Mahalakshmi Vrata: ಸೆಪ್ಟೆಂಬರ್ 11 ರಿಂದ 14 ದಿನಗಳ ಮಹಾಲಕ್ಷ್ಮಿ ವ್ರತ ಆರಂಭ; ಪೂಜಾ ವಿಧಾನ, ವ್ರತದ ಮಹತ್ವ ತಿಳಿಯಿರಿ

Mahalakshmi Vrata: ಜ್ಯೋತಿಷ್ಯದಲ್ಲಿ, ತಾಯಿ ಲಕ್ಷ್ಮಿಯನ್ನು ಸಂಪತ್ತಿನ ದೇವತೆ ಎಂದು ಕರೆಯಲಾಗುತ್ತದೆ. ಲಕ್ಷ್ಮಿ ದೇವಿಯನ್ನು ಪೂಜಿಸುವುದರಿಂದ ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿ ಸಿಗುತ್ತದೆ. ಜೊತೆಗೆ ವ್ಯಕ್ತಿಯನ್ನು ಆರ್ಥಿಕ ಸಮಸ್ಯೆಗಳಿಂದ ಮುಕ್ತಗೊಳಿಸುತ್ತದೆ ಎಂದು ನಂಬಲಾಗಿದೆ. ಮಹಾಲಕ್ಷ್ಮಿ ವ್ರತವು ಪ್ರತಿ ವರ್ಷ ಭಾದ್ರಪದ ಮಾಸದ ಶುಕ್ಲಪಕ್ಷದ ಎಂಟನೇ ದಿನದಂದು ಪ್ರಾರಂಭವಾಗುತ್ತದೆ. ಮಹಾಲಕ್ಷ್ಮಿ ವ್ರತವನ್ನು ಅಶ್ವಿನಿ ತಿಂಗಳ ಎಂಟನೇ ದಿನದವರೆಗೆ ಒಟ್ಟು 14 ದಿನಗಳ ಕಾಲ ಆಚರಿಸಲಾಗುತ್ತದೆ. ಈ ಸಮಯದಲ್ಲಿ, ಲಕ್ಷ್ಮಿ ದೇವಿಯ ಆರಾಧನೆಗೆ ವಿಶೇಷ ಮಹತ್ವವಿದೆ. ದೃಕ್ ಪಂಚಾಂಗದ ಪ್ರಕಾರ, ಈ ವರ್ಷ ಮಹಾಲಕ್ಷ್ಮಿ ವ್ರತವನ್ನು 2024 ರ ಸೆಪ್ಟೆಂಬರ್ 11 ರಿಂದ ಪ್ರಾರಂಭವಾಗುತ್ತದೆ. ಸೆಪ್ಟೆಂಬರ್ 24 ರಂದು ಕೊನೆಗೊಳ್ಳುತ್ತದೆ.

ಮಹಾಲಕ್ಷ್ಮಿ ವ್ರತದ 14 ದಿನಗಳ ಈ ಸಮಯದಲ್ಲಿ, ಲಕ್ಷ್ಮಿ ದೇವಿಯನ್ನು ಪೂಜಿಸುವುದರ ಜೊತೆಗೆ, ಕೆಲವು ವಿಶೇಷ ವಿಷಯಗಳನ್ನು ತಿಳಿದುಕೊಳ್ಳಬೇಕು. ತಾಯಿ ಲಕ್ಷ್ಮಿಯ ಪೂಜಾ ವಿಧಾನ, ಪೂಜೆಗೆ ಬೇಕಿರುವ ಸಾಮಗ್ರಿಗಳು ಹಾಗೂ ಉಪವಾಸದ ನಿಯಮಗಳನ್ನು ಇಲ್ಲಿ ನೀಡಲಾಗಿದೆ.

ಮಹಾಲಕ್ಷ್ಮಿ ವ್ರತದ ಸಮಯದಲ್ಲಿ, ಪೂಜೆಗಾಗಿ ಪಾತ್ರೆ, ತುಪ್ಪ, ದೀಪ, ಹಣ್ಣುಗಳು, ಹೂವು, ಅಡಿಕೆ, ವೀಳ್ಯದ ಎಳೆ, ಅರಿಶಿನ ಉಂಡೆ, ಕುಂಕುಮ, ಕರ್ಪೂರ, ಪಂಚಾಮೃತ, ಕೆಂಪು ಬಟ್ಟೆ, 16 ಮೇಕಪ್ ವಸ್ತುಗಳು, ಧೂಪದ್ರವ್ಯದ ಕಡ್ಡಿಗಳು, ತೆಂಗಿನಕಾಯಿ ಸೇರಿದಂತೆ ಎಲ್ಲಾ ಪೂಜಾ ವಸ್ತುಗಳು ಬೇಕಾಗುತ್ತದೆ. ಹೀಗಾಗಿ ಇವುಗಳನ್ನು ಸಂಗ್ರಹಿಸಿಟ್ಟುಕೊಳ್ಳಬೇಕು.

ಇದನ್ನೂ ಓದಿ: ಗಣೇಶ ಚತುರ್ಥಿ ವೇಳೆ ಸ್ವರ್ಣಗೌರಿ ವ್ರತ ಯಾಕೆ ಆಚರಿಸಬೇಕು, ಕಥೆ, ಮಹತ್ವ ಹೀಗಿದೆ

ಮಹಾಲಕ್ಷ್ಮಿ ವ್ರತ: ಪೂಜಾ ವಿಧಾನ

• ಮಹಾಲಕ್ಷ್ಮಿ ವ್ರತದ ಮೊದಲ ದಿನದಂದು ಬೆಳಿಗ್ಗೆ ಬೇಗನೆ ಎದ್ದೇಳಬೇಕು
• ಸ್ನಾನದ ನಂತರ ಸ್ವಚ್ಛವಾದ ಬಟ್ಟೆಗಳನ್ನು ಧರಿಸಬೇಕು
• ದೇವಾಲಯವನ್ನು ಸ್ವಚ್ಛಗೊಳಿಸಿದ ನಂತರ ಪೂಜಾ ಸ್ಥಳದಲ್ಲಿ ಒಂದು ಸಣ್ಣ ಕಂಬವನ್ನು ಇರಿಸಿಕೊಳ್ಳಿ
• ಪೂಜಾ ಸ್ಥಳದಲ್ಲಿ ಕೆಂಪು ಬಟ್ಟೆಯನ್ನು ಹರಡಿ
• ಲಕ್ಷ್ಮಿ ದೇವಿಯ ವಿಗ್ರಹವನ್ನು ಅದರ ಮೇಲೆ ಪ್ರತಿಷ್ಠಾಪನೆ ಮಾಡಿ
• ಲಕ್ಷ್ಮಿ ದೇವಿಗೆ ಕೆಂಪು ಚುನರಿ ಹಾಗೂ ಬಟ್ಟೆಗಳನ್ನು ಅರ್ಪಿಸಿ

ಇದನ್ನೂ ಓದಿ: ಗಂಗಾ ದಸರಾ, ನಿರ್ಜಲ ಏಕಾದಶಿ ಸೇರಿದಂತೆ ಜ್ಯೇಷ್ಠ ಮಾಸದಲ್ಲಿ ಆಚರಿಸುವ ಪ್ರಮುಖ ವ್ರತ, ಹಬ್ಬಗಳಿವು

• ಇದರ ನಂತರ ದೇವಿಗೆ 16 ಮೇಕಪ್ ವಸ್ತುಗಳನ್ನು ಇಡಿ
• ತಾಯಿಯ ಮುಂದೆ ದೀಪವನ್ನು ಬೆಳಗಿಸಿ
• ಲಕ್ಷ್ಮಿ ದೇವಿಗೆ ಹಣ್ಣುಗಳು, ಹೂವುಗಳು, ಧೂಪದ್ರವ್ಯ, ದೀಪ ಹಾಗೂ ನೈವೇದ್ಯವನ್ನು ಅರ್ಪಿಸಬೇಕು
• ಕಲಶದಲ್ಲಿ ನೀರನ್ನು ತುಂಬಿಸಿ, ಅದರ ಮೇಲೆ ತೆಂಗಿನಕಾಯಿಯನ್ನು ಇರಿಸಿ ಮತ್ತು ಕಲಶವನ್ನು ಇಡಿ
• ಲಕ್ಷ್ಮಿ ದೇವಿಯನ್ನು ಸರಿಯಾಗಿ ಪೂಜಿಸಿ ಜೊತೆಗೆ ಮಂತ್ರಗಳನ್ನು ಪಠಿಸಿ
• ಅಂತಿಮವಾಗಿ ದೇವಿ ಲಕ್ಷ್ಮಿಗೆ ಆರತಿಯನ್ನು ಬೆಳಗಬೇಕು

ಇದನ್ನೂ ಓದಿ: ಕಂಕಣ ಬಲ ಕೂಡಿ ಬರಲು, ರಾಹು, ಕುಜ ದೋಷಕ್ಕೆ ಪರಿಹಾರ ಕಾತ್ಯಾಯಿನಿ ವ್ರತ; ಯಾರು, ಯಾವ ದಿನ ಈ ವ್ರತ ಮಾಡಬೇಕು?

ಮಹಾಲಕ್ಷ್ಮಿ ವ್ರತ ಉಪವಾಸ

1. ಮಹಾಲಕ್ಷ್ಮಿ ವ್ರತವನ್ನು 16 ದಿನಗಳ ಕಾಲ ಆಚರಿಸಲಾಗುತ್ತದೆ. ಈ ಸಮಯದಲ್ಲಿ, ಹುಳಿ ಮತ್ತು ಉಪ್ಪಿನ ಪದಾರ್ಥಗಳನ್ನು ಸೇವಿಸುವುದನ್ನು ತಪ್ಪಿಸಬೇಕು
2. 14 ದಿನಗಳ ಕಾಲ ಬೆಳಿಗ್ಗೆ ಮತ್ತು ಸಂಜೆ ಲಕ್ಷ್ಮಿ ದೇವಿಯನ್ನು ಪೂಜಿಸಿ
3. ಮಹಾಲಕ್ಷ್ಮಿ ಉಪವಾಸದಲ್ಲಿ, ಕುಟುಂಬ ಸದಸ್ಯರು ಸಹ ತಾಮಸಿಕ್ ಆಹಾರವನ್ನು ಸೇವಿಸಬಾರದು. ಸಾತ್ವಿಕ ಆಹಾರವನ್ನು ಮಾತ್ರ ಸೇವಿಸಿ

ಗಮನಿಸಿ: ಇದು ಪ್ರಚಲಿತದಲ್ಲಿರುವ ಧಾರ್ಮಿಕ ನಂಬಿಕೆಗಳನ್ನು ಆಧರಿಸಿದ ಬರಹ. ಓದುಗರಿಗೆ ಮಾಹಿತಿ ನೀಡುವ ಉದ್ದೇಶದಿಂದಷ್ಟೇ ಪ್ರಕಟಿಸಲಾಗಿದೆ.