Vivo Y18i: ವಿವೋ ಹೊಸ ಸ್ಮಾರ್ಟ್ಫೋನ್ ಬಿಡುಗಡೆ, ಆರಂಭಿಕ ದರ 7,999 ರೂ; ವಿವೋ ವೈ18ಐನಲ್ಲಿ ಏನಿದೆ ವಿಶೇಷ
Vivo Y18i: ವಿವೋವೈ18ಐಸ್ಮಾರ್ಟ್‌ಫೋನ್‌ ಭಾರತದಲ್ಲಿ ಬಿಡುಗಡೆಯಾಗಿದೆ. 4ಜಿಸಂಪರ್ಕ ಮತ್ತು5,000 ಎಂಎಎಚ್‌ಬ್ಯಾಟರಿ ಸೇರಿದಂತೆ ಅನೇಕ ಆಯ್ಕೆಗಳನ್ನು ಇದರಲ್ಲಿ ನೀಡಲಾಗಿದೆ. ಇದರ ಬೆಲೆ,ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ. (ಬರಹ: ವಿನಯ್ ಭಟ್)
ವಿವೋ ವೈ18ಐ ಸ್ಮಾರ್ಟ್ಫೋನ್: ಹೆಚ್ಚಾಗಿ ಮಧ್ಯಮ ಮತ್ತು ಪ್ರೀಮಿಯಂ ಸ್ಮಾರ್ಟ್ಫೋನ್ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಚೀನಾ ಮೂಲದ ಪ್ರಸಿದ್ಧ ವಿವೋ ಕಂಪನಿ ಇದೀಗ ಸದ್ದಿಲ್ಲದೆ ಅಚ್ಚರಿ ಎಂಬಂತೆ ಬಜೆಟ್ ಫೋನನ್ನು ಅನಾವರಣ ಮಾಡಿದೆ. ಇದರ ಹೆಸರು ವಿವೋ ವೈ18ಐ . ಕೈಗೆಟುಕುವ ಬೆಲೆಯ ಈ ಸ್ಮಾರ್ಟ್ಫೋನ್ನಲ್ಲಿ 4G ಸಂಪರ್ಕ ಮತ್ತು 5,000 ಎಂಎಎಚ್‌ ಬ್ಯಾಟರಿ ಸೇರಿದಂತೆ ಅನೇಕ ಆಯ್ಕೆಗಳನ್ನು ನೀಡಲಾಗಿದೆ. 5,000 ಎಂಎಎಚ್‌ ಬ್ಯಾಟರಿಯಿಂದ ಚಾಲಿತವಾಗಿದೆ. ಇದರ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಭಾರತದಲ್ಲಿ ವಿವೋ ವೈ18i ಬೆಲೆ, ಲಭ್ಯತೆ
ಭಾರತದಲ್ಲಿ ವಿವೋ ವೈ18ಐ ಸ್ಮಾರ್ಟ್ಫೋನ್ ಕೇವಲ ಒಂದು ಆಯ್ಕೆಯಲ್ಲಷ್ಟೆ ಅನಾವರಣಗೊಂಡಿದೆ. ಇದರ ಏಕೈಕ 4ಜಿಬಿ ರಾಮ್‌ + 64 ಜಿಬಿ ಸ್ಟೋರೇಜ್ ಕಾನ್ಫಿಗರೇಶನ್‌ಗೆ 7,999 ರೂ. ಇದೆ. ಈ ಹ್ಯಾಂಡ್ಸೆಟ್ ಅನ್ನು ಜೆಮ್ ಗ್ರೀನ್ ಮತ್ತು ಸ್ಪೇಸ್ ಬ್ಲ್ಯಾಕ್ ಬಣ್ಣದ ಆಯ್ಕೆಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಕಂಪನಿಯ ಇ-ಸ್ಟೋರ್, ಅಮೆಜಾನ್, ಫ್ಲಿಪ್‌ಕಾರ್ಟ್ ಮತ್ತು ಕ್ರೋಮಾದಂತಹ ಚಿಲ್ಲರೆ ವ್ಯಾಪಾರಿಗಳ ಮೂಲಕ ಖರೀದಿಗೆ ಲಭ್ಯವಿದೆ.
ವಿವೋ ವೈ18ಐ ಫೀಚರ್ಸ್
ಡ್ಯುಯಲ್-ಸಿಮ್ (ನ್ಯಾನೊ) ವಿವೋ ವೈ18ಐ ಸ್ಮಾರ್ಟ್ಫೋನ್ ಆಂಡ್ರಾಯ್ಡ್ 14-ಆಧರಿತ ಫನ್‌ ಟಚ್‌ ಆಪರೇಟಿಂಗ್‌ ಸಿಸ್ಟಮ್‌ 14 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 6.56-ಇಂಚಿನ ಎಚ್‌ಡಿ + (720x1,612 ಪಿಕ್ಸೆಲ್‌ಗಳು) ಎಲ್‌ಸಿಡಿ ಡಿಸ್ಪ್ಲೇ ಹೊಂದಿದ್ದು, 60 ಹರ್ಟ್ಸ್‌ ಮತ್ತು 90 ಹರ್ಟ್ಸ್‌ ನಡುವಿನ ರಿಫ್ರೆಶ್ ದರ ಮತ್ತು 528 ನಿಟ್‌ಗಳ ಗರಿಷ್ಠ ಬ್ರೈಟ್ನೆಸ್ ಹೊಂದಿದೆ. ಈ ಹ್ಯಾಂಡ್ಸೆಟ್ 12 ಎನ್‌ಎಂ ಆಕ್ಟಾ-ಕೋರ್ ಯುನಿಸಕ್ ಟಿ612 ಚಿಪ್‌ಸೆಟ್‌ನಿಂದ ಚಾಲಿತವಾಗಿದೆ, 4 ಜಿಬಿ ಎಲ್‌ಪಿಡಿಡಿಆರ್‌4 ಎಕ್ಸ್‌ ರಾಮ್‌ನೊಂದಿಗೆ ಆಗಮಿಸಿದೆ.
ವಿವೋ ಸ್ಮಾರ್ಟ್ಫೋನ್ನಲ್ಲಿ 13 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು ಎಫ್‌/2.2 ಅಪಾರ್ಚರ್‌ನೊಂದಿಗೆ ನೀಡಲಾಗಿದೆ. ಜೊತೆಗೆ 0.08-ಮೆಗಾಪಿಕ್ಸೆಲ್ ಸೆಕೆಂಡರಿ ಕ್ಯಾಮೆರಾ (ಎಫ್‌/3.0) ಜೊತೆಗೆ ಡೆಪ್ತ್ ಸೆನ್ಸಾರ್ ಅಳವಡಿಸಲಾಗಿದೆ. ಮುಂಭಾಗದಲ್ಲಿ, ಇದು 5-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿದೆ (ಎಫ್‌/2.2). ಇದನ್ನು ಸೆಲ್ಫಿ ಮತ್ತು ವಿಡಿಯೋ ಕರೆಗಳಿಗಾಗಿ ಬಳಸಬಹುದು.
ನೀವು ಮೈಕ್ರೊ ಎಸ್‌ಡಿ ಕಾರ್ಡ್ ಸ್ಲಾಟ್ ಮೂಲಕ 1 ಟಿಬಿಗೆ ವಿಸ್ತರಿಸಬಹುದಾದ 64 ಜಿಬಿ ಇಎಂಎಂಸಿ 5.1 ಸಂಗ್ರಹಣೆಯನ್ನು ಪಡೆಯುತ್ತೀರಿ. ಸಂಪರ್ಕ ಆಯ್ಕೆಗಳಲ್ಲಿ ವೈ-ಫೈ 5, ಬ್ಲೂಟೂತ್ 5. ಜಿಪಿಎಸ್ ಮತ್ತು ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಸೇರಿವೆ. ಕಂಪನಿಯ ಪ್ರಕಾರ 15W ನಲ್ಲಿ ಚಾರ್ಜ್ ಮಾಡಬಹುದಾದ 5,000 ಎಂಎಎಚ್‌ ಬ್ಯಾಟರಿಯನ್ನು ಪ್ಯಾಕ್ ಮಾಡುತ್ತದೆ. ಹ್ಯಾಂಡ್ಸೆಟ್ ಧೂಳು ಮತ್ತು ನೀರಿನ ಪ್ರತಿರೋಧಕ್ಕಾಗಿ ಐಪಿ54 ರೇಟಿಂಗ್ ಅನ್ನು ಹೊಂದಿದೆ.
