ಬಿಗ್‌ಬಾಸ್‌ಗೇ ಧಮ್ಕಿ ಹಾಕಿದ ವಕೀಲ್‌ ಸಾಬ್‌ ಜಗದೀಶ್‌; ‘ನಿಮಗಿಂತ ಹುಚ್ಚ ವೆಂಕಟ್‌ ಎಷ್ಟೋ ಮೇಲು’ ವೀಕ್ಷಕರ ಕಟು ಪ್ರತಿಕ್ರಿಯೆ ಹೀಗಿವೆ

Bigg Boss Kannada Season 11: ಬಿಗ್‌ಬಾಸ್‌ ಕನ್ನಡ ಸೀಸನ್‌ 11 ಆರಂಭವಾಗಿ ನಾಲ್ಕು ದಿನಗಳಾದವು. ಕಳೆದ ಬಾರಿಯ ಸೀಸನ್‌ನ ಪ್ರತಿಫಲವೋ ಅಥವಾ ಅದನ್ನೇ ನೋಡಿಕೊಂಡೋ ಬಂದಿದ್ದಾರೋ ಗೊತ್ತಿಲ್ಲ. ಮೊದಲ ದಿನದಿಂದಲೇ ಬಿಗ್‌ ಮನೆ ರಣರಂಗವಾಗಿದೆ. 17 ಸ್ಪರ್ಧಿಗಳ ಪೈಕಿ ಒಂದಷ್ಟು ಮಂದಿ ಜಗಳವೇ ನಮ್ಮನೇ ದೇವ್ರು ಅನ್ನೋ ರೀತಿ ವರ್ತಿಸುತ್ತಿದ್ದಾರೆ. ಸಣ್ಣ ಸಣ್ಣ ವಿಷಯಕ್ಕೂ ಕಾಳು ಕೆರೆದುಕೊಂಡು ಮನೆ ಮಂದಿ ಜತೆಗೆ ಕಿತ್ತಾಡುತ್ತಿದ್ದಾರೆ. ಆ ಪೈಕಿ ಸ್ವರ್ಗ ಮತ್ತು ನರಕ ಎರಡರಲ್ಲೂ ಇಮೇಜ್‌ ಡ್ಯಾಮೇಜ್‌ ಮಾಡಿಕೊಂಡಿರುವ ಲಾಯರ್‌ ಜಗದೀಶ್‌ ಮಾತ್ರ ಒಂದು ಕೈ ಮುಂದಿದಿದ್ದಾರೆ. ಅದ್ಯಾವ ಮಟ್ಟಿಗೆ ಅಂದರೆ, ಬಿಗ್‌ಬಾಸ್‌ಗೇ ಧಮ್ಕಿ ಹಾಕಿದ್ದಾರೆ.

ಸ್ವರ್ಗವಾಸಿಗಳಿಗೆ ಉತ್ಕೃಷ್ಟ ಊಟ ಮಿಸ್..

ಬಿಗ್‌ ಬಾಸ್‌ ಮನೆಯಲ್ಲಿ ಎಲ್ಲರೊಂದಿಗೆ ಕಿತ್ತಾಟ ನಡೆಸಿದ್ದಾರೆ ಲಾಯರ್‌ ಜಗದೀಶ್‌. ಉದ್ದೇಶಪೂರ್ವಕವಾಗಿಯೇ ಸ್ವರ್ಗವನ್ನು ನರಕವನ್ನಾಗಿಸಿದ್ದಾರೆ. ಸ್ವರ್ಗವಾಸಿಗಳಿಗೆ ಬಿಗ್‌ಬಾಸ್‌ ಕಡೆಯಿಂದ ಲಕ್ಷುರಿ ವಸ್ತುಗಳು ಸಿಕ್ಕಿವೆ. ಆದರೆ, ಆ ಎಲ್ಲ ವಸ್ತುಗಳನ್ನು ಬಿಗ್‌ಬಾಸ್‌ ಕೊಟ್ಟಷ್ಟೇ ಬೇಗ ಹಿಂಪಡೆದಿದ್ದಾರೆ. ನರಕ ವಾಸಿಗಳಿಗೆ ಲಾಯರ್‌ ಜಗದೀಶ್‌ ಬಿಸಿನೀರಿನ ಜತೆಗೆ, ಮೊಟ್ಟೆ, ಹಣ್ಣು, ಉಪ್ಪಿನಕಾಯಿ, ಬಿಸ್ಕಟ್‌ಗಳನ್ನು ಕಣ್ತಪ್ಪಿಸಿ ಕೊಟ್ಟಿದ್ದೇ ಇದಕ್ಕೆಲ್ಲ ಕಾರಣ. ಇದರೊಂದಿಗೆ ಸ್ವರ್ಗವಾಸಿಗಳಿಗೂ ಉತ್ಕೃಷ್ಟ ಊಟ ಮಿಸ್‌ ಆಗಿದೆ. ನರಕವಾಸಿಗಳೇ ಸೇವಿಸುವ ಗಂಜಿ ಸಿಕ್ಕಿದೆ.

ಇದನ್ನೂ ಓದಿ: ನನ್ನ ಎದುರು ಹಾಕಿಕೊಂಡು ಹೇಗೆ ಕಾರ್ಯಕ್ರಮ ನಡೆಸುತ್ತೀರ ನೋಡ್ತೀನಿ; ಬಿಗ್‌ಬಾಸ್‌ಗೆ ಲಾಯರ್‌ ಜಗದೀಶ್‌ ಆವಾಜ್‌

ಬಿಗ್‌ಬಾಸ್‌ಗೆ ವಕೀಲ್‌ ಸಾಬ್‌ ಧಮ್ಕಿ!

ಕ್ಯಾಮರಾ ಮುಂದೆ ಬಂದ ಲಾಯರ್‌ ಜಗದೀಶ್‌, "ನಾನು ಮನಸ್ಸು ಮಾಡಿದರೆ ನಿಮಗೆಲ್ಲಾ ಹೆಲಿಕಾಪ್ಟರ್‌ನಲ್ಲಿ ಊಟ ತರಿಸ್ತೀನಿ, ನನಗೆ ನಾನೇ ಬಿಗ್‌ ಬಾಸ್‌, ನನಗೆ ಇಲ್ಲಿ ಇರಲು ಇಷ್ಟವಾಗುತ್ತಿಲ್ಲ, ಒಳಗಡೆ ಏನೆಲ್ಲಾ ಮಾಫಿಯಾ ನಡೆಸುತ್ತಿದ್ದೀರಿ ಎಲ್ಲವೂ ಎಕ್ಸ್‌ಪೋಸ್‌ ಆಗುತ್ತೆ, ನಾನು ಸರ್ಕಾರವನ್ನೇ ಅಲುಗಾಡಿಸುತ್ತೇನೆ, ಈ ಕಾರ್ಯಕ್ರಮವನ್ನು ಹಾಳು ಮಾಡಿಲ್ಲ ಅಂದ್ರೆ ನನ್ನ ಹೆಸರನ್ನು ಬೇರೆ ಇಡು, ಯಾರೂ ಇಲ್ಲಿಗೆ ಕಾಲಿಡದಂತೆ ಮಾಡುತ್ತೇನೆ, ನನ್ನನ್ನು ಎದುರು ಹಾಕಿಕೊಂಡು ಕರ್ನಾಟಕದಲ್ಲಿ ಬಿಗ್‌ಬಾಸ್‌ ನಡೆಸುತ್ತೀರಾ? , ನನ್ನನ್ನು ಹೊರಗೆ ಕಳಿಸಿ" ಎಂದು ಆವಾಜ್‌ ಹಾಕಿದ್ದಾರೆ.

ಇದನ್ನೂ ಓದಿ: ಕಾಮಿಡಿ ಪೀಸ್‌ ಅಂತ ಪದೇ ಪದೆ ಹೇಳಬೇಡಿ ಎಂದ ಮಾನಸಾಗೆ ಅಸಭ್ಯ ಪದ ಬಳಸಿದ ಲಾಯರ್‌ ಜಗದೀಶ್‌; ಸಹ ಸ್ಪರ್ಧಿಗಳು ಗರಂ

ಲಾಯರ್‌ ಜಗದೀಶ್‌ ಮಾತಿಗೆ ನೆಟ್ಟಿಗ ವಲಯದ ಆಕ್ರೋಶ..

ಲಾಯರ್‌ ಜಗದೀಶ್‌ ಅವರ ಅತಿಯಾದ ವರ್ತನೆ ನೋಡುಗರಿಗೆ ಬೇಸರ ತರಿಸಿದೆ. ನೆಟ್ಟಿಗರೂ ಸಹ ಜಗದೀಶ್‌ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಸೋಷಿಯಲ್‌ ಮೀಡಿಯಾದಲ್ಲಿ ಲಾಯರ್‌ ಜಗದೀಶ್‌ ಅವರ ಪ್ರೋಮೋಕ್ಕೆ ಬಗೆಬಗೆ ಕಾಮೆಂಟ್‌ ಹಾಕುತ್ತಿದ್ದಾರೆ. ಇಲ್ಲಿದೆ ನೋಡಿ ವೀಕ್ಷಕರ ಪ್ರತಿಕ್ರಿಯೆ.

• ಹುಚ್ಚನ ತರ ಬಾಯಿಗೆ ಬಂದಂತೆ ಮಾತನಾಡುತ್ತಿರುವ ಜಗದೀಶ್ ಗೆ ಕ್ಲಾಸ್ ತಗೋಬೇಕು
• ಇವರನ್ನ Compare ಮಾಡಿದ್ರೆ ಹುಚ್ಚ ವೆಂಕಟ್ better. ಏನಂತೀರಾ
• ಜಗದೀಶ್ ಸರ್ ಬಿಗ್ ಬಾಸ್ ಕರೆದುಕೊಂಡು ಬಂದಿದ್ದು ದೊಡ್ಡ ತಪ್ಪು
• Iritation + buildup + joker= jagga
• ಬಿಗ್‌ ಬಾಸ್‌ ಇವಾಗಲೂ ನೀವು ಈ ಸ್ಪರ್ಧಿಯನ್ನು ಎಲಿಮಿನೇಟ್‌ ಮಾಡಿ ಆಚೆ ಕಳಿಸಲಿಲ್ಲ ಅಂದ್ರೆ ನಿಮಗೆ ಮರ್ಯಾದೆ ಇರೋದಿಲ್ಲ.
• ನೀನಲ್ಲ ನಿಮ್ ಅಪ್ಪ ಬಂದ್ರು ಬಿಗ್ ಬಾಸ್ ನಿಲ್ಲಿಸಕಾಗಲ್ಲ ತಿಳ್ಕೊ ಜುಟ್ಟು
• ಅಮವಾಸ್ಯೆ ಅಲ್ವಾ ಅದಕೆ ಹಾಗ್ ಆಡ್ತಿದಾನೆ ಅಷ್ಟೇ
• ಲಾಯರ್ ಜಗದೀಶ್ ನಿನ್ನದು ಉತ್ತರನ ಪೌರುಷ...ಬಿಗ್ ಬಾಸ್ ಬಂದ್ ಮಾಡ್ತಾನೆ ಅಂತೆ ಎಂತಾ ಜೋಕ್ ಗುರು.
• ಇಯಪ್ಪ ಎಲ್ಲಾ ಸರ್ಕಾರ ಇವರ ಕೈಯ್ಯಲ್ಲೇ ಇದೆ ಅನ್ನೋ ಅಷ್ಟು ದುರಹಂಕಾರ
• ಈವನು ಯಾರು ಬಿಗ್ ಬಾಸ್ ಬಗ್ಗೆ ಮಾತಾಡಕೆ ಅವನ್ಗೆ ಸರಿಯಾಗಿ ಪಾಠ ಕಲ್ಸ್ಬೇಕು ಅಷ್ಟೇ
• ಹುಚ್ಚಾಸ್ಪತ್ರೆಲಿ ಇರ್ಬೇಕಿತ್ತು ಈ ವಯ್ಯ ಪಾಪ 16 ಜನಕ್ಕೆ ಹುಚ್ಚು ಬರೋದಲ್ದೆ ನಮ್ಗೂ ಬರ್ತಿದೆ
• ಹೆಣ್ಣುಮಕ್ಕಳಿಗೆ ಗೌರವ ಕೊಡದವನು ಇವನು ಯಾವ ಸೀಮೆ ಲಾಯರ್ ತು ಮೊದಲು ಇವರನ್ನು ಹೊರಗಡೆ ಹಾಕಿ

ಬಿಗ್‌ ಬಾಸ್‌ ಕನ್ನಡ11ನೇ ಸೀಸನ್‌ ತಾಜಾ ಮಾಹಿತಿ ಎಲ್ಲಿ ಸಿಗುತ್ತೆ?

ಕಲರ್ಸ್‌ ಕನ್ನಡ ನಡೆಸುತ್ತಿರುವ 'ಬಿಗ್‌ ಬಾಸ್‌ ಕನ್ನಡ ಸೀಸನ್ 11' ರಿಯಾಲಿಟಿ ಶೋ ಕುರಿತ ಸಮಗ್ರ ಮಾಹಿತಿಯನ್ನು 'ಹಿಂದೂಸ್ತಾನ್ ಟೈಮ್ಸ್ ಕನ್ನಡ' ಜಾಲತಾಣದಲ್ಲಿ ನೋಡಬಹುದು. ದೊಡ್ಮನೆ ಎಂದೇ ಪ್ರಖ್ಯಾತವಾಗಿರುವ ಬಿಗ್‌ ಬಾಸ್‌ ಮನೆಯಲ್ಲಿರುವ ಸ್ಪರ್ಧಿಗಳು ಹೇಗೆ ಆಡುತ್ತಿದ್ದಾರೆ? ಜನರು ಅವರ ಬಗ್ಗೆ ಏನು ಯೋಚಿಸುತ್ತಿದ್ದಾರೆ? ಕುತೂಹಲಕಾರಿ ತಿರುವುಗಳೇನು ಎನ್ನುವ ವಿವರ ತಿಳಿಯಲು ಇಲ್ಲಿ ಕ್ಕಿಕ್‌ ಮಾಡಿ.