ಕನ್ನಡ ಸುದ್ದಿ / ಕರ್ನಾಟಕ / ಮುಡಾ ಹಗರಣ, 3 ಗಂಟೆಗಳ ಕಾಲ ಸಿಎಂ ಪತ್ನಿ ಪಾರ್ವತಿ ವಿಚಾರಣೆ; ಲೋಕಾಯುಕ್ತ ಕೇಳಿದ 20 ಪ್ರಶ್ನೆಗಳ ಪಟ್ಟಿ ಇಲ್ಲಿದೆ

ಮುಡಾ ಹಗರಣ, 3 ಗಂಟೆಗಳ ಕಾಲ ಸಿಎಂ ಪತ್ನಿ ಪಾರ್ವತಿ ವಿಚಾರಣೆ; ಲೋಕಾಯುಕ್ತ ಕೇಳಿದ 20 ಪ್ರಶ್ನೆಗಳ ಪಟ್ಟಿ ಇಲ್ಲಿದೆ

ಮೈಸೂರು ಲೋಕಾಯುಕ್ತ ಪೊಲೀಸರು ಸದ್ದಿಲ್ಲದೇ ಸಿಎಂ ಪತ್ನಿ ಹಾಗೂ ಎ2 ಆರೋಪಿ ಪಾರ್ವತಿ ವಿಚಾರಣೆ ನಡೆಸಿದ್ದಾರೆ. ಗೌಪ್ಯ ಸ್ಥಳದಲ್ಲಿ ಎಸ್‌ಪಿ ಟಿಜೆ ಉದೇಶ್ ನೇತೃತ್ವದಲ್ಲಿ ಪಾರ್ವತಿ ವಿಚಾರಣೆ ನಡೆಸಿದ್ದಾರೆ.

ಪಾರ್ವತಿ, ಸಿದ್ದರಾಮಯ್ಯ, ಟಿಜೆ ಉದೇಶ್.

ಮೈಸೂರು: ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದಲ್ಲಿ ನಡೆದಿದೆ ಎನ್ನಲಾದ ಬಹುಕೋಟಿ ಹಗರಣದ ತನಿಖೆಗೆ ತೀವ್ರಗೊಂಡಿದೆ. ಮೈಸೂರು ಲೋಕಾಯುಕ್ತ ಕಚೇರಿಯಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿರುದ್ಧ ಎಫ್‌ಐಆರ್ ದಾಖಲಾಗಿದ್ದು, ಲೋಕಾಯುಕ್ತ ಪೊಲೀಸರು ಸದ್ದಿಲ್ಲದೇ ಸಿಎಂ ಪತ್ನಿ ಹಾಗೂ ಎ2 ಆರೋಪಿ ಪಾರ್ವತಿ ವಿಚಾರಣೆ ನಡೆಸಿದ್ದಾರೆ. ಲೋಕಾಯುಕ್ತ ಕಚೇರಿಯಲ್ಲೇ ಎಸ್‌ಪಿ ಟಿಜೆ ಉದೇಶ್ ನೇತೃತ್ವದಲ್ಲಿ ವಿಚಾರಣೆ ನಡೆದಿದ್ದು, ಪಾರ್ವತಿ ಅವರಿಂದ ವಿಡಿಯೋ ಆಧಾರಿತ ಹೇಳಿಕೆ ದಾಖಲಿಸಿಕೊಂಡಿದ್ದಾರೆ. ಅದಕ್ಕೂ ಮುನ್ನ ಎ4, ಎ3 ಆರೋಪಿಗಳ ವಿಚಾರ ನಡೆಸಿದ್ದರು.

ಇಡೀ ಪ್ರಕರಣದಲ್ಲಿ ಎಲ್ಲಿಯೂ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳದ ಪಾರ್ವತಿ, 14 ನಿವೇಶನಗಳನ್ನು ವಾಪಸ್ ನೀಡಿದ ಸಂದರ್ಭದಲ್ಲೂ ಗೌಪ್ಯತೆ ಕಾಪಾಡಿಕೊಂಡಿದ್ದರು. ಸಬ್ ರಿಜಿಸ್ಟರ್ ಅವರು ಪಾರ್ವತಿ ಇರುವಲ್ಲಿಗೆ ಹೋಗಿ ಖಾತೆ ರದ್ದು ಕೆಲಸ ಮಾಡಿದ್ದರು. ಇದೀಗ ಲೋಕಾಯುಕ್ತ ವಿಚಾರಣೆಯಲ್ಲೂ ಗೌಪ್ಯತೆ ಕಾಪಾಡಿಕೊಂಡಿದ್ದು, ಸಾಲು ಸಾಲು ಪ್ರಶ್ನೆಗಳನ್ನು ಎದುರಿಸಿದ್ದಾರೆ. ಸತತ ಮೂರು ಗಂಟೆಗಳ ಕಾಲ ವಿಚಾರಣೆ ಎದುರಿಸಿದ ಪಾರ್ವತಿ ಅವರು ಎಲ್ಲದಕ್ಕೂ ನಿರಾತಂಕವಾಗಿ ಉತ್ತರ ನೀಡಿದ್ದಾರೆ. ಪಾರ್ವತಿ ಅವರು ಎದುರಿಸಿದ ಪ್ರಶ್ನೆಗಳ ಪಟ್ಟಿ ಇಲ್ಲಿದೆ ನೋಡಿ.