Aditya-L1: ಸೂರ್ಯನ ಅಧ್ಯಯನಕ್ಕೆ ಆದಿತ್ಯನ ಅಭಿವೃದ್ಧಿಪಡಿಸುತ್ತಿದೆ ಭಾರತ, ಆದಿತ್ಯ ಎಲ್‌1 ಉಪಗ್ರಹದ ಚಿತ್ರಗಳನ್ನು ಕಣ್ತುಂಬಿಕೊಳ್ಳಿ
- Aditya-L1 Mission: ಭಾರತದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು ತನ್ನ ಮಹಾತ್ವಕಾಂಕ್ಷೆಯ ಯೋಜನೆಯಾದ ಆದಿತ್ಯ ಎಲ್‌1 ಮಿಷನ್‌ ಉಪಗ್ರಹದ ಚಿತ್ರಗಳನ್ನು ಹಂಚಿಕೊಂಡಿದೆ. ಭವಿಷ್ಯದಲ್ಲಿ ನಾಸಾದ ಪಾರ್ಕರ್‌ ಸೋಲರ್‌ ಪ್ರೋಬ್‌ನಂತೆ ಇಸ್ರೊದ ಆದಿತ್ಯನು ಆದಿತ್ಯನ ಮೇಲೆ ನಿಗಾ ಇಡಲಿದ್ದಾನೆ.
- Aditya-L1 Mission: ಭಾರತದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು ತನ್ನ ಮಹಾತ್ವಕಾಂಕ್ಷೆಯ ಯೋಜನೆಯಾದ ಆದಿತ್ಯ ಎಲ್‌1 ಮಿಷನ್‌ ಉಪಗ್ರಹದ ಚಿತ್ರಗಳನ್ನು ಹಂಚಿಕೊಂಡಿದೆ. ಭವಿಷ್ಯದಲ್ಲಿ ನಾಸಾದ ಪಾರ್ಕರ್‌ ಸೋಲರ್‌ ಪ್ರೋಬ್‌ನಂತೆ ಇಸ್ರೊದ ಆದಿತ್ಯನು ಆದಿತ್ಯನ ಮೇಲೆ ನಿಗಾ ಇಡಲಿದ್ದಾನೆ.
(1 / 8)
ಆದಿತ್ಯ ಎಲ್‌1 ಎನ್ನುವುದು ಭಾರತದ ಮೊದಲ ಬಾಹ್ಯಾಕಾಶ ಆಧರಿತ ಭಾರತದ ಅಬ್ಸರ್ವೇಟರಿಯಾಗಿದೆ. ಇದು ಸೂರ್ಯನ ಅಧ್ಯಯನಕ್ಕಾಗಿ ಇಸ್ರೋ ನಿರ್ಮಿಸುತ್ತಿರುವ ಅಬ್ಸರ್ವೇಟರಿ. ಇತರೆ ವೀಕ್ಷಣಾಲಯಗಳು ಭೂಮಿಯಲ್ಲಿದ್ದುಕೊಂಡು ಆಕಾಶ ನೋಡಿದರೆ, ಈ ಅಬ್ಸರ್ವೇಟರಿಯು ಬಾಹ್ಯಾಕಾಶದಲ್ಲಿ ತೇಲುತ್ತ ಸೂರ್ಯನ ಮೇಲೆ ನಿಗಾ ವಹಿಸಲಿದೆ. ಈ ಯೋಜನೆ ಯಾವಾಗ ಲಾಂಚ್‌ ಮಾಡಲಾಗುವುದು ಎಂದು ಇಸ್ರೋ ಇನ್ನೂ ಪ್ರಕಟಿಸಿಲ್ಲ.
(2 / 8)
Aditya-L1 mission: ಬೆಂಗಳೂರಿನ ಯುಆರ್‌ ರಾವ್‌ ಸ್ಯಾಟ್‌ಲೈಟ್‌ ಸೆಂಟರ್‌ (ಯುಆರ್‌ಎಸ್‌ಸಿ)ನಲ್ಲಿ ಸಿದ್ಧಗೊಂಡಿದ್ದು, ಇದೀಗ ಶ್ರೀಹರಿಕೋಟಾಆದ ಎಸ್‌ಡಿಎಸಿ-ಎಸ್‌ಎಚ್‌ಎಆರ್‌ಗೆ ಆಗಮಿಸಿದೆ.
(3 / 8)
ಆದಿತ್ಯ ಎಲ್‌1 ಸೂರ್ಯನ ಅಧ್ಯಯನಕ್ಕೆ ಅಂತರಿಕ್ಷದಲ್ಲಿದ್ದುಕೊಂಡು ಅಧ್ಯಯನ ಮಾಡುವ ಭಾರತದ ಮೊದಲ ಮಿಷನ್‌ ಆಗಿರಲಿದೆ. ಸೂರ್ಯ-ಭೂಮಿ ನಡುವಿನ ಲಾರ್ಗಾಂಜ್‌ ಪಾಯಿಂಟ್‌ನ ಹಾಲೊ ಆರ್ಬಿಟ್‌ನಲ್ಲಿ ಈ ಅಂತರಿಕ್ಷ ನೌಕೆಯನ್ನು ಇಡಲಾಗುತ್ತದೆ. ಅಂದರೆ, ಭೂಮಿಯಿಂದ ಸುಮಾರು 15 ಲಕ್ಷ ಕಿಮೀ ದೂರದಲ್ಲಿ ಇದನ್ನು ಸ್ಥಾಪಿಸಲಾಗುತ್ತದೆ.
(4 / 8)
ಈ ಬಾಹ್ಯಾಕಾಶ ನೌಕೆಯು ಏಳು ಪೇಲೋಡ್‌ಗಳನ್ನು ತನ್ನ ಜತೆ ಕೊಂಡೊಯ್ಯಲಿದೆ. ಸೂರ್ಯನ ವಿದ್ಯುತ್ಕಾಂತೀಯ ಮತ್ತು ಕಣ ಮತ್ತು ಕಾಂತೀಯ ಕ್ಷೇತ್ರ ಶೋಧಕಗಳನ್ನು ಬಳಸಿಕೊಂಡು ದ್ಯುತಿಗೋಳ, ವರ್ಣಗೋಳ ಮತ್ತು ಸೂರ್ಯನ ಹೊರಗಿನ ಪದರಗಳನ್ನು (ಕರೋನಾ) ವೀಕ್ಷಿಸಲು ಏಳು ಪೇಲೋಡ್‌ಗಳನ್ನು ಹೊಂದಿರಲಿದೆ.
(5 / 8)
ಇವು ಕರೋನಲ್ ಹೀಟಿಂಗ್, ಕರೋನಲ್ ಮಾಸ್ ಎಜೆಕ್ಷನ್, ಪ್ರೀ-ಫ್ಲೇರ್ ಮತ್ತು ಫ್ಲೇರ್ ಚಟುವಟಿಕೆಗಳು ಮತ್ತು ಅವುಗಳ ಗುಣಲಕ್ಷಣಗಳು, ಬಾಹ್ಯಾಕಾಶ ಹವಾಮಾನದ ಡೈನಾಮಿಕ್ಸ್, ಕಣ ಮತ್ತು ಕ್ಷೇತ್ರಗಳ ಪ್ರಸರಣ ಇತ್ಯಾದಿಗಳ ಸಮಸ್ಯೆಯನ್ನು ಅರ್ಥಮಾಡಿಕೊಳ್ಳಲು ಅತ್ಯಂತ ನಿರ್ಣಾಯಕ ಮಾಹಿತಿಯನ್ನು ಇಸ್ರೋಗೆ ಒದಗಿಸುವ ನಿರೀಕ್ಷೆಯಿದೆ.
(6 / 8)
ಈ ಯೋಜನೆಯ ಮೂಲಕ ಸೂರ್ಯನ ಅಭೂತಪೂರ್ವ ಮಾಹಿತಿಯು ವಿಜ್ಞಾನಿಗಳಿಗೆ ದೊರಕುವ ನಿರೀಕ್ಷೆಯಿದೆ.
(7 / 8)
ಈ ವೀಕ್ಷಣಾಲಯವು ನಿರ್ದಿಷ್ಟ ಕಕ್ಷೆಯಲ್ಲಿರುವುದರಿಂದ ಇದಕ್ಕೆ ಯಾವುದೇ ಗ್ರಹಣಗಳು ಅಡ್ಡಿಯಾಗುವುದಿಲ್ಲ. ಯಾವುದೇ ಅಡಚಣೆಯಿಲ್ಲದೆ ಸೂರ್ಯನ ವೀಕ್ಷಿಸಲು ಸಾಧ್ಯವಾಗಲಿದೆ.
(8 / 8)
ವಿಜ್ಞಾನಿಗಳು ಆದಿತ್ಯ-L1 ರ ಪೇಲೋಡ್ ಬಗ್ಗೆ ಹೆಚ್ಚಿನ ಭರವಸೆಯನ್ನು ಹೊಂದಿದ್ದಾರೆ. ಇದು ಸೌರ ಕರೋನದ ಭೌತಶಾಸ್ತ್ರ ಮತ್ತು ಅದರ ತಾಪಮಾನ ಕಾರ್ಯವಿಧಾನ, ಮ್ಯಾಗ್ನೆಟಿಕ್ ಫೀಲ್ಡ್ ಟೋಪೋಲಜಿ ಮತ್ತು ಕರೋನಲ್ ಮಾಸ್ ಇಜೆಕ್ಷನ್‌ಗಳ ಅಭಿವೃದ್ಧಿಯ ಮೇಲೆ ಬೆಳಕು ಚೆಲ್ಲುವ ನಿರೀಕ್ಷೆಯಿದೆ. ಒಟ್ಟಾರೆ ಸೂರ್ಯ ಶಿಕಾರಿಗೆ ಹೊರಟಿರುವ ಇಸ್ರೋಗೆ ಈ ಯೋಜನೆ ಮೂಲಕ ಅಮೂಲ್ಯ, ಅಪೂರ್ವ ಮಾಹಿತಿಗಳು ದೊರಕುವ ನಿರೀಕ್ಷೆಯಿದೆ.
ಇತರ ಗ್ಯಾಲರಿಗಳು