Entertainment News in Kannada Live September 29, 2024: ಬಿಗ್‌ ಬಾಸ್ ಕನ್ನಡ ಸೀಸನ್ 11: ನಾನು ಉತ್ತರ ಕರ್ನಾಟಕದ ಮಣ್ಣಿನ ಮಗ; ಕೆಜಿಗಟ್ಟಲೆ ಚಿನ್ನ ಧರಿಸಿ ನರಕಕ್ಕೆ ಕಾಲಿಟ್ಟ ಗೋಲ್ಡ್‌ ಸುರೇಶ್

ಮದುವೆ ನಂತರ ಕೆಲವು ವರ್ಷಗಳ ಕಾಲ ಚಿತ್ರರಂಗದಿಂದ ದೂರ ಉಳಿದಿದ್ದ ಮಲಯಾಳಂ ನಟಿ ಮೀರಾ ಜಾಸ್ಮಿನ್‌ ಈಗ ಮತ್ತೆ ಸೆಕೆಂಡ್‌ ಇನ್ನಿಂಗ್ಸ್‌ ಆರಂಭಿಸಿದ್ದಾರೆ. ತೆಲುಗು, ತಮಿಳು, ಮಲಯಾಳಂ ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ. ಮೀರಾ ನಟಿಸಿರುವ ಕಾಮಿಡಿ ಸಿನಿಮಾ ಪಾಲುಂ ಪಳವುಂ ಶೀಘ್ರದಲ್ಲೇ ಒಟಿಟಿಯಲ್ಲಿ ಸ್ಟ್ರೀಮ್‌ ಆಗಲಿದೆ.  ಈ ಸಿನಮಾ ಆಗಸ್ಟ್‌ನಲ್ಲಿ ತೆರೆ ಕಂಡಿತ್ತು.

ದೇವರ ಸಿನಿಮಾ ಮೊದಲ ದಿನ ವಿಶ್ವಾದ್ಯಂತ 140 ಕೋಟಿ ರೂ. ಗಳಿಸಿತ್ತು. ಎರಡನೇ ದಿನ ಕಲೆಕ್ಷನ್‌ ಸ್ವಲ್ಪ ಇಳಿಕೆ ಆಗಿದೆ. 2ನೇ ದಿನ ಬಾಕ್ಸ್‌ ಆಫೀಸಿನಲ್ಲಿ 100 ಕೋಟಿ ರೂ ಕಲೆಕ್ಷನ್‌ ಮಾಡಿದೆ. 300 ಕೋಟಿ ರೂ. ಬಂಡವಾಳದಲ್ಲಿ ತಯಾರಾದ ಸಿನಿಮಾ ಹಾಕಿದ ಬಂಡವಾಳ ತೆಗೆಯಲು ಇನ್ನು 2 ದಿನಗಳು ಕಾಯಬೇಕಿದೆ. 

ಬಿಗ್‌ ಬಾಸ್‌ ಕನ್ನಡ 11 ರ ನಾಲ್ಕನೇ ಸ್ಪರ್ಧಿಯಾಗಿ ಗೋಲ್ಡ್‌ ಸುರೇಶ್‌ ಅವರನ್ನು ಅನೌನ್ಸ್‌ ಮಾಡಲಾಗಿದೆ. ಬೆಳಗಾವಿ ಮೂಲದ ಈತ ಚಿನ್ನದ ವ್ಯಾಪಾರಿಯಾಗಿ ಗುರುತಿಸಿಕೊಂಡಿದ್ದಾರೆ. ಕೆಜಿಗಟ್ಟಲೆ ಬಂಗಾರವನ್ನು ಮೈ ತುಂಬಾ ಧರಿಸುವ ಇವರು ಸಾಕು ನಾಯಿಗೂ ಚಿನ್ನದ ಸರ ಹಾಕಿದ್ದಾರೆ. ಈ ವಿಡಿಯೋವನ್ನು ಸುರೇಶ್‌ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. 

ಸತ್ಯ ಧಾರಾವಾಹಿ ಮೂಲಕ ಫ್ಯಾನ್‌ ಫಾಲೋಯಿಂಗ್‌ ಗಳಿಸಿರುವ ನಟಿ ಗೌತಮಿ ಜಾಧವ್‌, ಬಿಗ್‌ ಬಾಸ್‌ ಸೀಸನ್‌ 11ರ ಮೊದಲ ಕಂಟೆಸ್ಟಂಟ್‌ ಆಗಿ ಆಯ್ಕೆ ಆಗಿದ್ದಾರೆ. ಈ ಚೆಲುವೆ ಖ್ಯಾತ ಪತ್ರಕರ್ತ ಗಣೇಸ ಕಾಸರಗೋಡು ಅವರ ಸೊಸೆ. ಮರಾಠಿ , ಗೌತಮಿ ಮಾತೃಭಾಷೆ. ಇಷ್ಟದ ಸ್ಥಳ ಮಂಗಳೂರು. ಸ್ವಲ್ಪ ಸಮಯ ದೊರೆತರೂ ಸಾಕು ಮಂಗಳೂರಿಗೆ ತೆರಳಿ ಅಲ್ಲಿನ ಪರಿಸರವನ್ನು ಎಂಜಾಯ್‌ ಮಾಡ್ತಾರಂತೆ.

ಶನಿವಾರ ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾದ ರಾಜಾ ರಾಣಿ ರೀ ಲೋಡೆಡ್‌ ಕಾರ್ಯಕ್ರಮದಲ್ಲಿ ಸಂಜಯ್‌ ಹಾಗೂ ಮೇಘಾ ದಂಪತಿ ಈ ಬಾರಿಯ ವಿನ್ನರ್‌ ಆಗಿದ್ದಾರೆ. ಗೆದ್ದ ಜೋಡಿಗೆ 5 ಲಕ್ಷ ರೂ. ನಗದು ಹಣ ದೊರೆತಿದೆ. ಅರ್ಜುನ್ ಯೋಗಿ ಹಾಗೂ ಸಾರಿಕಾ ರನ್ನರ್ ಅಪ್ ಸ್ಥಾನ ಪಡೆದಿದ್ದಾರೆ.