ಯುಪಿ ಯೋಧಾಸ್ ವಿರುದ್ಧ ದಬಾಂಗ್ ಡೆಲ್ಲಿಗೆ ಭರ್ಜರಿ ಗೆಲುವು; ಪಾಟ್ನಾ-ಪುಣೇರಿ ಪಂದ್ಯ ರೋಚಕ ಡ್ರಾ
Pro Kabaddi League 2024: ಪ್ರೊ ಕಬಡ್ಡಿ ಲೀಗ್ನಲ್ಲಿ ಜನವರಿ 27ರಂದು ನಡೆದ ಡಬಲ್ ಹೆಡ್ಡರ್ನಲ್ಲಿ ಪಾಟ್ನಾ ಪೈರೇಟ್ಸ್ ಮತ್ತು ಪುಣೇರಿ ಪಲ್ಟನ್ಸ್ ನಡುವಿನ ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡಿತು. ಎರಡನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ಭರ್ಜರಿ ಜಯ ಸಾಧಿಸಿತು.
ಜನವರಿ 27ರಂದು ನಡೆದ ಸೀಸನ್ 10ರ ಪ್ರೊ ಕಬಡ್ಡಿ ಲೀಗ್ನ (Pro Kabaddi League 2024) ಡಬಲ್ ಹೆಡ್ಡರ್ನಲ್ಲಿ ಪಾಟ್ನಾ ಪೈರೇಟ್ಸ್ ಮತ್ತು ಪುಣೇರಿ ಪಲ್ಟನ್ಸ್ ನಡುವಿನ (Puneri Paltan vs Patna Pirates) ಪಂದ್ಯ ಡ್ರಾನಲ್ಲಿ ಅಂತ್ಯಗೊಂಡಿದೆ. ಮತ್ತೊಂದು ಪಂದ್ಯದಲ್ಲಿ ಯುಪಿ ಯುಧಾಸ್ ವಿರುದ್ಧ ದಬಾಂಗ್ ಡೆಲ್ಲಿ (Dabang Delhi vs UP Yoddhas) ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದತ್ತ ದಾಪುಗಾಲಿಡುತ್ತಿದೆ.
ಜನವರಿ 27ರಂದು ನಡೆದ ಮೊದಲ ಪಂದ್ಯದಲ್ಲಿ ಪಾಟ್ನಾ ಮತ್ತು ಪುಣೇರಿ ಪಂದ್ಯವು ಸಾಕಷ್ಟು ಜಿದ್ದಾಜಿದ್ದಿನಿಂದ ಕೂಡಿತ್ತು. ಪಲ್ಟನ್ ಪರ ಅಸ್ಲಾಂ ಇನಾಮದಾರ್ 13 ರೈಡಿಂಗ್ ಪಾಯಿಂಟ್ಸ್ ಪಡೆದರೆ, ಪೈರೇಟ್ಸ್ ಪರ ಸಚಿನ್ 9 ರೈಡಿಂಗ್ ಪಾಯಿಂಟ್ಸ್ ಕಬಳಿಸಿದರು. ಕೊನೆಯವರೆಗೂ ರೋಚಕತೆ ಕೂಡಿದ್ದ ಈ ಪಂದ್ಯ 32-32 ಅಂಕಗಳಿಂದ ಡ್ರಾ ಸಾಧಿಸಿತು.
ಸದ್ಯ ಪುಣೇರಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿಕೆ ಕಂಡಿದೆ. ಈವರೆಗೂ 15 ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದು 11 ಗೆಲುವು, 2 ಸೋಲು, 2 ಪಂದ್ಯಗಳು ಡ್ರಾ ಸಾಧಿಸಿದೆ. 63 ಅಂಕ ಪಡೆದಿರುವ ಪುಣೇರಿ ಅಗ್ರಸ್ಥಾನ ಪಡೆದಿದೆ. ಪಾಟ್ನಾ ಆಡಿದ 16 ಪಂದ್ಯಗಳಲ್ಲಿ 7 ಗೆಲುವು, 7 ಸೋಲು ಕಂಡಿದೆ. 2 ಡ್ರಾ ಸಾಧಿಸಿದೆ. 45 ಅಂಕ ಪಡೆದು 5ನೇ ಸ್ಥಾನದಲ್ಲಿದೆ.
ದಬಾಂಗ್ ಡೆಲ್ಲಿ ದರ್ಬಾರ್
ದಿನದ ಎರಡನೇ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ದರ್ಬಾರ್ ನಡೆಸಿತು. ಗಗನ್ ಗೌಡ 12 ಅಂಕ ಪಡೆದು ಹೋರಾಟದ ನಡುವೆಯೂ ಯುಪಿ ಯೋಧಾಸ್ ಸೋಲು ಕಂಡಿತು. ಡೆಲ್ಲಿ ಪರ ಅಶು ಮಲಿಕ್ 11 ಅಂಕ ಪಡೆದು ಅಬ್ಬರಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. 36-27 ಅಂಕಗಳಿಂದ ದಬಾಂಗ್ ಭರ್ಜರಿ ಗೆಲುವು ಸಾಧಿಸಿತು.
ಅಮೋಘ ಜಯ ದಾಖಲಿಸಿದ ದಬಾಂಗ್ ಡೆಲ್ಲಿ, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದತ್ತ ಸಾಗುತ್ತಿದೆ. ಈಗಾಗಲೇ 16 ಪಂದ್ಯಗಳಲ್ಲಿ 10 ರಲ್ಲಿ ಜಯ ಸಾಧಿಸಿದ್ದು, 4 ಸೋಲು, 2 ಡ್ರಾ ಸಾಧಿಸಿದೆ. ಸದ್ಯ 59 ಅಂಕ ಸಂಪಾದಿಸಿದೆ. ಸೋತ ಯುಪಿ ಯೋಧಾಸ್ ಪ್ಲೇ ಆಫ್ ಕನಸು ಕಷ್ಟವಾಗಿದೆ. ಆಡಿದ 16 ಪಂದ್ಯಗಳಲ್ಲಿ 3ರಲ್ಲಿ ಗೆದ್ದಿದೆ. 23 ಅಂಕ ಪಡೆದು 11ನೇ ಸ್ಥಾನದಲ್ಲಿದೆ.
| ತಂಡಗಳು (ಜ.27ರ ಅಂತ್ಯಕ್ಕೆ) | ಪಂದ್ಯ | ಗೆಲುವು | ಸೋಲು | ಡ್ರಾ | ಅಂಕ |
|---|---|---|---|---|---|
| ಪುಣೇರಿ ಪಲ್ಟನ್ | 15 | 11 | 2 | 2 | 63 |
| ಜೈಪುರ ಪಿಂಕ್ ಪ್ಯಾಂಥರ್ಸ್ | 15 | 11 | 2 | 2 | 63 |
| ದಬಾಂಗ್ ದೆಹಲಿ ಕೆಸಿ | 16 | 10 | 4 | 2 | 59 |
| ಗುಜರಾತ್ ಜೈಂಟ್ಸ್ | 15 | 9 | 6 | 0 | 49 |
| ಪಾಟ್ನಾ ಪೈರೇಟ್ಸ್ | 16 | 7 | 7 | 2 | 45 |
| ಹರಿಯಾಣ ಸ್ಟೀಲರ್ಸ್ | 15 | 8 | 6 | 1 | 45 |
| ಯು ಮುಂಬಾ | 15 | 6 | 7 | 2 | 40 |
| ಬೆಂಗಾಲ್ ವಾರಿಯರ್ಸ್ | 15 | 6 | 7 | 2 | 38 |
| ಬೆಂಗಳೂರು ಬುಲ್ಸ್ | 15 | 6 | 9 | 0 | 37 |
| ತಮಿಳು ತಲೈವಾಸ್ | 15 | 6 | 9 | 0 | 35 |
| ಯುಪಿ ಯೋಧಾಸ್ | 16 | 3 | 12 | 1 | 23 |
| ತೆಲುಗು ಟೈಟಾನ್ಸ್ | 16 | 2 | 14 | 0 | 16 |
(This copy first appeared in Hindustan Times Kannada website. To read more like this please logon to kannada.hindustantime.com)
