Karnataka News Live October 11, 2024 : ಅದ್ಯಾವುದೋ ದುಷ್ಟಶಕ್ತಿಗಳ ಎದುರು ಸತ್ಯದ ಜಯ ಅಂತೆ; ಸಿದ್ದರಾಮಯ್ಯ ವಿರುದ್ಧ ಹೆಚ್​ಡಿ ಕುಮಾರಸ್ವಾಮಿ ಕಿಡಿ

ದೀಪಾವಳಿ ತನಕವೂ ದರ ಏರಿಕೆ ಇರಬಹುದು ಎಂದು ಹೇಳಲಾಗುತ್ತಿದ್ದು, ಆಯುಧ ಪೂಜೆ ಹಿನ್ನೆಲೆಯಲ್ಲಿ ಹೂವಿನ ಬೆಲೆ ಇನ್ನಷ್ಟು ಏರಿಕೆಯಾಗಿದೆ. 2500 ರೂಪಾಯಿ ಆಸುಪಾಸಲ್ಲಿ ಕನಕಾಂಬರ ಇದ್ದು, ಮಲ್ಲಿಗೆ, ಗುಲಾಬಿಯೂ ದುಬಾರಿಯಾಗಿದೆ. 

ಕಾಫಿ ಪ್ರಿಯರಿಗೆ ಸ್ವಲ್ಪ ಆಘಾತ ನೀಡುವ ವಿಚಾರ ಇದು. ಕಾಫಿ ಪುಡಿ ಬೆಲೆ ಕಿಲೋಗೆ 100 ರೂಪಾಯಿ ಹೆಚ್ಚಾಗಲಿದೆ. ಅಕ್ಟೋಬರ್ 15 ರಿಂದ ಇದು ಜಾರಿಗೆ ಬರಲಿದ್ದು, ಹೋಟೆಲ್, ರೆಸ್ಟೋರೆಂಟ್‌ಗೆ ಹೋಗಿ ಕಾಫಿ ಕುಡಿಯುವ ಮೊದಲೇ ರೇಟ್ ಕೇಳುವುದು ಒಳ್ಳೆಯದು. ಬೆಲೆ ಏರಿಕೆಗೆ ಕಾರಣವೇನು- ಇಲ್ಲಿದೆ ಆ ವಿವರ.

ದಸರಾ ರಜೆ ವಿಶೇಷವಾಗಿ ಉದ್ಯೋಗಿಗಳಿಗೆ ಆಯುಧ ಪೂಜೆ, ವಿಜಯ ದಶಮಿಗೆ ಇಂದು ಮತ್ತು ನಾಳೆ ರಜೆ. ನಾಡಿದ್ದು ಭಾನುವಾರ. ಹೀಗೆ ಮೂರು ದಿನ ರಜೆ ಕಾರಣ ಬೆಂಗಳೂರಿನಿಂದ ಊರು, ಪ್ರವಾಸಕ್ಕೆ ಹೊರಟವರಿಗೆ ಖಾಸಗಿ ಬಸ್‌ ಟಿಕೆಟ್ ದರ ಹೊರೆಯಾಗಿದೆ. ಬೆಂಗಳೂರಿನಿಂದ ಧಾರವಾಡಕ್ಕೆ ಹೋಗಬೇಕು ಅಂದ್ರೆ ಬಸ್‌ ಟಿಕೆಟ್‌ಗೆ 3000 ರೂ, ಯಾವ ಊರಿಗೆ ಎಷ್ಟಾಯಿತು ದರ ಎಂಬಿತ್ಯಾದಿ ವಿವರ ಇಲ್ಲಿದೆ.