್ರಭಾಕರ್‌, ಧನ್ವೀರ್‌, ರಮ್ಯಾ ಎಲ್ಲರೂ ಖಂಡಿಸಿದ್ದಾರೆ. ಬಹಳ ದಿನಗಳಿಂದ ದರ್ಶನ್‌ ಹಾಗೂ ಸುದೀಪ್‌ ನಡುವೆ ಮನಸ್ತಾಪ ಇತ್ತು. ಅಂತದ್ದರಲ್ಲಿ ಸ್ವತ: ಸುದೀಪ್‌ ಟ್ವೀಟ್‌ ಮಾಡಿ ಹೊಸಪೇಟೆ ಘಟನೆಯನ್ನು ಖಂಡಿಸಿದ್ದರು. ದರ್ಶನ್‌, ಕನ್ನಡ ಚಿತ್ರರಂಗಕ್ಕೆ ಅಪಾರ ಕೊಡುಗೆ ನೀಡಿದ್ದಾರೆ ಎಂದು ಹೊಗಳಿದ್ದರು. ಅಭಿಮಾನಿಗಳು, ನಟರ ಹೆಸರಿನಲ್ಲಿ ಹೀಗೆ ಮಾಡುವುದು ತಪ್ಪು ಎಂದೂ ತಿಳಿ ಹೇಳಿದ್ದರು. ಆದರೆ ಇದೀಗ ಮತ್ತೊಮ್ಮೆ ಸೋಷಿಯಲ್‌ ಮೀಡಿಯಾದಲ್ಲಿ ಮಧುಗಿರಿ ಎಂಬಾತ ದರ್ಶನ್‌ ಅವರನ್ನು ನಿಂದಿಸಿದ್ದಾನೆ.
ಮಧುಗಿರಿ ಮೋದಿ ಯೋಗಿ ಭಕ್ತ ಎಂಬ ಹೆಸರಿನ ಖಾತೆಯಲ್ಲಿ ದರ್ಶನ್‌, ಕ್ರಾಂತಿ ಸಿನಿಮಾ ಹಾಗೂ ಹೊಸಪೇಟೆ ಘಟನೆ ಬಗ್ಗೆ ಆ ವ್ಯಕ್ತಿ ಸರಣಿ ಟ್ವೀಟ್‌ ಮಾಡಿದ್ದಾರೆ. ಇದು ದರ್ಶನ್‌ ಅಭಿಮಾನಿಗಳಿಗೆ ಮತ್ತಷ್ಟು ಬೇಸರ ಉಂಟು ಮಾಡಿದೆ. ಈ ಪೋಸ್ಟ್‌ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿದ್ದಂತೆ ದರ್ಶನ್‌ ಧ್ವಜ ಹಿಡಿದ ಅಭಿಮಾನಿಗಳು ಪೋಸ್ಟ್‌ ಹಾಕಿದ ವ್ಯಕ್ತಿ ಮನೆಗೆ ಮುತ್ತಿಗೆ ಹಾಕಿದ್ದಾರೆ. ಆಗಲೂ ಆತ ತಾನು ಮಾಡಿದ್ದೇ ಸರಿ ಎಂದು ವಾದಿಸಿದ್ದಾನೆ. ಆತನಿಗೂ ದರ್ಶನ್‌ ಫ್ಯಾನ್ಸ್‌ಗೂ ಮಾತಿನ ಚಕಮಕಿ ನಡೆದಿದೆ. ಇದರ ನಂತರ ಆತ ಮತೊಂದು ಪೋಸ್ಟ್‌ ಹಾಕಿದ್ದು ಜಿಹಾದಿಗಳಿಗೆ ಹೆದರಲಿಲ್ಲ! ಇನ್ನು ಈ ರೌಡಿಗಳ ನೈತಿಕಪೋಲಿಸ್ ಗಿರಿಗೆ ಭಯವೇ #boycottkranti effect ಅದೃಷ್ಟ ದೇವತೆಯನ್ನು ಬೆತ್ತಲೆ‌ಮಾಡಿ ಎಂದು ದೇವರಿಗೆ ಅವಹೇಳನ ಮಾಡಿದ ಡಿಬಾಸ್ ಹಿನ್ನೆಲೆ ಇವರ ಮೇಲೆ ಕಾನೂನು ಕ್ರಮ ಯಾವಾಗ? ಇವರ ಹಿಂದಿನ ಕರ್ತೃ ಯಾರು? ಎಂದು ಟ್ವೀಟ್‌ ಮಾಡಲಾಗಿದೆ.
'ಕ್ರಾಂತಿ' ಚಿತ್ರದ ಎರಡನೇ ಹಾಡು ಬಿಡುಗಡೆ ಕಾರ್ಯಕ್ರಮವನ್ನು ಭಾನುವಾರ ಹೊಸಪೇಟೆಯಲ್ಲಿ ಏರ್ಪಡಿಸಲಾಗಿತ್ತು. ದರ್ಶನ್‌ ಸ್ಥಳಕ್ಕೆ ಆಗಮಿಸುತ್ತಿದ್ದಂತೆ ಅಲ್ಲಿ ನೆರೆದಿದ್ದ ಪುನೀತ್‌ ಅಭಿಮಾನಿಗಳು ಕ್ರಾಂತಿ ಚಿತ್ರದ ಪೋಸ್ಟರ್‌ ಹರಿದು ದರ್ಶನ್‌ ವಿರುದ್ಧ ಘೋಷಣೆ ಕೂಗಿದ್ದರು. ಕಾರ್ಯಕ್ರಮಕ್ಕೂ ಮುನ್ನ ದರ್ಶನ್‌, ಪುನೀತ್‌ ಪುತ್ಥಳಿಗೆ ಮಾಲಾರ್ಪಣೆ ಮಾಡಿ ವೇದಿಕೆ ಮೇಲೆ ತೆರಳಿದರು. ವೇದಿಕೆ ಮೇಲೆ ದರ್ಶನ್‌ ಜೊತೆಗೆ ರಚಿತಾ ರಾಮ್‌ ಹಾಗೂ ಚಿತ್ರತಂಡದ ಅನೇಕರು ಇದ್ದರು. ಇದೇ ವೇಳೆ ಕಿಡಿಗೇಡಿಯೊಬ್ಬ ದರ್ಶನ್‌ ಮೇಲೆ ಚಪ್ಪಲಿ ಎಸೆದಿದ್ದಾನೆ. ಆದರೂ ದರ್ಶನ್‌ ಏನೂ ಆಗಿಲ್ಲದವರಂತೆ ತಾಳ್ಮೆಯಿಂದ ಇದ್ದರು. ಸೋಷಿಯಲ್‌ ಮೀಡಿಯಾ, ಮಾಧ್ಯಮಗಳಲ್ಲಿ ಈ ವಿಡಿಯೋ ವೈರಲ್‌ ಆಗುತ್ತಿದ್ದಂತೆ ಅಭಿಮಾನಿಗಳು ಹಾಗೂ ಸ್ಯಾಂಡಲ್ವುಡ್ ತಾರೆಯರು ಘಟನೆ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದರು.
