ಕನ್ನಡ ಸುದ್ದಿ  /  Sports  /  Pro Kabaddi 2024 Eliminators Schedule Revealed Match Timings Live Streaming Details Pkl Dabang Delhi Patna Pirates Prs

PKL 2024: ಪ್ರೊ ಕಬಡ್ಡಿ ಲೀಗ್​ನ ಎಲಿಮಿನೇಟರ್ ಪಂದ್ಯಗಳಲ್ಲಿ ಯಾವ್ಯಾವ ತಂಡಗಳು ಮುಖಾಮುಖಿ; ಎಲ್ಲಿ ಯಾವಾಗ?

PKL 2024 Playoffs Schedule : ಪ್ರೊ ಕಬಡ್ಡಿ ಲೀಗ್​ ಸೀಸನ್​-10ರ ಎಲಿಮಿನೇಟರ್ ಪಂದ್ಯಗಳಲ್ಲಿ ದಬಾಂಗ್ ಡೆಲ್ಲಿ ಕೆಸಿ, ಗುಜರಾತ್ ಜೈಂಟ್ಸ್, ಹರಿಯಾಣ ಸ್ಟೀಲರ್ಸ್ ಮತ್ತು ಪಾಟ್ನಾ ಪೈರೇಟ್ಸ್ ತಂಡಗಳು ಸೆಣಸಾಟ ನಡೆಸಲಿವೆ.

 ಪ್ರೊ ಕಬಡ್ಡಿ ಲೀಗ್​ನ ಎಲಿಮಿನೇಟರ್ ಪಂದ್ಯಗಳಲ್ಲಿ ಯಾವ್ಯಾವ ತಂಡಗಳು ಮುಖಾಮುಖಿ
ಪ್ರೊ ಕಬಡ್ಡಿ ಲೀಗ್​ನ ಎಲಿಮಿನೇಟರ್ ಪಂದ್ಯಗಳಲ್ಲಿ ಯಾವ್ಯಾವ ತಂಡಗಳು ಮುಖಾಮುಖಿ

ಪ್ರೊ ಕಬಡ್ಡಿ ಲೀಗ್​ ಸೀಸನ್​ 10ರ ಎಲಿಮಿನೇಟರ್ಸ್​ ಪಂದ್ಯಗಳಿಗೆ ಒಂದು ದಿನವಷ್ಟೇ ಬಾಕಿ ಇದೆ. ನಾಲ್ಕು ತಂಡಗಳ ನಡುವೆ ಎಲಿಮಿನೇಟರ್ ನಡೆಯಲಿದೆ. ಪ್ಲೇ ಅಫ್​ ಪ್ರವೇಶಿಸಿದ ಆರು ತಂಡಗಳ ಪೈಕಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದ ಎರಡು ತಂಡಗಳು ನೇರವಾಗಿ ಸೆಮಿಫೈನಲ್​ಗೆ ಅರ್ಹತೆ ಪಡೆದುಕೊಂಡಿವೆ. ಪುಣೇರಿ ಪಲ್ಟನ್, ಜೈಪುರ್ ಪಿಂಕ್ ಪ್ಯಾಂಥರ್ಸ್ ಸೆಮೀಸ್​ಗೇರಿವೆ.

ಉಳಿದಂತೆ ದಬಾಂಗ್ ಡೆಲ್ಲಿ ಕೆಸಿ, ಗುಜರಾತ್ ಜೈಂಟ್ಸ್, ಹರಿಯಾಣ ಸ್ಟೀಲರ್ಸ್ ಮತ್ತು ಪಾಟ್ನಾ ಪೈರೇಟ್ಸ್ ಪಿಕೆಎಲ್ ಸೀಸನ್ 10ರ ಎಲಿಮಿನೇಟರ್ಸ್​ನಲ್ಲಿ ಸೆಣಸಾಟ ನಡೆಸಲಿವೆ. ಇಲ್ಲಿ ಗೆದ್ದ ತಂಡಗಳು ಸೆಮಿಫೈನಲ್​ಗೆ ಪ್ರವೇಶಿಸಲಿವೆ. ಸೋತವರು ಗಂಟು ಮೂಟೆ ಕಟ್ಟಲಿದ್ದಾರೆ. ಎಲಿಮಿನೇಟರ್ 1, ಎಲಿಮಿನೇಟರ್ 2 ಪಂದ್ಯಗಳು ಫೆಬ್ರವರಿ 26ರಂದು ಹೈದರಾಬಾದ್​ನ ಗಚ್ಛಿಬೋಲಿ ಇಂದೋರ್​ ಸ್ಟೇಡಿಯಂನಲ್ಲಿ ನಡೆಲಿವೆ.

ಎಲಿಮಿನೇಟರ್, ಸೆಮಿಫೈನಲ್, ಫೈನಲ್ ವೇಳಾಪಟ್ಟಿ

ಎಲಿಮಿನೇಟರ್ 1: ದಬಾಂಗ್ ದೆಹಲಿ vs ಪಾಟ್ನಾ ಪೈರೇಟ್ಸ್ ಸೋಮವಾರ, ಫೆಬ್ರವರಿ 26 ರಂದು ರಾತ್ರಿ 8 ಗಂಟೆಗೆ, ಗಚ್ಚಿಬೋಲಿ ಇಂದೋರ್ ಸ್ಟೇಡಿಯಂ.

ಎಲಿಮಿನೇಟರ್ 2: ಗುಜರಾತ್ ಜೈಂಟ್ಸ್ vs ಹರಿಯಾಣ ಸ್ಟೀಲರ್ಸ್ ಸೋಮವಾರ, ಫೆಬ್ರವರಿ 26 ರಂದು ರಾತ್ರಿ 9 ಗಂಟೆಗೆ, ಗಚ್ಚಿಬೋಲಿ ಇಂದೋರ್ ಸ್ಟೇಡಿಯಂ.

ಸೆಮಿಫೈನಲ್ 1: ಪುಣೇರಿ ಪಲ್ಟನ್ vs ಎಲಿಮಿನೇಟರ್​ 1ರ ವಿಜೇತರು, ಬುಧವಾರ, ಫೆಬ್ರವರಿ 28 ರಂದು ರಾತ್ರಿ 8 ಗಂಟೆಗೆ, ಗಚ್ಚಿಬೋಲಿ ಇಂದೋರ್ ಸ್ಟೇಡಿಯಂ.

ಸೆಮಿ-ಫೈನಲ್ 2: ಜೈಪುರ ಪಿಂಕ್ ಪ್ಯಾಂಥರ್ಸ್ vs ಎಲಿಮಿನೇಟರ್​ 2ರ ವಿಜೇತರು, ಬುಧವಾರ, ಫೆಬ್ರವರಿ 28 ರಂದು ರಾತ್ರಿ 9 ಗಂಟೆಗೆ, ಗಚ್ಚಿಬೋಲಿ ಇಂದೋರ್ ಸ್ಟೇಡಿಯಂ.

ಫೈನಲ್: ಸೆಮಿ-ಫೈನಲ್ 1ರ ವಿಜೇತರು ಮತ್ತು ಸೆಮಿ-ಫೈನಲ್ 2ರ ವಿಜೇತರು ಶುಕ್ರವಾರ, ಮಾರ್ಚ್ 1 ರಂದು ರಾತ್ರಿ 8 ಗಂಟೆಗೆ, ಗಚ್ಚಿಬೋಲಿ ಇಂದೋರ್ ಸ್ಟೇಡಿಯಂ.

ಪುಣೇರಿ ಮತ್ತು ಜೈಪುರ ಸೆಮಿಫೈನಲ್​ ಪ್ರವೇಶ

ಕಳೆದ ವರ್ಷ ಫೈನಲ್ ಪ್ರವೇಶಿಸಿದ ತಂಡಗಳಾದ ಜೈಪುರ ಪಿಂಕ್ ಪ್ಯಾಂಥರ್ಸ್ ಮತ್ತು ಪುಣೇರಿ ಪಲ್ಟನ್ ಮೊದಲ 2 ಸ್ಥಾನಗಳನ್ನು ಕಾಯ್ದಿರಿಸಿದ್ದವು. ಕಾರಣ ನೇರವಾಗಿ ಸೆಮಿಫೈನಲ್​ಗೆ ಪ್ರವೇಶ ಪಡೆದಿವೆ.

ಎಲಿಮಿನೇಟರ್​ ಆಡುವ ತಂಡಗಳ ಲೀಗ್​ ಪ್ರದರ್ಶನ ಹೇಗಿತ್ತು?

1. ದಬಾಂಗ್ ಡೆಲ್ಲಿ ತಂಡ 79 ಅಂಕ ಗಳಿಸಿ ಅಂಕಪಟ್ಟಿಯಲ್ಲಿ 3ನೇ ಸ್ಥಾನದಲ್ಲಿದೆ. 22 ಪಂದ್ಯಗಳಲ್ಲಿ 13 ಗೆಲುವು ಸಾಧಿಸಿ 6 ಸೋಲು, 3 ಡ್ರಾ ಆಗಿದೆ.

2. 70 ಅಂಕಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿರುವ ಗುಜರಾತ್ ಜೈಂಟ್ಸ್ ಸಹ ಪ್ಲೇ ಆಫ್​ಗೆ ಅರ್ಹತೆ ಪಡೆದಿದೆ. ಸದ್ಯ ಆಡಿದ 22 ಪಂದ್ಯಗಳಲ್ಲಿ 13 ಗೆಲುವು, 9 ಸೋಲು ಅನುಭವಿಸಿದೆ.

3. ಐದನೇ ಸ್ಥಾನದಲ್ಲಿರುವ ಹರಿಯಾಣ ಸ್ಟೀಲರ್ಸ್ ಸಹ 70 ಅಂಕ ಸಂಪಾದಿಸಿದೆ. ಪ್ಲೇ ಆಫ್​ಗೆ ಕ್ವಾಲಿಫೈ ಆಗಿರುವ ಹರಿಯಾಣ 22 ಪಂದ್ಯಗಳಲ್ಲಿ 13 ಗೆಲುವು, 8 ಸೋಲು, 1 ಡ್ರಾ ಸಾಧಿಸಿದೆ.

4. ಪ್ಲೇ ಆಫ್​ಗೆ ಕೊನೆಯ ತಂಡವಾಗಿ ಅರ್ಹತೆ ಗಿಟ್ಟಿಸಿಕೊಂಡಿರುವ ಪಾಟ್ನಾ ಪೈರೇಟ್ಸ್, 69 ಅಂಕ ಸಂಪಾದಿಸಿ ಅಂಕಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದೆ. 22 ಪಂದ್ಯಗಳಲ್ಲಿ 11 ಗೆಲುವು, 8 ಸೋಲು, 3 ಡ್ರಾ ಸಾಧಿಸಿದೆ.

ಪಿಕೆಎಲ್ ಪ್ಲೇಆಫ್‌ ಲೈವ್ ಸ್ಟ್ರೀಮಿಂಗ್, ಟೆಲಿಕಾಸ್ಟ್ ವಿವರ

ಪಿಕೆಎಲ್ 2024 ಪ್ಲೇಆಫ್‌ಗಳ ನೇರ ಪ್ರಸಾರವನ್ನು ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್‌ನಲ್ಲಿ ಸ್ಟಾರ್ ಸ್ಪೋರ್ಟ್ಸ್ 2 ಎಸ್‌ಡಿ, ಸ್ಟಾರ್ ಸ್ಪೋರ್ಟ್ಸ್ 2 ಎಚ್‌ಡಿ, ಸ್ಟಾರ್ ಸ್ಪೋರ್ಟ್ಸ್ 1 ಎಸ್‌ಡಿ ಹಿಂದಿ, ಸ್ಟಾರ್ ಸ್ಪೋರ್ಟ್ಸ್ 1 ಎಚ್‌ಡಿ ಹಿಂದಿ ಮತ್ತು ಸ್ಟಾರ್ ಸ್ಪೋರ್ಟ್ಸ್ ಫಸ್ಟ್ ಚಾನಲ್‌ಗಳ ಮೂಲಕ ತೋರಿಸಲಾಗುತ್ತದೆ. ಆದರೆ ಪಿಕೆಎಲ್ ಲೈವ್ ಸ್ಟ್ರೀಮಿಂಗ್ ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ ಲಭ್ಯವಿರುತ್ತದೆ.