Kaatera Cinema: ಲೇ ಗೇಟ್ ಓಪನ್ ಮಾಡೋವರೆಗೆ ವೇಯ್ಟ್ ಮಾಡ್ರೋ; ಕಾಟೇರ ಫಿಲ್ಮ್‌ ನೋಡಲು ಥಿಯೇಟರ್‌ಗಳ ಮುಂದೆ ರಶ್ಶೋ ರಶ್ಸು
Darshan Kaatera Movie : ದರ್ಶನ್‌- ಆರಾಧನಾ ರಾಮ್‌ ಅಭಿನಯದ ಕಾಟೇರ ಸಿನಿಮಾದ ಕುರಿತು ಡಿಬಾಸ್‌ ಅಭಿಮಾನಿಗಳು ಥಿಯೇಟರ್‌ಗಳ ಮುಂದೆ ಸೇರುತ್ತಿದ್ದಾರೆ. ನಿನ್ನೆ ರಾತ್ರಿಯಿಂದಲೇ ಚಿತ್ರಮಂದಿರಗಳ ಮುಂದೆ ಜನದಟ್ಟಣೆ ಹೆಚ್ಚಿತ್ತು. ಟಿಕೆಟ್‌ ಇದ್ದವರು, ಇಲ್ಲದವರೂ ಎಲ್ಲೂ ಥಿಯೇಟರ್‌ ಮುಂದೆ ಸೇರಿ ಹಬ್ಬದ ವಾತಾವರಣ ಕಾಣಿಸುತ್ತಿದೆ.
ಬೆಂಗಳೂರು: ಕರ್ನಾಟಕದ ಚಿತ್ರಮಂದಿರಗಳಲ್ಲಿ ದರ್ಶನ್‌ ಅಭಿನಯದ ಕಾಟೇರ ಸಿನಿಮಾ ಬಿಡುಗಡೆಯಾಗಿದ್ದು, ಥಿಯೇಟರ್‌ಗಳ ಮುಂದೆ ಸಾಕಷ್ಟು ಜನಜಂಗಳಿ ಕಾಣಿಸಿದೆ. ನಿನ್ನೆ ರಾತ್ರಿ ಹನ್ನೆರಡು ಗಂಟೆಯ ಶೋ, ಇಂದು ಬೆಳಗ್ಗೆ ಐದು ಆರು ಗಂಟೆಯ ಶೋಗಳಿಗಾಗಿ ಜನರು ಥಿಯೇಟರ್‌ ಮುಂದೆ ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದರು. ಸಿನಿಮಾ ರಿಲೀಸ್‌ ಆಗುವ ಎಷ್ಟೋ ಗಂಟೆ ಮೊದಲೇ ಬಂದು ಥಿಯೇಟರ್‌ ಮುಂದೆ ನೆರೆದಿದ್ದರು. ಗೇಟ್ ಓಪನ್ ಮಾಡುವವರೆಗೆ ಕಾಯ್ರೋ ಎಂದು ಎಲ್ಲರೂ ಹೇಳುತ್ತಿದ್ದರೂ, ದಚ್ಚು ಅಭಿಮಾನಿಗಳು ಸಾಕಷ್ಟು ಸಂಖ್ಯೆಯಲ್ಲಿ ಥಿಯೇಟರ್‌ ಮುಂದೆ ನೆರೆದಿದ್ದರು.
ಗೇಟ್ ಓಪನ್ ಮಾಡೋವರೆಗೆ ಕಾಯ್ರೋ
ದಾವಣೆಗೆರೆಯಲ್ಲಿ ನಿನ್ನೆ ಸಂಜೆಯಿಂದಲೇ ಕಾಟೇರ ಕ್ರೇಜ್‌ ಕಾಣಿಸಿಕೊಂಡಿತ್ತು. ಈ ಕುರಿತು ಬಬ್ರುವಾಹನ ಹೆಸರಿನ ಟ್ವಿಟ್ಟರ್‌ ಖಾತೆಯಲ್ಲಿ ಒಬ್ಬರು ವಿಡಿಯೋ ಹಂಚಿಕೊಂಡಿದ್ದಾರೆ. ಬೆಂಗಳೂರು ಸೇರಿದಂತೆ ಬಹುತೇಕ ಕಡೆ ನಿನ್ನೆ ರಾತ್ರಿಯಿಂದಲೇ ಇಂತಹ ವಾತಾವರಣ ಇತ್ತು. ಈ ಕುರಿತು ಸಾಕಷ್ಟು ವಿಡಿಯೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ಮಿಡ್‌ನೈಟ್‌ ಶೋ- ಸಿನಿ ಪ್ರೇಮಿಗಳ ಜಾತ್ರೆ
ಕನ್ನಡ ಸಿನಿಮಾದ ಮಿಡ್‌ನೈಟ್‌ ಶೋಗಾಗಿ ಹಬ್ಬದ ವಾತಾವರಣ ಕಾಣಿಸುತ್ತಿದೆ. ಇಷ್ಟೊಂದು ಕ್ರೇಜ್‌ ಇತ್ತೀಚಿನ ದಿನಗಳಲ್ಲಿ ಕಂಡಿರಲಿಲ್ಲ ಎಂದು ಇಂಡಿಯನ್‌ ಎಕ್ಸ್‌ಪ್ರೆಸ್‌ನ ಶಾರದಾ ಅವರು ಫೋಟೋ ಮತ್ತು ವಿಡಿಯೋಗಳನ್ನು ಟ್ವೀಟ್‌ ಮಾಡಿದ್ದಾರೆ.
ಥಿಯೇಟರ್‌ನೊಳಗೆ ಕುಣಿದು ಕುಪ್ಪಳಿಸಿದ ಅಭಿಮಾನಿಗಳು
ಕನಕಪುರ ಥಿಯೇಟರ್‌ ಮುಂದೆ ರಶ್ಶೋ ರಶ್ಸು
ಬೆಂಗಳೂರಿನ ಜೆಪಿ ನಗರದಲ್ಲಿ ಜನದಟ್ಟಣೆ
ದೊಡ್ಡಬಳ್ಳಾಪುರದಲ್ಲಿ ಜನಸಾಗರ
ಶಿವಮೊಗ್ಗದಲ್ಲೂ ಹೌಸ್‌ಫುಲ್‌
ಹೀಗೆ ಕರ್ನಾಟಕದ್ಯಾಂತ ಕಾಟೇರ ಸಿನಿಮಾ ಬಿಡುಗಡೆಯಾಗಿದ್ದು, ಬಹುತೇಕ ಕಡೆ ಇಂತಹ ಕ್ರೇಜ್‌ ಕಾಣಿಸುತ್ತಿದೆ. ದರ್ಶನ್‌ ನಟನೆಯ ಕಾಟೇರ' ಚಿತ್ರವನ್ನು ರಾಕ್‌ಲೈನ್‌ ಎಂಟರ್‌ಟೈನ್ಮೆಂಟ್‌ ಬ್ಯಾನರ್‌ ಅಡಿ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಿಸಿದ್ದಾರೆ. ಈ ಚಿತ್ರಕ್ಕೆ ತರುಣ್‌ ಸುಧೀರ್‌ ನಿರ್ದೇಶನವಿದೆ. ತರುಣ್‌ ನಿರ್ದೇಶನದ 'ಚೌಕ' ಚಿತ್ರದಲ್ಲಿ ದರ್ಶನ್‌ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು. ಇದೀಗ ಇವರದ್ದೇ ನಿರ್ದೇಶನದ ಕಾಟೇರ ಸಿನಿಮಾ ಬಿಡುಗಡೆಯಾಗಿದೆ. ಚಿತ್ರದಲ್ಲಿ ದರ್ಶನ್‌ಗೆ ನಾಯಕಿಯಾಗಿ ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್‌ ನಟಿಸಿದ್ದಾರೆ.
ಕಾಟೇರ ಚಿತ್ರದಲ್ಲಿ ಹಿರಿಯ ನಟ ವೈಜ್ಯನಾಥ್‌ ಬಿರಾದಾರ್‌ ಹಾಗೂ ಒಂದಲ್ಲಾ ಎರಡಲ್ಲಾ ಸಿನಿಮಾ ಖ್ಯಾತಿಯ ಬಾಲನಟ ಮಾಸ್ಟರ್‌ ರೋಹಿತ್‌ ಕೂಡಾ ನಟಿಸಿದ್ದಾರೆ. 'ದರ್ಶನ್‌ ಅಕ್ಕನ ಮಗ ಚಂದು ಕೂಡ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಕಾಟೇರ', ದರ್ಶನ್‌ ಅಭಿನಯದ 56ನೇ ಸಿನಿಮಾ. ಇದು 70ರ ದಶಕದ ನೈಜ ಘಟನೆಯಾದರಿತ ಸಿನಿಮಾವಾಗಿದೆ.
ಕಾಟೇರ ಸಿನಿಮಾ ಹೊಸ ವರ್ಷದ ವೇಳೆಗೆ ಬಿಡುಗಡೆಯಾಗಿರುವುದರಿಂದ ಮುಂದಿನ ಹಲವು ದಿನ ಕರ್ನಾಟಕದಲ್ಲಿ ಕಾಟೇರ ಅಬ್ಬರ ಕಾಣಿಸಲಿದೆ. ಈಗಾಗಲೇ ಸೋಷಿಯಲ್‌ ಮೀಡಿಯಾದಲ್ಲಿ ಡಿಬಾಸ್‌ ಅಭಿಮಾನಿಗಳು ಕಾಟೇರದ ಕುರಿತು ಚರ್ಚಿಸುತ್ತಿದ್ದು, ಸೋಷಿಯಲ್‌ ಮೀಡಿಯಾದಲ್ಲಿ ಟ್ರೆಂಡ್‌ ಸೃಷ್ಟಿಯಾಗಿದೆ.
ಕಾಟೇರ ಸಂಭ್ರಮ; ಬಿರಿಯಾನಿ ತಿಂದು ಕುಣಿದು ಕುಪ್ಪಳಿಸಿದ ಡಿ ಬಾಸ್ ಫ್ಯಾನ್ಸ್
ವಿಭಾಗ