ಇತರರ ಮುಂದೆ ಮಕ್ಕಳೊಂದಿಗೆ ಈ ತಪ್ಪುಗಳನ್ನು ಮಾಡಲೇಬಾರದು: ಪೋಷಕರಿಗಾಗಿ ಇಲ್ಲಿದೆ ಸಲಹೆ

ಮಕ್ಕಳ ಮನಸ್ಸು ತುಂಬಾ ಮೃದುವಾಗಿರುತ್ತದೆ. ಅವರ ಭಾವನೆಗಳು ಬಹಳ ಸೂಕ್ಷ್ಮವಾಗಿರುತ್ತವೆ. ಹೀಗಾಗಿ ಪೋಷಕರು ತಮ್ಮ ಮಕ್ಕಳ ಮುಂದೆ ಎಲ್ಲವನ್ನೂ ಬಹಳ ಚಿಂತನಶೀಲವಾಗಿ ಮಾಡಬೇಕು ಎಂದು ಪೋಷಕರ ತಜ್ಞರು ಸಲಹೆ ನೀಡುತ್ತಾರೆ. ಆದರೆ, ಅನೇಕ ಬಾರಿ ಪೋಷಕರು ಆಕಸ್ಮಿಕವಾಗಿ ಕೆಲವು ತಪ್ಪುಗಳನ್ನು ಮಾಡುತ್ತಾರೆ. ಇದು ಮಕ್ಕಳ ಸೂಕ್ಷ್ಮ ಮನಸ್ಸಿನ ಮೇಲೆ ಗಾಢ ಪರಿಣಾಮ ಬೀರುತ್ತದೆ. ಮನೆಯ ಅತಿಥಿಗಳ ಮುಂದೆ ಅನೇಕ ಪೋಷಕರು ತಮ್ಮ ಮಕ್ಕಳೊಂದಿಗೆ ಕೆಲವು ತಪ್ಪುಗಳನ್ನು ಮಾಡುತ್ತಾರೆ. ಹೊರಗಿನವರ ಮುಂದೆ ಮಕ್ಕಳೊಂದಿಗೆ ಹೇಗೆ ವರ್ತಿಸಬೇಕು ಎಂಬುದು ಎಲ್ಲರಿಗೂ ತಿಳಿದಿರಬೇಕು. ಇತರರ ಮುಂದೆ ಮಕ್ಕಳೊಂದಿಗೆ ಹೇಗೆ ವರ್ತಿಸಬಾರದು ಎಂದು ಪ್ರತಿಯೊಬ್ಬ ಪೋಷಕರು ತಿಳಿದಿರಬೇಕು.

ಇತರರ ಮುಂದೆ ಮಕ್ಕಳೊಂದಿಗೆ ಈ ರೀತಿ ವರ್ತಿಸಬೇಡಿ

ಶಿಕ್ಷಣದ ವಿಷಯದಲ್ಲಿ ಈ ರೀತಿ ಮಾಡದಿರಿ: ಮನೆಗೆ ಬಂದ ಅತಿಥಿಗಳ ಮುಂದೆ ಪಾಲಕರು ತಮ್ಮ ಮಗುವಿನ ಶಿಕ್ಷಣವನ್ನು ಕೀಳಾಗಿಸಬಾರದು. ಹಾಗೆ ಮಾಡಿದರೆ ಮಗುವಿನ ಸ್ಥೈರ್ಯ ಕುಗ್ಗುತ್ತದೆ. ನಿಮ್ಮ ಮಗುವು ಒಂದು ವಿಷಯದಲ್ಲಿ ಕಳಪೆ ಪ್ರದರ್ಶನ ನೀಡಿದ್ದು, ಇತರ ವಿಷಯಗಳಲ್ಲಿ ಉತ್ತಮವಾಗಿದ್ದರೆ, ಅತಿಥಿಗಳ ಮುಂದೆ ಅವರ ಪ್ರಯತ್ನಗಳನ್ನು ಪ್ರಶಂಸಿಸಿ.

ಇದನ್ನೂ ಓದಿ: ಶಾಲೆಗೆ ಹೋಗುವುದಿಲ್ಲ ಎಂದು ಹಟ ಮಾಡುವ ಮಗುವಿನ ವರ್ತನೆಗೆ ಇವೂ ಕಾರಣವಿರಬಹುದು, ಪೋಷಕರು ಮಾಡಬೇಕಿರುವುದಿಷ್ಟು– ಮನದ ಮಾತು

ಅನೇಕ ಪೋಷಕರು ತಮ್ಮ ಮಕ್ಕಳ ಶಿಕ್ಷಣದ ವಿಚಾರದ ಬಗ್ಗೆ ಹೆಚ್ಚಾಗಿ ಮಾತನಾಡುತ್ತಾರೆ. ಹಾಗೆ ಮಾಡುವುದರಿಂದ ಮಗುವಿನ ಸ್ವಾಭಿಮಾನಕ್ಕೆ ಧಕ್ಕೆಯಾಗುತ್ತದೆ ಎಂಬುದನ್ನು ಅಂತಹ ಪೋಷಕರು ಅರ್ಥಮಾಡಿಕೊಳ್ಳಬೇಕು. ಮಕ್ಕಳು ತೆಳ್ಳಗಿದ್ದಾರೆ ಅಥವಾ ದಪ್ಪಗಿದ್ದಾರೆ ಎಂದು ಇತರರ ಮುಂದೆ ಋಣಾತ್ಮಕವಾಗಿ ಹೇಳಬೇಡಿ. ಪಾಲಕರು ಇಂತಹ ಮಾತುಗಳನ್ನಾಡಿದರೆ ಮಕ್ಕಳು ತಮ್ಮ ನೋವನ್ನು ಯಾರ ಬಳಿ ಹೇಳಿಕೊಳ್ಳುತ್ತಾರೆ. ನಿಮ್ಮ ಮಕ್ಕಳಿಗೆ ಪೌಷ್ಠಿಕ ಆಹಾರವನ್ನು ನೀಡಿ, ಆರೋಗ್ಯಕರ ಮತ್ತು ಉತ್ತಮ ಶಿಕ್ಷಿತರಾಗುವಂತೆ ಮಾಡಿ.

ಮಕ್ಕಳಿಗೆ ಬೈಯದಿರಿ: ಮಗುವಿನ ಬೆಳವಣಿಗೆಗೆ, ಅವರು ತಪ್ಪು ಮಾಡಿದಾಗ ಕಾಲಕಾಲಕ್ಕೆ ತಿಳಿ ಹೇಳುವುದು ಅವಶ್ಯಕ. ಆದರೆ, ಅತಿಥಿಗಳು ಮನೆಗೆ ಬಂದಾಗ ಅವರನ್ನು ನಿಂದಿಸಬೇಡಿ. ಮಕ್ಕಳನ್ನು ಬೈಯುವುದು ಮತ್ತು ಅವರ ತಪ್ಪುಗಳನ್ನು ಎಲ್ಲರ ಮುಂದೆ ಹೇಳುವುದು ಒಳ್ಳೆಯ ಅಭ್ಯಾಸವಲ್ಲ. ಹೀಗೆ ಮಾಡುವುದರಿಂದ ಮಕ್ಕಳು ಆತ್ಮಸ್ಥೈರ್ಯವನ್ನು ಕಳೆದುಕೊಳ್ಳುತ್ತಾರೆ ಮತ್ತು ಅಭದ್ರತೆಯ ಭಾವನೆಯನ್ನು ಅನುಭವಿಸುತ್ತಾರೆ. ಮಕ್ಕಳು ತಪ್ಪು ಮಾಡಿದಾಗ ಪ್ರೀತಿಯಿಂದ ತಿಳಿ ಹೇಳಬೇಕು.

ಇತರ ಮಕ್ಕಳೊಂದಿಗೆ ಹೋಲಿಕೆ ಮಾಡಬೇಡಿ: ಮನೆಗೆ ಬಂದ ಅತಿಥಿಗಳ ಮುಂದೆ ಮಕ್ಕಳನ್ನು ಇತರ ಮಕ್ಕಳೊಂದಿಗೆ ಹೋಲಿಸಬೇಡಿ. ಇದು ಒಳ್ಳೆಯ ಅಭ್ಯಾಸವಲ್ಲ. ಇದು ಮಗುವಿನ ಮನಸ್ಸಿನಲ್ಲಿ ಕೀಳರಿಮೆಯನ್ನು ಉಂಟುಮಾಡುತ್ತದೆ. ಪ್ರತಿ ಮಗುವಿಗೆ ವಿಭಿನ್ನ ಲಕ್ಷಣಗಳಿರುತ್ತವೆ ಎಂಬುದನ್ನು ನೆನಪಿಡಿ.

ಕೋಪಗೊಳ್ಳಬೇಡ: ಕೋಪವು ಸಾಮಾನ್ಯವಾಗಿ ಎಲ್ಲರಿಗೂ ಬರುತ್ತದೆ. ನೀವು ಅಸಮಾಧಾನಗೊಂಡಾಗ ಇದು ಸಾಮಾನ್ಯವಾಗಿದೆ. ಆದರೆ, ನಿಮ್ಮ ಕೋಪವನ್ನು ಮಕ್ಕಳ ಮುಂದೆ ವ್ಯಕ್ತಪಡಿಸಿದಾಗ, ಕೋಪವು ಕೆಲವೊಮ್ಮೆ ಅತಿರೇಕಕ್ಕೆ ಹೋಗಬಹುದು. ಪ್ರತಿ ಬಾರಿ ಚಿಕ್ಕ ಚಿಕ್ಕ ವಿಷಯಗಳಿಗೆ ಮಗುವಿನ ಮೇಲೆ ಕೋಪಗೊಳ್ಳುವುದರಿಂದ ಮಗುವಿನ ಮನಸ್ಸಿನಲ್ಲಿ ಭಯವನ್ನು ಹುಟ್ಟುಹಾಕುತ್ತದೆ.

ಇದನ್ನೂ ಓದಿ: ಪಠ್ಯ ಜ್ಞಾನದ ಜತೆಗೆ ಮಕ್ಕಳಲ್ಲಿ ಕಲ್ಪನಾಶಕ್ತಿಯನ್ನೂ ಬೆಳೆಸಿ; ಪೋಷಕರು, ಶಿಕ್ಷಕರಿಗಿದು ಕಿವಿಮಾತು – ಮನದ ಮಾತು ಅಂಕಣ

ಇದನ್ನೂ ಓದಿ: ಮಕ್ಕಳಲ್ಲಿ ಹೃದಯದ ಸಮಸ್ಯೆ ಹೆಚ್ಚಲು ಪ್ರಮುಖ ಕಾರಣವಿದು; ಈ ವಿಚಾರದಲ್ಲಿ ಪೋಷಕರು ಎಂದಿಗೂ ಎಚ್ಚರ ತಪ್ಪಬಾರದು