Kannada Serial TRP: ಟಿಆರ್‌ಪಿಯಲ್ಲಿ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಗೆ ಅಗ್ರಸ್ಥಾನ; ಈ ವಾರದ ಕನ್ನಡದ ಟಾಪ್‌ 10 ಧಾರಾವಾಹಿಗಳು ಇಲ್ಲಿವೆ

Kannada Serial TRP: ಈ ವಾರದ ಟಿಆರ್‌ಪಿಯಲ್ಲಿ ಸಾಕಷ್ಟು ಬದಲಾವಣೆಗಳ ಜತೆಗೆ ಒಂದಷ್ಟು ಏರಿಳಿತಗಳೂ ಘಟಿಸಿವೆ. ವಾರಾಂತ್ಯದಲ್ಲಿ ಹೊಸ ಹೊಸ ಶೋಗಳು ಆಗಮಿಸಿದರೆ, ಮತ್ತೊಂದು ಕಡೆ ಜೀ ಕನ್ನಡದ ವರ್ಷದ ಹಬ್ಬ ಜೀ ಕುಟುಂಬವೂ ವೀಕ್ಷಕರನ್ನು ಸೆಳೆದಿದೆ. ಇದೆಲ್ಲದರ ನಡುವೆ ಇಡೀ ವಾರ ಜನರನ್ನು ಮನರಂಜಿಸುವ ಕಿರುತೆರೆಯ ಸೀರಿಯಲ್‌ಗಳಲ್ಲಿಯೂ ಮೆಗಾ ಟ್ವಿಸ್ಟ್‌ಗಳು ನೋಡುಗರ ಕುತೂಹಲ ಕೆರಳಿಸಿವೆ. ಇದೆಲ್ಲದರ ನಡುವೆಯೇ 43ನೇ ವಾರದ ಟಿಆರ್‌ಪಿಯೂ ಹೊರಬಿದ್ದಿದೆ. ಈ ಟಿಆರ್‌ಪಿಯಲ್ಲಿ ಯಾವ ಸೀರಿಯಲ್‌ ಟಾಪ್‌, ಯಾವುದು ಕೊನೇ, ರಿಯಾಲಿಟಿ ಶೋಗಳ ಕಥೆ ಏನು? ಇಲ್ಲಿದೆ ವಿವರ.

ಪುಟ್ಟಕ್ಕನ ಮಕ್ಕಳು

ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಎಂದಿನಂತೆ ಮತ್ತೆ ಅಗ್ರಸ್ಥಾನದಲ್ಲಿ ತನ್ನ ಓಟವನ್ನು ಮುಂದುವರಿಸಿದೆ. ಈ ವಾರ 9.3 ಟಿಆರ್‌ಪಿ ಪಡೆಯುವ ಮೂಲಕ ಮತ್ತೆ ಮೊದಲ ಸ್ಥಾನದಲ್ಲಿ ಬಂದು ಕೂತಿದೆ. ಸ್ನೇಹಾ ಸಾವಿನ ಬಳಿಕ ಸಾಕಷ್ಟು ಅಚ್ಚರಿಯ ಘಟನಾವಳಿಗಳಿಗೆ ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ ಸಾಕ್ಷಿಯಾಗಿದೆ.

ಇದನ್ನೂ ಓದಿ: ಸಂಗೀತಾ ಶೃಂಗೇರಿ ದೀದಿ ಜೊತೆ ಮೈಸೂರು ಸುತ್ತಾಡಿದ ಡ್ರೋನ್‌ ಪ್ರತಾಪ್‌; ಇಗ್ವಾನ ಅನಕೊಂಡ ಹಿಡಿದು ಖುಷಿ ಪಟ್ಟ ಬಿಗ್‌ಬಾಸ್‌ ಮಾಜಿ ಸ್ಪರ್ಧಿಗಳು

ಅಮೃತಧಾರೆ

ಅದೇ ರೀತಿ ಜೀ ಕನ್ನಡ ಗೌತಮ್‌ ಮತ್ತು ಭೂಮಿಕಾ ಜೋಡಿಯ ಅಮೃತಧಾರೆ ಸೀರಿಯಲ್ ಸಹ ಕೌತುಕದ ಗುಚ್ಛವಾಗಿ ವೀಕ್ಷಕರನ್ನು ಸೆಳೆಯುತ್ತಿದೆ. ಈ ಸೀರಿಯಲ್‌ ಈ ವಾರ 8.1 ಟಿಆರ್‌ಪಿ ಪಡೆದುಕೊಳ್ಳುವ ಮೂಲಕ ಟಾಪ್‌ 10ರಲ್ಲಿ ಎರಡನೇ ಸ್ಥಾನದಲ್ಲಿದೆ.

ಲಕ್ಷ್ಮೀ ನಿವಾಸ 7.7

ಸದಾ ಎರಡನೇ ಸ್ಥಾನದಲ್ಲಿಯೇ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದ ಲಕ್ಷ್ಮೀ ನಿವಾಸ ಸೀರಿಯಲ್‌ ಈ ವಾರ ಮೂರನೇ ಸ್ಥಾನಕ್ಕೆ ಬಂದು ಕೂತಿದೆ. ಈ ಸೀರಿಯಲ್‌ 7.7 ಟಿಆರ್‌ಪಿ ಪಡೆದುಕೊಂಡಿದೆ.

ಇದನ್ನೂ ಓದಿ: ‘ಅವನು ನವರಸ ನಾಯಕನಾದ, ಎಂಎಲ್‌ಎ ಆದ, ಸಂಸದನೂ ಆದ, ಆದರೆ ಕೊನೆಗೂ ಮನುಷ್ಯನಾಗಲಿಲ್ಲ’ ಜಗ್ಗೇಶ್‌ ಬಗ್ಗೆ ನೆಟ್ಟಿಗರ ಟೀಕೆ

ಅಣ್ಣಯ್ಯ

ಜೀ ಕನ್ನಡದ ಅಣ್ಣಯ್ಯ ಧಾರಾವಾಹಿ ಟಾಪ್‌ ಐದರಲ್ಲಿ ಮುಂದುವರಿದಿದೆ. ಅದರಂತೆ, ಈ ವಾರ ಈ ಸೀರಿಯಲ್‌ 7.1 ಟಿಆರ್‌ಪಿ ಪಡೆದುಕೊಂಡು, ನಾಲ್ಕನೇ ಸ್ಥಾನದಲ್ಲಿದೆ.

ಭಾಗ್ಯಲಕ್ಷೀ, ಲಕ್ಷ್ಮೀ ಬಾರಮ್ಮ

ಕಲರ್ಸ್‌ ಕನ್ನಡದ ಮೆಚ್ಚಿನ ಸೀರಿಯಲ್‌ಗಳಾದ ಭಾಗ್ಯಲಕ್ಷ್ಮೀ ಮತ್ತು ಲಕ್ಷ್ಮೀ ಬಾರಮ್ಮ. ಈ ಸೀರಿಯಲ್‌ಗಳು ಈ ವಾರ ಒಳ್ಳೆಯ ಟಿಆರ್‌ಪಿಯನ್ನೇ ಪಡೆದುಕೊಂಡಿದೆ. ಅಚ್ಚರಿಯ ರೀತಿಯಲ್ಲಿ ಈ ಎರಡೂ ಸೀರಿಯಲ್‌ಗಳು ಸರಿಸಮ ಟಿಆರ್‌ಪಿ ಪಡೆದುಕೊಂಡಿವೆ. ಐದನೇ ಸ್ಥಾನದಲ್ಲಿ ಮುಂದುವರಿದಿವೆ.

ಇದನ್ನೂ ಓದಿ: ಸತ್ಯದ ಹಿಂದೆ ಓಡಿದ ಲಕ್ಷ್ಮೀ; ಕಾವೇರಿ ಅಂದುಕೊಂಡಂತೆ ಈಗ ಯಾವುದೂ ಆಗಲ್ಲ

ಶ್ರಾವಣಿ ಸುಬ್ರಮಣ್ಯ

ಜೀ ಕನ್ನಡದ ಶ್ರಾವಣಿ ಸುಬ್ರಮಣ್ಯ ಸೀರಿಯಲ್‌ ನೋಡುಗರಿಂದ ಮೆಚ್ಚುಗೆ ಪಡೆದಿದೆ. ಸುಬ್ಬು ಮತ್ತು ಶ್ರಾವಣಿ ಜೋಡಿಗೆ ಮನೆ ಮಂದಿಯೂ ಫಿದಾ ಆಗಿದ್ದಾರೆ. ಅದರಂತೆ ಈ ವಾರ ಈ ಸೀರಿಯಲ್‌ ಈ ವಾರ 6.2 ಟಿಆರ್‌ಪಿ ಪಡೆದುಕೊಂಡು ಆರನೇ ಸ್ಥಾನದಲ್ಲಿದೆ.

ರಾಮಾಚಾರಿ

ಕಲರ್ಸ್‌ ಕನ್ನಡದ ರಾಮಾಚಾರಿ ಸೀರಿಯಲ್‌ ಈ ವಾರ ಸಹ ಒಳ್ಳೆಯ ನಂಬರ್‌ ಪಡೆದುಕೊಂಡಿದೆ. ಆದರೆ, ಈ ಮೊದಲು ಈ ಧಾರಾವಾಹಿ ಟಾಪ್‌ ಐದರಲ್ಲಿ ಕಾಣಿಸಿಕೊಂಡಿತ್ತು. ಈ ವಾರ ಏಳನೇ ಸ್ಥಾನದಲ್ಲಿದೆ. 6.1 ಟಿಆರ್‌ಪಿ ಪಡೆದುಕೊಂಡಿದೆ ಈ ಸೀರಿಯಲ್.

ನಿನಗಾಗಿ

ರಿತ್ವಿಕ್‌ ಮಠದ್‌ ಮತ್ತು ದಿವ್ಯಾ ಉರುಡುಗ ಮುಖ್ಯಭೂಮಿಕೆಯ ನಿನಗಾಗಿ ಸೀರಿಯಲ್‌ ಈ ವಾರ ಒಳ್ಳೆಯ ನಂಬರ್‌ ಪಡೆದುಕೊಂಡಿದೆ. ಈ ವಾರ 5.9 ಟಿಆರ್‌ಪಿ ಪಡೆದುಕೊಳ್ಳುವ ಮೂಲಕ ಎಂಟನೇ ಸ್ಥಾನದಲ್ಲಿದೆ.

ಶ್ರೀಗೌರಿ

ಕಲರ್ಸ್‌ ಕನ್ನಡದ ಮತ್ತೊಂದು ಸೀರಿಯಲ್‌ ಶ್ರೀಗೌರಿ ಸಹ ಟಾಪ್‌ 10ರಲ್ಲಿ ಫಿಕ್ಸ್‌ ಸ್ಥಾನ ಪಡೆದುಕೊಂಡಿದೆ. ಅದರಂತೆ ಈ ವಾರ ಈ ಸೀರಿಯಲ್‌ 4.9 ಟಿಆರ್‌ಪಿ ಪಡೆದುಕೊಂಡು, ಒಂಭತ್ತನೇ ಸ್ಥಾನದಲ್ಲಿದೆ.

ಸೀತಾ ರಾಮ

ಅದೇ ರೀತಿ ಸೀತಾ ರಾಮ ಧಾರಾವಾಹಿ ಬಿಗ್‌ ಬಾಸ್‌ ಹೊಡೆತದಿಂದ ಇನ್ನೂ ಚೇತರಿಸಿಕೊಂಡಿಲ್ಲ. ಇದೀಗ ಅದೇ ಪರಿಣಾಮ ಟಿಆರ್‌ಪಿ ಮೇಲೂ ಬಿದ್ದಿದೆ. ಈ ವಾರ ಸೀತಾ ರಾಮ ಸೀರಿಯಲ್‌ ಟಾಪ್‌ 10ರಲ್ಲಿ 10ನೇ ಸ್ಥಾನದಲ್ಲಿದೆ. ಕಳೆದ ವಾರವೂ ಕೊನೆಯಲ್ಲಿಯೇ ಇತ್ತು ಈ ಧಾರಾವಾಹಿ.