Viral Video: ಪ್ರೀ ವೆಡ್ಡಿಂಗ್ ಫೋಟೊಶೂಟ್ ವೇಳೆ ಅನೀರಿಕ್ಷಿತ ಅತಿಥಿಯಂತೆ ಬಂತು ಹಾವು; ಮುಂದೇನಾಯ್ತು ನೀವೇ ನೋಡಿ
ಕನಸಿನಲ್ಲಿ ಹಾವು ಕಂಡರೂ ಬೆಚ್ಚಿ ಬೀಳುವವರು ಅನೇಕರಿದ್ದಾರೆ. ಅಂತದ್ರಲ್ಲಿ ಇಲ್ಲೊಂದು ಹೊಸ ಜೋಡಿ ಫೋಟೋಶೂಟ್ ಮಾಡಿಕೊಳ್ತಿರುವಾಗಲೇ ಹಾವಿನ ಆಗಮನವಾಗಿದೆ. ಹಾವನ್ನು ನೋಡಿದ ದಂಪತಿ ಏನು ಮಾಡಿದ್ರು..? ಈ ವೈರಲ್ ವಿಡಿಯೋ ನೋಡಿ
ಪ್ರೀ ವೆಡ್ಡಿಂಗ್ ಫೋಟೊಶೂಟ್ ಈಗ ಟ್ರೆಂಡ್ ಆಗಿದೆ. ಮದುವೆ ದಿನದಂದು ಹೇಗೆ ಫೋಟೋಗ್ರಫಿಯನ್ನಿಟ್ಟು ಸಂಭ್ರಮಿಸಲಾಗುತ್ತದೆಯೋ ಅದಕ್ಕಿಂತ ಮುಂಚೆ ಪ್ರಿ ವೆಡ್ಡಿಂಗ್ ಶೂಟ್ ಮಾಡಿಸುವುದು ಒಂದು ರೀತಿಯಲ್ಲಿ ಕಡ್ಡಾಯ ಎಂಬಂತೆ ಆಗಿ ಹೋಗಿದೆ. ಇದಕ್ಕಾಗಿ ನಿಮಗೆ ಅನೇಕ ವೃತ್ತಿಪರ ಫೊಟೋಗ್ರಾಫರ್ಸ್ ಸಹ ಸಿಗುತ್ತಾರೆ. ಪ್ರಕೃತಿಯ ಮಡಿಲಲ್ಲಿ ಸಾಮಾನ್ಯವಾಗಿ ಈ ಫೋಟೋಶೂಟ್ಗಳು ನಡೆಯುತ್ತವೆ. ತಮ್ಮ ಪ್ರೀತಿಯ ಕ್ಷಣಗಳನ್ನು ಪ್ರಿ ವೆಡ್ಡಿಂಗ್ ಶೂಟ್ ನೆಪದಲ್ಲಿ ಸೆರೆ ಹಿಡಿಯುವ ಕಾರ್ಯವನ್ನು ಹೊಸ ಜೋಡಿ ಮಾಡುತ್ತವೆ. ಸೋಶಿಯಲ್ ಮೀಡಿಯಾದಲ್ಲಿ ಇದೀಗ ಪ್ರೀ ವೆಡ್ಡಿಂಗ್ ಫೋಟೋ ಶೂಟ್ ವೇಳೆ ನಡೆದ ಘಟನೆಯೊಂದರ ವಿಡಿಯೊ ಸಖತ್ ವೈರಲ್ ಆಗುತ್ತಿದೆ.
ಫೋಟೊಶೂಟ್ನಲ್ಲಿ ತಲ್ಲೀನರಾಗಿದ್ದ ನವ ಜೋಡಿಗೆ ತಮ್ಮ ಕಾಲಬುಡದಲ್ಲಿ ಹಾವು ಬಂದು ಹೋದರೂ ಅದರ ಅನುಭವ ಅವರಿಗೆ ಆಗೇ ಇಲ್ಲ. ತಮ್ಮ ಜೀವನದ ಅತ್ಯಂತ ಭಯಾನಕ ಕ್ಷಣದ ನಡುವೆಯೂ ಫೋಟೊಶೂಟ್ನಲ್ಲಿಯೇ ಬ್ಯುಸಿಯಾಗಿದ್ದ ಹೊಸ ಜೋಡಿಯ ವಿಡಿಯೊವನ್ನು ಸ್ವತಃ ಫೋಟೋಗ್ರಾಫರ್ಸ್ ಶೇರ್ ಮಾಡಿದ್ದಾರೆ.
ಹೆಚ್ಚೇನು ಆಳವಿಲ್ಲದ ನದಿಯೊಂದರಲ್ಲಿ ಕುಳಿತ ಜೋಡಿಗಳು ಫೋಟೊಗೆ ಪೋಸ್ ನೀಡುವುದರಲ್ಲಿ ತಲ್ಲೀನರಾಗಿದ್ದರು. ಅಲ್ಲಿನ ವಾತಾವರಣ ನೋಡುತ್ತಿದ್ದರೆ ಕತ್ತಲಾಗಿದೆ ಎಂಬುದು ಸ್ಪಷ್ಟವಾಗುತ್ತಿದೆ. ಇನ್ನೇನು ಫೋಟೊ ತೆಗೆಯಬೇಕೆಂದು ಕ್ಯಾಮರಾಮೆನ್ ಹಾಗೂ ಲೈಟ್ಬಾಯ್ ತಯಾರಾಗುತ್ತಿದ್ದಂತೆಯೇ ಆ ಫೋಟೋಶೂಟ್ಗೆ ಒಬ್ಬ ಅನಿರೀಕ್ಷಿತ ಅತಿಥಿಯ ಆಗಮನವಾಗಿತ್ತು. ನದಿಯಲ್ಲಿ ತೇಲಿಕೊಂಡು ಬಂದ ಹಾವೊಂದು ಫೋಟೋಗ್ರಾಫರ್ ಹತ್ತಿರ ಮೊದಲು ಬಂದಿದೆ. ಬಳಿಕ ಅದು ಫೋಟೊ ಕ್ಲಿಕ್ಕಿಸಿಕೊಳ್ಳುತ್ತಿದ್ದ ದಂಪತಿಯ ಬಳಿಯೂ ಹೋಗಿದೆ. ಈ ಸಂಪೂರ್ಣ ದೃಶ್ಯವನ್ನು ಕ್ಯಾಮರಾಮ್ಯಾನ್ ತಮ್ಮ ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದಾರೆ. ಆದರೆ ಹಾವಿಗೆ ಯಾವುದೇ ರೀತಿಯಲ್ಲಿ ತೊಂದರೆ ಮಾಡದ ದಂಪತಿ ತಮ್ಮಷ್ಟಕ್ಕೆ ತಾವೇ ಫೋಟೊ ಕ್ಲಿಕ್ಕಿಸಿಕೊಳ್ಳುವುದರಲ್ಲಿ ತಲ್ಲೀನರಾಗಿದ್ದರು.
ಯುವತಿಯ ಇನ್ನೇನು ಕಿರಿಚಬಹುದು ಎನ್ನುವಷ್ಟರಲ್ಲಿ ಆಕೆಯ ಸಂಗಾತಿ ಪರಿಸ್ಥಿತಿಯನ್ನು ಸಮರ್ಥವಾಗಿ ನಿಭಾಯಿಸಿದ್ದಾರೆ. ಹಾವು ಕೂಡ ಅಲ್ಲಿರುವ ದಂಪತಿಗಾಗಲಿ ಅಥವಾ ಫೋಟಿಗ್ರಾಫರ್ಸ್ಗಾಗಲಿ ಯಾವುದೇ ತೊಂದರೆ ನೀಡದೇ ತನ್ನಷ್ಟಕ್ಕೆ ತಾನು ಹೊರಟು ಹೋಗಿದೆ. ಪ್ರೀ ವೆಡ್ಡಿಂಗ್ ಫೋಟೊಶೂಟ್ ವೇಳೆ ನಡೆದ ಭಯಾನಕ ಹಾಗೂ ತಮಾಷೆಯ ಕ್ಷಣಗಳು ಇಲ್ಲಿವೆ ನೋಡಿ ಎಂದು ಈ ವಿಡಿಯೊಗೆ ಶೀರ್ಷಿಕೆ ನೀಡಲಾಗಿದೆ. ಈ ವಿಡಿಯೊ ನೋಡಿದ ಅನೇಕರು ಮ್ಯಾನ್ ವರ್ಸಸ್ ವೈಲ್ಡ್ ಅಂತಾ ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ಹಾವು ಬಂದಿದ್ದರೂ ಸಂಗಾತಿಯಿದ್ದಾನೆ ಎಂಬ ನಂಬಿಕೆಯ ಮೇಲೆ ಆಕೆ ಧೈರ್ಯದಿಂದ ಇದ್ದಿದ್ದನ್ನು ನೋಡುತ್ತಿದ್ದರೆ ಮುಂದಿನ ದಿನಗಳಲ್ಲಿಯೂ ಇವರು ಎಂಥಾದ್ದೇ ಸವಾಲುಗಳನ್ನು ಹೀಗೆ ಕೈ ಕೈ ಹಿಡಿದು ನಿಭಾಯಿಸಬಲ್ಲರು ಎಂದೆನಿಸುತ್ತಿದೆ ಎಂದು ಬರೆದಿದ್ದಾರೆ.
