Minahil Malik leaked Video: ಖಾಸಗಿ ಅಶ್ಲೀಲ ವಿಡಿಯೋ ಸೋರಿಕೆ, ಪಾಕ್‌ ಟಿಕ್‌ಟಾಕ್‌ ಸ್ಟಾರ್‌ ಮಿನಹಿಲ್‌ ಮಲ್ಲಿಕ್‌ ಹೀಗಂದ್ರು
Minahil Malik leaked Video: ಪಾಕಿಸ್ತಾನದ ಜನಪ್ರಿಯ ಟಿಕ್‌ಟಾಕ್‌ಸ್ಟರ್‌ ಮಿನಹಿಲ್‌ ಮಲ್ಲಿಕ್‌ ಅವರದ್ದು ಎನ್ನಲಾದ ಖಾಸಗಿ ಅಶ್ಲೀಲ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಈ ಕುರಿತು ನಟಿ ಎಫ್‌ಐಎಗೆ ದೂರು ನೀಡಿದ್ದಾರೆ. ಆನ್‌ಲೈನ್‌ ಬುಲ್ಲಿಂಗ್‌ನಿಂದ ಪಾರಾಗಲು ನೆರವು ನೀಡಿ ಎಂದು ಫ್ಯಾನ್ಸ್‌ಗೆ ಮನವಿ ಮಾಡಿದ್ದಾರೆ.
Minahil Malik leaked Video: ಪಾಕಿಸ್ತಾನದ ಟಿಕ್‌ಟಾಕ್‌ ಸ್ಟಾರ್‌ ಮಿನಹಿಲ್‌ ಮಲ್ಲಿಕ್‌ "ಸೋರಿಕೆಯಾದ ವಿಡಿಯೋ" ಸುದ್ದಿಯಿಂದ ಟ್ರೆಂಡಿಂಗ್‌ನಲ್ಲಿದ್ದರೆ. ಸೋಷಿಯಲ್‌ ಮೀಡಿಯಾ ಬಳಕೆದಾರರ ಪ್ರಕಾರ ಈ ಸೋರಿಕೆಯಾದ ವಿಡಿಯೋದಲ್ಲಿ ಮಿನಹಿಲ್‌ ಮಲ್ಲಿಕ್‌ ಇನ್ನೊಬ್ಬ ಯುವಕನ ಜತೆ ಮಿಲನದಲ್ಲಿರುವ ದೃಶ್ಯವಿದೆಯಂತೆ. ಟಿಕ್‌ ಟಾಕ್‌ ಸ್ಟಾರ್‌ ಮತ್ತು ಆಕೆ ಗೆಳೆಯ ಕೊಠಡಿಯೊಂದರಲ್ಲಿ ಬೆತ್ತಲಾಗಿರುವ ದೃಶ್ಯ ಇದರಲ್ಲಿದೆ ಎಂದು ಹೇಳಲಾಗಿದೆ. ಇದಕ್ಕೆ ಸಂಬಂಧಪಟ್ಟ ಹಲವು ಚಿತ್ರಗಳು ಆನ್‌ಲೈನ್‌ನಲ್ಲಿ ಓಡಾಡುತ್ತಿದೆ.
ಇದಾದ ಬಳಿಕ ಮಿನಹಿಲ್‌ ಬಗ್ಗೆ ಆನ್‌ಲೈನ್‌ನಲ್ಲಿ ಕೆಟ್ಟದ್ದಾಗಿ ಟ್ರೋಲ್‌ ಆರಂಭಿಸಲಾಗಿದೆ. ಇದೇ ಸಮಯದಲ್ಲಿ ಆನ್‌ಲೈನ್‌ ಬೆದರಿಕೆ, ಬುಲ್ಲಿಂಗ್‌ ಕೂಡ ಆರಂಭವಾಗಿದೆ. ಸೋಷಿಯಲ್‌ ಮೀಡಿಯಾ ಸೆಲೆಬ್ರಿಟಿಯ ಬಗ್ಗೆ ಸಾಕಷ್ಟು ಜನರು ಬೇಸರವನ್ನೂ ವ್ಯಕ್ತಪಡಿಸಿದ್ದಾರೆ. ಈ ರೀತಿ ಅಶ್ಲೀಲ ವಿಡಿಯೋ ಸೋರಿಕೆ ಮಾಡಿರುವುದು ಸಾರ್ವಜನಿಕರ ಗಮನ ಸೆಳೆಯುವ ಪ್ರಯತ್ನ ಎಂದು ಕೆಲವರು ಟೀಕಿಸಿದ್ದಾರೆ.
ಫೇಕ್‌ ವಿಡಿಯೋ, ನಂಬಬೇಡಿ ಪ್ಲೀಸ್‌
"ಇದು ನಕಲಿ ವಿಡಿಯೋ, ನನ್ನದ್ದಲ್ಲ" ಎಂದು ವಿಡಿಯೋ ಲೀಕ್‌ ಆದ ಒಂದು ದಿನದ ಬಳಿಕ ಮಲ್ಲಿಕ್‌ ಹಳಿದ್ದಾರೆ. ಈ ಕುರಿತಂತೆ ಪತ್ರಿಕಾ ಪ್ರಕಟಣೆ ಹೊರಡಿಸಿದ್ದಾರೆ. "ಇದು ನಕಲಿ ಮತ್ತು ಮೋರ್ಪ್‌ ಮಾಡಿರುವ ವಿಡಿಯೋ. ಈ ಕುರಿತು ಸಂಬಂಧಪಟ್ಟ ಕಾನೂನು ವಿಭಾಗಕ್ಕೆ ದೂರು ನೀಡಿದ್ದೇನೆ" ಎಂದಿದ್ದಾರೆ. "ಫೆಡರಲ್‌ ಇನ್ವೆಸ್ಟಿಗೇಷನ್‌ ಬ್ಯೂರೋ(ಎಫ್‌ಐಎ)ಗೆ ಈ ಕುರಿತು ದೂರು ನೀಡಿದ್ದೇನೆ. ದಯವಿಟ್ಟು ಅಭಿಮಾನಿಗಳು ಈ ವೈರಲ್‌ ವಿಡಿಯೋ ವಿಷಯಕ್ಕೆ ಸಂಬಂಧಪಟ್ಟಂತೆ ನನಗೆ ಬೆಂಬಲ ನೀಡಬೇಕು" ಎಂದಿದ್ದಾರೆ.
"ಈ ವಿಡಿಯೋ ಸಂಪೂರ್ಣವಾಗಿ ನಕಲಿಯಾಗಿದೆ. ನಾನು ಈಗಾಗಲೇ ಇದಕ್ಕೆ ಸಂಬಂಧಪಟ್ಟವರ ವಿರುದ್ಧ ಕ್ರಮಕೈಗೊಳ್ಳುವಂತೆ ಎಫ್‌ಐಎಗೆ ದೂರು ನೀಡಿದ್ದೇನೆ. ಅವರು ಆತನನ್ನು ಶೀಘ್ರದಲ್ಲಿ ಬಂಧಿಸಲಿದ್ದಾರೆ" ಎಂದು ಟಿಕ್‌ಟಾಕ್‌ನಲ್ಲಿ ನಟಿ ಹೇಳಿಕೆ ನೀಡಿದ್ದಾರೆ. "ಈ ಘಟನೆಯಿಂದಾಗಿ ನನಗೆ ಮತ್ತು ನನ್ನ ಕುಟುಂಬಕ್ಕೆ ಆಘಾತವಾಗಿದೆ" ಎಂದಿದ್ದಾರೆ.
ಆನ್‌ಲೈನ್‌ನಲ್ಲಿ ಹರಿದಾಡುತ್ತಿರುವ ಈ ವಿಡಿಯೋವನ್ನು ರಿಪೋರ್ಟ್‌ ಮಾಡುವ ಮೂಲಕ ನನಗೆ ಈ ಕಷ್ಟದ ಸಮಯದಲ್ಲಿ ನೆರವು ನೀಡುವಂತೆ ಅಭಿಮಾನಿಗಳನ್ನು ಕೇಳಿಕೊಂಡಿದ್ದಾರೆ. "ಮಹಿಳೆಯ ಬಗ್ಗೆ ಗೌರವ ಇಲ್ಲದ ವ್ಯಕ್ತಿ, ತಾಯಿ, ಸಹೋದರಿಯರು ಇಲ್ಲದ ವ್ಯಕ್ತಿ ಈ ರೀತಿ ಮಾಡಬಹುದು. ನಾನು ಬಲಿಪಶುವಾಗಿದ್ದೇನೆ. ನನಗೆ ನಿಮ್ಮ ಬೆಂಬಲ ಮಾತ್ರವಿದೆ" ಎಂದು ಅವರು ದುಃಖದಲ್ಲಿ ಹೇಳಿದ್ದಾರೆ.
ಅಂದಹಾಗೆ, ಮಿನಹಿಲ್‌ ಮಲ್ಲಿಕ್‌ಗೆ ಇದು ಮೊದಲ ಬಾರಿ ಎದುರಾದ ಸವಾಲು ಅಲ್ಲ. ಕೆಲವು ವರ್ಷಗಳ ಹಿಂದೆ ಈಕೆಯ ಖಾಸಗಿ ಫೋಟೋಗಳು ಮತ್ತು ವಿಡಿಯೋಗಳು ಸೋರಿಕೆಯಾಗಿದದವು. ಆ ಸಮಯದಲ್ಲೂ ಆಕೆಯ ಲಕ್ಷಾಂತರ ಅಭಿಮಾನಿಗಳಿಂದ ಬೆಂಬಲ ದೊರಕಿತ್ತು. ಮಿನಹಿಲ್‌ ಮಲ್ಲಿಕ್‌ ಅವರು ಪಾಕಿಸ್ತಾನದ ಜನಪ್ರಿಯ ಸೋಷಿಯಲ್‌ ಮೀಡಿಯಾ ವ್ಯಕ್ತಿಯಾಗಿದ್ದಾರೆ. ಲಕ್ಷಾಂತರ ಫಾಲೋವರ್‌ಗಳನ್ನು ಹೊಂದಿದ್ದಾರೆ.
