Travel: ವೀಸಾ ಇಲ್ಲದೆ ಇಂಡೋನೇಷ್ಯಾ ಭೇಟಿಗೆ ಅವಕಾಶ; ಈ ತಾಣಗಳಿಗೆ ಮಿಸ್‌ ಮಾಡದೆ ಹೋಗಿ ಬನ್ನಿ
Indonesia Travel: ಇಂಡೋನೇಷ್ಯಾವು ಭಾರತ ಸೇರಿದಂತೆ ಇನ್ನಿತರ ದೇಶಗಳ ಪ್ರವಾಸಿಗರಿಗೆ ವಿಸಾ ಫ್ರೀ ಎಂಟ್ರಿಗೆ ಅವಕಾಶ ನೀಡಿದೆ. ಒಂದು ವೇಳೆ ನೀವು ಟ್ರಿಪ್‌ ಪ್ಲಾನ್‌ ಮಾಡಿದ್ದಲ್ಲಿ ಈ ಸುಂದರ ಸ್ಥಳಗಳಿಗೆ ಭೇಟಿ ಕೊಡೋದನ್ನು ಮರೆಯಬೇಡಿ.
Indonesia Travel: ಸಾಮಾನ್ಯವಾಗಿ ವಿದೇಶಗಳಿಗೆ ಹೋಗಲು ವಿಸಾ ಬೇಕು. ಆದರೆ ಕೆಲವೊಂದು ದೇಶಗಳಿಗೆ ವಿಸಾ ಇಲ್ಲದೆ ಹೋಗಬಹುದು. ಭಾರತ, ಯುನೈಟೆಡ್ ಸ್ಟೇಟ್ಸ್, ದಕ್ಷಿಣ ಕೊರಿಯಾ, ಜರ್ಮನಿ, ಯುನೈಟೆಡ್ ಕಿಂಗ್‌ಡಮ್ಚೀನಾ, ಆಸ್ಟ್ರೇಲಿಯಾ ಸೇರಿದಂತೆ ಇನ್ನಿತರ ದೇಶಗಳಿಗೆ ವೀಸಾ ಫ್ರೀ ಎಂಟ್ರಿಗೆ ಅವಕಾಶ ನೀಡಿದೆ.
ಪ್ರವಾಸೋದ್ಯಮವನ್ನು ಉತ್ತೇಜಿಸುವುದು ಮತ್ತು ರಾಷ್ಟ್ರದ ಆರ್ಥಿಕತೆಯನ್ನು ಹೆಚ್ಚಿಸುವ ಸಲುವಾಗಿ ನಾವು ಈ ಕ್ರಮಕ್ಕೆ ಮುಂದಾಗಿದ್ದೇವೆ ಎಂದು ಇಂಡೊನೇಷ್ಯಾ ಪ್ರವಾಸೋದ್ಯಮ ಸಚಿವ ಸ್ಯಾಂಡಿಯಾಗ ಯುನೊ ಘೋಷಿಸಿದ್ದಾರೆ. ಮುಂದಿನ ತಿಂಗಳೊಳಗೆ ಇಂಡೊನೇಷ್ಯಾಗೆ ನೀವು ವಿಸಾ ಇಲ್ಲದೆ ಹೋಗಿ ಬರಬಹುದು. ಒಂದು ವೇಳೆ ನೀವು ಪ್ಲಾನ್‌ ಮಾಡಿದಲ್ಲಿ ಈ ಸುಂದರ ತಾಣಗಳಿಗೆ ಭೇಟಿ ಕೊಡೋದನ್ನು ಮರೆಯಬೇಡಿ.
ಬಾಲಿ
ಇಂಡೋನೇಷ್ಯಾ ಹೋಗುವವರು ತಪ್ಪದೆ ಭೇಟಿ ನೀಡಬೇಕಾದ ಸ್ಥಳ ಬಾಲಿ. ಪ್ರಕೃತಿ ನಡುವೆ ನೆಲೆಸಿರುವ ಬಾಲಿ ಇಂಡೋನೇಷ್ಯಾ ಸೌಂದರ್ಯಕ್ಕೆ ಸಾಕ್ಷಿಯಾಗಿದೆ. ದೇವರ ದ್ವೀಪ ಎಂದು ಕರೆಯಲ್ಪಡುವ ಬಾಲಿ, ಆಕರ್ಷಕ ಪ್ರಕೃತಿ , ಪುರಾತನ ದೇವಾಲಯಗಳು ಮತ್ತು ಪ್ರಾಚೀನ ಕಡಲತೀರಗಳನ್ನು ಹೊಂದಿದೆ.
ಯೋಗ್ಯಕರ್ತಾ
ಜಾವಾ ದ್ವೀಪದಲ್ಲಿರುವ ಯೋಗ್ಯಕರ್ತಾ, ಆಧುನಿಕತೆಯೊಂದಿಗೆ ಸಂಪ್ರದಾಯವನ್ನು ಸಂಯೋಜಿಸುವ ಸಾಂಸ್ಕೃತಿಕ ಸ್ವರ್ಗವಾಗಿದೆ. ಭಾರತದ ಪ್ರವಾಸಿಗರು ಇಲ್ಲಿನ ಬೊರೊಬುದೂರ್, ವಿಶ್ವದ ಅತಿದೊಡ್ಡ ಬೌದ್ಧ ದೇವಾಲಯ ಮತ್ತು ಪ್ರಂಬನನ್, ಸೊಗಸಾದ ಹಿಂದೂ ದೇವಾಲಯ ಸಂಕೀರ್ಣಗಳ ವಾಸ್ತುಶಿಲ್ಪದ ಅದ್ಭುತ ತಾಣಗಳಿಗೆ ಭೇಟಿ ನೀಡಬಹುದು. ಯೋಗ್ಯಕರ್ತಾದ ಮಾರುಕಟ್ಟೆಗಳು, ಬಾಟಿಕ್ ಕಾರ್ಯಾಗಾರಗಳು ಮತ್ತು ಸಾಂಪ್ರದಾಯಿಕ ಪ್ರದರ್ಶನಗಳ ಮೂಲಕ ಇಂಡೋನೇಷಿಯನ್ ಪರಂಪರೆಯನ್ನು ತೋರಿಸಲು ಮುಂದಾಗಿದೆ.
ಕೊಮೊಡೊ ದ್ವೀಪ
ನೀವು ಸಾಹಸಪ್ರಿಯರಾಗಿದ್ದಲ್ಲಿ, ಕೊಮೊಡೊ ದ್ವೀಪವು ಒಂದು ಅನನ್ಯ ಮತ್ತು ರೋಮಾಂಚಕ ಅನುಭವವನ್ನು ನೀಡುತ್ತದೆ. ಇದು ಕೊಮೊಡೊ ಡ್ರ್ಯಾಗನ್‌ಗಳ ನೆಲೆಯಾಗಿದೆ, ಈ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವು, ಭಾರತೀಯ ಪ್ರವಾಸಿಗರಿಗೆ ಈ ಭವ್ಯವಾದ ಜೀವಿಗಳನ್ನು ತಮ್ಮ ನೈಸರ್ಗಿಕ ಆವಾಸಸ್ಥಾನದಲ್ಲಿ ವೀಕ್ಷಿಸುವ ಅವಕಾಶವನ್ನು ನೀಡುತ್ತದೆ.
ಉಬುದ್
ಬಾಲಿಯ ಹೃದಯ ಭಾಗದಲ್ಲಿ ನೆಲೆಸಿರುವ ಉಬುದ್ ಸುಂದರವಾದ ಸೀನರಿಗಳು, ಭತ್ತದ ಗದ್ದೆಗಳು ಮತ್ತು ರೋಮಾಂಚಕ ಕಲಾ ದೃಶ್ಯಗಳಿಗೆ ಹೆಸರುವಾಸಿಯಾಗಿದೆ. ಭಾರತದ ಪ್ರವಾಸಿಗರು ಉಬುದ್‌ನ ಸೊಂಪಾದ ಪರಿಸರವನ್ನು ಎಂಜಾಯ್‌ ಮಾಡಬಹುದು. ಇಲ್ಲಿ ಮಂಕಿ ಫಾರೆಸ್ಟ್‌ಗೆ ಭೇಟಿ ನೀಡಬಹುದು. ಜೊತೆಗೆ ಸಾಂಪ್ರದಾಯಿಕ ಬಲಿನೀಸ್ ಸ್ಪಾ ಚಿಕಿತ್ಸೆಗಳನ್ನು ಪಡೆಯಬಹುದು.
