ಕನ್ನಡ ಸುದ್ದಿ  /  ಕ್ರಿಕೆಟ್  /  ಚೊಚ್ಚಲ ವಿಶ್ವಕಪ್ ಫೈನಲ್ ಪ್ರವೇಶಿಸಿ ಹಲವು ವಿಶ್ವದಾಖಲೆ ನಿರ್ಮಿಸಿದ ಸೌತ್ ಆಫ್ರಿಕಾ; ಇಲ್ಲಿದೆ ಅವುಗಳ ಪಟ್ಟಿ

ಚೊಚ್ಚಲ ವಿಶ್ವಕಪ್ ಫೈನಲ್ ಪ್ರವೇಶಿಸಿ ಹಲವು ವಿಶ್ವದಾಖಲೆ ನಿರ್ಮಿಸಿದ ಸೌತ್ ಆಫ್ರಿಕಾ; ಇಲ್ಲಿದೆ ಅವುಗಳ ಪಟ್ಟಿ

South Africa World Records: ಟಿ20 ವಿಶ್ವಕಪ್​ 2024 ಮೊದಲ ಸೆಮಿಫೈನಲ್​​ನಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಸೌತ್ ಆಫ್ರಿಕಾ 9 ವಿಕೆಟ್​ಗಳ ಗೆಲುವು ಸಾಧಿಸಿ ಚೊಚ್ಚಲ ಫೈನಲ್ ಪ್ರವೇಶಿಸಿದೆ. ಇದರೊಂದಿಗೆ ಹಲವು ವಿಶ್ವದಾಖಲೆ ನಿರ್ಮಿಸಿದೆ.

ಚೊಚ್ಚಲ ವಿಶ್ವಕಪ್ ಫೈನಲ್ ಪ್ರವೇಶಿಸಿ ಹಲವು ವಿಶ್ವದಾಖಲೆ ನಿರ್ಮಿಸಿದ ಸೌತ್ ಆಫ್ರಿಕಾ; ಇಲ್ಲಿದೆ ಅವುಗಳ ಪಟ್ಟಿ
ಚೊಚ್ಚಲ ವಿಶ್ವಕಪ್ ಫೈನಲ್ ಪ್ರವೇಶಿಸಿ ಹಲವು ವಿಶ್ವದಾಖಲೆ ನಿರ್ಮಿಸಿದ ಸೌತ್ ಆಫ್ರಿಕಾ; ಇಲ್ಲಿದೆ ಅವುಗಳ ಪಟ್ಟಿ

ಕ್ರಿಕೆಟ್ ಇತಿಹಾಸದಲ್ಲಿ ಸೌತ್ ಆಫ್ರಿಕಾ ಕ್ರಿಕೆಟ್ ತಂಡ (South Africa Cricket Team) ಹೊಸ ಚರಿತ್ರೆ ಸೃಷ್ಟಿಸಿತು. ಐಸಿಸಿ ವಿಶ್ವಕಪ್​ಗಳಲ್ಲಿ (ICC World Cup) ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ. ಟ್ರಿನಿಡಾಡ್​ನ ಬ್ರಿಯಾನ್ ಲಾರಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಜರುಗಿದ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಆಫ್ಘಾನಿಸ್ತಾನ ವಿರುದ್ಧ 9 ವಿಕೆಟ್​ಗಳ ಸುಲಭ ಗೆಲುವು ಸಾಧಿಸಿದ ಆಫ್ರಿಕಾ, ಪ್ರಶಸ್ತಿ ಸುತ್ತಿಗೆ ಅರ್ಹತೆ ಪಡೆಯಿತು. ಸೆಮೀಸ್​​ನಲ್ಲಿ ವಿಜಯೋತ್ಸವ ಆಚರಿಸಿದ್ದಲ್ಲದೆ, ವಿಶ್ವದಾಖಲೆಗಳನ್ನು ನಿರ್ಮಿಸಿದೆ.

ಲೀಗ್ ಮತ್ತು ಸೂಪರ್​-8 ಹಂತದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದ ಆಫ್ಘನ್ ಇದೇ ಮೊದಲ ಬಾರಿಗೆ ಸೆಮಿಫೈನಲ್ ಪ್ರವೇಶಿಸಿತ್ತು. ಅಲ್ಲದೆ, ಇಲ್ಲೂ ಉತ್ತಮ ಪ್ರದರ್ಶನ ತೋರಿ ಫೈನಲ್​ಗೇರುವ ಕನಸು ಕಂಡಿತ್ತು. ಆದರೆ, ರಶೀದ್ ಪಡೆಯ ಕನಸನ್ನು ಸೌತ್ ಆಫ್ರಿಕಾ ಭಗ್ನಗೊಳಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಆಫ್ಘನ್, 11.5 ಓವರ್​​​ಗಳಲ್ಲಿ ಕೇವಲ 56 ರನ್ ಗಳಿಸಿ ಆಲೌಟ್ ಆಯಿತು. ಈ ಸುಲಭ ಗುರಿ ಬೆನ್ನಟ್ಟಿದ ಸೌತ್ ಆಫ್ರಿಕಾ 8.5 ಓವರ್​​​ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 60 ರನ್ ಗಳಿಸಿತು.

ಐಸಿಸಿ ವಿಶ್ವಕಪ್ ಸೆಮಿಫೈನಲ್​​ಗಳಲ್ಲಿ ಸೌತ್ ಆಫ್ರಿಕಾ

ಐಸಿಸಿ ವಿಶ್ವಕಪ್​​ಗಳಲ್ಲಿ (ಟಿ20 ಹಾಗೂ ಏಕದಿನ ವಿಶ್ವಕಪ್​) ಒಟ್ಟು 8 ಸೆಮಿಫೈನಲ್​​ ಪಂದ್ಯಗಳನ್ನು ಆಡಿದೆ. ಈ ಪೈಕಿ 6 ಸೋಲುಗಳನ್ನು ಕಂಡಿದೆ. ಇನ್ನೊಂದು ಪಂದ್ಯದಲ್ಲಿ 1999ರಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಟೈ ಆಗಿತ್ತು. ಆದರೆ ಡಿಎಲ್​ಎಸ್​ ಅನ್ವಯದಡಿ ಆಸೀಸ್​ ಗೆದ್ದು ಬೀಗಿತ್ತು. ಸತತ 7 ಸೋಲುಗಳ ಬಳಿಕ 8ನೇ ಸೆಮಿಫೈನಲ್​​ನಲ್ಲಿ ಸೌತ್ ಆಫ್ರಿಕಾ ಗೆದ್ದು ಫೈನಲ್ ಪ್ರವೇಶಿಸಿದೆ.

ಟ್ರೆಂಡಿಂಗ್​ ಸುದ್ದಿ

ಟಿ20 ವಿಶ್ವಕಪ್​​ನಲ್ಲಿ ಸತತ ಪಂದ್ಯಗಳನ್ನು ಗೆದ್ದ ತಂಡಗಳು

8* - ಸೌತ್ ಆಫ್ರಿಕಾ (2024) - ಫೈನಲ್ ಪಂದ್ಯ ಗೆದ್ದರೆ ಹೊಸ ಇತಿಹಾಸ

8 - ಆಸ್ಟ್ರೇಲಿಯಾ (2022-2024)

7 - ಇಂಗ್ಲೆಂಡ್ (2010-2012)

7 - ಟೀಮ್ ಇಂಡಿಯಾ (2012-2014)

ಟಿ20ಐಗಳಲ್ಲಿ ದಕ್ಷಿಣ ಆಫ್ರಿಕಾದ ಸುದೀರ್ಘ ಗೆಲುವುಗಳು

2024ರ ಟಿ20 ವಿಶ್ವಕಪ್​​​ನಲ್ಲಿ ಸತತ 8 ಗೆಲುವು ಸಾಧಿಸುವ ಮೂಲಕ ಸೌತ್ ಆಫ್ರಿಕಾ ಹೊಸ ಇತಿಹಾಸ ನಿರ್ಮಿಸಿದೆ. ಟಿ20ಐ ಕ್ರಿಕೆಟ್​ನಲ್ಲಿ 2009 ಮತ್ತು 2021ರಲ್ಲಿ ತಲಾ 7 ಬಾರಿ ಸುದೀರ್ಘ ಗೆಲುವು ದಾಖಲಿಸಿದ್ದ ಸೌತ್ ಆಫ್ರಿಕಾ ಈಗ ಸತತ 8 ಜಯ ಸಾಧಿಸಿದೆ.

ಟಿ20 ವಿಶ್ವಕಪ್​​​ನಲ್ಲಿ ದ.ಆಫ್ರಿಕಾಗೆ ದೊಡ್ಡ ಗೆಲುವು (ವಿಕೆಟ್​ಗಳಿಂದ)

2012ರಲ್ಲಿ ಹಂಬಂತೋಟಾದಲ್ಲಿ ನಡೆದಿದ್ದ ಜಿಂಜಾಬ್ವೆ ವಿರುದ್ಧದ ಪಂದ್ಯದಲ್ಲಿ ಸೌತ್ ಆಫ್ರಿಕಾ 10 ವಿಕೆಟ್​ಗಳಿಂದ ಗೆದ್ದಿತ್ತು. ಇದೀಗ ಟ್ರಿನಿಡಾಡ್​ನಲ್ಲಿ ಆಫ್ಘನ್ ಎದುರು 9 ವಿಕೆಟ್​ಗಳಿಂದ ಗೆದ್ದು ಬೀಗಿದೆ.

ಅತ್ಯಧಿಕ ಎಸೆತಗಳ ಅಂತರದಿಂದ ಗೆಲುವು

ಟಿ20 ವಿಶ್ವಕಪ್​ ಇತಿಹಾಸದಲ್ಲಿ ಸೌತ್ ಆಫ್ರಿಕಾ 2ನೇ ಬಾರಿಗೆ 50+ ಎಸೆತಗಳ ಅಂತರದಿಂದ ಗೆದ್ದಿದೆ. 2007ರ ಟಿ20 ವಿಶ್ವಕಪ್​​ನಲ್ಲಿ ಜೋಹಾನ್ಸ್​​ಬರ್ಗ್​​ನಲ್ಲಿ ನಡೆದ ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ 51 ಎಸೆತಗಳ ಅಂತರದಿಂದ ಗೆದ್ದಿತ್ತು. ಹಾಲಿ ವಿಶ್ವಕಪ್​​ನಲ್ಲಿ ಆಫ್ಘನ್ ಎದುರು 67 ಎಸೆತಗಳ ಅಂತರದಿಂದ ಗೆದ್ದು ಬೀಗಿತು. ಇದು ಸೌತ್ ಆಫ್ರಿಕಾದ ಅತಿದೊಡ್ಡ ಗೆಲುವಿನ ಅಂತರವಾಗಿದೆ.

ಟಿ20 ವಿಶ್ವಕಪ್​​ ಆವೃತ್ತಿಯಲ್ಲಿ ದಕ್ಷಿಣ ಆಫ್ರಿಕಾ ಪರ ಅತಿ ಹೆಚ್ಚು ವಿಕೆಟ್

13 - ಆನ್ರಿಚ್ ನೋಕಿಯಾ (2024)*

12 - ಇಮ್ರಾನ್ ತಾಹೀರ್ (2014)

12 - ಕಗಿಸೊ ರಬಾಡ (2024)*

11 - ಚಾರ್ಲ್​ ಲ್ಯಾಂಗೆವೆಲ್ಡ್ಟ್ (2010)

11 - ಆನ್ರಿಚ್ ನೋಕಿಯಾ (2022)

11 - ತಬ್ರೈಜ್ ಶಮ್ಸಿ (2024)