ನಟಿ ವಿದ್ಯಾಬಾಲನ್ ಫಿಟ್‌ನೆಸ್ ಸೀಕ್ರೆಟ್ ಇಲ್ಲಿದೆ; ಕೆಲವೇ ದಿನಗಳಲ್ಲಿ 20 ಕೆಜಿ ತೂಕ ಇಳಿಬೇಕು ಅಂದ್ರೆ ಈ ಡಯೆಟ್ ಫಾಲೋ ಮಾಡಿ
ಬಾಲಿವುಡ್‌ ನಟಿ ವಿದ್ಯಾ ಬಾಲನ್ ತೂಕ ಇಳಿಸಿಕೊಳ್ಳಲು ಆ್ಯಂಟಿ ಇನ್ಫ್ಲಾಮೆಟರಿ ಡಯೆಟ್ ಕ್ರಮವನ್ನು ಅನುಸರಿಸಿದ್ದರು. ಇದರ ಬಗ್ಗೆ ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಡಯಟಿಷಿಯನ್‌ ಪ್ರಕಾರ ಕೆಲವೇ ದಿನಗಳಲ್ಲಿ 20 ಕೆಜಿಯಷ್ಟು ತೂಕ ಇಳಿಬೇಕು ಅಂದರೆ ಈ ಡಯೆಟ್ ಕ್ರಮ ಪಾಲಿಸಬೇಕು. ಇದರಿಂದ ವ್ಯಾಯಾಮ ಮಾಡದೇ, ದೇಹ ದಂಡಿಸಿದೇ ತೂಕ ಇಳಿಸಿಕೊಳ್ಳಬಹುದು.
ನಟಿ ವಿದ್ಯಾಬಾಲನ್ ಕೆಲವು ಸಿನಿಮಾಗಳಿಗಾಗಿ ಸಾಕಷ್ಟು ತೂಕ ಹೆಚ್ಚಿಸಿಕೊಂಡಿದ್ದರು. ಆದರೆ ಈಗ ಅವರು ಮತ್ತೆ ಬಳಕುವ ಬಳ್ಳಿಯಂತಾಗಿದ್ದಾರೆ. ಇವರು ಹೇಗಪ್ಪಾ ಇಷ್ಟ ಬೇಗ, ಇಷ್ಟೊಂದು ತೂಕ ಇಳಿಸಿಕೊಂಡು ಸ್ಲಿಮ್ ಆಗಿದ್ದಾರೆ ಎಂದು ಅಚ್ಚರಿ ಪಡುವಷ್ಟು ಅವರು ಬದಲಾಗಿದ್ದಾರೆ. ಇದೀಗ ವಿದ್ಯಾ ಬಾಲನ್ ವೈಟ್‌ಲಾಸ್ ಜರ್ನಿಯ ಗುಟ್ಟು ರಟ್ಟಾಗಿದೆ. ಅವರ ಫಿಟ್‌ನೆಸ್ ಸೀಕ್ರೆಟ್ ಏನು ಎಂಬುದನ್ನು ನೀವೂ ತಿಳಿದುಕೊಳ್ಳಿ.
ಅಕ್ಟೋಬರ್‌ನಲ್ಲಿ ಗಲಾಟ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ನಮ್ಮ ತೂಕ ನಷ್ಟದ ಬಗ್ಗೆ ಮಾತನಾಡಿದ್ದರು ವಿದ್ಯಾ ಬಾಲನ್. ಯಾವುದೇ ವ್ಯಾಯಾಮವನ್ನು ಮಾಡದೇ ಕೇವಲ ಉರಿಯೂತದ ಆಹಾರಗಳನ್ನು ಸೇವಿಸುವ ಮೂಲಕ ಇವರು ತೂಕ ಕಡಿಮೆ ಮಾಡಿಕೊಂಡಿದ್ದಾರೆ. ತೂಕ ಇಳಿಕೆಗೆ ವಿದ್ಯಾ ಬಾಲನ್ ಅನುಸರಿಸಿದ ಡಯೆಟ್ ಕ್ರಮವನ್ನು ಈಗ ಹಲವರು ಶಿಫಾರಸು ಮಾಡುತ್ತಿದ್ದಾರೆ.
ಪೌಷ್ಟಿಕತಜ್ಞೆ ಶಿಖಾ ಸಿಂಗ್ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ವಿದ್ಯಾ ಬಾಲನ್ ಸೇರಿದಂತೆ ಕೆಲವು ಸೆಲೆಬ್ರೆಟಿಗಳು ಉರಿಯೂತದ ಆಹಾರ ಸೇವಿಸುವ ಮೂಲಕ ಹೇಗೆ ತೂಕ ಇಳಿಸಿಕೊಂಡರು ಹಾಗೂ ಇದರಿಂದ 20 ಕೆಜಿಯಷ್ಟು ತೂಕ ಇಳಿಸಿಕೊಳ್ಳುವುದು ಹೇಗೆ ಎಂಬುದರ ಬಗ್ಗೆ ಬರೆದುಕೊಂಡಿದ್ದಾರೆ. ಇದನ್ನು ನೀವು ಅನುಸರಿಸುವ ಮೂಲಕ ತೂಕ ಕಡಿಮೆ ಮಾಡಿಕೊಳ್ಳಲು ಸಾಧ್ಯವಿದೆ.
ತೂಕ ನಷ್ಟಕ್ಕೆ ಉರಿಯೂತದ ಆಹಾರಗಳು
‘ಹಲವು ಸೆಲೆಬ್ರೆಟಿಗಳು ತೂಕ ಇಳಿಸಿಕೊಳ್ಳಲು ಉರಿಯೂತದ ಆಹಾರಕ್ರಮವನ್ನು ಅನುಸರಿಸುತ್ತಿದ್ದಾರೆ. ಆದರೆ ಉರಿಯೂತವು ನಮ್ಮ ತೂಕದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಮತ್ತು ಉರಿಯೂತದ ಆಹಾರವು ಕಿಲೋಗಳನ್ನು ಕಳೆದುಕೊಳ್ಳಲು ಹೇಗೆ ಸಹಾಯ ಮಾಡುತ್ತದೆ ಎಂದು ನಿಮಗೆ ತಿಳಿದಿದೆಯೇ?‘ ಎಂದು ಶಿಖಾ ತಮ್ಮ ವಿಡಿಯೊದಲ್ಲಿ ಹೇಳಿದ್ದಾರೆ.
ಶಿಖಾ ಅವರ ಪ್ರಕಾರ ‘ನಮ್ಮ ಆಹಾರದಲ್ಲಿ ಸಾಕಷ್ಟು ಸಂಸ್ಕರಿಸಿದ ಆಹಾರ, ಸಕ್ಕರೆ ಮತ್ತು ಆಲ್ಕೋಹಾಲ್ ಇದ್ದರೆ ಅಥವಾ ಧೂಮಪಾನ ಮಾಡುತ್ತಿದ್ದರೆ, ಒತ್ತಡದಲ್ಲಿದ್ದರೆ ಅಥವಾ ಸಾಕಷ್ಟು ನಿದ್ರೆ ಮಾಡದೇ ಇದ್ದರೆ ಮತ್ತು ಹಾರ್ಮೋನ್ ಅಸಮತೋಲನವನ್ನು ಹೊಂದಿದ್ದರೆ, ನಿಮ್ಮ ದೇಹವು ಉರಿಯೂತವನ್ನು ಹೊಂದಿರಬಹುದು. ದೇಹವು ಸೈಟೊಕಿನ್ಸ್ ಎಂಬ ಉರಿಯೂತದ ರಾಸಾಯನಿಕವನ್ನು ಬಿಡುಗಡೆ ಮಾಡಬಹುದು, ಇದು ಇನ್ಸುಲಿನ್ ಮತ್ತು ಲೆಪ್ಟಿನ್ ಕಾರ್ಯನಿರ್ವಹಣೆಯನ್ನು ಅಡ್ಡಿಪಡಿಸುತ್ತದೆ. ಇದು ಸಕ್ಕರೆ ಮತ್ತು ಹಸಿವಿನ ನಿರ್ವಹಣೆಗೆ ಸಂಬಂಧಿಸಿದೆ. ಇಂತಹ ಅಡೆತಡೆಗಳು ದೇಹದಲ್ಲಿ ಹೆಚ್ಚು ಕೊಬ್ಬಿನ ಶೇಖರಣೆಗೆ ಕಾರಣವಾಗಬಹುದು ಮತ್ತು ತೀವ್ರ ತೂಕ ಹೆಚ್ಚಾಗಬಹುದು ಎಂದು ಅವರು ಹೇಳಿದ್ದಾರೆ.
ಕೊಬ್ಬು ಕರಗಿಸಲು ಇಲ್ಲಿದೆ ಆಹಾರಕ್ರಮಗಳ ಪಟ್ಟಿ
- ಬೆಳಗಿನ ಪಾನೀಯ: ಬೆಳಿಗ್ಗೆ 7-7.30: ಅರಿಶಿನ ಚಹಾ + 2 ನೆನೆಸಿದ ವಾಲ್‌ನಟ್‌
- ಉಪಹಾರ: ಬೆಳಿಗ್ಗೆ 8-8.30: ಬಹುಧಾನ್ಯಗಳ ರಾಗಿ ರೊಟ್ಟಿ + ಹಸಿರು ತರಕಾರಿ + ಗ್ರೀನ್ ಟೀ
- ನಡುವೆ ಆಹಾರ: ಬೆಳಿಗ್ಗೆ 10-10.30: 1 ಕಿತ್ತಳೆ ಅಥವಾ 1 ಸೇಬು
- ಮಧ್ಯಾಹ್ನದ ಊಟ: 1 pm-2 pm: ಬಹಳಷ್ಟು ತರಕಾರಿಗಳೊಂದಿಗೆ ಮೂಂಗ್ ದಾಲ್ ಸಲಾಡ್
- ಸಂಜೆಯ ತಿಂಡಿ: 4 pm-5 pm: ಬ್ಲ್ಯಾಕ್‌ ಕಾಫಿ + ಹುರಿದ ಚನ್ನಾ
- ರಾತ್ರಿ ಊಟ: ಸಂಜೆ 6 ರಿಂದ ಸಂಜೆ 7 ರವರೆಗೆ: ಟೊಮೆಟೊ ಸೂಪ್ + 50 ಗ್ರಾಂ ಕಡಿಮೆ ಕೊಬ್ಬಿನ ಪನೀರ್ ಅಥವಾ ತೋಫು
- ರಾತ್ರಿ ಪಾನೀಯ: ರಾತ್ರಿ 9-9.30: ಅಜ್ವಾನದ ಚಹಾ
ತಪ್ಪಿಸಬೇಕಾದ 7 ಆಹಾರಗಳು
ಉರಿಯೂತದ ಬಗ್ಗೆ ಇತ್ತೀಚಿನ ವರ್ಷಗಳಲ್ಲಿ ಬಹಳಷ್ಟು ಹೇಳಲಾಗಿದೆ. ಹಿಖದೂಸ್ತಾನ್‌ ಟೈಮ್ಸ್ ಲೈಫ್‌ಸ್ಟೈಲ್‌ನೊಂದಿಗಿನ 2022ರ ಸಂದರ್ಶನದಲ್ಲಿ, ಪೌಷ್ಟಿಕತಜ್ಞ ಮತ್ತು ನರಿಶ್ ವಿತ್ ಸಿಮ್ ಸಂಸ್ಥಾಪಕ ಸಿಮ್ರುನ್ ಚೋಪ್ರಾ ಅವರು ಉರಿಯೂತದಲ್ಲಿ ಪ್ರಮುಖ ಪಾತ್ರ ವಹಿಸುವ ಆಹಾರಗಳು ಮತ್ತು ಉರಿಯೂತದ ಆಹಾರಕ್ಕಾಗಿ ಶಿಫಾರಸು ಮಾಡಿದ ಬದಲಿಗಳು ಅಥವಾ ಉತ್ತಮ ಆಹಾರ ಪದ್ಧತಿಗಳ ಬಗ್ಗೆ ಮಾತನಾಡಿದರು. ಸಿಮ್ರುನ್ ಪ್ರಕಾರ ಏನು ತಪ್ಪಿಸಬೇಕು ಎಂಬುದು ಇಲ್ಲಿದೆ:
- ತಂಪು ಪಾನೀಯಗಳು, ಹಣ್ಣಿನ ರಸಗಳಂತಹ ಸಕ್ಕರೆ ಅಂಶ ಹೆಚ್ಚಿರುವ ಪಾನೀಯಗಳು.
- ಹತ್ತಿಬೀಜ, ದ್ರಾಕ್ಷಿ ಬೀಜ, ಕುಸುಬೆ, ಜೋಳ ಮತ್ತು ಸೂರ್ಯಕಾಂತಿ ಎಣ್ಣೆಗಳಂತಹ ಬಹುಅಪರ್ಯಾಪ್ತ ತೈಲಗಳು.
- ಫಾಸ್ಟ್‌ಫುಡ್‌, ಡೀಪ್-ಫ್ರೈಡ್ ಆಹಾರಗಳು, ಬೇಕ್ಡ್‌ ಫುಡ್‌, ಭಾಗಶಃ ಹೈಡ್ರೋಜನೀಕರಿಸಿದ ಎಣ್ಣೆ.
- ಮೊಸರು, ಬೆಣ್ಣೆ, ಚೀಸ್‌ನಂತಹ ಪೂರ್ಣ-ಕೊಬ್ಬಿನಾಂಶ ಇರುವ ಡೈರಿ ಉತ್ಪನ್ನಗಳು.
- ಹ್ಯಾಮ್, ಸಾಸೇಜ್ ಮತ್ತು ಸಲಾಮಿಯಂತಹ ಸಂಸ್ಕರಿಸಿದ ಮಾಂಸಗಳು.
- ಬಿಯರ್, ಸೈಡರ್‌ಗಳು, ಮದ್ಯ ಮತ್ತು ವೈನ್‌ಗಳು.
- ಬಿಳಿ ಅಕ್ಕಿ, ಬಿಳಿ ಹಿಟ್ಟು ಮುಂತಾದ ಸಂಸ್ಕರಿಸಿದ ಧಾನ್ಯಗಳು.
ಇದನ್ನೂ ಓದಿ: ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಬಿಸಿನೀರು ಕುಡಿಯುವುದರಿಂದ ಬೇಗ ತೂಕ ಇಳಿಯುತ್ತಾ? ನಿಮ್ಮ ಪ್ರಶ್ನೆಗೆ ಇಲ್ಲಿದೆ ಉತ್ತರ
ವಿಭಾಗ