ಕನ್ನಡ ಸುದ್ದಿ  /  ಜೀವನಶೈಲಿ  /  Weight Loss: ತೂಕ ಇಳಿಸೋಕೆ ಪ್ಲಾನ್‌ ಮಾಡ್ತಾ ಇರೋರಲ್ಲಿ ನೀವೂ ಇದೀರಾ, ವ್ಯಾಯಾಮವಷ್ಟೇ ಅಲ್ಲ ಹೀಗಿರಬೇಕು ನಿಮ್ಮ ಬೆಳಗಿನ ದಿನಚರಿ

Weight Loss: ತೂಕ ಇಳಿಸೋಕೆ ಪ್ಲಾನ್‌ ಮಾಡ್ತಾ ಇರೋರಲ್ಲಿ ನೀವೂ ಇದೀರಾ, ವ್ಯಾಯಾಮವಷ್ಟೇ ಅಲ್ಲ ಹೀಗಿರಬೇಕು ನಿಮ್ಮ ಬೆಳಗಿನ ದಿನಚರಿ

ನಾವು ದಿನವಿಡೀ ಕ್ರಿಯಾಶೀಲರಾಗಿರಬೇಕು ಅಂದ್ರೆ ನಮ್ಮ ಬೆಳಗಿನ ದಿನಚರಿ ಉತ್ತಮವಾಗಿರಬೇಕು, ಇದು ಉತ್ಪಾದಕತೆಗೆ ಮಾತ್ರವಲ್ಲ ತೂಕ ಇಳಿಕೆಗೂ ಅವಶ್ಯ. ತೂಕ ಇಳಿಕೆಯ ವಿಚಾರಕ್ಕೆ ಬಂದಾಗ ಊಟ ಬಿಡುವುದು ಹಾಗೂ ವ್ಯಾಯಾಮ ಮಾಡುವುದು ಮಾರ್ಗ ಎಂಬ ತಪ್ಪು ತಿಳುವಳಿಕೆ ಹಲವರಲ್ಲಿದೆ. ಆದರೆ ನಮ್ಮ ಬೆಳಗಿನ ದಿನಚರಿಯಲ್ಲಿ ಈ ನಿಯಮ ಪಾಲಿಸುವುದರಿಂದಲೂ ತೂಕ ಇಳಿಸಿಕೊಳ್ಳಬಹುದು.

ತೂಕ ಇಳಿಸೋಕೆ ವ್ಯಾಯಾಮವಷ್ಟೇ ಅಲ್ಲ ಹೀಗಿರಬೇಕು ನಿಮ್ಮ ಬೆಳಗಿನ ದಿನಚರಿ
ತೂಕ ಇಳಿಸೋಕೆ ವ್ಯಾಯಾಮವಷ್ಟೇ ಅಲ್ಲ ಹೀಗಿರಬೇಕು ನಿಮ್ಮ ಬೆಳಗಿನ ದಿನಚರಿ

ʼತೂಕ ಇಳಿಕೆʼ ಇತ್ತೀಚಿನ ದಿನಗಳಲ್ಲಿ ಬಹುತೇಕರಿಗೆ ಇದೊಂಥರ ಜಪ ಎಂಬಂತಾಗಿದೆ. ತೂಕ ಏರುತ್ತಲೇ ಇದ್ದರೂ ಇಳಿಯುವುದು ಕಷ್ಟವಾಗಿದೆ. ಅದಕ್ಕಾಗಿ ಹರಸಾಹಸ ಪಡುವವರು ಇದ್ದಾರೆ. ಊಟ-ತಿಂಡಿ ಬಿಡುವುದು, ಸಾಕಷ್ಟು ದೇಹ ದಂಡಿಸುವುದು, ವಾಕಿಂಗ್‌-ಜಾಗಿಂಗ್‌ ಮಾಡುವುದು ಮಾಡುತ್ತಾರೆ. ಆದರೆ ಅದೇನೆ ಮಾಡಿದ್ರು ತೂಕ ಮಾತ್ರ ಕಡಿಮೆ ಆಗೋದಿಲ್ಲ. ಆದರೆ ನಿಮ್ಮ ಬೆಳಗಿನ ದಿನಚರಿಯಲ್ಲಿ ಈ ಕ್ರಮಗಳನ್ನು ಪಾಲಿಸೋದು ತೂಕ ಇಳಿಕೆಗೆ ಖಂಡಿತ ಸಹಾಯ ಮಾಡುತ್ತದೆ. ಅಂತಹ ಆರೋಗ್ಯಕರ ಅಭ್ಯಾಸಗಳ ಬಗ್ಗೆ ನೀವು ತಿಳಿಯಲೇಬೇಕಾದ ಮಾಹಿತಿಯಿದು.

ತೂಕ ಇಳಿಕೆಗೆ ಹೀಗಿರಲಿ ನಿಮ್ಮ ಬೆಳಗಿನ ದಿನಚರಿ

ನೀರು ಕುಡಿಯೋದು: ಬೆಳಿಗ್ಗೆ ಎದ್ದು ಬ್ರಷ್‌ ಮಾಡಿದ ತಕ್ಷಣ ಒಂದು ಅಥವಾ ಎರಡು 1. ಲೋಟ ನೀರು ಕುಡಿಯುವುದು ತೂಕ ಕಡಿತವನ್ನು ಉತ್ತೇಜಿಸುವ ಸರಳ ತಂತ್ರವಾಗಿದೆ. ನೀರು ದೇಹದಲ್ಲಿ ಶಕ್ತಿಯ ವೆಚ್ಚವನ್ನು ಹೆಚ್ಚಿಸುವ ಮೂಲಕ ಕೇವಲ 60 ನಿಮಿಷಗಳಲ್ಲಿ ಹೆಚ್ಚಿನ ಕ್ಯಾಲೊರಿಗಳನ್ನು ಬರ್ನ್ ಮಾಡಲು ಸಹಾಯ ಮಾಡುತ್ತದೆ. ಇದು ಅತಿಯಾಗಿ ಆಹಾರ ಸೇವಿಸುವುದಕ್ಕೂ ಕಡಿವಾಣ ಹಾಕುತ್ತದೆ.

2. ಪ್ರೊಟೀನ್‌ ಸಮೃದ್ಧ ಆಹಾರ ಸೇವನೆ: ಹೊಟ್ಟೆ ತುಂಬಿದಂತಿರಲು, ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಹೆಚ್ಚಿಸಲು ಹಾಗೂ ಚಯಾಪಚಯವನ್ನು ವೃದ್ಧಿಸಲು ಪ್ರೊಟೀನ್‌ ಸಮೃದ್ಧ ಉಪಾಹಾರ ಸೇವನೆಗೆ ಒತ್ತು ನೀಡಬೇಕು. ದಿನವನ್ನು ಕಿಕ್‌ಸ್ಟಾರ್ಟ್ ಮಾಡಲು ಮೊಟ್ಟೆ, ಗ್ರೀಕ್ ಮೊಸರು ಅಥವಾ ಪ್ರೊಟೀನ್ ಸ್ಮೂಥಿಗಳಂತಹ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿರುವ ಆಹಾರ ಸೇವಿಸಿ. ಪ್ರೋಟೀನ್ ಅನ್ನು ಜೀರ್ಣಿಸಿಕೊಳ್ಳಲು ಹೆಚ್ಚಿನ ಶಕ್ತಿಯ ಅಗತ್ಯವಿರುವುದರಿಂದ, ಇದು ಕ್ಯಾಲೋರಿ ಬರ್ನ್ ಅನ್ನು ಹೆಚ್ಚಿಸುತ್ತದೆ. ಜೊತೆಗೆ ಆಹಾರದ ಕಡುಬಯಕೆಗಳನ್ನೂ ನಿಯಂತ್ರಿಸುತ್ತದೆ.

ಟ್ರೆಂಡಿಂಗ್​ ಸುದ್ದಿ

3. ಕೊಬ್ಬು ಸುಡುವ ವ್ಯಾಯಾಮಗಳನ್ನು ಮಾಡಿ: ನಿಮ್ಮ ದೈನಂದಿನ ದಿನಚರಿಯಲ್ಲಿ ಹೆಚ್ಚಿನ ತೀವ್ರತೆಯ ಮಧ್ಯಂತರ ತರಬೇತಿಯ ವ್ಯಾಯಾಮಗಳನ್ನು ಮಾಡುವ ಮೂಲಕ ಕೊಬ್ಬನ್ನು ಕಡಿಮೆ ಮಾಡಬಹುದು. ಈ ರೀತಿಯ ವ್ಯಾಯಾಮವು ಕ್ಯಾಲೋರಿ ಸುಡುವಿಕೆಯನ್ನು ವೇಗಗೊಳಿಸುತ್ತದೆ, ಚಯಾಪಚಯವನ್ನು ಹೆಚ್ಚಿಸುತ್ತದೆ ಮತ್ತು ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡುತ್ತದೆ. ಯೂಟ್ಯೂಬ್‌ನಲ್ಲಿ ಅಂತಹ ವ್ಯಾಯಾಮಗಳನ್ನು ಕಲಿತು ಅಭ್ಯಾಸ ಮಾಡಿ.

4. ಧ್ಯಾನ ಮಾಡುವುದು: ಧ್ಯಾನ ಮಾಡುವುದರಿಂದ ತೂಕ ಕಡಿಮೆ ಆಗುತ್ತಾ ಅಂತ ಪ್ರಶ್ನೆ ಕೇಳಬೇಡಿ, ಖಂಡಿತ ಆಗುತ್ತೆ. ಸಾಮಾನ್ಯವಾಗಿ ತೂಕ ಹೆಚ್ಚಾಗುವುದು ಹೊಟ್ಟೆಯಲ್ಲಿ ನಡೆಯುತ್ತಿರುವ ಒತ್ತಡದ ಪರಿಣಾಮವಾಗಿ. ನಮ್ಮ ದಿನಚರಿಯಲ್ಲಿ ಧ್ಯಾನವನ್ನು ರೂಢಿಸಿಕೊಳ್ಳುವುದರಿಂದ ಧ್ಯಾನದ ಅವಧಿಯು ಒತ್ತಡವನ್ನು ಕಡಿಮೆ ಮಾಡಲು, ಹಾರ್ಮೋನುಗಳನ್ನು ನಿಯಂತ್ರಿಸಲು ಹಾಗೂ ದೈನಂದಿನ ಯೋಗಕ್ಷೇಮವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದು ಹೊಟ್ಟೆಯ ಕೊಬ್ಬನ್ನು ಸುಡುವ ಮೂಲಕ ದೇಹದ ಸಾಮರ್ಥ್ಯವನ್ನು ವೃದ್ಧಿಸುತ್ತದೆ.

5. ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳಿ: ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ತೂಕ ಇಳಿಕೆಯ ವಿಚಾರದಲ್ಲಿ ಸಾಕಷ್ಟು ಪ್ರಯೋಜನಗಳಾಗುತ್ತವೆ ಎಂಬುದು ನಿಮಗೆ ಅರಿವಿದ್ಯಾ? ಬೆಳಿಗ್ಗೆ ಸ್ವಲ್ಪ ಹೊತ್ತು ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ಸೊಂಟದ ಸುತ್ತಲಿನ ಕೊಬ್ಬು ಕರಗಿ ಸೊಂಟ ಗಾತ್ರ ಇಳಿಕೆಯಾಗುತ್ತದೆ. ಇದು ಯುವಿ-ಪ್ರೇರಿತ ವಸ್ತು, ವಿಟಮಿನ್ ಡಿ, ದೇಹದ ಕೊಬ್ಬನ್ನು ಕಡಿಮೆ ಮಾಡಲು ಮತ್ತು ತೂಕ ಕಡಿತವನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ. ಅಧ್ಯಯನಗಳ ಪ್ರಕಾರ, ವಿಟಮಿನ್ ಡಿ ದೇಹದ ಹೊಸ ಕೊಬ್ಬಿನ ಕೋಶಗಳ ಉತ್ಪಾದನೆ ಮತ್ತು ಕೊಬ್ಬಿನ ಶೇಖರಣೆ ಎರಡನ್ನೂ ಕಡಿಮೆ ಮಾಡುತ್ತದೆ. ಸೂರ್ಯನ ಬೆಳಕಿಗೆ ಮೈಯೊಡ್ಡುವುದರಿಂದ ವಿಟಮಿನ್‌ ಡಿ ಲಭ್ಯವಾಗುತ್ತದೆ.

6. ಮೈಂಡ್‌ಫುಲ್‌ನೆಸ್‌: ಬೆಳಿಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೆ ಒತ್ತಡ ಇಲ್ಲದೇ ಮನಸ್ಸನ್ನು ಆಹ್ಲಾದಕರವಾಗಿ ಇರಿಸಿಕೊಳ್ಳುವುದು ಕೂಡ ಬಹಳ ಮುಖ್ಯವಾಗುತ್ತದೆ. ಕೆಲವು ಸಂಶೋಧನೆಗಳು ಸಾವಧಾನತೆ ಮತ್ತು ಆರೋಗ್ಯಕರ ತೂಕ ನಷ್ಟದ ನಡುವಿನ ಸಂಪರ್ಕವನ್ನು ಸೂಚಿಸಿದರೆ, ಇತರ ಅಧ್ಯಯನಗಳು ಸಾವಧಾನತೆ ತರಬೇತಿ ವಾಸ್ತವವಾಗಿ ಬೊಜ್ಜು ಕಡಿಮೆ ಮಾಡಬಹುದು ಎಂದು ಸೂಚಿಸುತ್ತದೆ. ಧ್ಯಾನ, ಯೋಗಾಭ್ಯಾಸದ ಮೂಲಕ ಒತ್ತಡವನ್ನು ನಿವಾರಿಸಿಕೊಳ್ಳಬಹುದು.

7. ನಿಮ್ಮ ಕ್ಯಾಲೊರಿ ಸೇವನೆಯನ್ನು ಟ್ರ್ಯಾಕ್‌ ಮಾಡಿ: ಪ್ರತಿದಿನ ದೇಹಕ್ಕೆ ಎಷ್ಟು ಕ್ಯಾಲೋರಿ ಅಂಶ ಸೇರುತ್ತದೆ ಎಂಬುದನ್ನು ಗಮನಿಸುವುದು ಮುಖ್ಯವಾಗುತ್ತದೆ. ಬೆಳಿಗ್ಗೆಯಿಂದ ರಾತ್ರಿಯವರೆಗೆ ನಾವು ಸೇವಿಸುವ ಆಹಾರದಲ್ಲಿ ಎಷ್ಟು ಕ್ಯಾಲೊರಿ ಅಂಶವಿದೆ ಎಂಬುದನ್ನು ಕಂಡುಕೊಳ್ಳಬೇಕು. ಕ್ಯಾಲೊರಿ ಸೇವನೆ ಮಿತಿಗೊಳಿಸುವುದು ತೂಕ ಇಳಿಕೆಯಲ್ಲಿ ಪ್ರಮುಖವಾಗಿದೆ.

ನಿಮ್ಮ ಬೆಳಗಿನ ದಿನಚರಿಯಲ್ಲಿ ಈ ಕ್ರಮಗಳನ್ನು ಅನುಸರಿಸುವ ಮೂಲಕ ತಪ್ಪದೇ ತೂಕ ಇಳಿಕೆಯನ್ನು ವೃದ್ಧಿಸಿಕೊಳ್ಳಬಹುದು, ಟ್ರೈ ಮಾಡಿ.